ಬಸವಕಲ್ಯಾಣ: ಮದಾರಸಾಹೇಬ್ ಉರುಸ್‌ಗೆ ಹಿಂದೂಗಳ ಸಾರಥ್ಯ

ಬಸವಕಲ್ಯಾಣ (ಬೀದರ್): ತಾಲ್ಲೂಕಿನ ಕೊಹಿನೂರ ಪಹಾಡ್ ಗ್ರಾಮದ ಜಿಂದಾಶಾ ಮದಾರಸಾಹೇಬ್ ದರ್ಗಾದ 608ನೇ ಉರುಸ್ ನವೆಂಬರ್ 20 ರಿಂದ ನಡೆಯಲಿದ್ದು, ಸಮಾಧಿಗೆ ಹಿಂದೂಗಳ ಮನೆಯಿಂದಲೇ ಗಂಧ, ಎಣ್ಣೆದೀಪ ತಂದು ಅರ್ಪಿಸುವ ಸಂಪ್ರದಾಯವಿದೆ. ಇಲ್ಲಿನ ಬಹುತೇಕ ಚಟುವಟಿಕೆಗಳಿಗೆ ಮುಸ್ಮಿಮೇತರರೇ ಸಾರಥ್ಯ ವಹಿಸುವುದು ವಿಶೇಷ.

. ಕೊಹಿನೂರನಿಂದ 2 ಕಿ.ಮೀ ಅಂತರದಲ್ಲಿ ದರ್ಗಾ ಇದೆ. ಇದು ಸುತ್ತಲಿನ ಹತ್ತು ಊರುಗಳು ಕಾಣುವಷ್ಟು ಎತ್ತರದ ಗುಡ್ಡದ ಮೇಲಿರುವ ಕಾರಣ ಈ ಸ್ಥಳಕ್ಕೆ ಮುಸ್ಲಿಂ ಸಮುದಾಯದವರು ಪಹಾಡ್ ಎಂದು ಕರೆಯುತ್ತಾರೆ. ಇತರರಿಗೂ ಅದೇ ರೂಢಿಯಾಗಿ ಈಗ ಈ ಜಾಗ `ಕೊಹಿನೂರ ಪಹಾಡ' ಎಂದೇ ಹೆಸರಾಗಿದೆ. ದರ್ಗಾ ವ್ಯವಸ್ಥೆಗಾಗಿ ಕೊಹಿನೂರನಿಂದ ಒಂದು ಮುಸ್ಲಿಂ ಕುಟುಂಬ ಇಲ್ಲಿ ಬಂದು ನೆಲೆಸಿತ್ತು. ನೂರಾರು ವರ್ಷಗಳ ನಂತರ ಈಗ ಈ ಸ್ಥಳ ಗ್ರಾಮವಾಗಿ ಬೆಳೆದಿದೆ.

. ಜಾತ್ರೆಯನ್ನು ಕೊಹಿನೂರ ಗ್ರಾಮದವರೇ ಆಯೋಜಿಸುತ್ತಾರೆ. ಗ್ರಾಮದ ಶಿವಶರಣಪ್ಪ ಅಕ್ಕಾ ಮತ್ತು ಯುಸೂಫ್ ಸಾಬ್ ಬೇಸವಾಲೆ ಮನೆಯಿಂದ ಮೆರವಣಿಗೆಯೊಂದಿಗೆ ಗಂಧ ತರಲಾಗುತ್ತದೆ. ಬಸವರಾಜ ಮಹಾಜನ ಅವರ ಮನೆಯಿಂದ ದೀಪ ತರಲಾಗುತ್ತದೆ. ಕೊನೆಯ ದಿನದಂದು ಕೊಹಿನೂರನ ಗ್ರಾಮಸ್ಥರ ಪರವಾಗಿ ಊರ ದೀಪ ತಂದು ಅರ್ಪಿಸಲಾಗುತ್ತದೆ.

. ’ಮದಾರಸಾಹೇಬ್ ಸೂಫಿ ಸಂತರು ಆಯುರ್ವೇದ ವೈದ್ಯರಾಗಿದ್ದರು. ಜೊತೆಗೆ ಜಾತಿ ಬೇಧವಿಲ್ಲದೆ ಎಲ್ಲರೊಡನೆ ಒಡನಾಟ ಇಟ್ಟುಕೊಂಡಿದ್ದರು. ಹೀಗಾಗಿ ಇವರ ಕೀರ್ತಿ ಎಲ್ಲೆಡೆ ಹರಡಿತು. ಈ ಗ್ರಾಮದ ಅನುಭಾವಿ ಕವಿಗಳ ಪದ್ಯಗಳನ್ನು ಪ್ರೊ.ಸರಸ್ವತಿ ಪಾಟೀಲ ಸಂಗ್ರಹಿಸಿದ್ದು, ಈ ಕವಿಗಳಲ್ಲಿ ಅನೇಕರು ತಮ್ಮ ಪದ್ಯಗಳಲ್ಲಿ ಮದಾರಸಾಬೇಬ್ ಹೆಸರು ಪ್ರಸ್ತಾಪಿಸಿರುವುದು ಕಂಡು ಬರುತ್ತದೆ‘ ಎಂದು ಜಾನಪದ ಹಾಡುಗಾರ ರೇವಣಸಿದ್ದಪ್ಪ ಸುಗೂರೆ ವಿವರಿಸಿದರು.

. ದರ್ಗಾದ ಪೂರ್ವ ಮತ್ತು ಪಶ್ಚಿಮಕ್ಕೆ ಹಳೆಯ ಶೈಲಿಯ ಮಹಾದ್ವರಗಳಿವೆ. ಪೂರ್ವಾಭಿಮುಖವಾದ ದ್ವಾರದಿಂದ ಹೋಗುವುದಕ್ಕೆ 70ಕ್ಕೂ ಅಧಿಕ ಮೆಟ್ಟಿಲುಗಳಿವೆ. ಪಕ್ಕದಲ್ಲಿಯೇ ಆಕರ್ಷಕ ಶೈಲಿಯ ಮಸೀದಿಯೂ ಇದ್ದು ಮನಸೊರೆಗೊಳ್ಳುವ ಪ್ರವಾಸಿ ತಾಣವಾಗಿಯೂ ಇದು ಮಾರ್ಪಟ್ಟಿದೆ. ಪ್ರತಿ ಗುರುವಾರ, ಅಮಾವಾಸ್ಯೆ, ಹುಣ್ಣಿಮೆ ಹಾಗೂ ಉರೂಸ್ಗೆ ಆಂಧ್ರಪ್ರದೇಶ, ಮಹಾರಾಷ್ಟ್ರ, ತೆಲಂಗಾಣಾದ ಭಕ್ತರು ಬರುತ್ತಾರೆ.

. `ನವೆಂಬರ್ 20 ರಂದು ರಾತ್ರಿ 11 ಗಂಟೆಗೆ ಗಂಧ(ಸಂದಲ್) ದ ಮೆರವಣಿಗೆ ನಡೆಯುವುದು. ನವೆಂಬರ್ 21 ರಂದು ರಾತ್ರಿ 10 ಗಂಟೆಗೆ ದೀಪ (ಚಿರಾಗ್) ಅರ್ಪಿಸಲಾಗುತ್ತದೆ. ನವೆಂಬರ್ 22 ರಂದು ಮಧ್ಯಾಹ್ನ 2 ಗಂಟೆಗೆ ಜಂಗಿ ಪೈಲ್ವಾನರ ಕುಸ್ತಿ ಪಂದ್ಯ, ರಾತ್ರಿ 10 ಗಂಟೆಗೆ ಗ್ರಾಮ ದೀಪದ ಅರ್ಪಣೆ ನಡೆಯಲಿದೆ. ಪ್ರಸಿದ್ಧ ಹಾಡುಗಾರರಿಂದ ಗೀಗೀಪದ ಕಲಾಮೇಳವೂ ಆಯೋಜಿಸಲಾಗುತ್ತದೆ’ ಎಂದು ಜಾತ್ರಾ ಸಮಿತಿ ಕಾರ್ಯದರ್ಶಿ ರತಿಕಾಂತ ಕೊಹಿನೂರ ತಿಳಿಸಿದ್ದಾರೆ.

. ಹೋಬಳಿ ಕೇಂದ್ರ ಕೊಹಿನೂರನ ಪ್ರತಿ ಮನೆಯವರು ಕೌಟುಂಬಿಕ ಕಾರ್ಯಕ್ರಮವಿದ್ದಾಗ ಪ್ರಥಮವಾಗಿ ಮದಾರಸಾಹೇಬ್ಗೆ ನೈವೇದ್ಯ ಅರ್ಪಿಸುತ್ತಾರೆ -ರತಿಕಾಂತ ಕೊಹಿನೂರ, ಕಾರ್ಯದರ್ಶಿ ಜಾತ್ರಾ ಸಮಿತಿ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಸವಕಲ್ಯಾಣ: ಮದಾರಸಾಹೇಬ್ ಉರುಸ್‌ಗೆ ಹಿಂದೂಗಳ ಸಾರಥ್ಯ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ವಲಸೆ ನೀತಿ; ಸರ್ಕಾರಿಂದ ತಪ್ಪಾಗಿದೆ ಎಂದ ಕೆನಡಾ ಪ್ರಧಾನಿ‌

PHOTOS | ಅಂದ-ಚೆಂದದ ಉಡುಗೆಯಲ್ಲಿ ಮಿಂಚಿದ ಸ್ಮೃತಿ ಮಂದಾನ

ಕ್ರಿಕೆಟ್‌ ತಂಡಕ್ಕೆ ಆಯ್ಕೆಯಾಗದ್ದಕ್ಕೆ ನೊಂದು ಪಿಯು ವಿದ್ಯಾರ್ಥಿ ಆತ್ಮಹತ್ಯೆ

ಗಾಯದ ನೋವು ಮರೆಯಲು ದೊಡ್ಡ ಸಾಧನೆಯೇ ಔಷಧ: ಬೌಲರ್ ಎಂ. ವೆಂಕಟೇಶ್ ಸಂದರ್ಶನ

ಪುರುಷರ ಐಟಿಎಫ್‌ ಟೆನಿಸ್‌: ಸಿದ್ಧಾಂತ್, ಕಬೀರ್ ಮುಖ್ಯಸುತ್ತಿಗೆ ಲಗ್ಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ವಲಸೆ ನೀತಿ; ಸರ್ಕಾರಿಂದ ತಪ್ಪಾಗಿದೆ ಎಂದ ಕೆನಡಾ ಪ್ರಧಾನಿ‌