<p><strong>ಚಾಮರಾಜನಗರ</strong>: ಮೂರು ವಾರಗಳಿಂದ ನಗರದಲ್ಲಿ ತಾಟಿ ನಿಂಗು (ತಾಳೆ ಹಣ್ಣು) ಸದ್ದು ಮಾಡುತ್ತಿದ್ದು, ಭರ್ಜರಿಯಾಗಿ ವ್ಯಾಪಾರವಾಗುತ್ತಿದೆ. </p>.<p>ತಮಿಳುನಾಡಿನ ವ್ಯಾಪಾರಿಗಳು ಸತ್ಯಮಂಗಲ ಭಾಗದಿಂದ ಈ ಹಣ್ಣನ್ನು ತಂದು ಇಲ್ಲಿ ವ್ಯಾಪಾರ ಮಾಡುತ್ತಿದ್ದಾರೆ. ಚಳಿಗಾಲ–ಬೇಸಿಗೆಗಾಲದಲ್ಲಿ ಮಾತ್ರ ಸಿಗುವ ತಾಟಿ ನಿಂಗು ರುಚಿ ಸವಿಯಲು ಗ್ರಾಹಕರು ಮುಗಿಬೀಳುತ್ತಿದ್ದಾರೆ. </p>.<p>ತಮಿಳುನಾಡಿನಲ್ಲಿ ಹೆಚ್ಚಾಗಿ ಬೆಳೆಯುವ ಈ ಹಣ್ಣನ್ನು ತಮಿಳು ಭಾಷೆಯಲ್ಲಿ ನಿಂಗು ಎಂದು ಕರೆಯುತ್ತಾರೆ. ಚಾಮರಾಜನಗರದಲ್ಲಿ ತಾಟಿ ನಿಂಗು ಎಂಬ ಹೆಸರಿದೆ. ತಾಳೆ ಹಣ್ಣು ಎಂದೂ ಕರೆಯಲಾಗುತ್ತದೆ. ಒಂದು ತೊಳೆಗೆ (ಪೀಸ್) ₹ 10ರಂತೆ ಮಾರುತ್ತಿದ್ದಾರೆ. ಒಂದು ಹಣ್ಣು (ಎರಡು ಇಲ್ಲವೇ ಮೂರು ತೊಳೆ ಇರುತ್ತದೆ) ಹಾಗೂ ಅದರ ನೀರನ್ನು ಜೊತೆಯಾಗಿ ₹ 50ಕ್ಕೆ ನೀಡುತ್ತಿದ್ದಾರೆ. </p>.<p>ಚಾಮರಾಜನಗರದ ಬಿ.ರಾಚಯ್ಯ ಜೋಡಿ ರಸ್ತೆ, ಸತ್ಯಮಂಗಲ ರಸ್ತೆ, ನಂಜನಗೂಡು ರಸ್ತೆಗಳಲ್ಲಿ ತಾಟಿ ನಿಂಗುವನ್ನು ರಾಶಿ ಹಾಕಿ ಮಾರಾಟ ಮಾಡುತ್ತಿದ್ದಾರೆ. ಎಳನೀರಿನಷ್ಟೇ ಔಷಧ ಗುಣವನ್ನು ಹೊಂದಿರುವ ಈ ಹಣ್ಣನ್ನು, ಚಳಿ ವಾತಾವರಣದ ನಡುವೆಯೂ ಗ್ರಾಹಕರು ಇಷ್ಟ ಪಟ್ಟು ಖರೀದಿಸುತ್ತಿದ್ದಾರೆ. </p>.<p>‘ತಾಟಿ ನಿಂಗು ಸೀಸನ್ ಈಗ ಆರಂಭಗೊಂಡಿದ್ದು, ಪ್ರಖರ ಬಿಸಿಲಿನ ವಾತಾವರಣದಲ್ಲಿ ಬೇಡಿಕೆ ಹೆಚ್ಚಿರುತ್ತದೆ. ನಾವು ಸತ್ಯಮಂಗಲದಿಂದ ಬಂದು ಇಲ್ಲಿ ಮಾರಾಟ ಮಾಡುತ್ತಿದ್ದೇವೆ. ಬೆಳಿಗ್ಗೆ 9, 10 ಗಂಟೆಗೆ ಬಂದರೆ, ಸಂಜೆ 4 ಗಂಟೆ ಹೊತ್ತಿಗೆ ಎಲ್ಲ ವ್ಯಾಪಾರವಾಗುತ್ತದೆ’ ಎನ್ನುತ್ತಾರೆ ವ್ಯಾಪಾರಿ ವೆಂಕಟೇಶ್. </p>.<p class="Subhead"><strong>ಮಾರುಕಟ್ಟೆಗೆ ಬಂದ ಕಪ್ಪು ದ್ರಾಕ್ಷಿ</strong>: ಹಣ್ಣಿನ ಮಾರುಕಟ್ಟೆಗೆ ಕಪ್ಪು ದ್ರಾಕ್ಷಿ ಬಂದಿದೆ. ಹಸಿರು ಸೀಡ್ಲೆಸ್ ದ್ರಾಕ್ಷಿ ಕೂಡ ಬಂದಿದೆ. ಈಗಷ್ಟೇ ಮಾರುಕಟ್ಟೆ ಪ್ರವೇಶಿಸಿರುವುದರಿಂದ ಬೆಲೆ ಕೊಂಚ ದುಬಾರಿಯಾಗಿದೆ. </p>.<p>ನಗರದ ಹಾಪ್ಕಾಮ್ಸ್ನಲ್ಲಿ ಕಪ್ಪು ದ್ರಾಕ್ಷಿ ಕೆ.ಜಿ ಗೆ ₹ 120 ಇದೆ. ಸೀಡ್ಲೆಸ್ ಹಸಿರು ದ್ರಾಕ್ಷಿಗೆ ₹ 160 ಇದೆ. ಗ್ರಾಹಕರಿಂದ ನಿಧಾನವಾಗಿ ಬೇಡಿಕೆ ಬರುತ್ತಿದೆ ಎಂದು ಹೇಳುತ್ತಾರೆ ವ್ಯಾಪಾರಿಗಳು. </p>.<p>ಎರಡು ರೀತಿಯ ಕಿತ್ತಳೆ ಮಾರುಕಟ್ಟೆಯಲ್ಲಿ ಲಭ್ಯವಿದ್ದು, ಬೆಲೆ ₹ 100ರಿಂದ ₹ 120ರವರೆಗೆ ಇದೆ. ದಾಳಿಂಬೆ ದುಬಾರಿ ಬೆಲೆ ಮುಂದುವರಿದಿದೆ. ಹಾಪ್ಕಾಮ್ಸ್ನಲ್ಲಿ ಕೆ.ಜಿಗೆ ₹ 160ರಿಂದ ₹ 180ರವರೆಗೆ ಇದೆ. </p>.<p>ಈ ವಾರ ಪಚ್ಚೆ ಬಾಳೆ ಬೆಲೆಯಲ್ಲಿ ಏರಿಕೆಯಾಗಿದೆ. ಕೆಜಿಗೆ ₹ 30ರಿಂದ ₹ 40ಕ್ಕೆ ಹೆಚ್ಚಳವಾಗಿದೆ. ಉಳಿದ ಹಣ್ಣುಗಳ ಬೆಲೆಯಲ್ಲಿ ವ್ಯತ್ಯಾಸವಾಗಿಲ್ಲ. </p>.<p class="Subhead"><strong>ತರಕಾರಿಗಳ ಬೆಲೆ ಸ್ಥಿರ: </strong>ಎರಡು ವಾರಗಳಿಂದ ತರಕಾರಿಗಳ ಬೆಲೆ ಸ್ಥಿರವಾಗಿದೆ. ಟೊಮೆಟೊ (₹20), ಕ್ಯಾರೆಟ್, ಬೀನ್ಸ್ (₹30), ಆಲೂಗಡ್ಡೆ (₹40), ಈರುಳ್ಳಿ (₹30), ಮೂಲಂಗಿ (₹20) ಧಾರಣೆಯಲ್ಲಿ ವ್ಯತ್ಯಾಸವಾಗಿಲ್ಲ. </p>.<p>ತೊಗರಿಕಾಯಿ ಸೀಸನ್ ಮುಗಿಯುತ್ತಾ ಬಂದಿದ್ದು, ಮಾರುಕಟ್ಟೆಯಲ್ಲಿ ಹೆಚ್ಚು ಸಿಗುತ್ತಿಲ್ಲ. ಹಸಿರು ಬಟಾಣಿ ಸಾಕಷ್ಟು ಪ್ರಮಾಣದಲ್ಲಿ ಲಭ್ಯವಿದ್ದು, ಕೆ.ಜಿಗೆ ₹ 60ಕ್ಕೆ ಮಾರಾಟವಾಗುತ್ತಿದೆ. ಅವರೆಕಾಯಿ ಬೆಲೆ ₹ 50 ಇದೆ. </p>.<p>ಮಾಂಸ ಮಾರುಕಟ್ಟೆಯಲ್ಲಿ ಚಿಕನ್ ಬೆಲೆಯಲ್ಲಿ ಕೊಂಚ ಹೆಚ್ಚಳವಾಗಿದೆ. ಚಿಲ್ಲರೆ ಅಂಗಡಿಯಲ್ಲಿ ₹ 180ರಿಂದ ₹ 200ರವರೆಗೆ ಇದೆ. ಮಟನ್ ₹ 560 ಇದೆ.</p>.<p><strong>ಸಂಕ್ರಾಂತಿ: ಹೂವಿಗೆ ಬೇಡಿಕೆ ನಿರೀಕ್ಷೆ</strong><br />ಸಂಕ್ರಾಂತಿ ಹಬ್ಬಕ್ಕೆ ಇನ್ನೂ ಕೆಲವೇ ದಿನ ಇರುವುದರಿಂದ ಹೂವಿಗೆ ಬೇಡಿಕೆ ಹೆಚ್ಚಾಗುವ ನಿರೀಕ್ಷೆ ಇದೆ.</p>.<p>ಎರಡು ವಾರಗಳಿಂದ ಹೂವುಗಳ ಧಾರಣೆ ಸ್ಥಿರವಾಗಿದೆ. ಬಿಡಿ ಹೂವಿನ ಮಾರುಕಟ್ಟೆಯಲ್ಲಿ ಕನಕಾಂಬರಕ್ಕೆ ಬೇಡಿಕೆ ಇದ್ದು, ಕೆ.ಜಿ ಹೂವಿಗೆ ₹ 800ರಿಂದ ₹ 1000ದವರೆಗೆ ಇದೆ. </p>.<p>ಕಾಕಡಕ್ಕೆ ₹ 100ರಿಂದ ₹ 120ರವರೆಗೆ ಇದೆ. ಸೇವಂತಿಗೆ ಕೆ.ಜಿಗೆ ₹ 100 ಮಾರಾಟವಾಗುತ್ತಿದೆ. ಚೆಂಡು ಹೂವಿಗೆ ಮಾತ್ರ ಬೇಡಿಕೆ ಕಡಿಮೆಯಾಗಿದೆ. </p>.<p>‘ಸಾಮಾನ್ಯವಾಗಿ ಸಂಕ್ರಾಂತಿ ಹಬ್ಬದ ಸಮಯದಲ್ಲಿ ಹೂವುಗಳಿಗೆ ಬೇಡಿಕೆ ಇರುತ್ತದೆ. ಆ ಸಂದರ್ಭದಲ್ಲಿ ಬೆಲೆಯೂ ಹೆಚ್ಚಿರುತ್ತದೆ. ಇನ್ನು ಎರಡು ಮೂರು ದಿನದಲ್ಲಿ ಹೂವುಗಳ ಮಾರಾಟ ಬಿರುಸು ಪಡೆಯುವ ನಿರೀಕ್ಷೆ ಇದೆ’ ಎಂದು ಬಿಡಿ ಹೂವಿನ ವ್ಯಾಪಾರಿ ರವಿ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಾಮರಾಜನಗರ</strong>: ಮೂರು ವಾರಗಳಿಂದ ನಗರದಲ್ಲಿ ತಾಟಿ ನಿಂಗು (ತಾಳೆ ಹಣ್ಣು) ಸದ್ದು ಮಾಡುತ್ತಿದ್ದು, ಭರ್ಜರಿಯಾಗಿ ವ್ಯಾಪಾರವಾಗುತ್ತಿದೆ. </p>.<p>ತಮಿಳುನಾಡಿನ ವ್ಯಾಪಾರಿಗಳು ಸತ್ಯಮಂಗಲ ಭಾಗದಿಂದ ಈ ಹಣ್ಣನ್ನು ತಂದು ಇಲ್ಲಿ ವ್ಯಾಪಾರ ಮಾಡುತ್ತಿದ್ದಾರೆ. ಚಳಿಗಾಲ–ಬೇಸಿಗೆಗಾಲದಲ್ಲಿ ಮಾತ್ರ ಸಿಗುವ ತಾಟಿ ನಿಂಗು ರುಚಿ ಸವಿಯಲು ಗ್ರಾಹಕರು ಮುಗಿಬೀಳುತ್ತಿದ್ದಾರೆ. </p>.<p>ತಮಿಳುನಾಡಿನಲ್ಲಿ ಹೆಚ್ಚಾಗಿ ಬೆಳೆಯುವ ಈ ಹಣ್ಣನ್ನು ತಮಿಳು ಭಾಷೆಯಲ್ಲಿ ನಿಂಗು ಎಂದು ಕರೆಯುತ್ತಾರೆ. ಚಾಮರಾಜನಗರದಲ್ಲಿ ತಾಟಿ ನಿಂಗು ಎಂಬ ಹೆಸರಿದೆ. ತಾಳೆ ಹಣ್ಣು ಎಂದೂ ಕರೆಯಲಾಗುತ್ತದೆ. ಒಂದು ತೊಳೆಗೆ (ಪೀಸ್) ₹ 10ರಂತೆ ಮಾರುತ್ತಿದ್ದಾರೆ. ಒಂದು ಹಣ್ಣು (ಎರಡು ಇಲ್ಲವೇ ಮೂರು ತೊಳೆ ಇರುತ್ತದೆ) ಹಾಗೂ ಅದರ ನೀರನ್ನು ಜೊತೆಯಾಗಿ ₹ 50ಕ್ಕೆ ನೀಡುತ್ತಿದ್ದಾರೆ. </p>.<p>ಚಾಮರಾಜನಗರದ ಬಿ.ರಾಚಯ್ಯ ಜೋಡಿ ರಸ್ತೆ, ಸತ್ಯಮಂಗಲ ರಸ್ತೆ, ನಂಜನಗೂಡು ರಸ್ತೆಗಳಲ್ಲಿ ತಾಟಿ ನಿಂಗುವನ್ನು ರಾಶಿ ಹಾಕಿ ಮಾರಾಟ ಮಾಡುತ್ತಿದ್ದಾರೆ. ಎಳನೀರಿನಷ್ಟೇ ಔಷಧ ಗುಣವನ್ನು ಹೊಂದಿರುವ ಈ ಹಣ್ಣನ್ನು, ಚಳಿ ವಾತಾವರಣದ ನಡುವೆಯೂ ಗ್ರಾಹಕರು ಇಷ್ಟ ಪಟ್ಟು ಖರೀದಿಸುತ್ತಿದ್ದಾರೆ. </p>.<p>‘ತಾಟಿ ನಿಂಗು ಸೀಸನ್ ಈಗ ಆರಂಭಗೊಂಡಿದ್ದು, ಪ್ರಖರ ಬಿಸಿಲಿನ ವಾತಾವರಣದಲ್ಲಿ ಬೇಡಿಕೆ ಹೆಚ್ಚಿರುತ್ತದೆ. ನಾವು ಸತ್ಯಮಂಗಲದಿಂದ ಬಂದು ಇಲ್ಲಿ ಮಾರಾಟ ಮಾಡುತ್ತಿದ್ದೇವೆ. ಬೆಳಿಗ್ಗೆ 9, 10 ಗಂಟೆಗೆ ಬಂದರೆ, ಸಂಜೆ 4 ಗಂಟೆ ಹೊತ್ತಿಗೆ ಎಲ್ಲ ವ್ಯಾಪಾರವಾಗುತ್ತದೆ’ ಎನ್ನುತ್ತಾರೆ ವ್ಯಾಪಾರಿ ವೆಂಕಟೇಶ್. </p>.<p class="Subhead"><strong>ಮಾರುಕಟ್ಟೆಗೆ ಬಂದ ಕಪ್ಪು ದ್ರಾಕ್ಷಿ</strong>: ಹಣ್ಣಿನ ಮಾರುಕಟ್ಟೆಗೆ ಕಪ್ಪು ದ್ರಾಕ್ಷಿ ಬಂದಿದೆ. ಹಸಿರು ಸೀಡ್ಲೆಸ್ ದ್ರಾಕ್ಷಿ ಕೂಡ ಬಂದಿದೆ. ಈಗಷ್ಟೇ ಮಾರುಕಟ್ಟೆ ಪ್ರವೇಶಿಸಿರುವುದರಿಂದ ಬೆಲೆ ಕೊಂಚ ದುಬಾರಿಯಾಗಿದೆ. </p>.<p>ನಗರದ ಹಾಪ್ಕಾಮ್ಸ್ನಲ್ಲಿ ಕಪ್ಪು ದ್ರಾಕ್ಷಿ ಕೆ.ಜಿ ಗೆ ₹ 120 ಇದೆ. ಸೀಡ್ಲೆಸ್ ಹಸಿರು ದ್ರಾಕ್ಷಿಗೆ ₹ 160 ಇದೆ. ಗ್ರಾಹಕರಿಂದ ನಿಧಾನವಾಗಿ ಬೇಡಿಕೆ ಬರುತ್ತಿದೆ ಎಂದು ಹೇಳುತ್ತಾರೆ ವ್ಯಾಪಾರಿಗಳು. </p>.<p>ಎರಡು ರೀತಿಯ ಕಿತ್ತಳೆ ಮಾರುಕಟ್ಟೆಯಲ್ಲಿ ಲಭ್ಯವಿದ್ದು, ಬೆಲೆ ₹ 100ರಿಂದ ₹ 120ರವರೆಗೆ ಇದೆ. ದಾಳಿಂಬೆ ದುಬಾರಿ ಬೆಲೆ ಮುಂದುವರಿದಿದೆ. ಹಾಪ್ಕಾಮ್ಸ್ನಲ್ಲಿ ಕೆ.ಜಿಗೆ ₹ 160ರಿಂದ ₹ 180ರವರೆಗೆ ಇದೆ. </p>.<p>ಈ ವಾರ ಪಚ್ಚೆ ಬಾಳೆ ಬೆಲೆಯಲ್ಲಿ ಏರಿಕೆಯಾಗಿದೆ. ಕೆಜಿಗೆ ₹ 30ರಿಂದ ₹ 40ಕ್ಕೆ ಹೆಚ್ಚಳವಾಗಿದೆ. ಉಳಿದ ಹಣ್ಣುಗಳ ಬೆಲೆಯಲ್ಲಿ ವ್ಯತ್ಯಾಸವಾಗಿಲ್ಲ. </p>.<p class="Subhead"><strong>ತರಕಾರಿಗಳ ಬೆಲೆ ಸ್ಥಿರ: </strong>ಎರಡು ವಾರಗಳಿಂದ ತರಕಾರಿಗಳ ಬೆಲೆ ಸ್ಥಿರವಾಗಿದೆ. ಟೊಮೆಟೊ (₹20), ಕ್ಯಾರೆಟ್, ಬೀನ್ಸ್ (₹30), ಆಲೂಗಡ್ಡೆ (₹40), ಈರುಳ್ಳಿ (₹30), ಮೂಲಂಗಿ (₹20) ಧಾರಣೆಯಲ್ಲಿ ವ್ಯತ್ಯಾಸವಾಗಿಲ್ಲ. </p>.<p>ತೊಗರಿಕಾಯಿ ಸೀಸನ್ ಮುಗಿಯುತ್ತಾ ಬಂದಿದ್ದು, ಮಾರುಕಟ್ಟೆಯಲ್ಲಿ ಹೆಚ್ಚು ಸಿಗುತ್ತಿಲ್ಲ. ಹಸಿರು ಬಟಾಣಿ ಸಾಕಷ್ಟು ಪ್ರಮಾಣದಲ್ಲಿ ಲಭ್ಯವಿದ್ದು, ಕೆ.ಜಿಗೆ ₹ 60ಕ್ಕೆ ಮಾರಾಟವಾಗುತ್ತಿದೆ. ಅವರೆಕಾಯಿ ಬೆಲೆ ₹ 50 ಇದೆ. </p>.<p>ಮಾಂಸ ಮಾರುಕಟ್ಟೆಯಲ್ಲಿ ಚಿಕನ್ ಬೆಲೆಯಲ್ಲಿ ಕೊಂಚ ಹೆಚ್ಚಳವಾಗಿದೆ. ಚಿಲ್ಲರೆ ಅಂಗಡಿಯಲ್ಲಿ ₹ 180ರಿಂದ ₹ 200ರವರೆಗೆ ಇದೆ. ಮಟನ್ ₹ 560 ಇದೆ.</p>.<p><strong>ಸಂಕ್ರಾಂತಿ: ಹೂವಿಗೆ ಬೇಡಿಕೆ ನಿರೀಕ್ಷೆ</strong><br />ಸಂಕ್ರಾಂತಿ ಹಬ್ಬಕ್ಕೆ ಇನ್ನೂ ಕೆಲವೇ ದಿನ ಇರುವುದರಿಂದ ಹೂವಿಗೆ ಬೇಡಿಕೆ ಹೆಚ್ಚಾಗುವ ನಿರೀಕ್ಷೆ ಇದೆ.</p>.<p>ಎರಡು ವಾರಗಳಿಂದ ಹೂವುಗಳ ಧಾರಣೆ ಸ್ಥಿರವಾಗಿದೆ. ಬಿಡಿ ಹೂವಿನ ಮಾರುಕಟ್ಟೆಯಲ್ಲಿ ಕನಕಾಂಬರಕ್ಕೆ ಬೇಡಿಕೆ ಇದ್ದು, ಕೆ.ಜಿ ಹೂವಿಗೆ ₹ 800ರಿಂದ ₹ 1000ದವರೆಗೆ ಇದೆ. </p>.<p>ಕಾಕಡಕ್ಕೆ ₹ 100ರಿಂದ ₹ 120ರವರೆಗೆ ಇದೆ. ಸೇವಂತಿಗೆ ಕೆ.ಜಿಗೆ ₹ 100 ಮಾರಾಟವಾಗುತ್ತಿದೆ. ಚೆಂಡು ಹೂವಿಗೆ ಮಾತ್ರ ಬೇಡಿಕೆ ಕಡಿಮೆಯಾಗಿದೆ. </p>.<p>‘ಸಾಮಾನ್ಯವಾಗಿ ಸಂಕ್ರಾಂತಿ ಹಬ್ಬದ ಸಮಯದಲ್ಲಿ ಹೂವುಗಳಿಗೆ ಬೇಡಿಕೆ ಇರುತ್ತದೆ. ಆ ಸಂದರ್ಭದಲ್ಲಿ ಬೆಲೆಯೂ ಹೆಚ್ಚಿರುತ್ತದೆ. ಇನ್ನು ಎರಡು ಮೂರು ದಿನದಲ್ಲಿ ಹೂವುಗಳ ಮಾರಾಟ ಬಿರುಸು ಪಡೆಯುವ ನಿರೀಕ್ಷೆ ಇದೆ’ ಎಂದು ಬಿಡಿ ಹೂವಿನ ವ್ಯಾಪಾರಿ ರವಿ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
