<p><strong>ಯಳಂದೂರು:</strong> ತಾಲ್ಲೂಕಿನ ಬಿಳಿಗಿರಿರಂಗನಬೆಟ್ಟ ಹಾಗೂ ಪಟ್ಟಣದ ಸುತ್ತಮುತ್ತ ಭಾನುವಾರ ಸೋನೆ ಮಳೆಯಾಯಿತು. ಸೊಯ್ಯನೆ ಬೀಸುವ ಗಾಳಿ, ಮೇಘಗಳ ಸಂಚಾರ, ಗದಗುಟ್ಟಿಸುವ ಚಳಿ ಜನರನ್ನು ಕಾಡಿತು. ಬಿಳಿಗಿರಿ ಬನದಲ್ಲಿ ಆಷಾಢ ಮಾಸದ ಮಳೆಯ ಸಿಂಚನ, ಮಂಜು ಮುಸುಕಿದ ದಟ್ಟ ಹಸಿರ ಕಾಡು ಪ್ರವಾಸಿಗರನ್ನು ಮೋಹಗೊಳಿಸಿತು.</p>.<p>ಪಟ್ಟಣದಲ್ಲಿ ಸಂಜೆ ಮಳೆ ಸುರಿಯಿತು. ಹನಿಯುವ ಮಳೆ ನಡುವೆ ಹೊಲ ಗದ್ದೆಗಳಲ್ಲಿ ಶ್ರಮಿಕರು ಕೆಲಸದಲ್ಲಿ ತೊಡಗಿದ್ದರು. ಒಮ್ಮೊಮ್ಮೆ ಬೀಸುವ ಜೋರು ಗಾಳಿ ಚಳಿಯ ಕಚಗುಳಿ ಇಟ್ಟರೆ, ಚಳಿ ಮಳೆಯಿಂದ ರಕ್ಷಿಸಿಕೊಳ್ಳಲು ಜನರು ಬೆಚ್ಚನೆ ಉಡುಪುಗಳ ಮೊರೆ ಹೋದರು.</p>.<p>ಸಂಜೆ ಅಲ್ಲಲ್ಲಿ ಮಳೆಯಾಗಿದೆ. ಕೃಷಿ ಚಟುವಟಿಕೆಗಳಿಗೆ ತುಸು ನೆರವಾಗಲಿದೆ. ಮುಂಗಾರು ಅಬ್ಬರ ಮತ್ತಷ್ಟು ಚುರುಕಾದರೆ ಬಿತ್ತನೆ ಕಾಯಕ ವೇಗ ಪಡೆಯಲಿದೆ ಎಂದು ಹೊಸೂರು ಬೇಸಾಯಗಾರ ಪ್ರದೀಪ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಯಳಂದೂರು:</strong> ತಾಲ್ಲೂಕಿನ ಬಿಳಿಗಿರಿರಂಗನಬೆಟ್ಟ ಹಾಗೂ ಪಟ್ಟಣದ ಸುತ್ತಮುತ್ತ ಭಾನುವಾರ ಸೋನೆ ಮಳೆಯಾಯಿತು. ಸೊಯ್ಯನೆ ಬೀಸುವ ಗಾಳಿ, ಮೇಘಗಳ ಸಂಚಾರ, ಗದಗುಟ್ಟಿಸುವ ಚಳಿ ಜನರನ್ನು ಕಾಡಿತು. ಬಿಳಿಗಿರಿ ಬನದಲ್ಲಿ ಆಷಾಢ ಮಾಸದ ಮಳೆಯ ಸಿಂಚನ, ಮಂಜು ಮುಸುಕಿದ ದಟ್ಟ ಹಸಿರ ಕಾಡು ಪ್ರವಾಸಿಗರನ್ನು ಮೋಹಗೊಳಿಸಿತು.</p>.<p>ಪಟ್ಟಣದಲ್ಲಿ ಸಂಜೆ ಮಳೆ ಸುರಿಯಿತು. ಹನಿಯುವ ಮಳೆ ನಡುವೆ ಹೊಲ ಗದ್ದೆಗಳಲ್ಲಿ ಶ್ರಮಿಕರು ಕೆಲಸದಲ್ಲಿ ತೊಡಗಿದ್ದರು. ಒಮ್ಮೊಮ್ಮೆ ಬೀಸುವ ಜೋರು ಗಾಳಿ ಚಳಿಯ ಕಚಗುಳಿ ಇಟ್ಟರೆ, ಚಳಿ ಮಳೆಯಿಂದ ರಕ್ಷಿಸಿಕೊಳ್ಳಲು ಜನರು ಬೆಚ್ಚನೆ ಉಡುಪುಗಳ ಮೊರೆ ಹೋದರು.</p>.<p>ಸಂಜೆ ಅಲ್ಲಲ್ಲಿ ಮಳೆಯಾಗಿದೆ. ಕೃಷಿ ಚಟುವಟಿಕೆಗಳಿಗೆ ತುಸು ನೆರವಾಗಲಿದೆ. ಮುಂಗಾರು ಅಬ್ಬರ ಮತ್ತಷ್ಟು ಚುರುಕಾದರೆ ಬಿತ್ತನೆ ಕಾಯಕ ವೇಗ ಪಡೆಯಲಿದೆ ಎಂದು ಹೊಸೂರು ಬೇಸಾಯಗಾರ ಪ್ರದೀಪ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>