ಚಾಮರಾಜನಗರ | ಉರಿಯದ ಬೀದಿ ದೀಪ; ಕವಿದಿದೆ ಕತ್ತಲ ಕೂಪ

ಚಾಮರಾಜನಗರದ ಎಲ್ಲ ಬೀದಿದೀಪಗಳನ್ನು ಎಲ್‌ಇಡಿ ದೀಪಗಳಾಗಿ ಮಾರ್ಪಡಿಬೇಕು ಎಂಬ ಸರ್ಕಾರದ ಆದೇಶದ ಹಿನ್ನೆಲೆಯಲ್ಲಿ ನಗರದ ಎಲ್ಲ ಬೀದಿದೀಪಗಳನ್ನು ಬದಲಿಸಿ ಹೆಚ್ಚು ಬೆಳಕು ಹೊರಸೂಸುವ ಎಲ್‌ಇಡಿ ದೀಪಗಳನ್ನು ಅಳವಡಿಸುವ ಯೋಜನೆ ಅನುಷ್ಠಾನ ಕೋರಿ ಸರ್ಕಾರಕ್ಕೆ ಪ್ರಸ್ತಾವ ಸಲ್ಲಿಸಲಾಗಿದೆ. ಸರ್ಕಾರ ಅನುಮೋದನೆ ನೀಡಿದ್ದು ಶೀಘ್ರ ಅನುಷ್ಠಾನಗೊಳ್ಳಲಿದೆ. ಪಿಪಿಪಿ ಮಾದರಿಯ ಈ ಯೋಜನೆಯಡಿ ಅಗತ್ಯವಿರುವೆಡೆ ಎಲ್ಲೆಡೆ ಎಲ್‌ಇಡಿ ಬೀದಿದೀಪಗಳನ್ನ ಹಾಕಲಾಗುವುದು. ಹೆದ್ದಾರಿಯಲ್ಲಿ ನನೆಗುದಿಗೆ ಬಿದ್ದಿರುವ ಬೀದಿದೀಪಗಳ ಅಳವಡಿಕೆಯೂ ಶೀಘ್ರ ಆರಂಭವಾಗಲಿದೆ.