ಚಿಕ್ಕಬಳ್ಳಾಪುರ | ಮಾನವ ಹಕ್ಕು; 8 ವರ್ಷಗಳಲ್ಲಿ 575 ಅರ್ಜಿ

ಬೆಂಗಳೂರಿಗೆ ಚಿಕ್ಕಬಳ್ಳಾಪುರ ಕೇವಲ 50 ಕಿ.ಮೀ ದೂರದಲ್ಲಿ ಇದೆ. ಉತ್ತರ ಕರ್ನಾಟಕ, ಹೈದರಾಬಾದ್ ಕರ್ನಾಟಕದ ಜಿಲ್ಲೆಗಳು ಬಹುದೂರ ಇವೆ. ಹೀಗಿದ್ದರೂ ಮಾನವ ಹಕ್ಕುಗಳ ವಿಚಾರವಾಗಿ ದೂರು ನೀಡುವಲ್ಲಿ ಚಿಕ್ಕಬಳ್ಳಾಪುರ ಜಿಲ್ಲೆ ಹೋಲಿಸಿದೆ ಮುಂದಿವೆ ಎಂದು ಮಾಹಿತಿ ಹಕ್ಕು ಕಾರ್ಯಕರ್ತ ಭೀಮನಗೌಡ ಪರಗೊಂಡ ತಿಳಿಸಿದರು. ದೂರುಗಳು ಕಡಿಮೆ ದಾಖಲಾಗುತ್ತಿರುವ ಜಿಲ್ಲೆಗಳಲ್ಲಿ ಆಯೋಗವು ಜಾಗೃತಿ ಮೂಡಿಸಬೇಕು ಎಂದು ಕೋರಿದರು.

ಜಿಲ್ಲೆಯಲ್ಲಿ ಮಾನವ ಹಕ್ಕುಗಳ ಕಾರ್ಯಕ್ರಮಗಳು ದಿನಾಚರಣೆಗೆ ಮಾತ್ರ ಸೀಮಿತವಾಗಿದೆ. ಮಾನವ ಹಕ್ಕುಗಳ ಉಲ್ಲಂಘನೆ, ರಕ್ಷಣೆ ಮತ್ತು ಕ್ರಮಗಳ ಬಗ್ಗೆ ಜಾಗೃತಿ ಮೂಡಿಸಬೇಕು. ಆದರೆ ಜಿಲ್ಲೆಯಲ್ಲಿ ಅಂತಹ ಪ್ರಯತ್ನಗಳು ಆಗುತ್ತಿಲ್ಲ ಎಂದು ಮಾನವ ಹಕ್ಕುಗಳ ಹೋರಾಟಗಾರ ನಕ್ಕನಹಳ್ಳಿ ಮಂಜುನಾಥ್ ಬೇಸರ ವ್ಯಕ್ತಪಡಿಸುವರು. ಮಾನವ ಹಕ್ಕುಗಳ ಆಯೋಗಕ್ಕೆ ದೂರು ನೀಡಿದವರಿಗೆ ಯಾವ ಶಿಕ್ಷೆಯಾಗಿದೆ. ಯಾವ ಸಂತ್ರಸ್ತರು, ಅನ್ಯಾಯಕ್ಕೆ ಒಳಗಾದವರು ದೂರು ನೀಡಬಹುದು ಎನ್ನುವ ಕನಿಷ್ಠ ಮಾಹಿತಿಯ ಬಗ್ಗೆಯೂ ಜನ ಜಾಗೃತಿ ನಡೆಯುತ್ತಿಲ್ಲ. ಈ ಕಾರಣದಿಂದ ಜಿಲ್ಲೆಯಲ್ಲಿ ಆಯೋಗಕ್ಕೆ ದೂರುಗಳನ್ನು ನೀಡುವವರು ಕಡಿಮೆ ಇದ್ದಾರೆ ಎಂದರು.