ಚಿಕ್ಕಬಳ್ಳಾಪುರ: ಕಳೆಗುಂದಿದ ಚಿತ್ರಾವತಿ ದನಗಳ ಸಂತೆ

ಚಿಕ್ಕಬಳ್ಳಾಪುರ : ನಗರ ಹೊರವಲಯದ ಚಿತ್ರಾವತಿಯ ಸುಬ್ರಹ್ಮಣೇಶ್ವರ ಸ್ವಾಮಿ ಜಾತ್ರೆ ಮುನ್ನ ಒಂದು ವಾರದ ಕಾಲ ನಡೆಯುವ ದನಗಳ ಸಂತೆ ಮೂಲಸೌಕರ್ಯಗಳಿಲ್ಲದೆ, ಉತ್ತಮ ವ್ಯಾಪಾರವಿಲ್ಲದೆ ವಾರಕ್ಕೂ ಮುನ್ನವೇ ಸೊರಗಿ ಹೋಗಿದೆ.

. ಒಂದು ಕಾಲದಲ್ಲಿ ಅದ್ದೂರಿಯಾಗಿ ನಡೆಯುತ್ತಿದ್ದ ಈ ಜಾನುವಾರು ಸಂತೆಗೆ ಸಾವಿರಾರು ಸಂಖ್ಯೆಯಲ್ಲಿ ದನಕರುಗಳನ್ನು ರೈತರು ಮಾರಾಟಕ್ಕೆ ತರುತ್ತಿದ್ದರು. ಆದರೆ ದಿನೇ ದಿನೇ ಮೆರಗು ಕಳೆದುಕೊಂಡ ಸಂತೆಗೆ ಈ ಬಾರಿ ಸುಮಾರು100 ಜೋಡಿಗಳು ಎತ್ತು, ಹೋರಿಗಳು ಮಾತ್ರ ಬಂದಿದ್ದವು.

. ಕಳೆದ ವರ್ಷ ಬರ ಮತ್ತು ಕಾಲು ಬಾಯಿ ಜ್ವರ ದನಗಳ ಜಾತ್ರೆ ಮೇಲೆ ಪರಿಣಾಮ ಬೀರಿತ್ತು. ಈ ಬಾರಿ ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಭಾರಿ ಮಳೆ ಸೃಷ್ಟಿಸಿದ ಪ್ರವಾಹದ ಹಾನಿಯ ಬಿಸಿ ತಟ್ಟಿದೆ. ಹೀಗಾಗಿ ಬೇರೆ ಜಿಲ್ಲೆಗಳ ವ್ಯಾಪಾರಸ್ಥರು ಸಹ ಸಂತೆಯತ್ತ ತಲೆ ಹಾಕುತ್ತಿಲ್ಲ. ಈ ಹಿಂದೆ ಜಾತ್ರೆಗೆ ರಾಸುಗಳನ್ನು ಖರೀದಿಸಲು ಅನಂತಪುರ, ತಮಿಳುನಾಡು, ಮಹಾರಾಷ್ಟ್ರ ರಾಜ್ಯಗಳಿಂದ ಬರುತ್ತಿದ್ದ ವ್ಯಾಪಾರಸ್ಥರು ಈಗ ಬರುತ್ತಿಲ್ಲ. ಆದ್ದರಿಂದ ವ್ಯಾಪಾರಸ್ಥರೇ ಇಲ್ಲದೆ ಜಾತ್ರೆ ಭಣಗುಡುತ್ತಿದೆ.

. ಒಂದೆಡೆ ಖರೀದಿಗೆ ಬಾರದ ರೈತರು, ಇನ್ನೊಂದೆಡೆ ದನಗಳ ಸಂತೆ ಪ್ರದೇಶದಲ್ಲಿ ವರ್ಷದಿಂದ ವರ್ಷಕ್ಕೆ ಕುಡಿಯುವ ನೀರು, ಮೇವಿನಂತಹ ಮೂಲ ಸೌಕರ್ಯಗಳ ಕೊರತೆ ಉಂಟಾಗುತ್ತಿರುವುದು ಸಹ ಜಾತ್ರೆ ಮೆರಗು ಕಳೆದುಕೊಳ್ಳಲು ಕಾರಣ ಎನ್ನುತ್ತಾರೆ ಹಿಂದಿನಿಂದಲೂ ಜಾತ್ರೆ ನೋಡಿಕೊಂಡು ಬಂದ ಅನುಭವಿಗಳು.

. ಸಂತೆಗೆ ತರುವ ಒಂದು ಜೋಡಿ ಎತ್ತಿಗೆ ₹50 ತಾಲ್ಲೂಕು ಆಡಳಿತ ಸುಂಕ ವಸೂಲಿ ಮಾಡುತ್ತಿದೆ. ಆದರೆ ರಾಸುಗಳಿಗೆ ಬೇಕಾದ ಕುಡಿಯುವ ನೀರಿನ ಸೌಲಭ್ಯ, ತುರ್ತು ವೈದ್ಯಕೀಯ ಸೇವೆ ಒದಗಿಸಿಲ್ಲ. ಇದು ಅನ್ಯಾಯ ಎನ್ನುವುದು ದನಗಳ ಸಂತೆಗೆ ಬಂದವರ ಅಸಮಾಧಾನ.

. ಜಿಲ್ಲೆಯ ನಾನಾ ಭಾಗಗಳಿಂದ ಬರುವ ರಾಸುಗಳಿಗೆ ಸಾಂಕ್ರಾಮಿಕ ರೋಗ ಮತ್ತು ಕಾಲು ಬಾಯಿ ಜ್ವರ ಹರಡದಂತೆ ತಡೆಗಟ್ಟುವ ನಿಟ್ಟಿನಲ್ಲಿ ಪಶು ವೈದ್ಯಕೀಯ ಇಲಾಖೆ ಅಧಿಕಾರಿಗಳು ಸಂತೆ ಆವರಣದಲ್ಲಿ ಚಿಕಿತ್ಸೆ ನೀಡಲು ಒಬ್ಬ ವೈದ್ಯರನ್ನು ನೇಮಕ ಮಾಡಬೇಕು. ಆ ಕೆಲಸವನ್ನು ಅಧಿಕಾರಿಗಳು ಮರತೇ ಬಿಟ್ಟಿದ್ದಾರೆ ಎಂದು ರೈತರು ಆಕ್ರೋಶ ವ್ಯಕ್ತಪಡಿಸಿದರು.

. ರೈತರು ಬೇಡವಾದ ಜಾನುವಾರುಗಳನ್ನು ಮಾರಾಟ ಮಾಡಿ ಮುಂದಿನ ಮುಂಗಾರಿನಲ್ಲಿ ತಮಗೆ ಬೇಸಾಯಕ್ಕೆ ಬೇಕಾದ ಉತ್ತಮ ರಾಸುಗಳನ್ನು ಕೊಂಡುಕೊಳ್ಳುವುದು ಇಲ್ಲಿನ ವಾಡಿಕೆ. ಹೀಗಾಗಿ ಸದ್ಯ ರೈತರಿಗೆ ಬೇಡವಾದ ದನಕರುಗಳೆಲ್ಲವೂ ಕಡಿಮೆ ದರದಲ್ಲಿ ಕಸಾಯಿಖಾನೆಯವರ ಪಾಲಾಗುತ್ತಿವೆ.

. ಸೊರಗಿದ ವ್ಯಾಪಾರವನ್ನೇ ಬಂಡವಾಳ ಮಾಡಿಕೊಂಡ ವ್ಯಾಪಾಸ್ಥರು ಜಾನುವಾರುಗಳನ್ನು ಬಾಯಿಗೆ ಬಂದ ಬೆಲೆಗೆ ಕೇಳುತ್ತಿದ್ದು, ಇದರಿಂದಾಗಿ ಬೆರಳೆಣಿಕೆ ಎತ್ತುಗಳಷ್ಟೇ ಮಾರಾಟವಾಗಿವೆ. ಉಳಿದಂತೆ ನೂರಾರು ರೈತರು ಕೊಳ್ಳುವವರನ್ನು ಎದುರು ನೋಡಿ, ನೋಡಿ ಬೇಸತ್ತು ಸಂತೆಯ ಸಹವಾಸವೇ ಬೇಡ ಎಂದು ವಾಪಾಸಾಗಿದ್ದಾರೆ.

. ** ನೀರಿಗಾಗಿ ಪರದಾಡುವ ಸ್ಥಿತಿ ಮೊದಲಿನಂತೆ ವ್ಯಾಪಾರ ಇಲ್ಲ. ನಾಲ್ಕಾರು ದಿನ ಇದ್ದು ಮಾರಾಟ ಮಾಡಿ ಹೋಗೋಣ ಎಂದರೆ ಕುಡಿಯುವ ನೀರಿಗೆ ಪರದಾಡುವ ಸ್ಥಿತಿ ಇದೆ. ಎರಡು ದಿನ ಟ್ಯಾಂಕರ್ ಮೂಲಕ ನೀರು ಕೊಟ್ಟಂತೆ ಮಾಡಿದರು. ಆ ಮೇಲೆ ನೀರು ಸಿಗಲೇ ಇಲ್ಲ. ಹೀಗಾಗಿ ರೈತರು ಅಲೆದಾಡುವ ಸ್ಥಿತಿ ನಿರ್ಮಾಣವಾಗಿತ್ತು. ಈ ಐತಿಹಾಸಿಕ ಜಾನುವಾರು ಸಂತೆಯನ್ನು ತಾಲ್ಲೂಕು ಆಡಳಿತ ನಿರ್ಲಕ್ಷಿಸಿದೆ. ಯಾವುದೇ ಮೂಲ ಸೌಕರ್ಯದ ವ್ಯವಸ್ಥೆ ಮಾಡಿಲ್ಲ. ಇದು ಪ್ರತಿ ವರ್ಷ ಮರುಕಳುಹಿಸುತ್ತಿದೆ. ಹೀಗೆ ಮುಂದು ವರಿದರೆ ಕೆಲವೇ ವರ್ಷಗಳಲ್ಲಿ ಸಂತೆ ನಿಂತು ಹೋದರೂ ಅಚ್ಚರಿ ಇಲ್ಲ. –ಚೆಲುವರಾಜು, ಹೊನ್ನೆನಹಳ್ಳಿ

. **

. ಕೇಳುವವರೇ ಇಲ್ಲ ಈ ಬಾರಿ ಸುಮಾರು 100 ಜೋಡಿಗಳು ಸಂತೆಗೆ ಬಂದಿದ್ದವು. ಆದರೆ ದನಗಳನ್ನು ಕೇಳುವವರು ಇಲ್ಲ. ಈ ಸಂತೆಗೆ ಬಳ್ಳಾರಿ, ಹಾವೇರಿ, ಹೆಚ್ಚಿನ ಖರೀದಿದಾರರು ಶಿರಾಳಕೊಪ್ಪದಿಂದ ಬರುತ್ತಿದ್ದರು. ಈ ಬಾರಿ ಆ ಭಾಗಗಳಿಂದ ಒಬ್ಬರೂ ಬಂದಿಲ್ಲ. ನನಗೆ ತಿಳುವಳಿಕೆ ಬಂದಾಗಿನಿಂದ ಈ ಸಂತೆಗೆ ಬರುತ್ತಿದ್ದೇನೆ. ಹಿಂದೆ ಇಲ್ಲಿ ದನಗಳ ಕುಡಿಯವ ನೀರಿಗಾಗಿ ತೊಟ್ಟಿಗಳ ವ್ಯವಸ್ಥೆ ಮಾಡಿದ್ದರು. ಈಗ ತೊಟ್ಟಿಗಳು ಎಲ್ಲಿಯೂ ಕಾಣುತ್ತಿಲ್ಲ. ವರ್ಷದಿಂದ ವರ್ಷಕ್ಕೆ ದನಗಳ ಸಂತೆ ಸೊರಗುತ್ತಿರುವುದು ಬೇಸರ ಮೂಡಿಸುತ್ತಿದೆ. -ಮುನಿರಾಜು, ಮುದ್ದನಾಯಕನಹಳ್ಳಿ, ದೇವನಹಳ್ಳಿ ತಾಲ್ಲೂಕು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಿಕ್ಕಬಳ್ಳಾಪುರ: ಕಳೆಗುಂದಿದ ಚಿತ್ರಾವತಿ ದನಗಳ ಸಂತೆ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC

ರಣಜಿ ಕ್ರಿಕೆಟ್: ಮತ್ತೊಂದು ಗೆಲುವಿಗೆ ಕರ್ನಾಟಕದ ತುಡಿತ

ಪ್ರೊ ಕಬಡ್ಡಿ: ಯು.ಪಿ. ಯೋಧಾಸ್ ವಿರುದ್ಧ ಪ್ಯಾಂಥರ್ಸ್‌ಗೆ ರೋಚಕ ಗೆಲುವು

2036ರ ಒಲಿಂಪಿಕ್ಸ್‌: ಐಒಸಿಗೆ ‘ಆಸಕ್ತಿ ಪತ್ರ’ ಸಲ್ಲಿಸಿದ ಭಾರತ

ನ.24ರಿಂದ ಜೆದ್ದಾದಲ್ಲಿ ಐಪಿಎಲ್ ಮೆಗಾ ಬಿಡ್

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC