ಕಾಫಿ ಡೇ ಸಿದ್ದಾರ್ಥ್‌ ತಂದೆ ಕಾಫಿ ಕೃಷಿ ಸಾಧಕ ಗಂಗಯ್ಯ ಹೆಗ್ಡೆ ನೆನಪಿನ ಬುತ್ತಿ

ಚಿಕ್ಕಮಗಳೂರು: ಕೆಫೆ ಕಾಫಿ ಡೇ(ಸಿಸಿಡಿ) ಸಂಸ್ಥಾಪಕ, ಉದ್ಯಮಿ ದಿವಂಗತ ಸಿದ್ದಾರ್ಥ್ ಅವರ ತಂದೆ ಗಂಗಯ್ಯ ಹೆಗ್ಡೆ (95) ಕಾಫಿ ಕೃಷಿಗೆ ಹೊಸ ಆಯಾಮ ತಂದುಕೊಟ್ಟು ಕಾಫಿನಾಡಿನಲ್ಲಿ ಮನೆಮಾತಾಗಿದ್ದರು.

. ಗಂಗಯ್ಯ 1924 ಫೆ. 6ರಂದು ಜನಿಸಿದರು. ಎನ್.ಆರ್.ಪುರ ತಾಲ್ಲೂಕಿನ ಬಾಳೆಹೊನ್ನೂರು ಬಳಿ ಶಂಕರಕೂಡಿಗೆ ಅವರ ಹುಟ್ಟೂರು. ವೀರಪ್ಪ ಹೆಗ್ಡೆ ಮತ್ತು ಶೇಷಮ್ಮ ದಂಪತಿ ಪುತ್ರ. ಈ ದಂಪತಿಗೆ ಕೇಶವ ಹೆಗ್ಡೆ, ಗಂಗಯ್ಯ ಹೆಗ್ಡೆ ಇಬ್ಬರು ಪುತ್ರರು.ಗಂಗಯ್ಯ ಅವರ ಪತ್ನಿ ವಾಸಂತಿ. ಈ ದಂಪತಿಯ ಪುತ್ರ ಸಿದ್ದಾರ್ಥ್. ಮಾಜಿಮುಖ್ಯಮಂತ್ರಿ ಎಸ್.ಎಂ.ಕೃಷ್ಣ ಪುತ್ರಿ ಮಾಳವಿಕಾ ಅವರನ್ನು ಸಿದ್ದಾರ್ಥ್ ಮದುವೆಯಾಗಿದ್ದರು. ಈ ದಂಪತಿಗೆ ಅಮರ್ತ್ಯ, ಇಶಾನ್ ಪುತ್ರರು ಇದ್ದಾರೆ.

. ಗಂಗಯ್ಯ ನಾಲ್ಕು ವರ್ಷದವರಿದ್ದಾಗ ಅವರ ತಂದೆ ಕಾಯಿಲೆಯಿಂದ ತೀರಿಕೊಂಡಿದ್ದರು. ಗಂಗಯ್ಯ ಮನೆಯಲ್ಲೇ ಪ್ರಾಥಮಿಕ ಶಿಕ್ಷಣ ಪಡೆದಿದ್ದರು. ಮೂಡಿಗೆರೆ, ಕೊಪ್ಪದಲ್ಲಿ ಮಾಧ್ಯಮಿಕ ಶಿಕ್ಷಣ, ಚಿಕ್ಕಮಗಳೂರಿನಲ್ಲಿ ಹೈಸ್ಕೂಲು ಶಿಕ್ಷಣ ಪೂರೈಸಿದ್ದರು. ಶಿವಮೊಗ್ಗದಲ್ಲಿ ಇಂಟರ್ ಮೀಡಿಯಟ್ ಮುಗಿಸಿದ್ದರು. ಬೆಂಗಳೂರಿನ ಸೆಂಟ್ರಲ್ ಕಾಲೇಜಿನಲ್ಲಿ ಬಿ.ಎಸ್ಸಿ ಪದವಿ ಪಡೆದಿದ್ದರು.

. ಮೂಡಿಗೆರೆ ತಾಲ್ಲೂಕಿನ ಚೇತನಹಳ್ಳಿಯಲ್ಲಿ1956ರಲ್ಲಿ ಕಾಫಿ ಎಸ್ಟೇಟ್ ಖರೀದಿಸಿ ಅಲ್ಲಿಯೇ ನೆಲೆಯೂರಿದರು. ತೋಟಗಳನ್ನು ವಿಸ್ತರಿಸಿದರು. ಕಾಫಿ ಕೃಷಿಯನ್ನು ತಬ್ಬಿಕೊಂಡು ಯಶಸ್ಸಿನ ಹಾದಿಯಲ್ಲಿ ದಾಪುಗಾಲಿಟ್ಟಿದ್ದರು.ವಿದೇಶಗಳನ್ನು ಸುತ್ತಿ ಅಲ್ಲಿನ ಕೃಷಿ ಕ್ಷೇತ್ರಗಳಲ್ಲಿ ಪ್ರಯೋಗ, ಪ್ರಯತ್ನಗಳನ್ನು ತಿಳಿದುಕೊಂಡಿದ್ದರು.

. ‘ಗಂಗಯ್ಯ ಹೆಗ್ಡೆ ಅವರು ಕಾರ್ಮಿಕರಿಗೆ ಎಂದೂ ಗತ್ತುಗೈರತ್ತು ಮಾಡಿಲ್ಲ. ತೋಟದ ಮಾಲೀಕ ಎಂಬ ಗರ್ವ ಅವರಿಗಿರಲಿಲ್ಲ. ಕಾರ್ಮಿಕರನ್ನು ಪ್ರೀತಿಯಿಂದ ನೋಡಿಕೊಳ್ಳುತ್ತಿದ್ದರು’ ಎಂದು ಒಡನಾಡಿಗಳು ನೆನಪಿಸಿಕೊಳ್ಳುತ್ತಾರೆ.

. ‘ಗಂಗಯ್ಯ ಅವರು 1942ರಲ್ಲಿ ಸ್ವಾತಂತ್ರ್ಯ ಚಳವಳಿಯ ಹೋರಾಟಗಳಲ್ಲಿ ಪಾಲ್ಗೊಂಡಿದ್ದರು. ಶಿವಮೊಗ್ಗದಲ್ಲಿ ವಿದ್ಯಾರ್ಥಿ ಆಂದೋಲನದಲ್ಲಿ ಸಕ್ರಿಯರಾಗಿ ಕಾರ್ಯನಿರ್ವಹಿಸಿದ್ದರು’ ಎಂದು ಅವರ ಒಡನಾಡಿ ಪ್ರೊ.ಸಿ.ಕೆ.ಸುಬ್ಬರಾಯ ನೆನಪಿಸಿಕೊಂಡರು.

. ಗಂಗಯ್ಯ ಅವರ ಹೆಸರಿನಲ್ಲಿ ಚಿಕ್ಕಮಗಳೂರಿನಲ್ಲಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯೊಂದನ್ನು ನಿರ್ಮಿಸಬೇಕು ಎಂದು ಸಿದ್ದಾರ್ಥ್ ಕನಸು ಕಂಡಿದ್ದರು. ಶಂಕುಸ್ಥಾಪನೆಯೂ ನೆರವೇರಿತ್ತು. ಸಿದ್ದಾರ್ಥ್ ಅವರು ಜುಲೈ ಅಂತ್ಯದಲ್ಲಿ ನಿಗೂಢವಾಗಿ ಇಹಲೋಕ ತ್ಯಜಿಸಿದ್ದರು.

. ಅನಾರೋಗ್ಯ ಪೀಡಿತರಾಗಿ ಮೈಸೂರಿನಲ್ಲಿ ಆಸ್ಪತ್ರೆಗೆ ದಾಖಲಾಗಿದ್ದ ಗಂಗಯ್ಯ ಅವರಿಗೆ ಸಿದ್ದಾರ್ಥ್ ಸಾವಿನ ವಿಷಯ ತಿಳಿದಿಲ್ಲ. ಇದೇ 25ರಂದು ಗಂಗಯ್ಯ ಅವರು ನಿಧನರಾಗಿದ್ದು, ಕಾಫಿನಾಡಿನಲ್ಲಿ ದುಗುಡ ಮನೆ ಮಾಡಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾಫಿ ಡೇ ಸಿದ್ದಾರ್ಥ್‌ ತಂದೆ ಕಾಫಿ ಕೃಷಿ ಸಾಧಕ ಗಂಗಯ್ಯ ಹೆಗ್ಡೆ ನೆನಪಿನ ಬುತ್ತಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್