<p><strong>ಚಿಕ್ಕಮಗಳೂರು:</strong> ನಗರಸಭೆ ಚುನಾವಣೆ ಮತದಾನವು ಶಾಂತಿಯುತವಾಗಿ ನಡೆಯಿತು. ಶೇ 60.74 ಮತದಾನವಾಗಿದೆ.</p>.<p>ಮತದಾರರ ಪಟ್ಟಿಯಲ್ಲಿ ಹೆಸರಿಲ್ಲದಿರುವುದು, ಬೇರೆ ವಾರ್ಡ್ ಪಟ್ಟಿಯಲ್ಲಿ ಹೆಸರು ಇರುವುದು ಇಂಥ ಗೊಂದಲಗಳನ್ನು ಹೊರತುಪಡಿಸಿ ಮತದಾನ ಸುಗಮವಾಗಿ ನಡೆದಿದೆ.</p>.<p><strong>ವಾಗ್ವಾದ: </strong>ಮತದಾರರ ಪಟ್ಟಿಯಲ್ಲಿ ಹೆಸರು ಇಲ್ಲ ಎಂದು ಕೆಲವರು ಸಿಬ್ಬಂದಿ ಜತೆ ಕೆಲವೆಡೆ ವಾಗ್ವಾದ ನಡೆಸಿದರು.ವಾರ್ಡ್ ಸಂಖ್ಯೆ 4, 5 , 10 ಸಹಿತ ಇತರ ಕೆಲ ವಾರ್ಡ್ಗಳಲ್ಲಿ ಈ ಮತದಾರರ ಪಟ್ಟಿಯಲ್ಲಿ ಹೆಸರಿಲ್ಲದಿರುವುದು, ಬೇರೆ ವಾರ್ಡ್ ಪಟ್ಟಿಯಲ್ಲಿ ಹೆಸರು ಇರುವುದು ಇಂಥ ಗೊಂದಲ ಕಂಡುಬಂದವು ಎಂದ ಅಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಗೊಂದಲವಾಗಿದ್ದ ಕಡೆಗೆ ತೆರಳಿ ಪರಿಹರಿಸಲಾಯಿತು. ಎಲ್ಲ ಕಡೆ ಶಾಂತಿಯುತವಾಗಿ ಮತದಾನ ನಡೆದಿದೆ’ ಎಂದು ತಹಶೀಲ್ದಾರ್ ಡಾ.ಕೆ.ಜೆ.ಕಾಂತರಾಜ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p><strong>ಮಧ್ಯಾಹ್ನ ಚುರುಕು:</strong> ಬೆಳಿಗ್ಗೆ 7ರಿಂದ ಸಂಜೆ 5 ಗಂಟೆವರೆಗೆ ಮತದಾನ ನಡೆಯಿತು. ಮತದಾನ ಬೆಳಿಗ್ಗೆ ತುಸು ನಿಧಾನಗತಿಯಲ್ಲಿ ಇತ್ತು. ಮಧ್ಯಾಹ್ನದ ಹೊತ್ತಿಗೆ ಚುರುಕುಗೊಂಡಿತ್ತು.</p>.<p>ಬೆಳಿಗ್ಗೆ 9 ಗಂಟೆಗೆ ಶೇ 9.40, 11 ಗಂಟೆಗೆ ಶೇ 20.68, ಮಧ್ಯಾಹ್ನ 1 ಗಂಟೆಗೆ ಶೇ 35.51, 3 ಗಂಟೆಗೆ ಶೇ 47.05 ಹಾಗೂ ಸಂಜೆ 5 ಗಂಟೆಗೆ ಶೇ 60.99 ಮತದಾನವಾಯಿತು.</p>.<p>ಅಭ್ಯರ್ಥಿಗಳು, ಅವರ ಕಡೆಯವರು, ಪಕ್ಷಗಳ ಮುಖಂಡರು ಮತದಾನ ಕೇಂದ್ರಗಳಿಂದ ಅನತಿ ದೂರದಲ್ಲಿ ನಿಂತಿದ್ದರು. ಮತದಾರರರಿಗೆ ಮತದಾರರ ಪಟ್ಟಿಯಲ್ಲಿ ಹೆಸರು, ಕ್ರಮ ಸಂಖ್ಯೆ ಮಾಹಿತಿ ನೀಡಿದರು.<br />ಹಲವು ಕಡೆ ಶಾಮಿಯಾನ, ಕುರ್ಚಿ, ಮೇಜು ವ್ಯವಸ್ಥೆ ಮಾಡಿಕೊಂಡಿದ್ದರು. ಬಿರುಬಿಸಿಲು ಲೆಕ್ಕಿಸದೆ ಸಂಜೆವರೆಗೂ ಠಿಕಾಣಿ ಹೂಡಿದ್ದರು.</p>.<p>ಮತದಾನ ಕೇಂದ್ರಗಳ ಬಳಿ ಕಾರ್ಯಕರ್ತರು, ಅಭ್ಯರ್ಥಿಗಳ ಬೆಂಬಲಿಗರು ಜಮಾಯಿಸಿದ್ದರು. ಕೆಲವರು ನೀರು, ತಂಪು ಪಾನೀಯ ಉಪಾಹಾರದ ವ್ಯವಸ್ಥೆ ಮಾಡಿದ್ದರು.</p>.<p><strong>ನೆರವು:</strong> ವೃದ್ಧರಿಗೆ, ಆಶಕ್ತರಿಗೆ ಮತದಾನ ಕೇಂದ್ರಕ್ಕೆ ತೆರಳಲು ಅವರ ಸಂಬಂಧಿಕರು, ಕಾರ್ಯಕರ್ತರು ನೆರವಾದರು. ಮನೆಯಿಂದ ವಾಹನದಲ್ಲಿ ಮತದಾನ ಕೇಂದ್ರಕ್ಕೆ ಕರೆ ತಂದರು. ಅಲ್ಲಿಂದ ಕೈಹಿಡಿದು ಮತಗಟ್ಟೆವರೆಗೆ ತಲುಪಿಸಲು ನೆರವಾದರು.</p>.<p><strong>30ರಂದು ಮತ ಎಣಿಕೆ: </strong>ನಗರಸಭೆ ಚುನಾವಣೆ ಮತದಾನ ಪ್ರಕ್ರಿಯೆ ಮುಗಿದಿದೆ. ಮತಗಳ ಎಣಿಕೆ ಡಿ.30ರಂದು ಮತ ಎಣಿಕೆ ನಡೆಯಲಿದೆ. ಬೆಳಿಗ್ಗೆ 8 ಗಂಟೆಗೆ ಪ್ರಕ್ರಿಯೆ ಆರಂಭವಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಿಕ್ಕಮಗಳೂರು:</strong> ನಗರಸಭೆ ಚುನಾವಣೆ ಮತದಾನವು ಶಾಂತಿಯುತವಾಗಿ ನಡೆಯಿತು. ಶೇ 60.74 ಮತದಾನವಾಗಿದೆ.</p>.<p>ಮತದಾರರ ಪಟ್ಟಿಯಲ್ಲಿ ಹೆಸರಿಲ್ಲದಿರುವುದು, ಬೇರೆ ವಾರ್ಡ್ ಪಟ್ಟಿಯಲ್ಲಿ ಹೆಸರು ಇರುವುದು ಇಂಥ ಗೊಂದಲಗಳನ್ನು ಹೊರತುಪಡಿಸಿ ಮತದಾನ ಸುಗಮವಾಗಿ ನಡೆದಿದೆ.</p>.<p><strong>ವಾಗ್ವಾದ: </strong>ಮತದಾರರ ಪಟ್ಟಿಯಲ್ಲಿ ಹೆಸರು ಇಲ್ಲ ಎಂದು ಕೆಲವರು ಸಿಬ್ಬಂದಿ ಜತೆ ಕೆಲವೆಡೆ ವಾಗ್ವಾದ ನಡೆಸಿದರು.ವಾರ್ಡ್ ಸಂಖ್ಯೆ 4, 5 , 10 ಸಹಿತ ಇತರ ಕೆಲ ವಾರ್ಡ್ಗಳಲ್ಲಿ ಈ ಮತದಾರರ ಪಟ್ಟಿಯಲ್ಲಿ ಹೆಸರಿಲ್ಲದಿರುವುದು, ಬೇರೆ ವಾರ್ಡ್ ಪಟ್ಟಿಯಲ್ಲಿ ಹೆಸರು ಇರುವುದು ಇಂಥ ಗೊಂದಲ ಕಂಡುಬಂದವು ಎಂದ ಅಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಗೊಂದಲವಾಗಿದ್ದ ಕಡೆಗೆ ತೆರಳಿ ಪರಿಹರಿಸಲಾಯಿತು. ಎಲ್ಲ ಕಡೆ ಶಾಂತಿಯುತವಾಗಿ ಮತದಾನ ನಡೆದಿದೆ’ ಎಂದು ತಹಶೀಲ್ದಾರ್ ಡಾ.ಕೆ.ಜೆ.ಕಾಂತರಾಜ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p><strong>ಮಧ್ಯಾಹ್ನ ಚುರುಕು:</strong> ಬೆಳಿಗ್ಗೆ 7ರಿಂದ ಸಂಜೆ 5 ಗಂಟೆವರೆಗೆ ಮತದಾನ ನಡೆಯಿತು. ಮತದಾನ ಬೆಳಿಗ್ಗೆ ತುಸು ನಿಧಾನಗತಿಯಲ್ಲಿ ಇತ್ತು. ಮಧ್ಯಾಹ್ನದ ಹೊತ್ತಿಗೆ ಚುರುಕುಗೊಂಡಿತ್ತು.</p>.<p>ಬೆಳಿಗ್ಗೆ 9 ಗಂಟೆಗೆ ಶೇ 9.40, 11 ಗಂಟೆಗೆ ಶೇ 20.68, ಮಧ್ಯಾಹ್ನ 1 ಗಂಟೆಗೆ ಶೇ 35.51, 3 ಗಂಟೆಗೆ ಶೇ 47.05 ಹಾಗೂ ಸಂಜೆ 5 ಗಂಟೆಗೆ ಶೇ 60.99 ಮತದಾನವಾಯಿತು.</p>.<p>ಅಭ್ಯರ್ಥಿಗಳು, ಅವರ ಕಡೆಯವರು, ಪಕ್ಷಗಳ ಮುಖಂಡರು ಮತದಾನ ಕೇಂದ್ರಗಳಿಂದ ಅನತಿ ದೂರದಲ್ಲಿ ನಿಂತಿದ್ದರು. ಮತದಾರರರಿಗೆ ಮತದಾರರ ಪಟ್ಟಿಯಲ್ಲಿ ಹೆಸರು, ಕ್ರಮ ಸಂಖ್ಯೆ ಮಾಹಿತಿ ನೀಡಿದರು.<br />ಹಲವು ಕಡೆ ಶಾಮಿಯಾನ, ಕುರ್ಚಿ, ಮೇಜು ವ್ಯವಸ್ಥೆ ಮಾಡಿಕೊಂಡಿದ್ದರು. ಬಿರುಬಿಸಿಲು ಲೆಕ್ಕಿಸದೆ ಸಂಜೆವರೆಗೂ ಠಿಕಾಣಿ ಹೂಡಿದ್ದರು.</p>.<p>ಮತದಾನ ಕೇಂದ್ರಗಳ ಬಳಿ ಕಾರ್ಯಕರ್ತರು, ಅಭ್ಯರ್ಥಿಗಳ ಬೆಂಬಲಿಗರು ಜಮಾಯಿಸಿದ್ದರು. ಕೆಲವರು ನೀರು, ತಂಪು ಪಾನೀಯ ಉಪಾಹಾರದ ವ್ಯವಸ್ಥೆ ಮಾಡಿದ್ದರು.</p>.<p><strong>ನೆರವು:</strong> ವೃದ್ಧರಿಗೆ, ಆಶಕ್ತರಿಗೆ ಮತದಾನ ಕೇಂದ್ರಕ್ಕೆ ತೆರಳಲು ಅವರ ಸಂಬಂಧಿಕರು, ಕಾರ್ಯಕರ್ತರು ನೆರವಾದರು. ಮನೆಯಿಂದ ವಾಹನದಲ್ಲಿ ಮತದಾನ ಕೇಂದ್ರಕ್ಕೆ ಕರೆ ತಂದರು. ಅಲ್ಲಿಂದ ಕೈಹಿಡಿದು ಮತಗಟ್ಟೆವರೆಗೆ ತಲುಪಿಸಲು ನೆರವಾದರು.</p>.<p><strong>30ರಂದು ಮತ ಎಣಿಕೆ: </strong>ನಗರಸಭೆ ಚುನಾವಣೆ ಮತದಾನ ಪ್ರಕ್ರಿಯೆ ಮುಗಿದಿದೆ. ಮತಗಳ ಎಣಿಕೆ ಡಿ.30ರಂದು ಮತ ಎಣಿಕೆ ನಡೆಯಲಿದೆ. ಬೆಳಿಗ್ಗೆ 8 ಗಂಟೆಗೆ ಪ್ರಕ್ರಿಯೆ ಆರಂಭವಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
