ಅಪಾಯಕ್ಕೆ ಬಾಯ್ತೆರೆದ ಕಲ್ಲು ಕ್ವಾರಿ, ಆಳ ಹೊಂಡಗಳು

ಮುಡಿಪು: ಈ ಬಾರಿ ಭಾರಿ ಮಳೆಯಿಂದಾಗಿ ಹಲವಾರು ಅವಘಡಗಳು ಸಂಭವಿಸಿವೆ. ಈ ಮಧ್ಯೆ ಗ್ರಾಮೀಣ ಪ್ರದೇಶಗಳಲ್ಲಿ ಕೆಂಪು ಕಲ್ಲಿನ ಕ್ವಾರಿಗಳು, ಇತರ ಆಳವಾದ ಹೊಂಡಗಳು ನೀರು ತುಂಬಿಕೊಂಡು ಬಾಯ್ತೆರೆದು ನಿಂತಿದ್ದು ಅಪಾಯಕ್ಕೆ ಆಹ್ವಾನ ನೀಡುತ್ತಿವೆ.

. ಮುಡಿಪು ಸಮೀಪದ ಬಾಳೆಪುಣಿ ಗ್ರಾಮದ ಹೂಹಾಕುವಕಲ್ಲು ಎಂಬಲ್ಲಿನ ನವಗ್ರಾಮ ಸೈಟ್ ಬಳಿ ಕಾರ್ಯಸ್ಥಗಿತಗೊಂಡಿರುವ ಹಲವು ಕಲ್ಲುಕ್ವಾರಿಗಳಿವೆ. ಈ ಆಳವಾದ ಕಲ್ಲುಕ್ವಾರಿಗಳಲ್ಲಿ ಇದೀಗಅಪಾಯಮಟ್ಟದಲ್ಲಿ ನೀರು ತುಂಬಿ ಹರಿಯುತ್ತಿದೆ. ತಡೆಗೋಡೆ ಇಲ್ಲದ ಈ ಕಲ್ಲುಕ್ವಾರಿಗಳ ನಡುವೆ ಜನರು ಸಂಚರಿಸುವ ರಸ್ತೆಯೂ ಇದೆ. ಇವುಗಳಲ್ಲಿ ರೋಗಕಾರಕ ತ್ಯಾಜ್ಯ ಸುರಿದಿದ್ದರೂ ಯುವಕರು, ಮಕ್ಕಳಿಗೆ ಈಜುಕೊಳವಾಗಿಯೂ ರೂಪುಗೊಂಡಿರುವುದು ಅಪಾಯದ ಪ್ರಮಾಣವನ್ನು ಹೆಚ್ಚಿಸಿದೆ.

. ಕೆಂಪುಕಲ್ಲು ಕ್ವಾರಿಗಳು: ಮುಡಿಪು ಪರಿಸರದಲ್ಲಿ ಸಿಗುವ ಕೆಂಪುಕಲ್ಲುಗಳಿಗೆ ಹಿಂದೆಲ್ಲ ಭಾರಿ ಬೇಡಿಕೆ ಇತ್ತು. 15-20 ವರ್ಷಗಳ ಹಿಂದೆ ಈ ಪರಿಸರದಲ್ಲಿ ಕೆಂಪುಕಲ್ಲು ಗಣಿಗಾರಿಕೆ ಅವ್ಯಾಹತವಾಗಿ ನಡೆಯುತ್ತಿತ್ತು. ಸರ್ಕಾರಿ ಹಾಗೂ ಖಾಸಗಿ ಜಮೀನುಗಳಲ್ಲಿಯೂ ಇದು ನಿರಂತರವಾಗಿ ನಡೆಯುತ್ತಿದ್ದವು. ಸಮಸ್ಯೆಗಳು ಎದುರಾದಾಗ ಇಲ್ಲಿಯ ಕಲ್ಲುಕ್ವಾರಿಗಳನ್ನು ಸ್ಥಗಿತವಾಗಿದ್ದುವು. ಇದೀಗ ಇಲ್ಲಿರುವ ಹಲವು ಕ್ವಾರೆಗಳಿಗೆ ಮಣ್ಣು ತುಂಬಿದ್ದರೂ ನವಗ್ರಾಮ ಸೈಟ್ ಬಳಿನೀರು ತುಂಬಿಕೊಂಡು ಬಾಯ್ತೆರೆದು ನಿಂತಿದೆ.

. ನೀರಿನಲ್ಲಿ ತ್ಯಾಜ್ಯ ರಾಶಿ: ಕಳೆದ ಹಲವಾರು ವರ್ಷಗಳಿಂದ ಕಾರ್ಯಸ್ಥಗಿತ ಗೊಂಡು ಹಾಗೇ ಉಳಿದುಕೊಂಡಿರುವ ಆಳವಾದ ಕಲ್ಲುಕ್ವಾರಿಗಳಲ್ಲಿ ಇದೀಗ ಮಳೆ ನೀರು, ತ್ಯಾಜ್ಯದ ರಾಶಿಯೂ ತುಂಬಿಕೊಂಡಿದೆ. ಇಲ್ಲಿಯೇ ಕೆಲವು ಕೊಳಚೆ ತ್ಯಾಜ್ಯಗಳನ್ನು ಸುರಿಯಲಾಗುತ್ತಿದೆ. ಇದರಿಂದ ನವಗ್ರಾಮ ಸೈಟ್ ಬಳಿಯ ನಿವಾಸಿಗಳಿಗೆ ಸಾಂಕ್ರಾಮಿಕ ರೋಗ ಹರಡುವ ಭೀತಿ ಇದೆ.

. ಮಕ್ಕಳ ಈಜಾಟ : ಮಳೆಗಾಲವಾಗಿರುವುದರಿಂದ ಇಲ್ಲಿಯ ಕಲ್ಲುಕ್ವಾರಿಗಳು ನೀರಿನಿಂದ ತುಂಬಿ ಹರಿಯುತ್ತಿವೆ. ಕೆಲವು ಕ್ವಾರಿಗಳು ಸುಮಾರು 15 ಅಡಿಗಳಷ್ಟು ಆಳ ಇವೆ. ಯುವಕರು , ಸಣ್ಣ ಸಣ್ಣ ಮಕ್ಕಳು ಕೂಡಾ ಈಜಾಟ ನಡೆಸುತ್ತಿದ್ದಾರೆ. ವರ್ಷಗಳ ಹಿಂದೆ ಇಲ್ಲಿಯ ಕಲ್ಲುಕ್ವಾರಿಯಲ್ಲಿ ಯುವಕ ಬಿದ್ದು ಅವಘಡ ಸಂಭವಿಸಿತ್ತು ಎಂದು ನೆನಪಿಸುತ್ತಾರೆ.

. ಸ್ಥಳೀಯಾಡಳಿತ ಕ್ರಮ: ಮುಡಿಪು ವ್ಯಾಪ್ತಿಯ ಇರಾ, ಬಾಳೆಪುಣಿ, ನರಿಂಗಾನ ಗ್ರಾಮ ಸೇರಿದಂತೆ ಹಲವಾರು ಕಡೆ ಇಂತಹ ತೆರದುಕೊಂಡಿದ್ದ ಕಲ್ಲುಕ್ವಾರಿಗಳಿಗೆ ಬಿದ್ದು ಹಲವು ಪ್ರಾಣಾಪಾಯ ಸಂಭವಿಸಿದ ಉದಾಹರಣೆಗಳಿವೆ.

. ತೆರೆದ ನಿಷ್ಕ್ರಿಯ ಕಲ್ಲುಕ್ವಾರಿಗಳನ್ನು ಮುಚ್ಚುವಂತೆ ಅಥವಾ ತಡೆಗೋಡೆ ನಿರ್ಮಿಸುವಂತೆ ಜಿಲ್ಲಾಡಳಿತ ಕ್ರಮ ತೆಗೆದುಕೊಂಡಿತ್ತು. ಆದರೂ ಕೂಡಾ ಈ ಕಾನೂನು ಕ್ರಮಗಳನ್ನು ಗಾಳಿಗೆ ತೂರಿ ಇನ್ನೂ ಕೂಡಾ ಹಲೆವೆಡೆ ಇಂತಹ ತಡೆಗೋಡೆಯಿಲ್ಲದೆ ನೀರು ತುಂಬಿಕೊಂಡಿರುವ ಕಲ್ಲುಕ್ವಾರಿಗಳಿದ್ದು ಪ್ರಾಣಾಪಾಯ ಸಂಭವಿಸುವ ಮುನ್ನ ಸ್ಥಳಿಯಾಡಳಿತ ಎಚ್ಚೆತ್ತುಕೊಳ್ಳಬೇಕಾದ ಅನಿವಾರ್ಯತೆ ಇದೆ ಹಾಗೂ ಗ್ರಾಮದಲ್ಲಿ ಅಕ್ರಮವಾಗಿ ನಡೆಯುತ್ತಿರುವ ಕಲ್ಲುಕ್ವಾರಿಗಳ ಬಗ್ಗೆ ಕ್ರಮ ತೆಗೆದುಕೊಳ್ಳಬೇಕಿದೆ ಎಂಬುದು ಗ್ರಾಮಸ್ಥರ ಆಗ್ರಹವಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಪಾಯಕ್ಕೆ ಬಾಯ್ತೆರೆದ ಕಲ್ಲು ಕ್ವಾರಿ, ಆಳ ಹೊಂಡಗಳು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು