<p><strong>ದಾವಣಗೆರೆ</strong>: ಲಾಕ್ಡೌನ್ ಸಡಿಲಗೊಳಿಸುತ್ತಿದ್ದಂತೆಯೇ ಸಿಮೆಂಟ್ ಹಾಗೂ ಕಬ್ಬಿಣದ ಬೆಲೆ ಏರಿಕೆಯಾಗಿದ್ದು, ಮನೆ ಕಟ್ಟಿಕೊಳ್ಳಬೇಕು ಎಂದು ಕನಸು ಕಾಣುತ್ತಿದ್ದವರಿಗೆ ನಿರಾಶೆಯಾಗಿದೆ.</p>.<p>ಕೋವಿಡ್–19 ಹಿನ್ನೆಲೆಯಲ್ಲಿ ಲಾಕ್ಡೌನ್ನಿಂದಾಗಿ ಸ್ಥಗಿತಗೊಂಡಿದ್ದ ಉತ್ಪಾದನೆ ಈಗ ಆರಂಭವಾಗಿದ್ದರೂ ಕಚ್ಚಾವಸ್ತುಗಳ ಕೊರತೆ, ಸಾರಿಗೆ ಸಮಸ್ಯೆ ಹಾಗೂ ಕಾರ್ಮಿಕರ ಕೊರತೆ ಬೆಲೆ ಏರಿಕೆ ಕಾರಣ ಎಂದು ವಿಶ್ಲೇಷಿಸಲಾಗುತ್ತಿದೆ.</p>.<p>ಆರ್ಥಿಕ ಚಟುವಟಿಕೆ ಗರಿಗೆದರಿದರೂ ನಿರ್ಮಾಣ ಕಾರ್ಯದ ಬಹುಮುಖ್ಯ ಸಲಕರಣೆಗಳಾದ ಸಿಮೆಂಟ್ ಹಾಗೂ ಕಬ್ಬಿಣ ಬೆಲೆಯಲ್ಲಿ ಭಾರಿ ಏರಿಕೆ ಕಂಡಿದ್ದು, ಜನರು ದುಬಾರಿ ಬೆಲೆ ತೆತ್ತು ನಿರ್ಮಾಣ ಹಂತದಲ್ಲಿರುವ ಮನೆಗಳನ್ನು ಮುಗಿಸಿಕೊಳ್ಳುತ್ತಿದ್ದಾರೆ. ಕೆಲವರು ಮನೆ ನಿರ್ಮಾಣ ಕಾರ್ಯವನ್ನು ಮುಂದೂಡಿದ್ದಾರೆ.</p>.<p>ಲಾಕ್ಡೌನ್ಗೂ ಮುಂಚೆ ಎಲ್ಲಾ ಕಂಪನಿಗಳ ‘ಎ’ ಗ್ರೇಡ್ ಸಿಮೆಂಟ್ ಬೆಲೆ ₹280ರಿಂದ ₹320 ಇತ್ತು. ಲಾಕ್ಡೌನ್ ಸಡಿಲಿಕೆಯ ನಂತರ ಪ್ರತಿ ಚೀಲಕ್ಕೆ ₹380ರಿಂದ ₹400 ಆಗಿದೆ. ‘ಬಿ’ ಮತ್ತು ‘ಸಿ’ ಗ್ರೇಡ್ ಸಿಮೆಂಟ್ ಬೆಲೆ ಈ ಹಿಂದೆ ₹250 ಇದ್ದಿದ್ದು, ₹350 ಆಗಿದೆ’ ಎನ್ನುತ್ತಾರೆ. ಡಿಸ್ಟ್ರಿಕ್ಟ್ ಸ್ಟೀಲ್ ಅಂಡ್ ಸಿಮೆಂಟ್ ಅಸೋಸಿಯೇಷನ್ ಉಪಾಧ್ಯಕ್ಷ ಅರವಿಂದ್.</p>.<p>‘ಲಾಕ್ಡೌನ್ಗಿಂತ ಮುಂಚೆ ಕಂಪನಿಗಳು ವಿನಾಯಿತಿ ನೀಡುತ್ತಿದ್ದವು. ಆದನ್ನು ನಾವು ಗ್ರಾಹಕರಿಗೆ ವರ್ಗಾಹಿಸುತ್ತಿದ್ದೆವು. ಈಗ ಅದು ಸ್ಥಗಿತಗೊಂಡಿದೆ. ಡಿಸ್ಕೌಂಟ್ ಇಲ್ಲದಿದ್ದರೆ ಗ್ರಾಹಕರಿಗೆ ಹೇಗೆ ತಾನೇ ಕೊಡಲು ಸಾಧ್ಯ?. ಪೂರೈಕೆ ಕಡಿಮೆಯಾಗಿದ್ದರಿಂದ ಬೇಡಿಕೆ ಜಾಸ್ತಿಯಾಗಿದೆ. ದಾವಣಗೆರೆಗೆ ಈ ಹಿಂದೆ 35 ಸಾವಿರ ಟನ್ ಸಿಮೆಂಟ್ ಬರುತ್ತಿತ್ತು. ಈಗ 18ರಿಂದ 20 ಸಾವಿರ ಟನ್ಗೆ ಇಳಿದಿದೆ ಎನ್ನುತ್ತಾರೆ’ ಎನ್ನುತ್ತಾರೆ ಅರವಿಂದ್.</p>.<p>‘ಕಲಬುರಗಿಯಿಂದ ಎಸಿಸಿ ಸಿಮೆಂಟ್ ಬರುತ್ತಿತ್ತು. ಅಲ್ಲಿ ಕೋವಿಡ್–19ನಿಂದ ವ್ಯಕ್ತಿಯೊಬ್ಬ ಸಾವನ್ನಪ್ಪಿದ್ದರಿಂದ ಅಲ್ಲಿ ಎಲ್ಲವನ್ನೂ ಸೀಲ್ಡೌನ್ ಮಾಡಲಾಯಿತು. ಇದರಿಂದ ಜಿಲ್ಲೆಗೆ ಬರುವ ಸಿಮೆಂಟ್ ಪ್ರಮಾಣ ಕಡಿಮೆಯಾಯಿತು. ಪ್ರತಿದಿನ 10ರಿಂದ 15 ಗಾಡಿ ರ್ಯಾಮ್ಕೊ ಸಿಮೆಂಟ್ ಈಗ 2 ಗಾಡಿ ಬರುತ್ತಿದೆ. ಆಂಧ್ರದಿಂದ ಬರುತ್ತಿದ್ದ ಸಿಮೆಂಟ್ ಕೂಡ ನಿಂತಿದೆ. ಇದಲ್ಲದೇ ಕಬ್ಬಿಣದ ಬೆಲೆಯಲ್ಲೂ ಭಾರಿ ಏರಿಕೆ ಕಂಡಿದೆ. ಒಂದು ಟನ್ ಕಬ್ಬಿಣ ₹48 ಸಾವಿರ ಇದ್ದಿದ್ದು, ₹52 ಸಾವಿರ ಏರಿಕೆ ಕಂಡಿದೆ ಎನ್ನುತ್ತಾರೆ’ ಅರವಿಂದ್.</p>.<p>‘ಗ್ರಾಮೀಣ ಭಾಗದಲ್ಲಿ ಕಾರ್ಮಿಕರು ಇರುವುದರಿಂದ ಹೆಚ್ಚಿನ ಬೇಡಿಕೆ ಬರುತ್ತಿದೆ. ಆದರೆ ನಗರ ಪ್ರದೇಶಗಳಲ್ಲಿ ಕಾಮಗಾರಿಗಳು ನಿಂತಿವೆ. ಹೆಚ್ಚಿನ ಕಾರ್ಮಿಕರು ಬರುತ್ತಿದ್ದ ಆಜಾದ್ನಗರ ಹಾಗೂ ಭಾಷಾನಗರಗಳು ಸೀಲ್ಡೌನ್ ಆಗಿದ್ದು, ಮನೆ ನಿರ್ಮಾಣ ಕಾರ್ಯ ಅಷ್ಟಾಗಿ ನಡೆಯುತ್ತಿಲ್ಲ’ ಎಂದು ಅವರು ವಿಶ್ಲೇಷಿಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಾವಣಗೆರೆ</strong>: ಲಾಕ್ಡೌನ್ ಸಡಿಲಗೊಳಿಸುತ್ತಿದ್ದಂತೆಯೇ ಸಿಮೆಂಟ್ ಹಾಗೂ ಕಬ್ಬಿಣದ ಬೆಲೆ ಏರಿಕೆಯಾಗಿದ್ದು, ಮನೆ ಕಟ್ಟಿಕೊಳ್ಳಬೇಕು ಎಂದು ಕನಸು ಕಾಣುತ್ತಿದ್ದವರಿಗೆ ನಿರಾಶೆಯಾಗಿದೆ.</p>.<p>ಕೋವಿಡ್–19 ಹಿನ್ನೆಲೆಯಲ್ಲಿ ಲಾಕ್ಡೌನ್ನಿಂದಾಗಿ ಸ್ಥಗಿತಗೊಂಡಿದ್ದ ಉತ್ಪಾದನೆ ಈಗ ಆರಂಭವಾಗಿದ್ದರೂ ಕಚ್ಚಾವಸ್ತುಗಳ ಕೊರತೆ, ಸಾರಿಗೆ ಸಮಸ್ಯೆ ಹಾಗೂ ಕಾರ್ಮಿಕರ ಕೊರತೆ ಬೆಲೆ ಏರಿಕೆ ಕಾರಣ ಎಂದು ವಿಶ್ಲೇಷಿಸಲಾಗುತ್ತಿದೆ.</p>.<p>ಆರ್ಥಿಕ ಚಟುವಟಿಕೆ ಗರಿಗೆದರಿದರೂ ನಿರ್ಮಾಣ ಕಾರ್ಯದ ಬಹುಮುಖ್ಯ ಸಲಕರಣೆಗಳಾದ ಸಿಮೆಂಟ್ ಹಾಗೂ ಕಬ್ಬಿಣ ಬೆಲೆಯಲ್ಲಿ ಭಾರಿ ಏರಿಕೆ ಕಂಡಿದ್ದು, ಜನರು ದುಬಾರಿ ಬೆಲೆ ತೆತ್ತು ನಿರ್ಮಾಣ ಹಂತದಲ್ಲಿರುವ ಮನೆಗಳನ್ನು ಮುಗಿಸಿಕೊಳ್ಳುತ್ತಿದ್ದಾರೆ. ಕೆಲವರು ಮನೆ ನಿರ್ಮಾಣ ಕಾರ್ಯವನ್ನು ಮುಂದೂಡಿದ್ದಾರೆ.</p>.<p>ಲಾಕ್ಡೌನ್ಗೂ ಮುಂಚೆ ಎಲ್ಲಾ ಕಂಪನಿಗಳ ‘ಎ’ ಗ್ರೇಡ್ ಸಿಮೆಂಟ್ ಬೆಲೆ ₹280ರಿಂದ ₹320 ಇತ್ತು. ಲಾಕ್ಡೌನ್ ಸಡಿಲಿಕೆಯ ನಂತರ ಪ್ರತಿ ಚೀಲಕ್ಕೆ ₹380ರಿಂದ ₹400 ಆಗಿದೆ. ‘ಬಿ’ ಮತ್ತು ‘ಸಿ’ ಗ್ರೇಡ್ ಸಿಮೆಂಟ್ ಬೆಲೆ ಈ ಹಿಂದೆ ₹250 ಇದ್ದಿದ್ದು, ₹350 ಆಗಿದೆ’ ಎನ್ನುತ್ತಾರೆ. ಡಿಸ್ಟ್ರಿಕ್ಟ್ ಸ್ಟೀಲ್ ಅಂಡ್ ಸಿಮೆಂಟ್ ಅಸೋಸಿಯೇಷನ್ ಉಪಾಧ್ಯಕ್ಷ ಅರವಿಂದ್.</p>.<p>‘ಲಾಕ್ಡೌನ್ಗಿಂತ ಮುಂಚೆ ಕಂಪನಿಗಳು ವಿನಾಯಿತಿ ನೀಡುತ್ತಿದ್ದವು. ಆದನ್ನು ನಾವು ಗ್ರಾಹಕರಿಗೆ ವರ್ಗಾಹಿಸುತ್ತಿದ್ದೆವು. ಈಗ ಅದು ಸ್ಥಗಿತಗೊಂಡಿದೆ. ಡಿಸ್ಕೌಂಟ್ ಇಲ್ಲದಿದ್ದರೆ ಗ್ರಾಹಕರಿಗೆ ಹೇಗೆ ತಾನೇ ಕೊಡಲು ಸಾಧ್ಯ?. ಪೂರೈಕೆ ಕಡಿಮೆಯಾಗಿದ್ದರಿಂದ ಬೇಡಿಕೆ ಜಾಸ್ತಿಯಾಗಿದೆ. ದಾವಣಗೆರೆಗೆ ಈ ಹಿಂದೆ 35 ಸಾವಿರ ಟನ್ ಸಿಮೆಂಟ್ ಬರುತ್ತಿತ್ತು. ಈಗ 18ರಿಂದ 20 ಸಾವಿರ ಟನ್ಗೆ ಇಳಿದಿದೆ ಎನ್ನುತ್ತಾರೆ’ ಎನ್ನುತ್ತಾರೆ ಅರವಿಂದ್.</p>.<p>‘ಕಲಬುರಗಿಯಿಂದ ಎಸಿಸಿ ಸಿಮೆಂಟ್ ಬರುತ್ತಿತ್ತು. ಅಲ್ಲಿ ಕೋವಿಡ್–19ನಿಂದ ವ್ಯಕ್ತಿಯೊಬ್ಬ ಸಾವನ್ನಪ್ಪಿದ್ದರಿಂದ ಅಲ್ಲಿ ಎಲ್ಲವನ್ನೂ ಸೀಲ್ಡೌನ್ ಮಾಡಲಾಯಿತು. ಇದರಿಂದ ಜಿಲ್ಲೆಗೆ ಬರುವ ಸಿಮೆಂಟ್ ಪ್ರಮಾಣ ಕಡಿಮೆಯಾಯಿತು. ಪ್ರತಿದಿನ 10ರಿಂದ 15 ಗಾಡಿ ರ್ಯಾಮ್ಕೊ ಸಿಮೆಂಟ್ ಈಗ 2 ಗಾಡಿ ಬರುತ್ತಿದೆ. ಆಂಧ್ರದಿಂದ ಬರುತ್ತಿದ್ದ ಸಿಮೆಂಟ್ ಕೂಡ ನಿಂತಿದೆ. ಇದಲ್ಲದೇ ಕಬ್ಬಿಣದ ಬೆಲೆಯಲ್ಲೂ ಭಾರಿ ಏರಿಕೆ ಕಂಡಿದೆ. ಒಂದು ಟನ್ ಕಬ್ಬಿಣ ₹48 ಸಾವಿರ ಇದ್ದಿದ್ದು, ₹52 ಸಾವಿರ ಏರಿಕೆ ಕಂಡಿದೆ ಎನ್ನುತ್ತಾರೆ’ ಅರವಿಂದ್.</p>.<p>‘ಗ್ರಾಮೀಣ ಭಾಗದಲ್ಲಿ ಕಾರ್ಮಿಕರು ಇರುವುದರಿಂದ ಹೆಚ್ಚಿನ ಬೇಡಿಕೆ ಬರುತ್ತಿದೆ. ಆದರೆ ನಗರ ಪ್ರದೇಶಗಳಲ್ಲಿ ಕಾಮಗಾರಿಗಳು ನಿಂತಿವೆ. ಹೆಚ್ಚಿನ ಕಾರ್ಮಿಕರು ಬರುತ್ತಿದ್ದ ಆಜಾದ್ನಗರ ಹಾಗೂ ಭಾಷಾನಗರಗಳು ಸೀಲ್ಡೌನ್ ಆಗಿದ್ದು, ಮನೆ ನಿರ್ಮಾಣ ಕಾರ್ಯ ಅಷ್ಟಾಗಿ ನಡೆಯುತ್ತಿಲ್ಲ’ ಎಂದು ಅವರು ವಿಶ್ಲೇಷಿಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
