ಅಂತರ ಜಿಲ್ಲಾ ಕ್ರಿಕೆಟ್‌ ಪಂದ್ಯಾವಳಿ: ದಾವಣಗೆರೆ, ತುಮಕೂರು ತಂಡಗಳ ಶುಭಾರಂಭ

ದಾವಣಗೆರೆ: ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ (ಕೆಎಸ್ಸಿಎ) ಆಯೋಜಿಸಿರುವ ತುಮಕೂರು ವಲಯದ 16 ವರ್ಷದೊಳಗಿನ ಅಂತರ ಜಿಲ್ಲಾ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಭಾನುವಾರ ನಡೆದ ತಮ್ಮ ಮೊದಲ ಪಂದ್ಯಗಳಲ್ಲಿ ಜಯಿಸುವ ಮೂಲಕ ದಾವಣಗೆರೆ ಹಾಗೂ ತುಮಕೂರು ಜಿಲ್ಲಾ ತಂಡಗಳು ಶುಭಾರಂಭ ಮಾಡಿದವು.

. ಇಲ್ಲಿನ ಎಂಬಿಎ ಕಾಲೇಜು ಟರ್ಫ್ ಮೈದಾನದಲ್ಲಿ ಬಳ್ಳಾರಿ ಜಿಲ್ಲಾ ತಂಡದ ವಿರುದ್ಧ ನಡೆದ ಪಂದ್ಯದಲ್ಲಿ ಟಾಸ್ ಸೋತರೂ ಮೊದಲ ಬ್ಯಾಟಿಂಗ್ ಅವಕಾಶ ಪಡೆದ ದಾವಣಗೆರೆ ತಂಡ ನಿಗದಿತ 50 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 247 ರನ್ ಗಳಿಸಿತು.

. ತಂಡದ ಪರ ಶತಕ ಸಿಡಿಸಿ ಗಮನ ಸೆಳೆದ ಆರಂಭಿಕ ಬ್ಯಾಟರ್ ಕೆ.ಅಖಿಲ್ 107 (143 ಎಸೆತ, 9 ಬೌಂಡರಿ) ಹಾಗೂ ನಾಯಕ ಎ.ಎ.ರೋಹಿತ್ ಔಟಾಗದೇ 82 (98 ಎಸೆತ, 8 ಬೌಂಡರಿ) ಉತ್ತಮ ಪ್ರದರ್ಶನ ನಿಡಿದರು. ತಂಡದ ಎ.ಜಿ. ಕಲ್ಲೇಶ್ 23 ರನ್ ಗಳಿಸಿ ಅಲ್ಪ ಕಾಣಿಕೆ ನೀಡಿದರು. ಬಳ್ಳಾರಿಯ ಬೌಲರ್ಗಳಾದ ಬಿ.ಪ್ರೀತಮ್, ಅಮಿತ್ ವಿಶಾಲ್ವತ್ ಹಾಗೂ ವಿಷ್ಣು ಸ್ವರೂಪ್ ತಲಾ 1 ವಿಕೆಟ್ ಗಳಿಸಿದರು.

. ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಆರಂಭಿಸಿದ ಬಳ್ಳಾರಿ ತಂಡಕ್ಕೆ ಎರಡು ಬಾರಿ ಮಳೆ ಅಡ್ಡಿಪಡಿಸಿದ್ದರಿಂದ ಪರಿಷ್ಕೃತ ಗುರಿ ಒದಗಿಸಲಾಯಿತು. ಆದರೆ, ಬಳ್ಳಾರಿ ತಂಡ ಗುರಿ ತಲುಪದೇ 5 ವಿಕೆಟ್ ಕಳೆದುಕೊಂಡು 138 ರನ್ ಗಳಿಸಿ ಸೋಲೊಪ್ಪಿಕೊಂಡಿತು. ತಂಡದ ಪರ ಆರಂಭಿಕ ಬ್ಯಾಟರ್ ರೋಹಿತ್ 60, ಮಧ್ಯಮ ಕ್ರಮಾಂಕದ ಪ್ರತೀಕ್ ಸಾಯಿ 34 ರನ್ ಗಳಿಸಿ ಕೊಂಚ ಪ್ರತಿರೋಧ ಒಡ್ಡಿದರಾದರೂ ಪ್ರಯೋಜನವಾಗಲಿಲ್ಲ.

. ದಾವಣಗೆರೆ ತಂಡದ ಪಾರ್ಥ ಜೋಯಿಸ್ 2, ಮಹಮ್ಮದ್ ಅಕ್ರಮ್, ಕೆ.ಸಿ. ವೀರೇಶ, ಕೆ.ಎ. ಅಮನ್ ತಲಾ 1 ವಿಕೆಟ್ ಗಳಿಸಿದರು.

. ತುಮಕೂರಿಗೆ ಸುಲಭದ ಜಯ: . ಜೆ.ಎಚ್. ಪಟೇಲ್ ಬಡಾವಣೆಯಲ್ಲಿರುವ ಕೆಎಸ್ಸಿಎ ಮೈದಾನದಲ್ಲಿ ನಡೆದ ಇನ್ನೊಂದು ಪಂದ್ಯದಲ್ಲಿ ತುಮಕೂರು ತಂಡ ಚಿತ್ರದುರ್ಗ ವಿರುದ್ಧ 8 ವಿಕೆಟ್ಗಳ ಸುಲಭದ ಜಯ ಸಾಧಿಸಿತು.

. ಮೊದಲು ಬ್ಯಾಟ್ ಮಾಡಿದ ಚಿತ್ರದುರ್ಗ ತಂಡವು ಲೆಗ್ ಸ್ಪಿನ್ನರ್ ಎಂ.ಜಿ. ಕಿಶೋರ್ ಅವರ ಮಾರಕ ಬೌಲಿಂಗ್ (4 ರನ್ಗೆ 5 ವಿಕೆಟ್) ಕುಸಿದು 29.4 ಓವರ್ಗಳಲ್ಲಿ ಕೇವಲ 67ಕ್ಕೆ ಎಲ್ಲ ವಿಕೆಟ್ ಕಳೆದುಕೊಂಡಿತು. ತುಮಕೂರು ಪರ ಕೆ.ಎಸ್. ರೋಹಿತ್ ಮತ್ತು ಅಭಿ ತಲಾ 2 ವಿಕೆಟ್ ಪಡೆದರು.

. ಉತ್ತರವಾಗಿ ತುಮಕೂರು ತಂಡವು ಲಕ್ಷಿತ್ (26), ಸುಜನ್ (ಔಟಾಗದೇ 21) ಅವರ ಉತ್ತಮ ಬ್ಯಾಟಿಂಗ್ ನೆರವಿನಿಂದ 10.1 ಓವರ್ಗಳಲ್ಲಿ ಗೆಲುವಿನ ಗುರಿ ತಲುಪಿತು. ಚಿತ್ರದುರ್ಗ ಪರ ನೂತನ್ ಸಿರಿ ಹಾಗೂ ನಾಗಾರ್ಜುನ ಪಟೇಲ್ ತಲಾ 1 ವಿಕೆಟ್ ಗಳಿಸಿದರು.

. ಸೋಮವಾರ ದಾವಣಗೆರೆ ತಂಡ ಚಿತ್ರದುರ್ಗದ ವಿರುದ್ಧ, ತುಮಕೂರು ತಂಡ ಬಳ್ಳಾರಿ ವಿರುದ್ಧ ತಮ್ಮ ಎರಡನೇ ಪಂದ್ಯ ಆಡಲಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಂತರ ಜಿಲ್ಲಾ ಕ್ರಿಕೆಟ್‌ ಪಂದ್ಯಾವಳಿ: ದಾವಣಗೆರೆ, ತುಮಕೂರು ತಂಡಗಳ ಶುಭಾರಂಭ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ