<p><strong>ದಾವಣಗೆರೆ</strong>: ಪೆಟ್ರೋಲ್ ಬಂಕ್ ಹಾಗೂ ಬಾರ್ ಅಂಡ್ ರೆಸ್ಟೋರಂಟ್ಗಳಲ್ಲಿ ₹2,000 ಮುಖಬೆಲೆಯ ನೋಟುಗಳನ್ನು ಸ್ವೀಕರಿಸುತ್ತಿಲ್ಲ ಎಂದು ಸಾರ್ವಜನಿಕರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.</p><p>ಮೇ 19ರಂದು ಭಾರತೀಯ ರಿಸರ್ವ್ ಬ್ಯಾಂಕ್ ₹ 2,000 ಮುಖಬೆಲೆಯ ನೋಟುಗಳನ್ನು ಚಲಾವಣೆಯಿಂದ ಹಿಂದಕ್ಕೆ ಪಡೆದಿದ್ದು, ಈ ನೋಟುಗಳನ್ನು ಬ್ಯಾಂಕ್ಗಳಿಗೆ ಜಮೆ ಅಥವಾ ವಿನಿಮಯ ಮಾಡಿಕೊಳ್ಳಲು ಸೆಪ್ಟೆಂಬರ್ 30ರವರೆಗೂ ಕಾಲವಕಾಶ ನೀಡಿದೆ. </p><p>ರಿಸರ್ವ್ ಬ್ಯಾಂಕ್ ಆದೇಶ ಹೊರಬೀಳುತ್ತಿದ್ದಂತೆಯೇ ಆರಂಭದಲ್ಲಿ ಗ್ರಾಹಕರು ₹ 2000 ನೋಟನ್ನು ತೆಗೆದುಕೊಂಡು ಬಂದು ಪೆಟ್ರೋಲ್ ಬಂಕ್ಗಳಲ್ಲಿ ₹ 200– ₹300ಕ್ಕೆ ಪೆಟ್ರೋಲ್ ಹಾಕಿಸಿಕೊಂಡು ಉಳಿದ ಹಣವನ್ನು ವಾಪಸ್ ಪಡೆದು ಹೋಗುತ್ತಿದ್ದರು. ಆರಂಭದಲ್ಲಿ ಸ್ವೀಕರಿಸುತ್ತಿದ್ದ ಬಂಕ್ಗಳು ಈಗ ಏಕಾಏಕಿ ಹಿಂದೇಟು ಹಾಕುತ್ತಿದ್ದು, ಇದರಿಂದಾಗಿ ಗ್ರಾಹಕರು ಹಾಗೂ ಕ್ಯಾಷಿಯರ್ಗಳ ನಡುವೆ ವಾಗ್ವಾದಗಳಾಗುತ್ತಿವೆ.</p><p>ಪೆಟ್ರೋಲ್ ಬಂಕ್ಗಳು ಈಗ ‘ನೋಟು ಚಲಾವಣೆ ಇಲ್ಲದ ಪ್ರಯುಕ್ತ ಅವುಗಳನ್ನು ಸ್ವೀಕರಿಸುವುದಿಲ್ಲ’ ಎಂಬ ನಾಮಫಲಕವನ್ನು ಹಾಕಿವೆ. ಪೆಟ್ರೋಲ್ ಬಂಕ್ಗಳಲ್ಲಿರುವ ಕ್ಯಾಷಿಯರ್ಗಳನ್ನು ಕೇಳಿದರೆ ‘ತೆಗೆದುಕೊಳ್ಳುವುದಿಲ್ಲ’ ಎಂಬ ಉತ್ತರ ನೀಡುತ್ತಾರೆ. ನಿಖರ ಕಾರಣ ತಿಳಿಸುತ್ತಿಲ್ಲ. </p><p>₹2,000ರ ನೋಟುಗಳನ್ನು ಸ್ವೀಕರಿಸಿದರೆ ತೆರಿಗೆ ಇಲಾಖೆಗಳಿಂದ ಸಮಸ್ಯೆ ಎದುರಿಸಬಹುದು ಎಂಬ ಆತಂಕ ಪೆಟ್ರೋಲ್ ಬಂಕ್ ಮಾಲೀಕರನ್ನು ಕಾಡುತ್ತಿರುವುದೇ ಮುಖ್ಯ ಕಾರಣ ಎನ್ನಲಾಗಿದೆ. </p><p>‘ಯಾವುದೇ ವಾಣಿಜ್ಯ ಕೇಂದ್ರಗಳು ₹2000 ಮುಖ ಬೆಲೆಯ ನೋಟನ್ನು ಪಡೆಯಲು ತಿರಸ್ಕಾರ ಮಾಡದಂತೆ ರಿಸರ್ವ್ ಬ್ಯಾಂಕ್ ಸೂಚನೆ ನೀಡಿದ್ದರೂ ತೆಗೆದುಕೊಳ್ಳುತ್ತಿಲ್ಲ’ ಎಂದು ಹೆಸರು ಹೇಳಲು ಇಚ್ಛಿಸದ ಗ್ರಾಹಕರೊಬ್ಬರು ತಿಳಿಸಿದ್ದಾರೆ.</p><p>‘ನಾವು ₹2000 ಮುಖಬೆಲೆಯ ನೋಟುಗಳನ್ನು ಸ್ವೀಕರಿಸುತ್ತಿದ್ದೇವೆ. ಸ್ವೀಕರಿಸುವುದಿಲ್ಲ ಎಂದು ಬೋರ್ಡ್ ಹಾಕಿದ್ದರೆ ತಪ್ಪು. ಆರ್ಬಿಐ ಆದೇಶವನ್ನು ತಿರಸ್ಕರಿಸಲು ಸಾಧ್ಯವಿಲ್ಲ. ಈ ಕುರಿತು ಸಂಘದವರ ಜೊತೆ ಮಾತನಾಡುತ್ತೇನೆ ಎಂದು ಜಿಲ್ಲಾ ಪೆಟ್ರೋಲಿಯಂ ಡೀಲರ್ಗಳ ಸಂಘದ ಕಾರ್ಯದರ್ಶಿ ಸಿದ್ದಣ್ಣ ‘ಪ್ರಜಾವಾಣಿ’ಗೆ ತಿಳಿಸಿದರು.</p><p>‘ಕಳೆದ ಸಲ ನೋಟು ಬ್ಯಾನ್ ಆದಾಗ ಆದಾಯ ತೆರಿಗೆ ಇಲಾಖೆಯವರು ನಮ್ಮನ್ನು ಗೋಳು ಹೋಯ್ದುಕೊಂಡರು. ಲೆಕ್ಕ ಕೊಡಲು ನಾವು 6 ತಿಂಗಳು ಅಡ್ಡಾಡಿದ್ದೇವೆ. ವ್ಯಾಪಾರಕ್ಕೂ ಹಾಗೂ ಹಣಕ್ಕೂ ಹೊಂದಾಣಿಕೆ ಮಾಡಿಕೊಡಬೇಕಾಗಿತ್ತು. ಮೂರು ತಿಂಗಳು ಡೇಟಾ ವಾಯ್ಸ್ ಕೊಟ್ಟಿದ್ದೇವೆ’ ಎಂದು ಅವರು ಅಸಾಯಕತೆ ವ್ಯಕ್ತಪಡಿಸಿದರು.</p><p>₹1500ಕ್ಕೆ ಪೆಟ್ರೋಲ್, ಇಲ್ಲವೇ ಡೀಸೆಲ್ ತುಂಬಿಸಿಕೊಂಡರೆ ಉಳಿದ ₹500 ಕೊಡಬಹುದು. ಆದರೆ ₹100ಕ್ಕೆ ಪೆಟ್ರೋಲ್ ಹಾಕಿಸಿಕೊಂಡು ₹1900 ಕೇಳಿದರೆ ಯಾರು ಕೊಡುತ್ತಾರೆ. ಕೆಲವೊಮ್ಮೆ ವ್ಯಾಪಾರವೇ ಇರುವುದಿಲ್ಲ. ಚಿಲ್ಲರೆ ಸಮಸ್ಯೆ ಉದ್ಭವಿಸುತ್ತದೆ. ಎಲ್ಲಾ ಬ್ಯಾಂಕ್ಗಳಲ್ಲೂ ₹2000 ನೋಟು ವಿನಿಮಯ ಮಾಡಿಕೊಳ್ಳಲು ಅವಕಾಶವಿದೆ. ನಮ್ಮ ಬಳಿಯೇ ಏಕೆ ಬರಬೇಕು. ಹೆಚ್ಚಿನ ನೋಟುಗಳನ್ನು ತೆಗೆದುಕೊಂಡರೆ ‘ಬದಲಾವಣೆ’ ಏಕೆ ಮಾಡುತ್ತೀರಿ ಎಂಬ ಆರೋಪ ಹೊರಿಸುತ್ತಾರೆ’ ಎಂದು ಸಿದ್ದಣ್ಣ ತಿಳಿಸಿದರು.</p><p>‘ದಿನಕ್ಕೆ ₹ 2000 ಮುಖಬೆಲೆಯ 10 ನೋಟುಗಳನ್ನು ತೆಗೆದುಕೊಳ್ಳಲು ಅವಕಾಶವಿರುವುದರಿಂದ ಬಾರ್ ಆ್ಯಂಡ್ ರೆಸ್ಟೊರಂಟ್ಗಳಲ್ಲಿ ₹20,000ದವರೆಗೆ ಸ್ವೀಕರಿಸುತ್ತಿದ್ದೇವೆ. ನಾವು ಯಾವುದೇ ಬೋರ್ಡ್ ಹಾಕಿಲ್ಲ’ ಎಂದು ಜಿಲ್ಲಾ ಮದ್ಯ ಮಾರಾಟಗಾರರ ಸಂಘದ ಪ್ರಧಾನ ಕಾರ್ಯದರ್ಶಿ ಜೆ. ಈಶ್ವರ್ಸಿಂಗ್ ಕವಿತಾಳ್ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಾವಣಗೆರೆ</strong>: ಪೆಟ್ರೋಲ್ ಬಂಕ್ ಹಾಗೂ ಬಾರ್ ಅಂಡ್ ರೆಸ್ಟೋರಂಟ್ಗಳಲ್ಲಿ ₹2,000 ಮುಖಬೆಲೆಯ ನೋಟುಗಳನ್ನು ಸ್ವೀಕರಿಸುತ್ತಿಲ್ಲ ಎಂದು ಸಾರ್ವಜನಿಕರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.</p><p>ಮೇ 19ರಂದು ಭಾರತೀಯ ರಿಸರ್ವ್ ಬ್ಯಾಂಕ್ ₹ 2,000 ಮುಖಬೆಲೆಯ ನೋಟುಗಳನ್ನು ಚಲಾವಣೆಯಿಂದ ಹಿಂದಕ್ಕೆ ಪಡೆದಿದ್ದು, ಈ ನೋಟುಗಳನ್ನು ಬ್ಯಾಂಕ್ಗಳಿಗೆ ಜಮೆ ಅಥವಾ ವಿನಿಮಯ ಮಾಡಿಕೊಳ್ಳಲು ಸೆಪ್ಟೆಂಬರ್ 30ರವರೆಗೂ ಕಾಲವಕಾಶ ನೀಡಿದೆ. </p><p>ರಿಸರ್ವ್ ಬ್ಯಾಂಕ್ ಆದೇಶ ಹೊರಬೀಳುತ್ತಿದ್ದಂತೆಯೇ ಆರಂಭದಲ್ಲಿ ಗ್ರಾಹಕರು ₹ 2000 ನೋಟನ್ನು ತೆಗೆದುಕೊಂಡು ಬಂದು ಪೆಟ್ರೋಲ್ ಬಂಕ್ಗಳಲ್ಲಿ ₹ 200– ₹300ಕ್ಕೆ ಪೆಟ್ರೋಲ್ ಹಾಕಿಸಿಕೊಂಡು ಉಳಿದ ಹಣವನ್ನು ವಾಪಸ್ ಪಡೆದು ಹೋಗುತ್ತಿದ್ದರು. ಆರಂಭದಲ್ಲಿ ಸ್ವೀಕರಿಸುತ್ತಿದ್ದ ಬಂಕ್ಗಳು ಈಗ ಏಕಾಏಕಿ ಹಿಂದೇಟು ಹಾಕುತ್ತಿದ್ದು, ಇದರಿಂದಾಗಿ ಗ್ರಾಹಕರು ಹಾಗೂ ಕ್ಯಾಷಿಯರ್ಗಳ ನಡುವೆ ವಾಗ್ವಾದಗಳಾಗುತ್ತಿವೆ.</p><p>ಪೆಟ್ರೋಲ್ ಬಂಕ್ಗಳು ಈಗ ‘ನೋಟು ಚಲಾವಣೆ ಇಲ್ಲದ ಪ್ರಯುಕ್ತ ಅವುಗಳನ್ನು ಸ್ವೀಕರಿಸುವುದಿಲ್ಲ’ ಎಂಬ ನಾಮಫಲಕವನ್ನು ಹಾಕಿವೆ. ಪೆಟ್ರೋಲ್ ಬಂಕ್ಗಳಲ್ಲಿರುವ ಕ್ಯಾಷಿಯರ್ಗಳನ್ನು ಕೇಳಿದರೆ ‘ತೆಗೆದುಕೊಳ್ಳುವುದಿಲ್ಲ’ ಎಂಬ ಉತ್ತರ ನೀಡುತ್ತಾರೆ. ನಿಖರ ಕಾರಣ ತಿಳಿಸುತ್ತಿಲ್ಲ. </p><p>₹2,000ರ ನೋಟುಗಳನ್ನು ಸ್ವೀಕರಿಸಿದರೆ ತೆರಿಗೆ ಇಲಾಖೆಗಳಿಂದ ಸಮಸ್ಯೆ ಎದುರಿಸಬಹುದು ಎಂಬ ಆತಂಕ ಪೆಟ್ರೋಲ್ ಬಂಕ್ ಮಾಲೀಕರನ್ನು ಕಾಡುತ್ತಿರುವುದೇ ಮುಖ್ಯ ಕಾರಣ ಎನ್ನಲಾಗಿದೆ. </p><p>‘ಯಾವುದೇ ವಾಣಿಜ್ಯ ಕೇಂದ್ರಗಳು ₹2000 ಮುಖ ಬೆಲೆಯ ನೋಟನ್ನು ಪಡೆಯಲು ತಿರಸ್ಕಾರ ಮಾಡದಂತೆ ರಿಸರ್ವ್ ಬ್ಯಾಂಕ್ ಸೂಚನೆ ನೀಡಿದ್ದರೂ ತೆಗೆದುಕೊಳ್ಳುತ್ತಿಲ್ಲ’ ಎಂದು ಹೆಸರು ಹೇಳಲು ಇಚ್ಛಿಸದ ಗ್ರಾಹಕರೊಬ್ಬರು ತಿಳಿಸಿದ್ದಾರೆ.</p><p>‘ನಾವು ₹2000 ಮುಖಬೆಲೆಯ ನೋಟುಗಳನ್ನು ಸ್ವೀಕರಿಸುತ್ತಿದ್ದೇವೆ. ಸ್ವೀಕರಿಸುವುದಿಲ್ಲ ಎಂದು ಬೋರ್ಡ್ ಹಾಕಿದ್ದರೆ ತಪ್ಪು. ಆರ್ಬಿಐ ಆದೇಶವನ್ನು ತಿರಸ್ಕರಿಸಲು ಸಾಧ್ಯವಿಲ್ಲ. ಈ ಕುರಿತು ಸಂಘದವರ ಜೊತೆ ಮಾತನಾಡುತ್ತೇನೆ ಎಂದು ಜಿಲ್ಲಾ ಪೆಟ್ರೋಲಿಯಂ ಡೀಲರ್ಗಳ ಸಂಘದ ಕಾರ್ಯದರ್ಶಿ ಸಿದ್ದಣ್ಣ ‘ಪ್ರಜಾವಾಣಿ’ಗೆ ತಿಳಿಸಿದರು.</p><p>‘ಕಳೆದ ಸಲ ನೋಟು ಬ್ಯಾನ್ ಆದಾಗ ಆದಾಯ ತೆರಿಗೆ ಇಲಾಖೆಯವರು ನಮ್ಮನ್ನು ಗೋಳು ಹೋಯ್ದುಕೊಂಡರು. ಲೆಕ್ಕ ಕೊಡಲು ನಾವು 6 ತಿಂಗಳು ಅಡ್ಡಾಡಿದ್ದೇವೆ. ವ್ಯಾಪಾರಕ್ಕೂ ಹಾಗೂ ಹಣಕ್ಕೂ ಹೊಂದಾಣಿಕೆ ಮಾಡಿಕೊಡಬೇಕಾಗಿತ್ತು. ಮೂರು ತಿಂಗಳು ಡೇಟಾ ವಾಯ್ಸ್ ಕೊಟ್ಟಿದ್ದೇವೆ’ ಎಂದು ಅವರು ಅಸಾಯಕತೆ ವ್ಯಕ್ತಪಡಿಸಿದರು.</p><p>₹1500ಕ್ಕೆ ಪೆಟ್ರೋಲ್, ಇಲ್ಲವೇ ಡೀಸೆಲ್ ತುಂಬಿಸಿಕೊಂಡರೆ ಉಳಿದ ₹500 ಕೊಡಬಹುದು. ಆದರೆ ₹100ಕ್ಕೆ ಪೆಟ್ರೋಲ್ ಹಾಕಿಸಿಕೊಂಡು ₹1900 ಕೇಳಿದರೆ ಯಾರು ಕೊಡುತ್ತಾರೆ. ಕೆಲವೊಮ್ಮೆ ವ್ಯಾಪಾರವೇ ಇರುವುದಿಲ್ಲ. ಚಿಲ್ಲರೆ ಸಮಸ್ಯೆ ಉದ್ಭವಿಸುತ್ತದೆ. ಎಲ್ಲಾ ಬ್ಯಾಂಕ್ಗಳಲ್ಲೂ ₹2000 ನೋಟು ವಿನಿಮಯ ಮಾಡಿಕೊಳ್ಳಲು ಅವಕಾಶವಿದೆ. ನಮ್ಮ ಬಳಿಯೇ ಏಕೆ ಬರಬೇಕು. ಹೆಚ್ಚಿನ ನೋಟುಗಳನ್ನು ತೆಗೆದುಕೊಂಡರೆ ‘ಬದಲಾವಣೆ’ ಏಕೆ ಮಾಡುತ್ತೀರಿ ಎಂಬ ಆರೋಪ ಹೊರಿಸುತ್ತಾರೆ’ ಎಂದು ಸಿದ್ದಣ್ಣ ತಿಳಿಸಿದರು.</p><p>‘ದಿನಕ್ಕೆ ₹ 2000 ಮುಖಬೆಲೆಯ 10 ನೋಟುಗಳನ್ನು ತೆಗೆದುಕೊಳ್ಳಲು ಅವಕಾಶವಿರುವುದರಿಂದ ಬಾರ್ ಆ್ಯಂಡ್ ರೆಸ್ಟೊರಂಟ್ಗಳಲ್ಲಿ ₹20,000ದವರೆಗೆ ಸ್ವೀಕರಿಸುತ್ತಿದ್ದೇವೆ. ನಾವು ಯಾವುದೇ ಬೋರ್ಡ್ ಹಾಕಿಲ್ಲ’ ಎಂದು ಜಿಲ್ಲಾ ಮದ್ಯ ಮಾರಾಟಗಾರರ ಸಂಘದ ಪ್ರಧಾನ ಕಾರ್ಯದರ್ಶಿ ಜೆ. ಈಶ್ವರ್ಸಿಂಗ್ ಕವಿತಾಳ್ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
