<p><strong>ಹರಿಹರ:</strong> ಮೈಸೂರು ಮತ್ತು ಬಾಂಬೆ ರಾಜ್ಯಗಳ ಕೊಂಡಿಯಾಗಿದ್ದ, 138 ವರ್ಷಗಳ ಹಿಂದೆ ಇಲ್ಲಿನ ತುಂಗಭದ್ರಾ ನದಿ ಮೇಲೆ ನಿರ್ಮಿಸಿರುವ ಸೇತುವೆಯ ಆಧಾರ ಸ್ತಂಭಗಳುಶಿಥಿಲಗೊಳ್ಳುತ್ತಿದ್ದು, ಕಾಳಿನದಿಯಲ್ಲಿ ಕುಸಿದ ಸೇತುವೆಯ ಮಾದರಿಯಲ್ಲೇ ಕುಸಿದು ಬೀಳುವ ಸಾಧ್ಯತೆಗಳಿವೆ.</p><p>ಶತಮಾನದಿಂದ ತುಂಗಭದ್ರೆಯರನ್ನು ದಾಟಲು ಸಹಾಯಕವಾಗಿರುವ ಈ ಸೇತುವೆಯ ಆಧಾರ ಸ್ತಂಭಗಳ ಗಾರೆ ಉದುರುತ್ತಿದೆ. ಪರಿಣಾಮವಾಗಿ ಹಲವೆಡೆ ಸೈಜು ಕಲ್ಲುಗಳು ಕಿತ್ತು ಹೋಗಿವೆ. ಇದು ಮುಂದುವರಿದರೆ, ಮುಂದೆ ಸೇತುವೆ ಕಳಚಿ ಬೀಳುವ ಅಪಾಯವಿದೆ.</p><p>ಶತಮಾನದ ಸಂಪರ್ಕ: ಆಗಿನ ಮೈಸೂರು ರಾಜ್ಯದ ಕೊನೆಯ ಊರೆಂದರೆ ಹರಿಹರ. ಹರಿಹರದ ನದಿ ದಾಟಿದರೆ (ಈಗಿನ ರಾಣೆಬೆನ್ನೂರು ತಾಲ್ಲೂಕು ಪ್ರದೇಶ) ಆಗಿನ ಬಾಂಬೆ ರಾಜ್ಯದ ಪ್ರದೇಶ ಆರಂಭವಾಗುತ್ತದೆ. ಈ ಎರಡೂ ರಾಜ್ಯಗಳ ನಡುವೆ ವಾಹನ ಸಂಚಾರಕ್ಕೆ ಮೈಸೂರು ಸಂಸ್ಥಾನದಿಂದ 1886ರಲ್ಲಿ ಈ ಸೇತುವೆ ನಿರ್ಮಿಸಲಾಗಿತ್ತು.</p><p>ರಾಷ್ಟ್ರೀಯ ಹೆದ್ದಾರಿ– 48ರಲ್ಲಿ ಹೊಸ ಸೇತುವೆ ನಿರ್ಮಿಸುವ ಮುನ್ನ, ಪೂನಾ-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ-4ರಲ್ಲಿ ಈ ಸೇತುವೆ ಇತ್ತು. ಈಗ ಈ ಹೆದ್ದಾರಿಯನ್ನು ಬೀರೂರು-ಸಮ್ಮಸಗಿ ರಾಜ್ಯ ಹೆದ್ದಾರಿಯನ್ನಾಗಿ</p><p>ಪರಿವರ್ತಿಸಲಾಗಿದೆ.</p><p>ವಿನ್ಯಾಸ: ಅರ್ಧ ಚಂದ್ರಾಕಾರಾದ 16 ಕಮಾನುಗಳಿರುವ, 9 ಮೀಟರ್ ಅಗಲದ, 316 ಮೀಟರ್ ಉದ್ದದ ಸೇತುವೆ ಇದಾಗಿದೆ. ಸೈಜು ಕಲ್ಲು ಹಾಗೂ ಗಾರೆಯಿಂದ ನಿರ್ಮಿಸಿದ ಈ ಸೇತುವೆಯ 2 ಕಮಾನುಗಳು ಶಿಥಿಲಗೊಂಡು ಕಳಚಿದ್ದರಿಂದ 1925ರಲ್ಲಿ ಅವುಗಳನ್ನು ಮರು ನಿರ್ಮಾಣ ಮಾಡಲಾಗಿತ್ತು. </p><p>ಅಲ್ಲಿಂದ 1995ರವರೆಗೂ ಈ ಸೇತುವೆ ಮೇಲೆ ಭಾರಿ ವಾಹನಗಳ ಸಂಚಾರವಿತ್ತು. ಶಿಥಿಲಗೊಂಡಿದೆ ಎಂಬ ಕಾರಣಕ್ಕೆ ಭಾರಿ ವಾಹನಗಳ ಸಂಚಾರವನ್ನು ನಿಷೇಧಿಸಲಾಯಿತು. ತಾಲ್ಲೂಕಿನ ಹಲಸಬಾಳು, ಕೊಡಿಯಾಲ ಹೊಸಪೇಟೆ ಮಧ್ಯೆ ನಿರ್ಮಿಸಿದ</p><p>ನೂತನ ಸೇತುವೆಯ ಮೂಲಕ ಭಾರಿ ವಾಹನಗಳ ಸಂಚಾರ ಆರಂಭಿಸಲಾಯಿತು.</p><p>ಈಗಲೂ ಸೇವೆ ನೀಡುತ್ತಿದೆ: ಈ ಸೇತುವೆ ಮೇಲೆ ಈಗಲೂ ಕಾರು, ಆಟೊ, ಬೈಕ್ನಂತಹ ಲಘು ವಾಹನಗಳ ಸಂಚಾರವಿದೆ. ಬೆಳಿಗ್ಗೆ–ಸಂಜೆ ವಾಯುವಿಹಾರ, ನದಿ ವೀಕ್ಷಣೆ ಮಾಡಲು ಇದು ಪ್ರಶಸ್ತವಾಗಿದೆ. ನಗರಕ್ಕೆ ನೀರು ಪೂರೈಸುವ ಪೈಪ್ಲೈನ್ ಈ ಸೇತುವೆಯನ್ನೇ ಆಶ್ರಯಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹರಿಹರ:</strong> ಮೈಸೂರು ಮತ್ತು ಬಾಂಬೆ ರಾಜ್ಯಗಳ ಕೊಂಡಿಯಾಗಿದ್ದ, 138 ವರ್ಷಗಳ ಹಿಂದೆ ಇಲ್ಲಿನ ತುಂಗಭದ್ರಾ ನದಿ ಮೇಲೆ ನಿರ್ಮಿಸಿರುವ ಸೇತುವೆಯ ಆಧಾರ ಸ್ತಂಭಗಳುಶಿಥಿಲಗೊಳ್ಳುತ್ತಿದ್ದು, ಕಾಳಿನದಿಯಲ್ಲಿ ಕುಸಿದ ಸೇತುವೆಯ ಮಾದರಿಯಲ್ಲೇ ಕುಸಿದು ಬೀಳುವ ಸಾಧ್ಯತೆಗಳಿವೆ.</p><p>ಶತಮಾನದಿಂದ ತುಂಗಭದ್ರೆಯರನ್ನು ದಾಟಲು ಸಹಾಯಕವಾಗಿರುವ ಈ ಸೇತುವೆಯ ಆಧಾರ ಸ್ತಂಭಗಳ ಗಾರೆ ಉದುರುತ್ತಿದೆ. ಪರಿಣಾಮವಾಗಿ ಹಲವೆಡೆ ಸೈಜು ಕಲ್ಲುಗಳು ಕಿತ್ತು ಹೋಗಿವೆ. ಇದು ಮುಂದುವರಿದರೆ, ಮುಂದೆ ಸೇತುವೆ ಕಳಚಿ ಬೀಳುವ ಅಪಾಯವಿದೆ.</p><p>ಶತಮಾನದ ಸಂಪರ್ಕ: ಆಗಿನ ಮೈಸೂರು ರಾಜ್ಯದ ಕೊನೆಯ ಊರೆಂದರೆ ಹರಿಹರ. ಹರಿಹರದ ನದಿ ದಾಟಿದರೆ (ಈಗಿನ ರಾಣೆಬೆನ್ನೂರು ತಾಲ್ಲೂಕು ಪ್ರದೇಶ) ಆಗಿನ ಬಾಂಬೆ ರಾಜ್ಯದ ಪ್ರದೇಶ ಆರಂಭವಾಗುತ್ತದೆ. ಈ ಎರಡೂ ರಾಜ್ಯಗಳ ನಡುವೆ ವಾಹನ ಸಂಚಾರಕ್ಕೆ ಮೈಸೂರು ಸಂಸ್ಥಾನದಿಂದ 1886ರಲ್ಲಿ ಈ ಸೇತುವೆ ನಿರ್ಮಿಸಲಾಗಿತ್ತು.</p><p>ರಾಷ್ಟ್ರೀಯ ಹೆದ್ದಾರಿ– 48ರಲ್ಲಿ ಹೊಸ ಸೇತುವೆ ನಿರ್ಮಿಸುವ ಮುನ್ನ, ಪೂನಾ-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ-4ರಲ್ಲಿ ಈ ಸೇತುವೆ ಇತ್ತು. ಈಗ ಈ ಹೆದ್ದಾರಿಯನ್ನು ಬೀರೂರು-ಸಮ್ಮಸಗಿ ರಾಜ್ಯ ಹೆದ್ದಾರಿಯನ್ನಾಗಿ</p><p>ಪರಿವರ್ತಿಸಲಾಗಿದೆ.</p><p>ವಿನ್ಯಾಸ: ಅರ್ಧ ಚಂದ್ರಾಕಾರಾದ 16 ಕಮಾನುಗಳಿರುವ, 9 ಮೀಟರ್ ಅಗಲದ, 316 ಮೀಟರ್ ಉದ್ದದ ಸೇತುವೆ ಇದಾಗಿದೆ. ಸೈಜು ಕಲ್ಲು ಹಾಗೂ ಗಾರೆಯಿಂದ ನಿರ್ಮಿಸಿದ ಈ ಸೇತುವೆಯ 2 ಕಮಾನುಗಳು ಶಿಥಿಲಗೊಂಡು ಕಳಚಿದ್ದರಿಂದ 1925ರಲ್ಲಿ ಅವುಗಳನ್ನು ಮರು ನಿರ್ಮಾಣ ಮಾಡಲಾಗಿತ್ತು. </p><p>ಅಲ್ಲಿಂದ 1995ರವರೆಗೂ ಈ ಸೇತುವೆ ಮೇಲೆ ಭಾರಿ ವಾಹನಗಳ ಸಂಚಾರವಿತ್ತು. ಶಿಥಿಲಗೊಂಡಿದೆ ಎಂಬ ಕಾರಣಕ್ಕೆ ಭಾರಿ ವಾಹನಗಳ ಸಂಚಾರವನ್ನು ನಿಷೇಧಿಸಲಾಯಿತು. ತಾಲ್ಲೂಕಿನ ಹಲಸಬಾಳು, ಕೊಡಿಯಾಲ ಹೊಸಪೇಟೆ ಮಧ್ಯೆ ನಿರ್ಮಿಸಿದ</p><p>ನೂತನ ಸೇತುವೆಯ ಮೂಲಕ ಭಾರಿ ವಾಹನಗಳ ಸಂಚಾರ ಆರಂಭಿಸಲಾಯಿತು.</p><p>ಈಗಲೂ ಸೇವೆ ನೀಡುತ್ತಿದೆ: ಈ ಸೇತುವೆ ಮೇಲೆ ಈಗಲೂ ಕಾರು, ಆಟೊ, ಬೈಕ್ನಂತಹ ಲಘು ವಾಹನಗಳ ಸಂಚಾರವಿದೆ. ಬೆಳಿಗ್ಗೆ–ಸಂಜೆ ವಾಯುವಿಹಾರ, ನದಿ ವೀಕ್ಷಣೆ ಮಾಡಲು ಇದು ಪ್ರಶಸ್ತವಾಗಿದೆ. ನಗರಕ್ಕೆ ನೀರು ಪೂರೈಸುವ ಪೈಪ್ಲೈನ್ ಈ ಸೇತುವೆಯನ್ನೇ ಆಶ್ರಯಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
