<p><strong>ಧಾರವಾಡ:</strong> ದೇಶದ ವಿವಿಧ ಭಾಗಗಳಿಂದ ಹಲವು ನಿರೀಕ್ಷೆಗಳೊಂದಿಗೆ ಬಂದಿದ್ದ ಯುವ ಮನಸ್ಸುಗಳು ಧಾರವಾಡದ ಮಧುರ ನೆನಪು ಹಾಗೂ ಭರವಸೆಯ ಬೆಳಕನ್ನು ಹೊತ್ತೊಯ್ದರು.</p>.<p>ಸೋಮವಾರ ನಡೆದ 26ನೇ ರಾಷ್ಟ್ರೀಯ ಯುವಜನೋತ್ಸವ ಸಮಾರೋಪದಲ್ಲಿ ಪಾಲ್ಗೊಂಡ ಪ್ರತಿನಿಧಿಗಳಲ್ಲಿ ಉತ್ಸಾಹದ ಜತೆಗೆ ಬಹುಮಾನ ಯಾರಿಗೆ ಎಂಬ ಕುತೂಹಲ ಮನೆ ಮಾಡಿತ್ತು.</p>.<p>ಐದು ದಿನಗಳಿಂದ ನಡೆದ ಜಾನಪದ ನೃತ್ಯ ಹಾಗೂ ಹಾಡಿನ ಸ್ಪರ್ಧೆಯ ಫಲಿತಾಂಶಕ್ಕಾಗಿ 8 ಕೇಂದ್ರಾಡಳಿತ ಪ್ರದೇಶ ಹಾಗೂ ಆತಿಥೇಯ ಕರ್ನಾಟಕ ಸೇರಿದಂತೆ 28 ರಾಜ್ಯಗಳ ತಂಡಗಳು ತುದಿಗಾಲಲ್ಲಿ ನಿಂತಿದ್ದವು.</p>.<p>ಜಾನಪದ ನೃತ್ಯದಲ್ಲಿ ಮೊದಲ ಬಹುಮಾನ ಪಂಜಾಬ್ ತಂಡಕ್ಕೆ ಘೋಷಣೆಯಾಗುತ್ತಿದ್ದಂತೆ, ‘ಜೊ ಬೋಲೆ... ಸೋ ನಿಹಾಲ್...’ ಎಂಬ ಘೋಷಣೆ ಮೊಳಗಿತು. ಪಂಜಾಬ್ ತಂಡದವರ ಸಂಭ್ರಮ ಮುಗಿಲು ಮುಟ್ಟಿತ್ತು. ಈ ವಿಭಾಗದಲ್ಲಿ ಗುಜರಾತ್ ಹಾಗೂ ಕೇರಳ ಕ್ರಮವಾಗಿ ಎರಡು ಹಾಗೂ 3ನೇ ಸ್ಥಾನ ಪಡೆದವು.</p>.<p>‘ಜಾನಪದ ಹಾಡು’ ಸ್ಪರ್ಧೆಯ ಬಹುಮಾನ ಪ್ರಕಟಣೆ ಸಂದರ್ಭದಲ್ಲಿ ಮೊದಲಿಗೆ ಘೋಷಣೆಯಾದ ಕರ್ನಾಟಕ ತಂಡದ ಹೆಸರಿಗೂ ಅದೇ ಪ್ರತಿಕ್ರಿಯೆ ವ್ಯಕ್ತವಾಯಿತು. ಈ ವಿಭಾಗದ ಮೊದಲ ಬಹುಮಾನ ಉತ್ತರ ಪ್ರದೇಶಕ್ಕೆ ಹಾಗೂ ದ್ವಿತೀಯ ಬಹುಮಾನ ಅಸ್ಸಾಂ ತಂಡಕ್ಕೆ ಲಭಿಸಿತು.</p>.<p>ಹೊರರಾಜ್ಯಗಳ ಪ್ರತಿನಿಧಿಗಳು ಧಾರವಾಡ ಹಾಗೂ ಕರ್ನಾಟಕದ ಆತಿಥ್ಯವನ್ನು ಮನಸಾರೆ ಹೊಗಳಿದರು. ಪ್ರತಿ ಪ್ರದೇಶದ ಸಾಂಪ್ರದಾಯಿಕ ಉಡುಗೆಯಲ್ಲಿಯೇ ಸಮಾರೋಪದಲ್ಲಿ ಪಾಲ್ಗೊಂಡಿದ್ದರು.</p>.<p>ಲಡಾಕ್ನ ಮಾಸೂಮಾ ಪ್ರತಿಕ್ರಿಯಿಸಿ, ‘ಕೇರಳದ ಲುಂಗಿ, ಕರ್ನಾಟಕದ ಊಟ, ಕೊಲ್ಹಾಪುರದ ಚಪ್ಪಲಿ ಸೇರಿದಂತೆ ಸಮಗ್ರ ಭಾರತದ ದರ್ಶನವಾಯಿತು‘ ಎಂದರು.</p>.<p>ಸಿಕ್ಕಿಂನ ಭೀಮ್ ಸುಬ್ಬು ಪ್ರತಿಕ್ರಿಯಿಸಿ, ‘ಎಲ್ಲ ರಾಜ್ಯಗಳ ಜಾನಪದ ಕಲೆಯನ್ನು ಒಂದೇ ಕಡೆ ನೋಡುವ ಸೌಭಾಗ್ಯ ಇಲ್ಲಿ ದೊರೆಯಿತು. ಭಾರತವನ್ನು ನೋಡುವುದು ಇನ್ನೂ ಸಾಕಷ್ಟಿದೆ ಎನಿಸಿತು’ ಎಂದರು.</p>.<p>ಕೊನೆಯ ದಿನ ಕರ್ನಾಟಕ ಕಾಲೇಜು ಮೈದಾನದಲ್ಲಿ ರಸ ಸಂಜೆ ಕಾರ್ಯಕ್ರಮದೊಂದಿಗೆ ಐದು ದಿನಗಳ ರಾಷ್ಟ್ರೀಯ ಯುವಜನೋತ್ಸವಕ್ಕೆ ಸಂಭ್ರಮದ ತೆರೆ ಬಿದ್ದಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಧಾರವಾಡ:</strong> ದೇಶದ ವಿವಿಧ ಭಾಗಗಳಿಂದ ಹಲವು ನಿರೀಕ್ಷೆಗಳೊಂದಿಗೆ ಬಂದಿದ್ದ ಯುವ ಮನಸ್ಸುಗಳು ಧಾರವಾಡದ ಮಧುರ ನೆನಪು ಹಾಗೂ ಭರವಸೆಯ ಬೆಳಕನ್ನು ಹೊತ್ತೊಯ್ದರು.</p>.<p>ಸೋಮವಾರ ನಡೆದ 26ನೇ ರಾಷ್ಟ್ರೀಯ ಯುವಜನೋತ್ಸವ ಸಮಾರೋಪದಲ್ಲಿ ಪಾಲ್ಗೊಂಡ ಪ್ರತಿನಿಧಿಗಳಲ್ಲಿ ಉತ್ಸಾಹದ ಜತೆಗೆ ಬಹುಮಾನ ಯಾರಿಗೆ ಎಂಬ ಕುತೂಹಲ ಮನೆ ಮಾಡಿತ್ತು.</p>.<p>ಐದು ದಿನಗಳಿಂದ ನಡೆದ ಜಾನಪದ ನೃತ್ಯ ಹಾಗೂ ಹಾಡಿನ ಸ್ಪರ್ಧೆಯ ಫಲಿತಾಂಶಕ್ಕಾಗಿ 8 ಕೇಂದ್ರಾಡಳಿತ ಪ್ರದೇಶ ಹಾಗೂ ಆತಿಥೇಯ ಕರ್ನಾಟಕ ಸೇರಿದಂತೆ 28 ರಾಜ್ಯಗಳ ತಂಡಗಳು ತುದಿಗಾಲಲ್ಲಿ ನಿಂತಿದ್ದವು.</p>.<p>ಜಾನಪದ ನೃತ್ಯದಲ್ಲಿ ಮೊದಲ ಬಹುಮಾನ ಪಂಜಾಬ್ ತಂಡಕ್ಕೆ ಘೋಷಣೆಯಾಗುತ್ತಿದ್ದಂತೆ, ‘ಜೊ ಬೋಲೆ... ಸೋ ನಿಹಾಲ್...’ ಎಂಬ ಘೋಷಣೆ ಮೊಳಗಿತು. ಪಂಜಾಬ್ ತಂಡದವರ ಸಂಭ್ರಮ ಮುಗಿಲು ಮುಟ್ಟಿತ್ತು. ಈ ವಿಭಾಗದಲ್ಲಿ ಗುಜರಾತ್ ಹಾಗೂ ಕೇರಳ ಕ್ರಮವಾಗಿ ಎರಡು ಹಾಗೂ 3ನೇ ಸ್ಥಾನ ಪಡೆದವು.</p>.<p>‘ಜಾನಪದ ಹಾಡು’ ಸ್ಪರ್ಧೆಯ ಬಹುಮಾನ ಪ್ರಕಟಣೆ ಸಂದರ್ಭದಲ್ಲಿ ಮೊದಲಿಗೆ ಘೋಷಣೆಯಾದ ಕರ್ನಾಟಕ ತಂಡದ ಹೆಸರಿಗೂ ಅದೇ ಪ್ರತಿಕ್ರಿಯೆ ವ್ಯಕ್ತವಾಯಿತು. ಈ ವಿಭಾಗದ ಮೊದಲ ಬಹುಮಾನ ಉತ್ತರ ಪ್ರದೇಶಕ್ಕೆ ಹಾಗೂ ದ್ವಿತೀಯ ಬಹುಮಾನ ಅಸ್ಸಾಂ ತಂಡಕ್ಕೆ ಲಭಿಸಿತು.</p>.<p>ಹೊರರಾಜ್ಯಗಳ ಪ್ರತಿನಿಧಿಗಳು ಧಾರವಾಡ ಹಾಗೂ ಕರ್ನಾಟಕದ ಆತಿಥ್ಯವನ್ನು ಮನಸಾರೆ ಹೊಗಳಿದರು. ಪ್ರತಿ ಪ್ರದೇಶದ ಸಾಂಪ್ರದಾಯಿಕ ಉಡುಗೆಯಲ್ಲಿಯೇ ಸಮಾರೋಪದಲ್ಲಿ ಪಾಲ್ಗೊಂಡಿದ್ದರು.</p>.<p>ಲಡಾಕ್ನ ಮಾಸೂಮಾ ಪ್ರತಿಕ್ರಿಯಿಸಿ, ‘ಕೇರಳದ ಲುಂಗಿ, ಕರ್ನಾಟಕದ ಊಟ, ಕೊಲ್ಹಾಪುರದ ಚಪ್ಪಲಿ ಸೇರಿದಂತೆ ಸಮಗ್ರ ಭಾರತದ ದರ್ಶನವಾಯಿತು‘ ಎಂದರು.</p>.<p>ಸಿಕ್ಕಿಂನ ಭೀಮ್ ಸುಬ್ಬು ಪ್ರತಿಕ್ರಿಯಿಸಿ, ‘ಎಲ್ಲ ರಾಜ್ಯಗಳ ಜಾನಪದ ಕಲೆಯನ್ನು ಒಂದೇ ಕಡೆ ನೋಡುವ ಸೌಭಾಗ್ಯ ಇಲ್ಲಿ ದೊರೆಯಿತು. ಭಾರತವನ್ನು ನೋಡುವುದು ಇನ್ನೂ ಸಾಕಷ್ಟಿದೆ ಎನಿಸಿತು’ ಎಂದರು.</p>.<p>ಕೊನೆಯ ದಿನ ಕರ್ನಾಟಕ ಕಾಲೇಜು ಮೈದಾನದಲ್ಲಿ ರಸ ಸಂಜೆ ಕಾರ್ಯಕ್ರಮದೊಂದಿಗೆ ಐದು ದಿನಗಳ ರಾಷ್ಟ್ರೀಯ ಯುವಜನೋತ್ಸವಕ್ಕೆ ಸಂಭ್ರಮದ ತೆರೆ ಬಿದ್ದಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
