ಹಿರೇಕೆರೂರು | ಜೋತು ಬಿದ್ದ ಆಲದ ಮರದ ಬೇರುಗಳು; ವಾಹನ ಸಂಚಾರಕ್ಕೆ ಅಡಚಣೆ

ಹಿರೇಕೆರೂರು : ಪಟ್ಟಣಕ್ಕೆ ಸಂಪರ್ಕಿಸುವ ರಸ್ತೆಯ ಅಕ್ಕಪಕ್ಕದಲ್ಲಿ ಬೆಳೆದು ನಿಂತಿರುವ ಆಲದ ಮರಗಳ ಬೇರುಗಳು ರಸ್ತೆಗೆ ಜೋತು ಬಿದ್ದು ಹಿರೇಕೆರೂರು-ಮಾಸೂರ ಹಿರೇಕೆರೂರು-ಹಂಸಬಾವಿ ಹಾಗೂ ಕೋಡ-ಹಿರೇಕೆರೂರು ಮಾರ್ಗದ ವಾಹನಗಳ ಸಂಚಾರಕ್ಕೆ ಅಡಚಣೆ ಉಂಟಾಗುತ್ತಿದೆ.

. ಹಿರೇಕೆರೂರು ಪಟ್ಟಣದಿಂದ ಮಾಸೂರ ಸಂಪರ್ಕದ 14 ಕಿ.ಮಿ ಉದ್ದ ರಸ್ತೆ, ಹಿರೇಕೆರೂರು-ಹಂಸಬಾವಿ ಹಾಗೂ ಕೋಡ-ಹಿರೇಕೆರೂರು ರಸ್ತೆಯ ಉದ್ದಗಲಕ್ಕೂ ದೊಡ್ಡ ದೊಡ್ಡ ಆಲದ ಮರಗಳು ಬೆಳೆದು ನಿಂತಿವೆ. ಬೆಳೆದು ನಿಂತಿರುವ ಆಲದ ಮರಗಳ ಬೇರುಗಳು ಮರದ ತುದಿಯಿಂದ ನೇರವಾಗಿ ರಸ್ತೆಯ ಪಕ್ಕಕ್ಕೆ ಜೋತು ಬಿದ್ದಿವೆ.ಹೀಗೆ ಜೋತು ಬಿದ್ದಿರುವ ಮರದ ಬೇರುಗಳು ಈ ರಸ್ತೆಯ ಮೇಲಿನ ಸಂಚಾರಿಸುವ ವಾಹನಗಳ ಸಂಚಾರಕ್ಕೆ ಅಡಚಣೆಯಾಗುತ್ತಿವೆ. ರಸ್ತೆಗಳು ಸಹ ಇಕ್ಕಟ್ಟಾಗಿರುವುದರಿಂದ ಎದುರು ಬದರು ಬರುವ ವಾಹನಗಳಿಗೆ ಪಕ್ಕಕ್ಕೆ ಸರಿಯಲು ಸ್ಥಳವೇ ಇಲ್ಲದಂತಾಗಿದೆ.

. ಮಾಸೂರ, ತಿಪ್ಪಾಯಿಕೊಪ್ಪ, ಕೋಡಮಗ್ಗಿ, ಅಣಜಿ,ಹಳ್ಳೂರ, ಚಟ್ನಳ್ಳಿ,ಕಮಲಾಪುರ, ಗುಡ್ಡದಮಾದಾಪುರ, ಹೊಸ ವೀರಾಪುರ, ಹಳೇವೀರಾಪುರ, ರಾಮತೀರ್ಥ, ಹಿರೇಮೊರಬ, ಖಂಡೆಬಾಗೂರ, ತಡಕನಹಳ್ಳಿ, ಎಂ.ಎಂ.ಎತ್ತಿನಹಳ್ಳಿ, ಮೇದೂರ,ಹೊಸಕಟ್ಟಿ, ಅಂಗರಗಟ್ಟಿ, ನಾಗವಂದ, ಹಿರೇಕಬ್ಬಾರ, ಚಿಕ್ಕಬ್ಬಾರ ಸೇರಿದಂತೆ ಗ್ರಾಮಗಳ ಜನರುಪ್ರತಿನಿತ್ಯ ಮಾಸೂರು ಮಾರ್ಗವಾಗಿ ಹಿರೇಕೆರೂರು ಪಟ್ಟಣಕ್ಕೆ ಬರುತ್ತಾರೆ.

. ಬೀಳುವ ಸ್ಥಿತಿಯಲ್ಲಿ ನಿಂತ ಮರಗಳು:

ತಾಲ್ಲೂಕಿನ ದೂದಿಹಳ್ಳಿ ಗ್ರಾಮದ ಹೊರವಲಯದಲ್ಲಿ ಮಾಸೂರು ರಸ್ತೆಯಲ್ಲಿ ಆಲದ ಮರವೊಂದು ಆಗೊ ಈಗೋ ಬೀಳುವ ಸ್ಥಿತಿಯಲ್ಲಿದ್ದು ಜನರು ಭಯದ ಭೀತಿಯಿಂದ ಓಡಾಡುವ ಪರಿಸ್ಥಿತಿ ಇದೆ. ಮಾಸೂರು ಸಂಪರ್ಕಿಸುವ ಈ ರಸ್ತೆ ಮಾರ್ಗದಲ್ಲಿ ದಿನನಿತ್ಯ ಲಾರಿ, ಬಸ್, ದ್ವಿಚಕ್ರ ವಾಹನಗಳು, ಆಟೊ ಸೇರಿದಂತೆ ಅನೇಕ ರೀತಿಯ ನೂರಾರು ವಾಹನಗಳು ಓಡಾಡುತ್ತಿದ್ದು ಯಾವ ಸಮಯದಲ್ಲಿ ಮರ ಬೀಳುತ್ತೆ ಎಂಬ ಭಯದಿಂದ ಸಾರ್ವಜನಿಕರು ಓಡಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ.

. ಕೆಲವು ದಿನಗಳ ಹಿಂದೆ ಹಿರೇಕೆರೂರು ಪಟ್ಟಣದಿಂದ ಮಾಸೂರು ಕಡೆ ದ್ವಿಚಕ್ರ ವಾಹನದಲ್ಲಿ ಹೋಗುತ್ತಿರುವಾಗ ಮರ ಬಿದ್ದು ಇಬ್ಬರು ಯುವಕರು ಮೃತಪಟ್ಟು ಒಬ್ಬ ಗಾಯಗೊಂಡಿದ್ದರು. ಆದರೂ ಎಚ್ಚೆತ್ತುಕೊಳ್ಳದ ಅರಣ್ಯ ಇಲಾಖೆ ಹಾಗೂ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಬೀಳುವ ಸ್ಥಿತಿಯಲ್ಲಿ ಇರುವ ಮರಗಳನ್ನು ತೆರವುಗೊಳಿಸಲು ಅಧಿಕಾರಿಗಳು ಗಮನ ಹರಿಸುತ್ತಿಲ್ಲ ಎಂದು ವಾಹನ ಸವಾರರೊಬ್ಬರು ಆಕ್ರೋಶ ವ್ಯಕ್ತಪಡಿಸಿದರು.

. ಮರ ಬಿದ್ದು ಇಬ್ಬರು ಮೃತಪಟ್ಟ ನಂತರ ಹೆಸ್ಕಾಂ, ಅರಣ್ಯ ಇಲಾಖೆ, ಸೇರಿಕೊಂಡು ಕೆಲವು ಮರಗಳನ್ನು ತೆರವುಗೊಳಿಸಿದ್ದಾರೆ. ಆದರೆ ಆಲದ ಮರಗಳನ್ನು ತೆರವುಗೊಳಿಸಿಲ್ಲ. ಈ ಆಲದ ಮರಗಳಿಂದ ಸಂಚಾರಕ್ಕೆ ಸಮಸ್ಯೆ ಆಗುತ್ತಿದೆ.

. ಎದುರು ಬದುರು ವಾಹನಗಳು ಬಂದರೆ ರಸ್ತೆ ಪಕ್ಕ ಸರಿಯಲು ಜಾಗವಿಲ್ಲ, ಇದರಲ್ಲಿ ಕೆಲವು ಮರಗಳು ಈಗಲೂ ಆಗೊಲೋ ಬಿಳುವ ಸ್ಥಿತಿಯಲ್ಲಿ ಇವೆ ಸಂಬಂಧಿಸಿದ ಅಧಿಕಾರಿಗಳು ಅಪಘಾತಕ್ಕೆ ಮುನ್ನವೇ ಎಚ್ಚೆತ್ತು ಮರಗಳನ್ನು ತೆರವುಗೊಳಿಸುವ ಕಾರ್ಯ ಮಾಡಬೇಕು. ಈರಣ್ಣ ಬಣಕಾರ, ಬೈಕ್ ಸವಾರ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಿರೇಕೆರೂರು | ಜೋತು ಬಿದ್ದ ಆಲದ ಮರದ ಬೇರುಗಳು; ವಾಹನ ಸಂಚಾರಕ್ಕೆ ಅಡಚಣೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು