ಶಿಗ್ಗಾವಿ | ಉದ್ಘಾಟನೆಯಾದರೂ ಸಿಗದ ಆಶ್ರಯ ಮನೆಗಳು; ವಸತಿಗಾಗಿ ಫಲಾನುಭವಿಗಳ ಪರದಾಟ

‘ಮಾಂಗಲ್ಯ ಸರ(ತಾಳಿ) ಮಾರಿಕೊಂಡು ಹಣ ತುಂಬಿದ್ದೇನೆ. ಕೊರಳಲ್ಲಿ ಬಂಗಾರದ ತಾಳಿ ಬದಲಾಗಿ ಅರಿಸಿನ ಬೇರು ಕಟ್ಟಿಕೊಂಡು ಬದುಕು ಸಾಗಿಸುತ್ತಿದ್ದೇನೆ. ಮನೆಗಳನ್ನು ಬೇಗ ನೀಡಿರಿ ಎಂದು ಕಂಡ ಕಂಡ ಅಧಿಕಾರಿಗಳ ಕಾಲುಮುಗಿದೆ. ಆದರೂ ಈವರೆಗೆ ಮನೆ ಸಿಕ್ಕಿಲ್ಲ. ಹೀಗಾಗಿ ಚಹಾದಂಗಡಿ ಹೋಟೆಲ್‌ನಲ್ಲಿ ಕೆಲಸ ಮಾಡಿಕೊಂಡು ಮಕ್ಕಳನ್ನು ಸಾಕಿಕೊಂಡು ಕುಟುಂಬ ನಿರ್ವಹಣೆ ಮಾಡುತ್ತಿದ್ದೇನೆ’ ಎಂದು ಫಲಾನುಭವಿ ರೇಣುಕಾ ಪೂಪಳೆ ಅಳಲು ತೋಡಿಕೊಂಡರು.