ಶಿಗ್ಗಾವಿ | ನಾಗನೂರ ಕೆರೆಗೆ ಬಂತು ವರದಾ ನದಿ ನೀರು

ಶಿಗ್ಗಾವಿ : ಪಟ್ಟಣದ ಐತಿಹಾಸಿಕ ನಾಗನೂರ ಕೆರೆಗೆ ಸುಮಾರು 15 ಕಿ.ಮೀಯಿಂದ ದೂರದಲ್ಲಿರುವ ವರದಾ ನದಿಯಿಂದ ನೀರು ಬರುತ್ತಿರುವುದು ಪಟ್ಟಣದ ಜನತೆಗೆ ಜೀವಕಳೆ ತುಂಬಿದಂತಾಗಿದೆ.

. ಕಳೆದ ಮೂರು ವಾರಗಳಿಂದ ಸತತವಾಗಿ ಸುರಿಯುತ್ತಿರುವ ಮಳೆಯಿಂದ ವರದಾ ನದಿ ತುಂಬಿ ಹರಿಯುತ್ತಿದ್ದು, ಹೀಗಾಗಿ ನಾಗನೂರ ಕೆರೆಗೆ ನೀರು ಹರಿಸಲು ಆರಂಭವಾಗಿದೆ. ಕಳೆದ ಬೇಸಿಗೆಯಲ್ಲಿ ನೀರು ಭತ್ತಿ ನೀರು ಕಲುಷಿತವಾಗಿ ಹಸಿರು ಬಣ್ಣ ಹೊಂದಿತ್ತು. ಅದೇ ನೀರನ್ನು ಸರಬುರಾಜು ಮಾಡಿದಾಗ ಪಟ್ಟಣದ ಜನತೆ ವಿರೋಧಿಸುವ ಮೂಲಕ ಕುಡಿಯುಲು ನೀರು ಬಳಕೆ ಮಾಡದಂತಾಗಿತ್ತು.

. ಜನ, ಜಾನುವಾರುಗಳು ಕೆರೆ ನೀರಿಗಾಗಿ ಪರದಾಡುವಂತಾಗಿತು. ಆದರೆ ಮಳೆ ಸತತವಾಗಿ ಬಿಳುತ್ತಿರುವ ಹಿನ್ನೆಲೆಯಲ್ಲಿ ನಾಗನೂರ ಕೆರೆಗೆ ನೀರು ಬರುತ್ತಿರುವುದನ್ನು ಜನ ಕಂಡು ಅಣ್ಣಾರ ನಮ್ಮೂರ ಕೆರೆಗೆ ನೀರು ಹರಿದು ಬರುತ್ತಿದೆ ಎಂದು ಹರ್ಷೋದ್ಘಾರದಿಂದ ಹೇಳುತ್ತಿರುವುದು ಕೇಳಿ ಬರುತ್ತಿದೆ.

. ಶಿಗ್ಗಾವಿ, ಸವಣೂರ ಏತ್ ನೀರಾವರಿ ಯೋಜನೆಯಡಿ ಗದಗ, ಹಾವೇರಿ ಸಂಸದ ಬಸವರಾಜ ಬೊಮ್ಮಾಯಿ ಅವರು ಹಿಂದೆ ಕ್ಷೇತ್ರದ ಶಾಸಕರಾದ ಅವಧಿಯಲ್ಲಿ ಶಿಗ್ಗಾವಿ, ಸವಣೂರ, ಬಂಕಾಪುರ ಪಟ್ಟಣಗಳಿಗೆ ಪ್ರತ್ಯೇಕ ಕುಡಿಯುವ ನೀರಿನ ಯೋಜನೆಗಳನ್ನು ಜಾರಿಗೊಳಿಸಿ ನೀರಿನ ಕೊರತೆ ನಿಗಿಸಿದ್ದರು. ಹೀಗಾಗಿ ಅಂದಿನಿಂದ ಮೂರು ಪಟ್ಟಣಗಳಿಗಳಿಗೆ ಸರಾಗವಾಗಿ ನೀರು ಸರಬುರಾಜು ಮಾಡುವ ಕಾರ್ಯ ಸಾಗಿ ಬಂದಿದೆ.

. ಪಟ್ಟಣಗಳಿಗೆ ನೀರುವ ವಿತರಿಸುವ ಜತೆಗೆ ಕೆರೆ,ಕಟ್ಟಿಗಳ ಅಂಜರಜಲ ಹೆಚ್ಚಿಸಲಾಗಿದೆ. ಕೆರೆ ಕಟ್ಟಿಗಳು ಸುತ್ತಲಿಗೆ ಕೊಳವೆಭಾವಿಗಳು ನೀರು ತುಂಬಿ ರೈತರ ಜಮೀನುಗಳಿಗೆ ನೀರಾವರಿ ಯೋಜನೆಗೆ ನೆರವಾಗಿದೆ. ನಿತ್ಯ ಮನೆ,ಮನೆಗಳಿಗೆ ನಳಗಳ ಮೂಲಕ ನೀರು ಬರುತ್ತಿವೆ. ನೀರಿನ ಬವಣೆ ದೂರಾದ ಹಿನ್ನೆಲೆಯಲ್ಲಿ ಪಟ್ಟಣದ ಜನತೆ ಹರ್ಷಚಿತ್ತರಾಗಿದ್ದಾರೆ. ಪುರಸಭೆ ಸಿಬ್ಬಂದಿ ಹಾಗೂ ಸಾರ್ವಜನಿಕರು ಹೋಗಿ ಕರೆ ನೀರನ್ನು ಪೂಜಿಸುತ್ತಿರುವುದ ಕಂಡು ಬಂದಿತು.

. ನಿತ್ಯ ನೀರು

. ಕಳೆದ ಬೇಸಿಗೆಯಲ್ಲಿ ನಾಗನೂರ ಕರೆ ನೀರಿನ ಮಟ್ಟ ಕುಗ್ಗಿ ಹೋಗಿತ್ತು. ಸತತ ಮಳೆಯಿಂದಾಗಿ ಮತ್ತು ವರದಾ ನದಿಯ ನೀರು ಹರಿದು ಬರುವ ಕಾರಣ ಬೇಗನೆ ಕೆರೆ ತುಂಬಲಿದೆ. ಹಿಂದೆ ವಾರಕ್ಕೊಮ್ಮೆ ನೀರು ಬಿಡಲಾಗುತ್ತಿತು. ಈಗ 4ರಿಂದ 5ದಿನಕ್ಜಕೊಮ್ಮೆ ನೀರು ಬಿಡುವ ವ್ಯವಸ್ಥೆ ಮಾಡಲಾಗುತ್ತಿದೆ ಎಂದು ಪುರಸಭೆ ಮುಖ್ಯಾಧಿಕಾರಿ ಮಲ್ಲೇಶ ಆರ್ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಿಗ್ಗಾವಿ | ನಾಗನೂರ ಕೆರೆಗೆ ಬಂತು ವರದಾ ನದಿ ನೀರು

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

Cartoon | ಚಿನಕುರುಳಿ: 25 ನವೆಂಬರ್ 2024

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

IPL Auction 2025 Day 2 LIVE Updates: ₹ 83 ಕೋಟಿ ಇಟ್ಟುಕೊಂಡು ಹರಾಜಿಗೆ ಬಂದ ಆರ್‌ಸಿಬಿ

AUS vs IND Test: ಆಸಿಸ್ ಎದುರು ಭಾರತಕ್ಕೆ ದಾಖಲೆ ಜಯ; ಪಂದ್ಯ ಶ್ರೇಷ್ಠ ಬೂಮ್ರಾ

ಆಳ–ಅಗಲ: ಗುಕೇಶ್‌ ಮುಡಿಗೇರುವುದೇ ವಿಶ್ವ ಚೆಸ್‌ ಕಿರೀಟ?

ಪ್ರೊ ಕಬಡ್ಡಿ: ಯೋಧಾಸ್‌ಗೆ ಜಯ

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

Cartoon | ಚಿನಕುರುಳಿ: 25 ನವೆಂಬರ್ 2024

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!