ಕಲಬುರಗಿ: ನಗರದ ಹಲವು ಬಸ್‌ ನಿಲುಗಡೆಗಳಲ್ಲಿ ಇಲ್ಲ ಪ್ರಯಾಣಿಕರ ತಂಗುದಾಣ

‘ಮಹಾನಗರ ಪಾಲಿಕೆಯವರು ನಮಗೆ ಜಾಗ ಒದಗಿಸಿ ಕೊಟ್ಟರೆ ತಂಗುದಾಣಗಳನ್ನು ನಿರ್ಮಿಸುತ್ತೇವೆ’ ಎಂದು ಕೆಕೆಆರ್‌ಟಿಸಿ ವ್ಯವಸ್ಥಾಪಕ ನಿರ್ದೇಶಕ ಎಂ.ರಾಚಪ್ಪ ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು. ‘ಸರ್ದಾರ್‌ ವಲ್ಲಭಭಾಯ್‌ ಪಟೇಲ್‌ ವೃತ್ತ ಜನನಿಬಿಡ ಪ್ರದೇಶವಾದ್ದರಿಂದ ಅಲ್ಲಿ ಟ್ರಾಫಿಕ್‌ ಸಮಸ್ಯೆ ನಿರ್ಮಾಣವಾಗುತ್ತದೆ ಎಂದು ಪೊಲೀಸ್‌ ಇಲಾಖೆಯವರು ತಂಗುದಾಣ ನಿರ್ಮಾಣಕ್ಕೆ ಅವಕಾಶ ನೀಡುತ್ತಿಲ್ಲ. ಜಾಗ ಒದಗಿಸಿದರೆ ಅಗತ್ಯವಿದ್ದೆಡೆ ಶೆಲ್ಟರ್‌ ನಿರ್ಮಿಸಲಾಗುವುದು’ ಅವರು ತಿಳಿಸಿದ್ದಾರೆ.