<p><strong>ಕಲಬುರಗಿ:</strong> ‘ವಕ್ಫ್ ಹಠಾವೋ, ಅನ್ನದಾತ ಬಚಾವೋ’ ಎಂದು ಒತ್ತಾಯಿಸಿ ನಗರದ ಜಗತ್ ವೃತ್ತದಲ್ಲಿ ಆರಂಭಿಸಿರುವ ಪ್ರತಿಭಟನೆ ಎರಡನೇ ದಿನವಾದ ಶುಕ್ರವಾರವೂ ಮುಂದುವರಿದಿದೆ.</p><p>ನೇಗಿಲ ಯೋಗಿ ಸ್ವಾಭಿಮಾನಿ ವೇದಿಕೆಯಲ್ಲಿ ನಡೆಯುತ್ತಿರುವ ಹೋರಾಟದಲ್ಲಿ ವಿಜಯಪುರ ಜಿಲ್ಲೆಯ ಸಿಂದಗಿಯ ಭೀಮಾಶಂಕರ ಮಠದ ದತ್ತಪ್ಪಯ್ಯ ಸ್ವಾಮೀಜಿ, ಚಿಂಚೋಳಿ ಶಾಸಕ ಅವಿನಾಶ ಜಾಧವ, ವಿವಿಧ ರೈತ ಮುಖಂಡರು ಪಾಲ್ಗೊಂಡಿದ್ದಾರೆ.</p><p>ಈ ವೇಳೆ ಮಾತನಾಡಿದ ದತ್ತಪ್ಪಯ್ಯ ಸ್ವಾಮೀಜಿ, 'ರಾಜ್ಯದಲ್ಲಿ ವಕ್ಫ್ ರೋಗ ಹೊಕ್ಕಿದೆ. ಮಠ ಮಾನ್ಯಗಳಿಗೆ ನಿಜಾಮ್, ಆದಿಲ್ ಶಾಹಿಗಳು, ರಾಜ-ಮಹಾರಾಜರು ಸಾವಿರಾರು ಎಕರೆ ಜಮೀನು ಇನಾಮು, ದಾನ ನೀಡಿ ಹೋಗಿದ್ದಾರೆ. ಅವರ ಹೆಸರೂ ಎಲ್ಲಿಯೂ ಇಲ್ಲ. ಆದರೆ, ಈಗ ನಡುವಿನವರು ಬಂದು ಹೊಕ್ಕಿ ತಮ್ಮ ಹೆಸರು ಸೇರಿಸಿಕೊಂಡು ಬಿಟ್ಟಿದ್ದಾರೆ. ನಡುವೆ ಬಂದವರು ನಡುವೆಯೇ ಹೋಗುತ್ತಾರೆ' ಎಂದು ವಕ್ಫ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.</p><p>ಚಿಂಚೋಳಿ ಶಾಸಕ ಅವಿನಾಶ ಜಾಧವ ಮಾತನಾಡಿ, ಅಧಿಕಾರಕ್ಕೆ ಬರುವ ಯಾವುದೇ ಸರ್ಕಾರ ರೈತ. ದೇಶ ಹಾಗೂ ಧರ್ಮದ ಪರವಾಗಿರಬೇಕು. ಆದರೆ ಈಗಿನ ರಾಜ್ಯ ಸರ್ಕಾರ ರೈತ ಹಾಗೂ ಬಡವರ ವಿರೋಧಿಯಾಗಿದೆ' ಎಂದು ಟೀಕಿಸಿದರು.</p><p>ಕೆ.ಕೆ.ಆರ್.ಡಿ.ಬಿ. ಮಾಜಿ ಅಧ್ಯಕ್ಷ ದತ್ತಾತ್ರೇಯ ಪಾಟೀಲ ರೇವೂರ ಮಾತನಾಡಿ,' ವಕ್ಫ ವಿರುದ್ಧ ನಡೆಸುತ್ತಿರುವ ಹೋರಾಟ ಐತಿಹಾಸಿಕ. ಇಡೀ ರಾಜ್ಯದಲ್ಲಿ ಕರಾಳ ಕಾನೂನಿನ ಮೂಲಕ ರಾಜ್ಯ ಸರ್ಕಾರ ರೈತರ, ಮಠಮಾನ್ಯಗಳ ಭೂಮಿಯ ಪಹಣಿಯಲ್ಲಿ ಸೇರಿಸುತ್ತಿದೆ. ಇದರ ವಿರುದ್ಧ ನಾವೆಲ್ಲ ಹೋರಾಟ ಮಾಡಬೇಕಿದೆ. ಈ ಸತ್ಯಾಗ್ರಹಕ್ಕೆ ಸರ್ಕಾರ ಸ್ಪಂದಿಸುತ್ತೋ ಇಲ್ಲವೋ ಗೊತ್ತಿಲ್ಲ. ಏಕೆಂದರೆ ಈ ಸರ್ಕಾರದ ಚರ್ಮ ದಪ್ಪವಾಗಿದೆ. ಹೀಗಾಗಿ ನಮ್ಮ ಹೋರಾಟಕ್ಕೆ ಬೆಲೆ ಕೊಡುತ್ತೋ ಇಲ್ಲವೋ ಗೊತ್ತಿಲ್ಲ. ರೈತರ ಪಹಣಿಗಳಿಂದ ವಕ್ಫ್ ಹೆಸರು ತೆಗೆಯುವ ತನಕ ಹೋರಾಟ ಮುಂದುವರಿಸಬೇಕು' ಎಂದರು.</p><p>'ಬಡವ ರೈತನ ಕಣ್ಣೀರು ಒರೆಸುವ ಸರ್ಕಾರ ಎಲೈತಿ? ಬೆಂಚಿನ ಕೆಳಗೆ ಲಂಚ ಕೇಳುವ ಜನರೇ ಹೆಚ್ಚೈತಿ. ರೈತನು ಬದುಕುವುದು ಕಷ್ಟ ಐತಿ' ಸೇರಿದಂತೆ ರೈತರ ಪರವಾದ ಹಾಡುಗಳು ಮೊಳಗಿಸಿ ಆಕ್ರೋಶ ಸರ್ಕಾರ, ವಕ್ಫ್ ವಿರುದ್ಧ ವ್ಯಕ್ತಪಡಿಸಲಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಲಬುರಗಿ:</strong> ‘ವಕ್ಫ್ ಹಠಾವೋ, ಅನ್ನದಾತ ಬಚಾವೋ’ ಎಂದು ಒತ್ತಾಯಿಸಿ ನಗರದ ಜಗತ್ ವೃತ್ತದಲ್ಲಿ ಆರಂಭಿಸಿರುವ ಪ್ರತಿಭಟನೆ ಎರಡನೇ ದಿನವಾದ ಶುಕ್ರವಾರವೂ ಮುಂದುವರಿದಿದೆ.</p><p>ನೇಗಿಲ ಯೋಗಿ ಸ್ವಾಭಿಮಾನಿ ವೇದಿಕೆಯಲ್ಲಿ ನಡೆಯುತ್ತಿರುವ ಹೋರಾಟದಲ್ಲಿ ವಿಜಯಪುರ ಜಿಲ್ಲೆಯ ಸಿಂದಗಿಯ ಭೀಮಾಶಂಕರ ಮಠದ ದತ್ತಪ್ಪಯ್ಯ ಸ್ವಾಮೀಜಿ, ಚಿಂಚೋಳಿ ಶಾಸಕ ಅವಿನಾಶ ಜಾಧವ, ವಿವಿಧ ರೈತ ಮುಖಂಡರು ಪಾಲ್ಗೊಂಡಿದ್ದಾರೆ.</p><p>ಈ ವೇಳೆ ಮಾತನಾಡಿದ ದತ್ತಪ್ಪಯ್ಯ ಸ್ವಾಮೀಜಿ, 'ರಾಜ್ಯದಲ್ಲಿ ವಕ್ಫ್ ರೋಗ ಹೊಕ್ಕಿದೆ. ಮಠ ಮಾನ್ಯಗಳಿಗೆ ನಿಜಾಮ್, ಆದಿಲ್ ಶಾಹಿಗಳು, ರಾಜ-ಮಹಾರಾಜರು ಸಾವಿರಾರು ಎಕರೆ ಜಮೀನು ಇನಾಮು, ದಾನ ನೀಡಿ ಹೋಗಿದ್ದಾರೆ. ಅವರ ಹೆಸರೂ ಎಲ್ಲಿಯೂ ಇಲ್ಲ. ಆದರೆ, ಈಗ ನಡುವಿನವರು ಬಂದು ಹೊಕ್ಕಿ ತಮ್ಮ ಹೆಸರು ಸೇರಿಸಿಕೊಂಡು ಬಿಟ್ಟಿದ್ದಾರೆ. ನಡುವೆ ಬಂದವರು ನಡುವೆಯೇ ಹೋಗುತ್ತಾರೆ' ಎಂದು ವಕ್ಫ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.</p><p>ಚಿಂಚೋಳಿ ಶಾಸಕ ಅವಿನಾಶ ಜಾಧವ ಮಾತನಾಡಿ, ಅಧಿಕಾರಕ್ಕೆ ಬರುವ ಯಾವುದೇ ಸರ್ಕಾರ ರೈತ. ದೇಶ ಹಾಗೂ ಧರ್ಮದ ಪರವಾಗಿರಬೇಕು. ಆದರೆ ಈಗಿನ ರಾಜ್ಯ ಸರ್ಕಾರ ರೈತ ಹಾಗೂ ಬಡವರ ವಿರೋಧಿಯಾಗಿದೆ' ಎಂದು ಟೀಕಿಸಿದರು.</p><p>ಕೆ.ಕೆ.ಆರ್.ಡಿ.ಬಿ. ಮಾಜಿ ಅಧ್ಯಕ್ಷ ದತ್ತಾತ್ರೇಯ ಪಾಟೀಲ ರೇವೂರ ಮಾತನಾಡಿ,' ವಕ್ಫ ವಿರುದ್ಧ ನಡೆಸುತ್ತಿರುವ ಹೋರಾಟ ಐತಿಹಾಸಿಕ. ಇಡೀ ರಾಜ್ಯದಲ್ಲಿ ಕರಾಳ ಕಾನೂನಿನ ಮೂಲಕ ರಾಜ್ಯ ಸರ್ಕಾರ ರೈತರ, ಮಠಮಾನ್ಯಗಳ ಭೂಮಿಯ ಪಹಣಿಯಲ್ಲಿ ಸೇರಿಸುತ್ತಿದೆ. ಇದರ ವಿರುದ್ಧ ನಾವೆಲ್ಲ ಹೋರಾಟ ಮಾಡಬೇಕಿದೆ. ಈ ಸತ್ಯಾಗ್ರಹಕ್ಕೆ ಸರ್ಕಾರ ಸ್ಪಂದಿಸುತ್ತೋ ಇಲ್ಲವೋ ಗೊತ್ತಿಲ್ಲ. ಏಕೆಂದರೆ ಈ ಸರ್ಕಾರದ ಚರ್ಮ ದಪ್ಪವಾಗಿದೆ. ಹೀಗಾಗಿ ನಮ್ಮ ಹೋರಾಟಕ್ಕೆ ಬೆಲೆ ಕೊಡುತ್ತೋ ಇಲ್ಲವೋ ಗೊತ್ತಿಲ್ಲ. ರೈತರ ಪಹಣಿಗಳಿಂದ ವಕ್ಫ್ ಹೆಸರು ತೆಗೆಯುವ ತನಕ ಹೋರಾಟ ಮುಂದುವರಿಸಬೇಕು' ಎಂದರು.</p><p>'ಬಡವ ರೈತನ ಕಣ್ಣೀರು ಒರೆಸುವ ಸರ್ಕಾರ ಎಲೈತಿ? ಬೆಂಚಿನ ಕೆಳಗೆ ಲಂಚ ಕೇಳುವ ಜನರೇ ಹೆಚ್ಚೈತಿ. ರೈತನು ಬದುಕುವುದು ಕಷ್ಟ ಐತಿ' ಸೇರಿದಂತೆ ರೈತರ ಪರವಾದ ಹಾಡುಗಳು ಮೊಳಗಿಸಿ ಆಕ್ರೋಶ ಸರ್ಕಾರ, ವಕ್ಫ್ ವಿರುದ್ಧ ವ್ಯಕ್ತಪಡಿಸಲಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
