ಕಮಲಾಪುರ: ದತ್ತನ ದರ್ಶನಕ್ಕೆ ತೆರಳುತ್ತಿದ್ದವರ ದುರ್ಮರಣ

ಕಮಲಾಪುರ : ಬೆಳಕು ಹರಿಯುವುದರ ಒಳಗೆ ದೇವರ ಸನ್ನಿಧಿ ತಲುಪಿ ದರ್ಶನ ಪಡೆಯಬೇಕಿದ್ದವರು ಜವರಾಯನ ಅಟ್ಟಹಾಸದಿಂದ ಸೀದಾ ದೇವರ ಪಾದ ಸೇರಿದ್ದಾರೆ.

. ಅಫಜಲಪುರ ತಾಲ್ಲೂಕಿನ ದೇವಲ ಗಾಣಗಾಪುರದ ದತ್ತ ಮಹಾರಾಜರ ದೇವಸ್ಥಾನಕ್ಕೆ ತೆಲಂಗಾಣದಿಂದ ತೆರಳುತ್ತಿದ್ದ ನಾಲ್ವರು ಶನಿವಾರ ನಸುಕಿನ ಜಾವ ನಡೆದ ಅಪಘಾತದಲ್ಲಿ ಮೃತಪಟ್ಟಿದ್ದಾರೆ.

. ‘ದರ್ಶನಕ್ಕೆ ಹೊರಟವರು ದೇವರ ಪಾದ ಸೇರಿದರು. ದೇವರೇ ತನ್ನತ್ತ ಕರೆದುಕೊಂಡ’ ಎಂದು ಅಪಘಾತವಾದ ಸ್ಥಳದಲ್ಲಿ ಸೇರಿದ್ದ ಜನರು ಮರುಗಿದ ದೃಶ್ಯ ಕಂಡುಬಂತು.

. ಕಮಲಾಪುರ ತಾಲ್ಲೂಕಿನ ಮರಗುತ್ತಿ ಕ್ರಾಸ್ ಆನಂದ ಶಾಲೆ ಸಮೀಪದ ಬಂಜಾರಾ ಹಿಲ್ಸ್ ದಾಬಾ ಬಳಿ ಇವರು ಪ್ರಯಾಣಿಸುತ್ತಿದ್ದ ಕಾರು ಹಾಗೂ ಮಹೀಂದ್ರಾ ಪಿಕಪ್ ಗೂಡ್ಸ್ ವಾಹನದ ನಡುವೆ ಡಿಕ್ಕಿಯಾಗಿ ದುರ್ಘಟನೆ ನಡೆದಿದೆ.

. ಗೂಡ್ಸ್ ವಾಹನ ಚಾಲಕ ಸುರೇಶ ಹಲ್ಲಿರಾಮ ರಾಜಸ್ಥಾನ ಮೂಲದವನಾಗಿದ್ದಾನೆ ಎಂದು ತಿಳಿದು ಬಂದಿದ್ದು ಸಣ್ಣಪುಟ್ಟ ಗಾಯಗಳಾಗಿವೆ.

. ಬಿಡಿಎಲ್ ಕಂಪನಿಯಲ್ಲಿ ಮುಖ್ಯ ಮೆಕಾನಿಲ್ ಟೆಕ್ನಿಶಿಯನ್ ಆಗಿದ್ದ ಶ್ರೀನಿವಾಸ ಭಾರ್ಗವಕೃಷ್ಣ ಹಾಗೂ ಪತ್ನಿ ಸಂಗೀತಾಲಕ್ಷ್ಮೀ ಒಂದು ವಾರದ ಮುಂಚೆಯೇ ದತ್ತನ ದರ್ಶನಕ್ಕೆ ತೆರಳಲು ನಿಶ್ಚಯಿಸಿದರು. ಆದರೆ ಅದು ಕೈಗೂಡಲಿಲ್ಲ. ಈ ಶನಿವಾರ ದರ್ಶನ ಪಡೆಯಬೇಕು ಎಂದು ನಿಶ್ಚಯಿಸಿ ಸ್ನೇಹಿತನ ಕಾರಿನಲ್ಲಿ ತೆರಳಿದ್ದರು.

. ‘ಶ್ರೀನಿವಾಸ ಭಾರ್ಗವಕೃಷ್ಣ ಎಲ್ಲೇ ಹೋಗಬೇಕಾದರೂ ಕಾರು ಚಾಲನೆಗೆ ತನ್ನ ಸ್ನೇಹಿತ ರಾಘವೇಂದ್ರಗೌಡ ಅವರನ್ನೇ ಕರೆದುಕೊಂಡು ಹೋಗುತ್ತಿದ್ದರು. ಈ ಬಾರಿಯೂ ರಾಘವೇಂದ್ರಗೌಡ ಅವರೇ ಕಾರು ಚಾಲನೆ ಮಾಡುತ್ತಿದ್ದರು. ಜತೆಗೆ ಬಿಡಿಎಲ್ ಕಂಪನಿಯಲ್ಲೆ ಶ್ರೀನಿವಾಸ ಭಾರ್ಗವಕೃಷ್ಣ ಅವರ ಕೈಕೆಳಗೆ ಕಾರ್ಮಿಕನಾಗಿದ್ದ ಭಾನುಪ್ರಸಾದನನ್ನು ಕೆರೆದುಕೊಂಡು ಹೋಗಿದ್ದರು. ಅಫಘಾತದಲ್ಲಿ ನಾಲ್ವರೂ ಒಟ್ಟಿಗೆ ಮೃತಪಟ್ಟಿದ್ದಾರೆ’ ಎಂದು ಸಂಬಂಧಿಕರು ಕಣ್ಣೀರು ಸುರಿಸಿದರು.

. ಬೆಳಿಗ್ಗೆ ಮೃತದೇಹಗಳನ್ನು ಕಮಲಾಪುರ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಸಾಗಿಸಲಾಯಿತು. ತೆಲಂಗಾಣದಿಂದ ಸಂಬಂಧಿಕರು ಆಗಮಿಸಿದ ಬಳಿಕ ಪ್ರಕರಣ ದಾಖಲಿಸಿ ಶವಪರೀಕ್ಷೆ ನಡೆಸಿ ಮೃತದೇಹ ಹಸ್ತಾಂತರಿಸಲಾಯಿತು.

. ಎಸ್ಪಿ ಅಡ್ಡೂರು ಶ್ರೀನಿವಾಸಲು, ಎಎಸ್ಪಿ ಬಿಂದುಮಣಿ, ಶ್ರೀನಿಧಿ, ಸಿಪಿಐ ಶಿವಶಂಕರ ಸಾಹು, ಪಿಎಸ್ಐ ಸಂಗೀತಾ ಸಿಂಧೆ, ಆಶಾ ರಾಠೋಡ್, ಶಿವಶಂಕರ ಸುಬೇದಾರ, ಕುಪೇಂದ್ರ, ಕಿಶನ ಜಾಧವ್, ಹುಸೇನ ಪಟೇಲ, ರಾಜಶೇಖರ ಮತ್ತಿತರು ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು.

. ಗೂಡ್ಸ್ ವಾಹನ ಚಾಲಕನ ವಿರುದ್ಧ ಕಮಲಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣದ ದಾಖಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಮಲಾಪುರ: ದತ್ತನ ದರ್ಶನಕ್ಕೆ ತೆರಳುತ್ತಿದ್ದವರ ದುರ್ಮರಣ

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ಕಾಲಾ ಕುಮಾರಸ್ವಾಮಿ ಹೇಳಿಕೆ: ಕ್ಷಮೆ ಯಾಚಿಸಿದ ಸಚಿವ ಜಮೀರ್

ಮೈಸೂರಿನ ಯೋಗ ಗುರು ಶರತ್ ಜೋಯಿಸ್ ಅಮೆರಿಕದಲ್ಲಿ ಹೃದಯಾಘಾತದಿಂದ ನಿಧನ

ರಣಜಿ ಟ್ರೋಫಿ ಕ್ರಿಕೆಟ್: ದುರ್ಗಮ ಹಾದಿಯಲ್ಲಿ ಮಯಂಕ್ ಪಡೆ

ATP Finals: ಬೋಪಣ್ಣ– ಎಬ್ಡೆನ್‌ ಜೋಡಿಗೆ ನಿರಾಸೆ

ಐಸಿಸಿ ಚಾಂಪಿಯನ್ಸ್ ಟ್ರೋಫಿ ನಂತರ ಮೊಹಮ್ಮದ್ ನಬಿ ನಿವೃತ್ತಿ

ಬ್ಯಾಸ್ಕೆಟ್‌ಬಾಲ್‌ ಟೂರ್ನಿ: ಯಂಗ್‌ ಓರಿಯನ್ಸ್‌ ತಂಡಗಳಿಗೆ ಜಯ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಮಂಗಳವಾರ, 12 ನವೆಂಬರ್ 2024

ಚುರುಮುರಿ | ಕಣ್ಣೀರಧಾರೆ

ಕಾಲಾ ಕುಮಾರಸ್ವಾಮಿ ಹೇಳಿಕೆ: ಕ್ಷಮೆ ಯಾಚಿಸಿದ ಸಚಿವ ಜಮೀರ್

ಮೈಸೂರಿನ ಯೋಗ ಗುರು ಶರತ್ ಜೋಯಿಸ್ ಅಮೆರಿಕದಲ್ಲಿ ಹೃದಯಾಘಾತದಿಂದ ನಿಧನ