ಮಡಿಕೇರಿ: ತೀರ್ಥರೂಪಿಣಿಯ ದರ್ಶನಕ್ಕೆ ಸಾವಿರಾರು ಜನ

ಸಂಚಾರ ದಟ್ಟಣೆ ಹೇಗಿತ್ತು ಎಂದರೆ ಪೊಲೀಸರೂ ಸಹ ಕಾಲ್ನಡಿಗೆಯಲ್ಲೇ ಬೆಟ್ಟ ಹತ್ತಿದರು. ಇವರಲ್ಲಿ ಮಹಿಳಾ ಪೊಲೀಸರೂ ಸೇರಿದ್ದರು. ಒಂದಷ್ಟು ದೂರ ವಾಹನಗಳಲ್ಲಿ ತೆರಳುವುದು. ಸಂಚಾರದಟ್ಟಣೆ ಉಂಟಾದಾಗ ವಾಹನದಿಂದ ಇಳಿದು ಬೆಟ್ಟ ಹತ್ತುವ ಕೆಲಸ ಮಾಡಿದರು. ಸಂಚಾರ ದಟ್ಟಣೆ ನಿರ್ವಹಿಸಲು ಅಕ್ಷರಶಃ ಪೊಲೀಸರು ಪರದಾಡಿದರು.

ಮುಖ್ಯಮಂತ್ರಿಯ ಕಾನೂನು ಸಲಹೆಗಾರ ಹಾಗೂ ಶಾಸಕ ಎ.ಎಸ್.ಪೊನ್ನಣ್ಣ ಅವರು ಭಾಗಮಂಡಲದಿಂದ ತಲಕಾವೇರಿಯವರೆಗೆ ಪಾದಯಾತ್ರೆ ನಡೆಸಿದರು. ಕಾಲ್ನಡಿಗೆಯಲ್ಲಿಯೇ ಭಕ್ತರೊಂದಿಗೆ ಅವರು ತಲಕಾವೇರಿಯವರೆಗೂ ಹೆಜ್ಜೆ ಹಾಕಿ ಭಕ್ತಿಭಾವ ಮೆರೆದರು.