ಕೊಚ್ಚಿ ಹೋದ ಕಾಫಿ ಬೆಳೆಗಾರರ ನಿರೀಕ್ಷೆ

ಗೋಣಿಕೊಪ್ಪಲು : ದಿಢೀರನೆ ಮಂಗಳ ವಾರ ಸಂಜೆ ಸುರಿದ ಧಾರಾಕಾರ ಮಳೆಯಿಂದ ಗೋಣಿಕೊಪ್ಪಲು ಭಾಗ ದಲ್ಲಿ ಅಪಾರ ನಷ್ಟ ಸಂಭವಿಸಿದೆ. ಈ ಮಳೆ ಕೇವಲ ಕಾಫಿಯನ್ನು ಮಾತ್ರ ಕೊಚ್ಚಿಕೊಂಡು ಹೋಗಲಿಲ್ಲ. ಕಾಫಿ ಬೆಳೆಗಾರರ ನಿರೀಕ್ಷೆಗಳನ್ನೂ ಬುಡ ಮೇಲಾಗಿಸಿತು.

. ಒಮ್ಮಿಂದೊಮ್ಮೆಗೆ ಧೋ ಎಂದು ಸುರಿದ ಮಳೆಯಿಂದ ಕಣದಲ್ಲಿ ಹರಡಿದ್ದ ಕಾಫಿ ಹಣ್ಣುಗಳು ತಮ್ಮ ಕಣ್ಣ ಮುಂದೆಯೇ ನೀರಿನಲ್ಲಿ ಕೊಚ್ಚಿ ಹೋಗುತ್ತಿದ್ದರೂ ಏನೂ ಮಾಡಲು ಸಾಧ್ಯವಿಲ್ಲದ ಪರಿಸ್ಥಿತಿಯಲ್ಲಿ ಅಸಹಾಯಕರಾಗಿ ನಿಂತು ನೋಡಬೇಕಾಯಿತು ಎಂದು ಬೆಳೆಗಾರರು ತಮ್ಮ ನೋವನ್ನು ತೋಡಿಕೊಂಡಿದ್ದಾರೆ.

. ಈ ಮಳೆ ಕೇವಲ ಸದ್ಯದ ಬೆಳೆ ಮೇಲೆ ಮಾತ್ರವಲ್ಲ ಮುಂದಿನ ಕಾಫಿ ಫಸಲಿಗೂ ಧಕ್ಕೆಯನ್ನುಂಟು ಮಾಡಿದೆ. ಕಾಫಿ ಬೆಳೆಗಾರರಿಗೆ ನಷ್ಟದ ಮೇಲೆ ನಷ್ಟವಾಗುತ್ತಿದೆ.

. ಹುದಿಕೇರಿ, ಹರಿಹರ, ಗೋಣಿ ಕೊಪ್ಪಲು, ಅಮ್ಮತ್ತಿ, ಹಾತೂರು, ಹೊಸಕೋಟೆ ಮೊದಲಾದ ಕಡೆ ಪೂರ್ಣವಾಗಿ ಒಣಗಿ ಮಾರಾಟಕ್ಕೆ ಸಿದ್ಧಗೊಂಡಿದ್ದ ಕಾಫಿ ಕೂಡ ಮಳೆಗೆ ನೀರುಪಾಲಾಗಿದೆ. ಕೆಲವೆಡೆ ಮಳೆಯಿಂದ ನೀರು ಹರಿದ ಪರಿಣಾಮ ಒಣ ಮತ್ತು ಹಸಿ ಹಣ್ಣು ಕಾಫಿಗಳೆರಡು ಮಿಶ್ರಣಗೊಂಡು ಕೊಚ್ಚಿ ಹೋಗಿದೆ. ಈ ಪೈಕಿ ಅಲ್ಲಲ್ಲಿ ಉಳಿದುಕೊಂಡಿರುವ ಈ ರೀತಿಯ ಕಾಫಿಯನ್ನು ಬೇರ್ಪಡಿಸುವುದೇ ಇದೀಗ ಬೆಳಗಾರರಿಗೆ, ಕಾರ್ಮಿಕರಿಗೆ ದೊಡ್ಡ ಸವಾಲಾಗಿದೆ.

. ಕೆಲವೆಡೆ ನೀರಿನಲ್ಲಿ ಕೊಚ್ಚಿ ಹೋಗುತ್ತಿದ್ದ ಕಾಫಿಯನ್ನು ಕಾರ್ಮಿಕರು, ಮಾಲೀಕರು ಸೇರಿ ಮಳೆ ನಡುವೆಯೂ ಸಾಹಸದಿಂದ ಒಂದೆಡೆ ಸಂಗ್ರಹಿಸುವ ಕೆಲಸ ಮಾಡಿದ್ದರೂ ಪೂರ್ಣ ಪ್ರಮಾಣದಲ್ಲಿ ಆಗಿಲ್ಲ ಎಂದು ವಿರಾಜಪೇಟೆ ಸಮೀಪದ ಹೊಸ ಕೋಟೆಯ ಡಿ.ಎಚ್.ಎಸ್ ಎಸ್ಟೇಟ್ ಮಾಲೀಕ ದುದ್ದಿಯಂಡ ಸೂಫಿ ಹಾಜಿ ಹೇಳಿದರು.

. ಕಾಫಿ ಹಣ್ಣು ಒಣಗುವ ಹಂತದಲ್ಲಿ ಮಳೆಯಾದರೆ ಬೀಜದ ಗುಣಮಟ್ಟ ಕಡಿಮೆಯಾಗಲು ಕಾರಣವಾಗುತ್ತದೆ. ಅಲ್ಲದೆ, ಕಾಫಿ ಪುಡಿಯ ರುಚಿಯಲ್ಲಿ ಸಾಕಷ್ಟು ವ್ಯತ್ಯಾಸವಾಗುತ್ತದೆ. ಜೊತೆಗೆ ಮುಂದಿನ ಸಾಲಿನ ಇಳುವರಿಯೂ ಕುಂಠಿತವಾಗಲಿದೆ ಎಂದು ಅವರು ಆತಂಕ ವ್ಯಕ್ತಪಡಿಸಿದರು.

. ‘ಕಾಫಿ ಹಣ್ಣಾಗುವ ಸಂದರ್ಭದಲ್ಲಿ ಮಳೆಯಾದ ಕಾರಣ ವ್ಯಾಪಕವಾದ ಉದುರುವಿಕೆ ಆರಂಭಗೊಂಡು ಈ ವರ್ಷ ದೊಡ್ಡ ಪ್ರಮಾಣದಲ್ಲಿಯೇ ಇಳುವರಿ ಕಡಿಮೆಯಾಗಿತ್ತು. ಈ ಆತಂಕದಲ್ಲೇ ಇದ್ದ ಸಂದರ್ಭದಲ್ಲಿ ಮಂಗಳವಾರದ ಮಳೆ ಕಾಫಿ ಬೆಳಗಾರನ್ನು ಮತ್ತಷ್ಟು ಘಾಸಿಗೊಳಿಸಿದೆ’ ಎಂದು ಅಳಲು ತೋಡಿಕೊಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊಚ್ಚಿ ಹೋದ ಕಾಫಿ ಬೆಳೆಗಾರರ ನಿರೀಕ್ಷೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು