<p><strong>ಮಡಿಕೇರಿ</strong>: ‘ಜಲಲ ಜಲಲ ಜಲ ಧಾರೆ...’ ಎಂಬ ಹಳೆಯ ಹಾಡು ಅಬ್ಬಿಕೊಲ್ಲಿ ಜಲಪಾತ ನೋಡಿದರೆ ನೆನಪಾಗುತ್ತದೆ. ಮಂಗಳೂರಿನಿಂದ ಮಡಿಕೇರಿಗೆ ಬರುವಾಗ ಬೆಟ್ಟ ಏರುತ್ತಿರುವಾಗ ಒಮ್ಮೆಗೆ ರಸ್ತೆ ಬದಿಯಲ್ಲೇ ಕಣ್ಣಿಗೆ ಬೀಳುವ ಈ ಜಲಧಾರೆ ಮಡಿಕೇರಿಗೆ ಒಂದು ಬಗೆಯ ಜಲವೈಭವದ ಸ್ವಾಗತ ಕೋರುವಂತಿದೆ.</p>.<p>ಬೆಟ್ಟಶ್ರೇಣಿಗಳಿಂದ ಜುಳುಜುಳನೇ ಹರಿಯುತ್ತ ಬರುವ ಈ ಜಲಪಾತದ ಅಂದವನ್ನು ನೋಡಿದರೆ ಸಾಕು ಮೈಮನಗಳೆಲ್ಲವೂ ಪುಳಕಗೊಳ್ಳುತ್ತದೆ. ‘ಜಲಲ ಜಲಲ ಜಲ ಧಾರೆ’ ಹಾಡಿನ ಮಾಧುರ್ಯವೇ ಇಲ್ಲಿ ನೋಡುಗರಿಗೆ ಸಿಗುತ್ತದೆ.</p>.<p>ಮಡಿಕೇರಿಯ ಕಡೆಗೆ ಬರುತ್ತಿದ್ದಂತೆ ಆವರಿಸುವ ಚಳಿ, ಕೈಗೆಟುಕಿದಂತೆ ತೇಲುವ ಮೋಡಗಳು, ದಟ್ಟ ಮಂಜು ಇವುಗಳ ಮಧುರ ಅನುಭವಗಳ ಜೊತೆಗೆ ಈ ಶ್ವೇತ ಸುಂದರ ಜಲಪಾತ ಸೂಜಿಗಲ್ಲಿನಂತೆ ಸೆಳೆಯುತ್ತದೆ. ಮಾತ್ರವಲ್ಲ, ನೋಡಿದ ಮೇಲೆ ಮತ್ತೂ ನೋಡಬೇಕು ಎನಿಸುತ್ತದೆ.</p>.<p>ಬಂಡೆಗಳ ನಡುವಿನಿಂದ ಬಿಳಿಯ ಬೆಕ್ಕೊಂದು ನುಸುಳಿದಂತೆ, ಹಂಸವೊಂದು ಹೊರಬಂದಂತೆ ಎಂದು ಕೆಲವರಿಗೆ ಅನ್ನಿಸಿದರೆ, ಕ್ಷೀರಧಾರೆಯೊಂದು ಬಂದಂತಹ ಅನುಭವವನ್ನು ಮತ್ತೆ ಕೆಲವರಿಗೆ ನೀಡುತ್ತದೆ.</p>.<p>ಇಂತಹದ್ದೊಂದು ಜಲಪಾತಕ್ಕೆ ಸ್ಥಳೀಯರು ಇಟ್ಟ ಹೆಸರು ಅಬ್ಬಿಕೊಲ್ಲಿ. ಇಂತಹದ್ದೊಂದು ಜಲಪಾತ ನೋಡಲು ಹೆಚ್ಚೇನೂ ಶ್ರಮ ಬೇಕಿಲ್ಲ. ರಸ್ತೆಬದಿಯಲ್ಲೇ ಕಾಣಸಿಗುವ ಈ ಜಲಪಾತವನ್ನು ಖಾಸಗಿ ವಾಹನದಲ್ಲಿ ಹೋಗುವವರು ಒಮ್ಮೆಯಾದರೆ ನಿಲ್ಲಿಸಿ ನೋಡದೇ ಇರಲಾರರು.</p>.<p>ಅಲ್ಲೇ ಪಕ್ಕದಲ್ಲೆ ವಾಹನ ನಿಲ್ಲಿಸಿ, ಜಲಪಾತದ ಸೌಂದರ್ಯವನ್ನು ಸವಿಯುತ್ತಾರೆ. ಮಕ್ಕಳು, ಯುವತಿಯರು ಸೆಲ್ಫೀ ತೆಗೆದುಕೊಳ್ಳಲು ಮುಗಿಬೀಳುತ್ತಾರೆ. ಇಂತಹದ್ದೊಂದು ಜಲಧಾರೆಯ ಚಿತ್ರವನ್ನು ತಮ್ಮ ವಾಟ್ಸ್ಆ್ಯಪ್ ಸ್ಟೇಟಸ್ಗಳು, ಫೇಸ್ಬುಕ್, ಇನ್ಸ್ಟಾದಲ್ಲಿ ಹಾಕಿಕೊಂಡು ಸಂಭ್ರಮಿಸುತ್ತಾರೆ.</p>.<p>ಈಗಂತೂ ಇಲ್ಲಿ ಒಂದಷ್ಟು ಅಂಗಡಿಗಳಿದ್ದು, ತಿನಿಸುಗಳು ಸಿಗುತ್ತವೆ. ಅವುಗಳನ್ನು ಮೆಲ್ಲುತ್ತಾ ಜಲಪಾತವನ್ನು ನೋಡುತ್ತಾ ನಿಂತರೆ ಸಮಯ ಹೋಗುವುದು ತಿಳಿಯದು.</p>.<p>ಈ ಸುಂದರ ಜಲಪಾತವನ್ನು ವೀಕ್ಷಿಸಲು ಹೆಚ್ಚೇನು ಶ್ರಮಪಡಬೇಕಿಲ್ಲ. ಮಡಿಕೇರಿ– ಮಂಗಳೂರು ರಸ್ತೆಯ ಜೋಡುಪಾಲ ಸಮೀಪವೇ ಇದೆ.</p>.<p>ಸುಂದರವಾಗಿದೆ ಎಂದು ಮೈಮರೆಯಬಾರದು. ಕೊಲ್ಲಿಯ ಸನಿಹಕ್ಕೆ ಹೋದರೆ ಅಪಾಯ ಕಟ್ಟಿಟ್ಟ ಬುತ್ತಿ. ದೂರದಿಂದಲೆ ನೋಡಿ, ಸಂಚಾರಕ್ಕೆ ತೊಡಕಾಗದ ಹಾಗೆ ಎಚ್ಚರ ವಹಿಸಿಬೇಕಾದ್ದು ನೋಡುಗರ ಜವಾಬ್ದಾರಿ.</p>.<p>ಒಳ್ಳೆಯ ಮಳೆಗೆ ತುಂಬಿ ಹರಿಯುತ್ತಿದೆ ಜಲಧಾರೆ ಬೇರೆಲ್ಲೂ ಸಿಗದ ಸೌಂದರ್ಯ ಈ ಜಲಪಾತದಲ್ಲಿದೆ ಹಾಲಿನ ನೊರೆಯಂತೆ ಧುಮ್ಮಿಕ್ಕುತ್ತಿದೆ ಜಲಪಾತ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಡಿಕೇರಿ</strong>: ‘ಜಲಲ ಜಲಲ ಜಲ ಧಾರೆ...’ ಎಂಬ ಹಳೆಯ ಹಾಡು ಅಬ್ಬಿಕೊಲ್ಲಿ ಜಲಪಾತ ನೋಡಿದರೆ ನೆನಪಾಗುತ್ತದೆ. ಮಂಗಳೂರಿನಿಂದ ಮಡಿಕೇರಿಗೆ ಬರುವಾಗ ಬೆಟ್ಟ ಏರುತ್ತಿರುವಾಗ ಒಮ್ಮೆಗೆ ರಸ್ತೆ ಬದಿಯಲ್ಲೇ ಕಣ್ಣಿಗೆ ಬೀಳುವ ಈ ಜಲಧಾರೆ ಮಡಿಕೇರಿಗೆ ಒಂದು ಬಗೆಯ ಜಲವೈಭವದ ಸ್ವಾಗತ ಕೋರುವಂತಿದೆ.</p>.<p>ಬೆಟ್ಟಶ್ರೇಣಿಗಳಿಂದ ಜುಳುಜುಳನೇ ಹರಿಯುತ್ತ ಬರುವ ಈ ಜಲಪಾತದ ಅಂದವನ್ನು ನೋಡಿದರೆ ಸಾಕು ಮೈಮನಗಳೆಲ್ಲವೂ ಪುಳಕಗೊಳ್ಳುತ್ತದೆ. ‘ಜಲಲ ಜಲಲ ಜಲ ಧಾರೆ’ ಹಾಡಿನ ಮಾಧುರ್ಯವೇ ಇಲ್ಲಿ ನೋಡುಗರಿಗೆ ಸಿಗುತ್ತದೆ.</p>.<p>ಮಡಿಕೇರಿಯ ಕಡೆಗೆ ಬರುತ್ತಿದ್ದಂತೆ ಆವರಿಸುವ ಚಳಿ, ಕೈಗೆಟುಕಿದಂತೆ ತೇಲುವ ಮೋಡಗಳು, ದಟ್ಟ ಮಂಜು ಇವುಗಳ ಮಧುರ ಅನುಭವಗಳ ಜೊತೆಗೆ ಈ ಶ್ವೇತ ಸುಂದರ ಜಲಪಾತ ಸೂಜಿಗಲ್ಲಿನಂತೆ ಸೆಳೆಯುತ್ತದೆ. ಮಾತ್ರವಲ್ಲ, ನೋಡಿದ ಮೇಲೆ ಮತ್ತೂ ನೋಡಬೇಕು ಎನಿಸುತ್ತದೆ.</p>.<p>ಬಂಡೆಗಳ ನಡುವಿನಿಂದ ಬಿಳಿಯ ಬೆಕ್ಕೊಂದು ನುಸುಳಿದಂತೆ, ಹಂಸವೊಂದು ಹೊರಬಂದಂತೆ ಎಂದು ಕೆಲವರಿಗೆ ಅನ್ನಿಸಿದರೆ, ಕ್ಷೀರಧಾರೆಯೊಂದು ಬಂದಂತಹ ಅನುಭವವನ್ನು ಮತ್ತೆ ಕೆಲವರಿಗೆ ನೀಡುತ್ತದೆ.</p>.<p>ಇಂತಹದ್ದೊಂದು ಜಲಪಾತಕ್ಕೆ ಸ್ಥಳೀಯರು ಇಟ್ಟ ಹೆಸರು ಅಬ್ಬಿಕೊಲ್ಲಿ. ಇಂತಹದ್ದೊಂದು ಜಲಪಾತ ನೋಡಲು ಹೆಚ್ಚೇನೂ ಶ್ರಮ ಬೇಕಿಲ್ಲ. ರಸ್ತೆಬದಿಯಲ್ಲೇ ಕಾಣಸಿಗುವ ಈ ಜಲಪಾತವನ್ನು ಖಾಸಗಿ ವಾಹನದಲ್ಲಿ ಹೋಗುವವರು ಒಮ್ಮೆಯಾದರೆ ನಿಲ್ಲಿಸಿ ನೋಡದೇ ಇರಲಾರರು.</p>.<p>ಅಲ್ಲೇ ಪಕ್ಕದಲ್ಲೆ ವಾಹನ ನಿಲ್ಲಿಸಿ, ಜಲಪಾತದ ಸೌಂದರ್ಯವನ್ನು ಸವಿಯುತ್ತಾರೆ. ಮಕ್ಕಳು, ಯುವತಿಯರು ಸೆಲ್ಫೀ ತೆಗೆದುಕೊಳ್ಳಲು ಮುಗಿಬೀಳುತ್ತಾರೆ. ಇಂತಹದ್ದೊಂದು ಜಲಧಾರೆಯ ಚಿತ್ರವನ್ನು ತಮ್ಮ ವಾಟ್ಸ್ಆ್ಯಪ್ ಸ್ಟೇಟಸ್ಗಳು, ಫೇಸ್ಬುಕ್, ಇನ್ಸ್ಟಾದಲ್ಲಿ ಹಾಕಿಕೊಂಡು ಸಂಭ್ರಮಿಸುತ್ತಾರೆ.</p>.<p>ಈಗಂತೂ ಇಲ್ಲಿ ಒಂದಷ್ಟು ಅಂಗಡಿಗಳಿದ್ದು, ತಿನಿಸುಗಳು ಸಿಗುತ್ತವೆ. ಅವುಗಳನ್ನು ಮೆಲ್ಲುತ್ತಾ ಜಲಪಾತವನ್ನು ನೋಡುತ್ತಾ ನಿಂತರೆ ಸಮಯ ಹೋಗುವುದು ತಿಳಿಯದು.</p>.<p>ಈ ಸುಂದರ ಜಲಪಾತವನ್ನು ವೀಕ್ಷಿಸಲು ಹೆಚ್ಚೇನು ಶ್ರಮಪಡಬೇಕಿಲ್ಲ. ಮಡಿಕೇರಿ– ಮಂಗಳೂರು ರಸ್ತೆಯ ಜೋಡುಪಾಲ ಸಮೀಪವೇ ಇದೆ.</p>.<p>ಸುಂದರವಾಗಿದೆ ಎಂದು ಮೈಮರೆಯಬಾರದು. ಕೊಲ್ಲಿಯ ಸನಿಹಕ್ಕೆ ಹೋದರೆ ಅಪಾಯ ಕಟ್ಟಿಟ್ಟ ಬುತ್ತಿ. ದೂರದಿಂದಲೆ ನೋಡಿ, ಸಂಚಾರಕ್ಕೆ ತೊಡಕಾಗದ ಹಾಗೆ ಎಚ್ಚರ ವಹಿಸಿಬೇಕಾದ್ದು ನೋಡುಗರ ಜವಾಬ್ದಾರಿ.</p>.<p>ಒಳ್ಳೆಯ ಮಳೆಗೆ ತುಂಬಿ ಹರಿಯುತ್ತಿದೆ ಜಲಧಾರೆ ಬೇರೆಲ್ಲೂ ಸಿಗದ ಸೌಂದರ್ಯ ಈ ಜಲಪಾತದಲ್ಲಿದೆ ಹಾಲಿನ ನೊರೆಯಂತೆ ಧುಮ್ಮಿಕ್ಕುತ್ತಿದೆ ಜಲಪಾತ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>