ಬಂಗಾರಪೇಟೆ | ನೀರಿನ ಸಮಸ್ಯೆ: ಉಪಯೋಗಕ್ಕೆ ಬಾರದ ಶೌಚಾಲಯಗಳು

ಸುತ್ತಮುತ್ತಲಿನ ಪ್ರದೇಶಗಳ ಶುಚಿತ್ವ ಮತ್ತು ಜನರ ಉತ್ತಮ ಆರೋಗ್ಯಕ್ಕಾಗಿ ಕೇಂದ್ರ ಸರ್ಕಾರವು ನಿರ್ಮಲ ಭಾರತ ಸ್ವಚ್ಛ ಭಾರತದ ಯೋಜನೆಗಳಡಿ ಶೌಚಾಲಯಗಳ ನಿರ್ಮಾಣಕ್ಕಾಗಿ ಅನುದಾನ ಬಿಡುಗಡೆ ಮಾಡುತ್ತಿದೆ.  ಆದರೆ ಪುರಸಭೆ ವತಿಯಿಂದ ಸಾವಿರಾರು ರೂಪಾಯಿ ವೆಚ್ಚದಲ್ಲಿ ನಿರ್ಮಾಣ ಮಾಡಲಾಗಿರುವ ಶೌಚಾಲಯಗಳು ನೀರಿನ ಸಮಸ್ಯೆಯಿಂದಾಗಿ ನಿರುಪಯುಕ್ತವಾದಂತಾಗಿವೆ. ಇದರಿಂದಾಗಿ ಸರ್ಕಾರದ ಯೋಜನೆಗಳು ಕೇವಲ ಘೋಷಣೆಗಳಿಗೆ ಸೀಮಿತವಾದಂತಾಗಿವೆ ಎಂಬುದು ಸಾರ್ವಜನಿಕರ ಆಕ್ರೋಶವಾಗಿದೆ.  ಜೊತೆಗೆ ಈಗಾಗಲೇ ನಿರ್ಮಾಣವಾಗಿರುವ ಶೌಚಾಲಯಗಳನ್ನು ಬಳಸಲು ಯೋಗ್ಯವಾಗುವಂತೆ ಕ್ರಮ ಕೈಗೊಳ್ಳಬೇಕು ಎಂಬುದು ಬಡಾವಣೆ ಜನರ ಆಗ್ರಹವಾಗಿದೆ.