<p><strong>ಶ್ರೀನಿವಾಸಪುರ: </strong>ತಾಲ್ಲೂಕಿನ ಶಿವಪುರ, ಭೋವಿ ಸಮುದಾಯ ಮಾತ್ರ ವಾಸಿಸುವ ದೊಡ್ಡ ಗ್ರಾಮ. ಆದರೆ, ಇಲ್ಲಿ ಯಾವೊಂದು ಮನೆಯಲ್ಲೂ ದೀಪಾವಳಿ ಆಚರಿಸುವುದಿಲ್ಲ!</p>.<p>ಗ್ರಾಮದಲ್ಲಿ 400 ಮನೆಗಳಿದ್ದು, 2,500 ಜನರು ವಾಸಿಸುತ್ತಿದ್ದಾರೆ. ಭೋವಿ ಸಮುದಾಯವನ್ನು ಅವರು ಮಾಡುವ ಕೆಲಸದ ಆಧಾರದ ಮೇಲೆ ಮಣ್ಣು ವಡ್ಡರು, ಹಗ್ಗ ವಡ್ಡರು ಹಾಗೂ ಕಲ್ಲು ವಡ್ಡರು ಎಂದು ಮೂರು ಪಂಗಡವಾಗಿ ವಿಂಗಡಿಸಲಾಗಿದೆ.</p>.<p>ಹಗ್ಗ ವಡ್ಡರು ಸಾಮಾನ್ಯವಾಗಿ ಪಟ್ಟಣ ಪ್ರದೇಶದಲ್ಲಿ ವಾಸಿಸುತ್ತಾರೆ. ಕಲ್ಲು ವಡ್ಡರು ಇತರೆ ಸಮುದಾಯಗಳು ವಾಸಿಸುವ ಗ್ರಾಮಗಳಲ್ಲಿ ವಾಸಿಸುತ್ತಾರೆ. ಈ ಎರಡು ಪಂಗಡಗಳೂ ದೀಪಾವಳಿ ಆಚರಿಸುತ್ತವೆ. ಮಣ್ಣು ವಡ್ಡರು ಮಾತ್ರ ಒಟ್ಟಾಗಿ ತಮ್ಮದೇ ಆದ ಗ್ರಾಮಗಳಲ್ಲಿ ವಾಸಿಸುತ್ತಾರೆ. ಈ ಪಂಗಡಕ್ಕೆ ಸೇರಿದವರು ಮಾತ್ರ ದೀಪಾವಳಿ ಅನಿಷ್ಟ ಎಂದು ಭಾವಿಸುತ್ತಾರೆ. ಹಾಗಾಗಿ, ಹಬ್ಬ ಆಚರಿಸುವುದಿಲ್ಲ. ಹಬ್ಬ ಆಚರಿಸದಿರುವುದಕ್ಕೆ ಯಾವುದೇ ವೈಜ್ಞಾನಿಕ ಕಾರಣ ಇಲ್ಲವಾದರೂ, ಸಮುದಾಯದಲ್ಲಿ ಬೇರೂರಿರುವ ನಂಬಿಕೆಯೊಂದು ಅವರನ್ನು ಹಬ್ಬದಿಂದ ದೂರ ಉಳಿಯುವಂತೆ ಮಾಡಿದೆ.</p>.<p class="Subhead">ನೋಮುದಾರ ತರಲು ಹೋದವರು ಹಿಂತಿರಗಲಿಲ್ಲ: ‘ಗ್ರಾಮದ ಹಿರಿಯರು ಹೇಳುವಂತೆ ಬಹಳ ಹಿಂದೆ ಭೋವಿ ಸಮುದಾಯದ ಹಿರಿಯರು ದೀಪಾವಳಿ ಆಚರಿಸಲು ನೋಮುದಾರ ತರಲು<br />ಹೋದರಂತೆ. ಹೋದವರು ಮತ್ತೆ ಗ್ರಾಮಕ್ಕೆ ಹಿಂದಿರುಗಲಿಲ್ಲವಂತೆ. ಅಂದಿನಿಂದ ದೀಪಾವಳಿ ಅನಿಷ್ಟವೆಂದು ಬಗೆದು ಹಬ್ಬ ಆಚರಿಸಲಿಲ್ಲವಂತೆ’ ಎಂದು ಗ್ರಾಮಸ್ಥ ಶಿವಪ್ಪ ಹೇಳುತ್ತಾರೆ.</p>.<p>ತಾಲ್ಲೂಕಿನ ಜೆ.ವಿ. ಕಾಲೊನಿ, ಕೋನೇಟಿ ತಿಮ್ಮನಹಳ್ಳಿ, ಬಗಲಹಳ್ಳಿ ಹಾಗೂ ಗೌಡಹಳ್ಳಿ ಗ್ರಾಮಗಳಲ್ಲಿ ವಾಸಿಸುವ ಮಣ್ಣು ಕೆಲಸ ಮಾಡುವ ಭೋವಿ ಸಮುದಾಯ ದೀಪಾವಳಿ ಆಚರಿಸುವುದಿಲ್ಲ.</p>.<p>ದೀಪಾವಳಿ ಆಚರಿಸದಿದ್ದರೂ, ಈ ಸಮುದಾಯದ ಜನರಿಗೆ ಕಜ್ಜಾಯ ಅಚ್ಚುಮೆಚ್ಚು. ಯಾರಾದರೂ ಹಬ್ಬಕ್ಕೆ ಕರೆದರೆ ಹೋಗುತ್ತಾರೆ. ಪ್ರೀತಿಯಿಂದ ಕಜ್ಜಾಯ ಕೊಟ್ಟರೆ ಸವಿಯುತ್ತಾರೆ. ಹಬ್ಬದ ಅಚರಣೆ ಮಾತ್ರ ದೂರ. ದೀಪಾವಳಿ ಹೊರತುಪಡಿಸಿ ಉಳಿದೆಲ್ಲ ಹಬ್ಬಗಳನ್ನೂ ಶ್ರದ್ಧಾ ಭಕ್ತಿಯಿಂದ ಆಚರಿಸುತ್ತಾರೆ. ಇವರಿಗೆ ಶ್ರಾವಣ ಶನಿವಾರ ಹೆಚ್ಚು ಪ್ರಿಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶ್ರೀನಿವಾಸಪುರ: </strong>ತಾಲ್ಲೂಕಿನ ಶಿವಪುರ, ಭೋವಿ ಸಮುದಾಯ ಮಾತ್ರ ವಾಸಿಸುವ ದೊಡ್ಡ ಗ್ರಾಮ. ಆದರೆ, ಇಲ್ಲಿ ಯಾವೊಂದು ಮನೆಯಲ್ಲೂ ದೀಪಾವಳಿ ಆಚರಿಸುವುದಿಲ್ಲ!</p>.<p>ಗ್ರಾಮದಲ್ಲಿ 400 ಮನೆಗಳಿದ್ದು, 2,500 ಜನರು ವಾಸಿಸುತ್ತಿದ್ದಾರೆ. ಭೋವಿ ಸಮುದಾಯವನ್ನು ಅವರು ಮಾಡುವ ಕೆಲಸದ ಆಧಾರದ ಮೇಲೆ ಮಣ್ಣು ವಡ್ಡರು, ಹಗ್ಗ ವಡ್ಡರು ಹಾಗೂ ಕಲ್ಲು ವಡ್ಡರು ಎಂದು ಮೂರು ಪಂಗಡವಾಗಿ ವಿಂಗಡಿಸಲಾಗಿದೆ.</p>.<p>ಹಗ್ಗ ವಡ್ಡರು ಸಾಮಾನ್ಯವಾಗಿ ಪಟ್ಟಣ ಪ್ರದೇಶದಲ್ಲಿ ವಾಸಿಸುತ್ತಾರೆ. ಕಲ್ಲು ವಡ್ಡರು ಇತರೆ ಸಮುದಾಯಗಳು ವಾಸಿಸುವ ಗ್ರಾಮಗಳಲ್ಲಿ ವಾಸಿಸುತ್ತಾರೆ. ಈ ಎರಡು ಪಂಗಡಗಳೂ ದೀಪಾವಳಿ ಆಚರಿಸುತ್ತವೆ. ಮಣ್ಣು ವಡ್ಡರು ಮಾತ್ರ ಒಟ್ಟಾಗಿ ತಮ್ಮದೇ ಆದ ಗ್ರಾಮಗಳಲ್ಲಿ ವಾಸಿಸುತ್ತಾರೆ. ಈ ಪಂಗಡಕ್ಕೆ ಸೇರಿದವರು ಮಾತ್ರ ದೀಪಾವಳಿ ಅನಿಷ್ಟ ಎಂದು ಭಾವಿಸುತ್ತಾರೆ. ಹಾಗಾಗಿ, ಹಬ್ಬ ಆಚರಿಸುವುದಿಲ್ಲ. ಹಬ್ಬ ಆಚರಿಸದಿರುವುದಕ್ಕೆ ಯಾವುದೇ ವೈಜ್ಞಾನಿಕ ಕಾರಣ ಇಲ್ಲವಾದರೂ, ಸಮುದಾಯದಲ್ಲಿ ಬೇರೂರಿರುವ ನಂಬಿಕೆಯೊಂದು ಅವರನ್ನು ಹಬ್ಬದಿಂದ ದೂರ ಉಳಿಯುವಂತೆ ಮಾಡಿದೆ.</p>.<p class="Subhead">ನೋಮುದಾರ ತರಲು ಹೋದವರು ಹಿಂತಿರಗಲಿಲ್ಲ: ‘ಗ್ರಾಮದ ಹಿರಿಯರು ಹೇಳುವಂತೆ ಬಹಳ ಹಿಂದೆ ಭೋವಿ ಸಮುದಾಯದ ಹಿರಿಯರು ದೀಪಾವಳಿ ಆಚರಿಸಲು ನೋಮುದಾರ ತರಲು<br />ಹೋದರಂತೆ. ಹೋದವರು ಮತ್ತೆ ಗ್ರಾಮಕ್ಕೆ ಹಿಂದಿರುಗಲಿಲ್ಲವಂತೆ. ಅಂದಿನಿಂದ ದೀಪಾವಳಿ ಅನಿಷ್ಟವೆಂದು ಬಗೆದು ಹಬ್ಬ ಆಚರಿಸಲಿಲ್ಲವಂತೆ’ ಎಂದು ಗ್ರಾಮಸ್ಥ ಶಿವಪ್ಪ ಹೇಳುತ್ತಾರೆ.</p>.<p>ತಾಲ್ಲೂಕಿನ ಜೆ.ವಿ. ಕಾಲೊನಿ, ಕೋನೇಟಿ ತಿಮ್ಮನಹಳ್ಳಿ, ಬಗಲಹಳ್ಳಿ ಹಾಗೂ ಗೌಡಹಳ್ಳಿ ಗ್ರಾಮಗಳಲ್ಲಿ ವಾಸಿಸುವ ಮಣ್ಣು ಕೆಲಸ ಮಾಡುವ ಭೋವಿ ಸಮುದಾಯ ದೀಪಾವಳಿ ಆಚರಿಸುವುದಿಲ್ಲ.</p>.<p>ದೀಪಾವಳಿ ಆಚರಿಸದಿದ್ದರೂ, ಈ ಸಮುದಾಯದ ಜನರಿಗೆ ಕಜ್ಜಾಯ ಅಚ್ಚುಮೆಚ್ಚು. ಯಾರಾದರೂ ಹಬ್ಬಕ್ಕೆ ಕರೆದರೆ ಹೋಗುತ್ತಾರೆ. ಪ್ರೀತಿಯಿಂದ ಕಜ್ಜಾಯ ಕೊಟ್ಟರೆ ಸವಿಯುತ್ತಾರೆ. ಹಬ್ಬದ ಅಚರಣೆ ಮಾತ್ರ ದೂರ. ದೀಪಾವಳಿ ಹೊರತುಪಡಿಸಿ ಉಳಿದೆಲ್ಲ ಹಬ್ಬಗಳನ್ನೂ ಶ್ರದ್ಧಾ ಭಕ್ತಿಯಿಂದ ಆಚರಿಸುತ್ತಾರೆ. ಇವರಿಗೆ ಶ್ರಾವಣ ಶನಿವಾರ ಹೆಚ್ಚು ಪ್ರಿಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
