ಬಸ್‌ ನಿಲ್ದಾಣ ನುಂಗಿದ ರಸ್ತೆ ರಸ್ತೆಯ ನಡುವಿನ ಹಳ್ಳಿಗಳಲ್ಲಿ ಸ್ಥಳೀಯ ವಾಹನಗಳ ನಿಲುಗಡೆಗೆ ಇದ್ದ ಜಾಗವನ್ನು ಸರ್ವೀಸ್‌ ರಸ್ತೆ ಆವರಿಸಿಕೊಂಡಿದೆ. ಈಗ ರಸ್ತೆಯಲ್ಲೇ ವಾಹನ ನಿಲ್ಲಬೇಕು. ಒಂದು ವಾಹನ ರಸ್ತೆಯಲ್ಲಿ ನಿಂತರೆ ಹಿಂದೆ ಬರುವ ವಾಹನವೂ ನಿಲ್ಲಲೇಬೇಕು. ಇದರಿಂದ ವಾಹನ ದಟ್ಟಣೆ ಉಂಟಾಗುತ್ತಿದೆ. ‘ಶಾಲಾ ಮಕ್ಕಳು ಬಸ್‌ ಹತ್ತಲು ತೊಂದರೆ ಅನುಭವಿಸುತ್ತಿದ್ದಾರೆ. ನಿಲ್ಲಲು ಫುಟ್‌ಪಾತ್‌ ಕೂಡ ಇಲ್ಲದಿರುವುದು ಅವರ ಜೀವಕ್ಕೂ ಅಪಾಯಕಾರಿಯಾಗಿ ಪರಿಣಮಿಸಿದೆ’ ಎಂದು ಯಲಿಯೂರು ಗ್ರಾಮದ ಶಾರದಮ್ಮ ಕಳವಳ ವ್ಯಕ್ತಪಡಿಸಿದರು.
