ಮೇಲುಕೋಟೆ: ಹೆಸರಿಗಷ್ಟೇ ತೋಳಗಳ ಸಂರಕ್ಷಣಾ ವಲಯ!

ಮೇಲುಕೋಟೆ ಧಾರ್ಮಿಕ ಕ್ಷೇತ್ರ ಹಾಗೂ ಪ್ರವಾಸಿ ತಾಣ‌ವು ಇಡೀ ವಿಶ್ವದಲ್ಲೇ ಅತಿಹೆಚ್ಚು ಬೇಡಿಕೆ ಇರೋ ‘ಸೈಕಾಸ್’ ಸಸ್ಯದ ತಾಣವಾಗಿದೆ. ಡೈನೋಸಾರ್ ಪ್ರಾಣಿ ಜೀವಿಸಿದ್ದ ಕಾಲದಿಂದಲೂ ಇದ್ದ ಪ್ರಾಚೀನಕಾಲದ ಸಸ್ಯವಾಗಿದ್ದು ಸಾವಿರಾರು ವರ್ಷಗಳವರೆಗೂ ಜೀವಿಸುವ ಏಕೈಕ ಸಸ್ಯವಾಗಿದೆ.  ಈ ಅಪರೂಪದ ಸಸ್ಯದಿಂದಾಗಿ  ಬಹುದೊಡ್ಡ ಕಾಯಿಲೆಗಳಿಗೂ ಔಷಧಿ ಸಿಗುತ್ತದೆ ಎಂದು ಸಂಶೋಧನೆಯಲ್ಲಿ ಸಾಬೀತಾಗಿದೆ. ಆದ್ದರಿಂದ ವರ್ಷಕೊಮ್ಮೆ ಅಂತರರಾಷ್ಟ್ರೀಯ ಮಟ್ಟದ ವಿಜ್ಞಾನಿಗಳು ಈ ಅರಣ್ಯಕ್ಕೆ ಆಗಮಿಸಿ ಮೂರು ನಾಲ್ಕು ದಿನ ಅರಣ್ಯದಲ್ಲಿ ಸಂಶೋಧನೆ ಮಾಡುತ್ತಾರೆ. ಮೂಲಗಳ ಪ್ರಕಾರ ಇಡೀ ರಾಜ್ಯದಲ್ಲೇ ಅತಿಹೆಚ್ಚು ಸೈಕಾಸ್ ಸಸ್ಯ ಬೆಳೆಯುವುದು ಮೇಲುಕೋಟೆ ಅರಣ್ಯದಲ್ಲಿ ಮಾತ್ರ. ಸೈಕಾಸ್ ಸಸ್ಯ ಅಭಿವೃದ್ಧಿಗೆ ಸರ್ಕಾರ ವಿಶೇಷ ಅನುದಾನ ಬಿಡುಗಡೆ ಮಾಡಬೇಕು ಜತೆಗೆ ಸೈಕಾಸ್ ಅಭಯಾರಣ್ಯವೆಂದೇ ಘೋಷಣೆ ಮಾಡಬೇಕು ಎಂದು ಪರಿಸರ ಪ್ರೇಮಿಗಳಾದ ಹರವು ದೇಗೌಡ ರಾಮಾನುಜ ಪಾರ್ಥ ಆಗ್ರಹಿಸಿದ್ದಾರೆ.