ಮಂಡ್ಯ: ಬಾಯಿಗೆ ಬಟ್ಟೆ ಕಟ್ಟಿಕೊಂಡು ಪಾಠ ಮಾಡುವ ಶಿಕ್ಷಕರು!

ಮಂಡ್ಯ: ಆಲೆಮನೆಗಳಲ್ಲಿ ಪ್ಲಾಸ್ಟಿಕ್, ರಬ್ಬರ್, ತೈಲ,ಬಣ್ಣಗಳ ತ್ಯಾಜ್ಯ ದಹಿಸುವ ಪರಿಪಾಠ ಮುಂದುವರಿದಿದೆ. ಸಮೀಪದ ಜೀಗುಂಡಿಪಟ್ಟಣ ಗ್ರಾಮದ ಸರ್ಕಾರಿ ಶಾಲೆಯ ಪಕ್ಕದಲ್ಲೇ ಇರುವ ಆಲೆಮನೆಗಳಲ್ಲಿ ನಿತ್ಯ ತ್ಯಾಜ್ಯ ದಹಿಸುತ್ತಿದ್ದು ಶಿಕ್ಷಕರು ಬಾಯಿಗೆ ಬಟ್ಟೆ ಕಟ್ಟಿಕೊಂಡು ಪಾಠ ಮಾಡುತ್ತಿದ್ದಾರೆ.

. ಎರಡು ವರ್ಷಗಳ ಹಿಂದೆ ಜೀಗುಂಡಿಪಟ್ಟಣದ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ 50 ಮಕ್ಕಳಿದ್ದರು. ಆದರೆ ಆಲೆಮನೆಯ ವಿಷಯುಕ್ತ ಹೊಗೆ, ತ್ಯಾಜ್ಯದ ದುರ್ವಾಸನೆಯಿಂದಾಗಿ ಮಕ್ಕಳ ದಾಖಲಾತಿ 12ಕ್ಕೆ ಕುಸಿದಿದೆ. ಎಡಕ್ಕೊಂದು ಆಲೆಮನೆ, ಬಲಕ್ಕೊಂದು ಆಲೆಮನೆ ಇದ್ದು ನಡುವೆ ಶಾಲೆ ಸಿಕ್ಕಿಹಾಕಿಕೊಂಡಿದೆ. ದುರ್ವಾಸನೆ ಸಹಿಸಲು ಸಾಧ್ಯವಾಗದ ಶಿಕ್ಷಕರು ಸದಾ ಕಾಲ ಬಟ್ಟೆಕಟ್ಟಿಕೊಂಡು ಪಾಠ ಮಾಡುತ್ತಾರೆ. ಬಿಸಿಯೂಟಕ್ಕೂ ದೂಳು ಬೀಳುತ್ತಿದ್ದು ಮಕ್ಕಳ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತಿದೆ.

. ‘ಈ ಶಾಲೆಗೆ ಬರುವ ಶಿಕ್ಷಕರೆಲ್ಲರೂ ವರ್ಗಾವಣೆಗಾಗಿ ಒತ್ತಾಯ ಮಾಡುವುದು ಸಾಮಾನ್ಯವಾಗಿದೆ. ಶಾಲೆಗೆ ಬಂದ ಮಕ್ಕಳು ತಲೆನೋವು, ನೆಗಡಿ, ಕೆಮ್ಮು ಕಾಣಿಸಿಕೊಂಡು ಮನೆಗೆ ತೆರಳುತ್ತಾರೆ. ಮಕ್ಕಳಿಗೆ ಪಾಠ ಕಲಿಯಲು ಆಸಕ್ತಿಯೇ ಇರುವುದಿಲ್ಲ. ಒಂದು ರೀತಿಯ ಮಂಕು ಕವಿದ ವಾತಾವರಣವಿರುತ್ತದೆ. ಶಾಲೆಯ ಮುಂದೆಯೇ ಆಲೆಮನೆ ತ್ಯಾಜ್ಯ ಚೆಲ್ಲಾಡಿದ್ದು ಮಕ್ಕಳಿಗೆ ಆಟವಾಡುವುದಕ್ಕೂ ಆಸಕ್ತಿ ಇರುವುದಿಲ್ಲ’ ಎಂದು ಶಿಕ್ಷಕರು ಹೇಳುತ್ತಾರೆ.

. ಇದನ್ನೂ ಓದಿ... ಆಲೆಮನೆಯಲ್ಲಿ ಪ್ಲಾಸ್ಟಿಕ್ ದಹನ: ಕ್ಯಾನ್ಸರ್ ಭೀತಿ!

. ‘ನಾನು ಇತ್ತೀಚೆಗಷ್ಟೇ ಶಾಲೆಗೆ ಬಂದಿದ್ದೇನೆ. ಕೆಟ್ಟ ವಾಸನೆಯನ್ನು ಸಹಿಸಲು ಸಾಧ್ಯವಾಗುತ್ತಿಲ್ಲ. ಈಗಾಗಲೇ ಗಂಟಲು ಬೇನೆಯಿಂದ ನರಳುತ್ತಿದ್ದೇನೆ. ವಿಪರೀತ ದುರ್ವಾಸನೆಯಿಂದ ತಲೆನೋವು ಕಾಣಿಸಿಕೊಂಡಿದೆ. ಹೀಗಾಗಿ ಮೂಗು, ಬಾಯಿಗೆ ಬಟ್ಟೆ ಕಟ್ಟಿಕೊಂಡು ಪಾಠ ಮಾಡುತ್ತೇನೆ’ ಎಂದು ಶಿಕ್ಷಕಿ ಎನ್.ಲಕ್ಷ್ಮಿ ಹೇಳಿದರು.

. ‘ಆಲೆಮನೆಯಲ್ಲಿ ಪ್ಲಾಸ್ಟಿಕ್ ಉರಿಸುತ್ತಿದ್ದು ಮಕ್ಕಳ ಆರೋಗ್ಯ ಕೆಡುತ್ತಿದೆ. ಈ ಬಗ್ಗೆ ಅಧಿಕಾರಿಗಳ ಗಮನಕ್ಕೂ ತಂದಿದ್ದೇನೆ. ಆದರೂ ಆಲೆಮನೆಗಳಲ್ಲಿ ಪ್ಲಾಸ್ಟಿಕ್ ದಹನ ನಿಂತಿಲ್ಲ’ ಎಂದು ಮುಖ್ಯಶಿಕ್ಷಕಿ ಅನಸೂಯಾ ಹೇಳಿದರು.

. ಗ್ರಾಮಸ್ಥರ ಆಕ್ರೋಶ: ಆಲೆಮನೆಗಳ ಹಾವಳಿಗೆ ಜೀಗುಂಡಿಪಟ್ಟಣದ ಗ್ರಾಮಸ್ಥರು ಹೈರಾಣಾಗಿದ್ದಾರೆ. ವಿಪರೀತ ಹೊಗೆ ಮನೆಗಳಿಗೆ ನುಸುಳುತ್ತಿದ್ದು ಮನೆಯ ಹೆಂಚು, ತೊಲೆ, ತೀರುಗಳ ಬಣ್ಣ ಬದಲಾಗಿದೆ. ನೆಲದ ಮೇಲೆ ಕಪ್ಪು ದೂಳು ಬಿದ್ದಿರುತ್ತದೆ.

. ‘ದಿನಕ್ಕೆ 10 ಬಾರಿ ಕಸ ಗುಡಿಸಿದರೂ ಮನೆಯೊಳಗೆ ಕಪ್ಪು ದೂಳು ಹೋಗುವುದಿಲ್ಲ. ಮಕ್ಕಳು ವಾರಕ್ಕೆ ಎರಡು ಬಾರಿ ಜ್ವರದಿಂದ ನರಳುತ್ತಿವೆ. ಹಿಂದಿನಿಂದಲೂ ಆಲೆಮನೆ ಇದ್ದವು, ಆಗೆಲ್ಲಾ ತೆಂಗಿನ ಗರಿ, ಕಬ್ಬಿನ ರಚ್ಚು ಉರಿಸುತ್ತಿದ್ದರು. ಯಾವ ತೊಂದರೆಯೂ ಆಗುತ್ತಿರಲಿಲ್ಲ. ಆದರೆ ಈಗ ಪ್ಲಾಸ್ಟಿಕ್, ರಬ್ಬರ್ ಉರಿಸುತ್ತಿರುವ ಕಾರಣ ಎಲ್ಲರಿಗೂ ಆರೋಗ್ಯ ಸಮಸ್ಯೆಗಳಾಗಿವೆ’ ಎಂದು ಗ್ರಾಮದ ಮಹಿಳೆ ರಾಜೇಶ್ವರಿ ನೋವು ವ್ಯಕ್ತಪಡಿಸಿದರು.

. ‘ಆಲೆಮನೆಗಳ ಹಾವಳಿ ಕುರಿತು ಬಿ.ಹೊಸೂರು ಗ್ರಾಮ ಪಂಚಾಯಿತಿ ಕಚೇರಿಗೆ ಹಲವು ಬಾರಿ ಮನವಿ ಕೊಟ್ಟಿದ್ದೇವೆ. ಆದರೂ ಪ್ಲಾಸ್ಟಿಕ್ ದಹನ ನಿಂತಿಲ್ಲ. ಹೀಗಾಗಿ ಗ್ರಾಮದ ಮಹಿಳೆಯರು, ವೃದ್ಧರೊಂದಿಗೆ ಮಂಡ್ಯಕ್ಕೆ ತೆರಳಿ ಜಿಲ್ಲಾಧಿಕಾರಿ ಕಚೇರಿಗೆ ಮುತ್ತಿಗೆ ಹಾಕಲು ನಿರ್ಧರಿಸಿದ್ದೇವೆ’ ಎಂದು ಜೀಗುಂಡಿಪಟ್ಟಣ ಗ್ರಾಮಸ್ಥರು ಎಚ್ಚರಿಸಿದರು.

. ನೋಟಿಸ್ಗೂ ಕಿಮ್ಮತ್ತಿಲ್ಲ ಆಲೆಮನೆಗಳಲ್ಲಿ ಪ್ಲಾಸ್ಟಿಕ್, ರಬ್ಬರ್ ತ್ಯಾಜ್ಯದ ದಹನದ ಉಂಟಾಗುತ್ತಿರುವ ಪರಿಣಾಮಗಳ ಬಗ್ಗೆ ‘ಪ್ರಜಾವಾಣಿ’ ಈಚೆಗೆ ವಿಸ್ತ್ರತ ವರದಿ ಪ್ರಕಟಿಸಿತ್ತು. ನಂತರ ಜಿಲ್ಲಾಧಿಕಾರಿಗಳ ಸೂಚನೆ ಮೇರೆಗೆ ಅಧಿಕಾರಿಗಳು, ಬಿ.ಹೊಸೂರು ಗ್ರಾಮ ಪಂಚಾಯಿತಿ ಸಿಬ್ಬಂದಿ ಆಲೆಮನೆ ಮಾಲೀಕರಿಗೆ ನೋಟಿಸ್ ನೀಡಿದ್ದರು. ದಾಳಿಯನ್ನೂ ನಡೆಸಿ ಎಚ್ಚರಿಕೆ ಕೊಟ್ಟಿದ್ದರು. ಕೆಲವು ದಿನಗಳ ನಂತರ ಪ್ಲಾಸ್ಟಿಕ್, ರಬ್ಬರ್ ತ್ಯಾಜ್ಯದ ಹಾವಳಿ ತಪ್ಪಿತ್ತು. ಆದರೆ ಈಗ ಮತ್ತೆ ಆರಂಭಗೊಂಡಿದ್ದು ಜನರು ಪ್ರಾಣ ಸಂಕಟ ಅನುಭವಿಸುತ್ತಿದ್ದಾರೆ.

. ‘ರಾಜಕೀಯ ಮುಖಂಡರ ಪ್ರಭಾವ ಬಳಸಿ ಆಲೆಮನೆ ಮುಖಂಡರು ತ್ಯಾಜ್ಯ ದಹಿಸುವ ಕೆಲಸ ಮುಂದುವರಿಸಿದ್ದಾರೆ. ಪ್ರಶ್ನೆ ಮಾಡಿದವರ ಮೇಲೆ ದಬ್ಬಾಳಿಕೆ ಮಾಡುತ್ತಾರೆ’ ಎಂದು ಜೀಗುಂಡಿಪಟ್ಟಣ ಗ್ರಾಮಸ್ಥರು ಆರೋಪಿಸಿದರು.

. ಕ್ರಿಮಿನಲ್ ಪ್ರಕರಣ ದಾಖಲು:ಡಿ.ಸಿ ‘ತಕ್ಷಣ ಎಲ್ಲಾ ಆಲೆಮನೆಗಳಿಗೆ ದಾಳಿ ನಡೆಸುವಂತೆ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ಅಧಿಕಾರಿಗಳಿಗೆ ಸೂಚನೆ ನೀಡುತ್ತೇನೆ. ಪ್ಲಾಸ್ಟಿಕ್, ರಬ್ಬರ್ ತ್ಯಾಜ್ಯ ಕಂಡು ಬಂದರೆ ಅಂತಹ ಆಲೆಮನೆ ಮಾಲೀಕರ ವಿರುದ್ಧ ಕ್ರಿಮಿನಲ್ ಕೇಸ್ ದಾಖಲಿಸಿ ಅವರನ್ನು ಬಂಧಿಸಲಾಗುವುದು. ಜೀಗುಂಡಿಪಟ್ಟಣ ಶಾಲೆಯ ಸಮೀಪ ಇರುವ ಆಲೆಮನೆಗಳನ್ನು ತೆರವುಗೊಳಿಸಲಾಗುವುದು’ ಎಂದು ಜಿಲ್ಲಾಧಿಕಾರಿ ಡಾ.ಎಂ.ವಿ.ವೆಂಕಟೇಶ್ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಂಡ್ಯ: ಬಾಯಿಗೆ ಬಟ್ಟೆ ಕಟ್ಟಿಕೊಂಡು ಪಾಠ ಮಾಡುವ ಶಿಕ್ಷಕರು!

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು