<p><strong>ಮಂಡ್ಯ:</strong> ವೈದ್ಯಕೀಯ ವಿದ್ಯಾರ್ಥಿಗಳು ಮಾನವ ಅಂಗರಚನಾಶಾಸ್ತ್ರ ಮತ್ತು ಶಸ್ತ್ರಚಿಕಿತ್ಸಾ ತಂತ್ರಗಳನ್ನು ಕಲಿಯಲು ರಾಜ್ಯದ ವಿವಿಧ ವೈದ್ಯಕೀಯ ಕಾಲೇಜುಗಳಲ್ಲಿ ಮೃತದೇಹಗಳ ಕೊರತೆ ಕಾಡುತ್ತಿದೆ. ಈ ಬರ ನೀಗಿಸಲು ಮಂಡ್ಯ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯಲ್ಲಿ (ಮಿಮ್ಸ್) ‘3ಡಿ’ ತಂತ್ರಜ್ಞಾನ ಆಧಾರಿತ ‘ವರ್ಚುವಲ್ ಡಿಸೆಕ್ಷನ್ ಟೇಬಲ್’ (ವಿ.ಡಿ.ಟಿ) ಅಳವಡಿಸಿದ್ದು, ವಿದ್ಯಾರ್ಥಿಗಳ ಪಾಲಿಗೆ ವರವಾಗಿದೆ. </p>.<p>ದಾನ ಮಾಡಿದವರ ಮೃತದೇಹಗಳನ್ನು ಸಂರಕ್ಷಿಸಿಟ್ಟುಕೊಂಡು, ಮಾನವನ ಅಂಗರಚನೆಯನ್ನು ಅಧ್ಯಯನ ಮಾಡುವುದು ಇದುವರೆಗಿನ ಪದ್ಧತಿ. ರಾಷ್ಟ್ರೀಯ ವೈದ್ಯಕೀಯ ಆಯೋಗದ (ಎನ್.ಎಂ.ಸಿ) ಪ್ರಕಾರ 10 ವಿದ್ಯಾರ್ಥಿಗಳಿಗೆ ಒಂದು ಮೃತದೇಹ ಲಭ್ಯವಿರಬೇಕು. ಆದರೆ, ಬಹುತೇಕ ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳ ಸಂಖ್ಯೆಗೆ ಅನುಗುಣವಾಗಿ ಮೃತದೇಹಗಳು ಲಭ್ಯವಿಲ್ಲ.</p>.<p>ಈ ಹಿನ್ನೆಲೆಯಲ್ಲಿ, ‘ಸಿಮ್ಯುಲೇಟೆಡ್ ವರ್ಚುವಲ್ ಲ್ಯಾಬ್’ ತೆರೆಯುವಂತೆ ಎನ್.ಎಂ.ಸಿ. ಈಚೆಗೆ ಸೂಚಿಸಿದ ಪ್ರಕಾರ ಮಂಡ್ಯದ ‘ಮಿಮ್ಸ್’ ಕಾಲೇಜಿನ ಅಂಗರಚನಾಶಾಸ್ತ್ರ ವಿಭಾಗದಲ್ಲಿ ₹2.80 ಕೋಟಿ ವೆಚ್ಚದ ‘ವರ್ಚುವಲ್ ಡಿಸೆಕ್ಷನ್ ಟೇಬಲ್’ ಅನ್ನು ಅಳವಡಿಸಿಕೊಳ್ಳಲಾಗಿದೆ. </p>.<p><strong>ಏನಿದು ವಿ.ಡಿ.ಟಿ?</strong></p>.<p>‘ಸುಧಾರಿತ ತಂತ್ರಜ್ಞಾನದ ಟೇಬಲ್ ಆಕಾರದ ಡಿಜಿಟಲ್ ಪರದೆಯಲ್ಲಿ ‘ಲೈಫ್ ಸೈಜ್’ನಲ್ಲಿ ಮಾನವ ದೇಹದ ಅಂಗರಚನೆಗಳು ನೈಜ ರೀತಿಯಲ್ಲಿ ಪ್ರದರ್ಶನಗೊಳ್ಳುತ್ತವೆ. ಈ ‘ಸ್ಪರ್ಶ ಪರದೆ’ಯಲ್ಲಿ ಮೂಡುವ ವರ್ಚುವಲ್ ಮಾದರಿಗಳನ್ನು 360 ಡಿಗ್ರಿಯಲ್ಲಿ ತಿರುಗಿಸಿಕೊಂಡು ಅಂಗರಚನಾಶಾಸ್ತ್ರವನ್ನು ಅನ್ವೇಷಿಸಲು ಮತ್ತು ಅಧ್ಯಯನ ಮಾಡಲು ಸಾಧ್ಯ. ಈ ತಂತ್ರಜ್ಞಾನವು ಡಿಜಿಟಲ್ ಸ್ವರೂಪದಲ್ಲಿ ಸಾಂಪ್ರದಾಯಿಕ ಶವ ಛೇದನದ ಅನುಭವವನ್ನು ಕಲ್ಪಿಸುತ್ತದೆ’ ಎನ್ನುತ್ತಾರೆ ‘ಮಿಮ್ಸ್’ ಕಾಲೇಜಿನ ಸಹ ಪ್ರಾಧ್ಯಾಪಕಿ ಡಾ.ಗೀತಾಂಜಲಿ. </p>.<p>‘ವಿಭಾಗದಲ್ಲಿ ಮೊದಲ ಬಾರಿ ಶವದ ಅಂಗಾಂಗಗಳನ್ನು ಛೇದನ ಮಾಡಿ ಅಧ್ಯಯನ ಮಾಡುವಾಗ ಭಯವಾಗಿತ್ತು. ಈಗ ‘ವಿಡಿಟಿ’ ಒದಗಿಸಿರುವ ‘ಡಿಜಿಟಲ್ ಶವ’ದ ಅಂಗಾಂಗಗಳನ್ನು ಸುಲಭವಾಗಿ ಛೇದನ ಮಾಡಿ, ಆಳವಾದ ಅಧ್ಯಯನ ಮಾಡುತ್ತಿದ್ದೇವೆ’ ಎಂದು ವಿದ್ಯಾರ್ಥಿನಿಯರಾದ ಪುಣ್ಯಾ, ಪೂರ್ಣಿಮಾ, ಸೃಷ್ಟಿ ಅಭಿಪ್ರಾಯಪಟ್ಟರು. </p>.<p>‘ಏಕಕಾಲದಲ್ಲಿ ಮೂರು ಪರದೆಗಳಲ್ಲಿ ಮೂಡುವ ಚಿತ್ರ ಮತ್ತು ವಿಡಿಯೊಗಳು ಸ್ಪಷ್ಟವಾಗಿ ಕಾಣುತ್ತವೆ. ದೇಹದ ವಿವಿಧ ಪದರಗಳನ್ನು ಜೂಮ್ ಮಾಡಿ, ವಿವಿಧ ದಿಕ್ಕುಗಳಲ್ಲಿ ತಿರುಗಿಸಿ ಅಧ್ಯಯನ ಮಾಡಬಹುದು’ ಎಂದು ಹೇಳಿದರು.</p>.<p><strong>ಕೋವಿಡ್ ವೇಳೆ ಶವಗಳ ಕೊರತೆ:</strong></p>.<p>‘ಕೋವಿಡ್ ಸಂದರ್ಭ ಸೋಂಕು ಹರಡಬಾರದೆಂಬ ಕಾರಣಕ್ಕೆ ಮೃತದೇಹಗಳನ್ನು ಸುಡಲಾಗಿತ್ತು. ಆಗ ಅಧ್ಯಯನಕ್ಕೆ ಮೃತದೇಹಗಳ ಕೊರತೆ ತೀವ್ರವಾಗಿ ಕಾಡಿತು. ಪೋಷಕರು ದೇಹದಾನಕ್ಕೆ ನೋಂದಣಿ ಮಾಡಿಕೊಂಡಿದ್ದರೂ, ಸತ್ತ ಸಂದರ್ಭದಲ್ಲಿ ಅವರ ಮಕ್ಕಳು ದೇಹ ಕೊಡಲು ಒಪ್ಪುವುದಿಲ್ಲ. ದೇಹದಾನದ ಜಾಗೃತಿ ಕೊರತೆ ಸೇರಿದಂತೆ ಹಲವು ಕಾರಣಗಳಿಂದ ಮೃತದೇಹಗಳ ಕೊರತೆ ಕಾಡುತ್ತಿದೆ’ ಎನ್ನುತ್ತಾರೆ ಹುಬ್ಬಳ್ಳಿಯ ‘ಕಿಮ್ಸ್’ ಕಾಲೇಜಿನ ಪ್ರಾಧ್ಯಾಪಕರು.</p>.<div><blockquote>ಮಿಮ್ಸ್ನಲ್ಲಿ 28 ಮೃತದೇಹಗಳನ್ನು ಸಂರಕ್ಷಿಸಿಡಲಾಗಿದ್ದು 195 ಮಂದಿ ದೇಹದಾನಕ್ಕೆ ನೋಂದಣಿ ಮಾಡಿಕೊಂಡಿದ್ದಾರೆ. ಮೃತದೇಹಗಳ ಕೊರತೆ ಕಾಡಬಹುದೆಂಬ ಹಿನ್ನೆಲೆಯಲ್ಲಿ ‘ವಿಡಿಟಿ’ ಅಳವಡಿಸಿದ್ದೇವೆ</blockquote><span class="attribution">– ಡಾ.ನರಸಿಂಹಸ್ವಾಮಿ ನಿರ್ದೇಶಕ ಮಿಮ್ಸ್ ಮಂಡ್ಯ</span></div>.<p><strong>‘ಶವದ ಭಯವಿಲ್ಲ ರಾಸಾಯನಿಕಗಳ ವಾಸನೆಯಿಲ್ಲ’</strong> </p><p>‘ವರ್ಚುವಲ್ ಡಿಸೆಕ್ಷನ್ ಟೇಬಲ್ ವಿದ್ಯಾರ್ಥಿಗಳಿಗೆ ಅಗತ್ಯವಿರುವಷ್ಟು ಬಾರಿ ಕಾರ್ಯವಿಧಾನಗಳನ್ನು ಪುನರಾವರ್ತಿಸಲು ಅನುವು ಮಾಡುತ್ತದೆ. ಇದು ಶವಗಳ ನಿರಂತರ ಸಂಗ್ರಹಣೆಯ ಅಗತ್ಯವನ್ನು ಕಡಿಮೆ ಮಾಡುತ್ತದೆ’ ಎಂದು ‘ಮಿಮ್ಸ್’ ಕಾಲೇಜಿನ ಅಂಗರಚನಾಶಾಸ್ತ್ರ ವಿಭಾಗದ ಮುಖ್ಯಸ್ಥ ಡಾ.ತ್ರಿನೇಶ್ಗೌಡ ತಿಳಿಸಿದರು. ‘ಮೃತದೇಹವನ್ನು ಮುಂದಿಟ್ಟುಕೊಂಡು ಅಧ್ಯಯನ ಮಾಡುವಾಗ ಸೋಂಕಿನ ಅಪಾಯವಿರುತ್ತದೆ. ಈ ಡಿಜಿಟಲ್ ಸಾಧನದಲ್ಲಿ ವ್ಯವಹರಿಸುವಾಗ ರಾಸಾಯನಿಕಗಳ ಅಹಿತಕರ ವಾಸನೆ ಇರುವುದಿಲ್ಲ. ಮೊದಲ ವರ್ಷದ ವಿದ್ಯಾರ್ಥಿಗಳು ಭಯವಿಲ್ಲದೆ ಮಾನವ ಶರೀರವನ್ನು ಅಧ್ಯಯನ ಮಾಡಬಹುದು’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಂಡ್ಯ:</strong> ವೈದ್ಯಕೀಯ ವಿದ್ಯಾರ್ಥಿಗಳು ಮಾನವ ಅಂಗರಚನಾಶಾಸ್ತ್ರ ಮತ್ತು ಶಸ್ತ್ರಚಿಕಿತ್ಸಾ ತಂತ್ರಗಳನ್ನು ಕಲಿಯಲು ರಾಜ್ಯದ ವಿವಿಧ ವೈದ್ಯಕೀಯ ಕಾಲೇಜುಗಳಲ್ಲಿ ಮೃತದೇಹಗಳ ಕೊರತೆ ಕಾಡುತ್ತಿದೆ. ಈ ಬರ ನೀಗಿಸಲು ಮಂಡ್ಯ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯಲ್ಲಿ (ಮಿಮ್ಸ್) ‘3ಡಿ’ ತಂತ್ರಜ್ಞಾನ ಆಧಾರಿತ ‘ವರ್ಚುವಲ್ ಡಿಸೆಕ್ಷನ್ ಟೇಬಲ್’ (ವಿ.ಡಿ.ಟಿ) ಅಳವಡಿಸಿದ್ದು, ವಿದ್ಯಾರ್ಥಿಗಳ ಪಾಲಿಗೆ ವರವಾಗಿದೆ. </p>.<p>ದಾನ ಮಾಡಿದವರ ಮೃತದೇಹಗಳನ್ನು ಸಂರಕ್ಷಿಸಿಟ್ಟುಕೊಂಡು, ಮಾನವನ ಅಂಗರಚನೆಯನ್ನು ಅಧ್ಯಯನ ಮಾಡುವುದು ಇದುವರೆಗಿನ ಪದ್ಧತಿ. ರಾಷ್ಟ್ರೀಯ ವೈದ್ಯಕೀಯ ಆಯೋಗದ (ಎನ್.ಎಂ.ಸಿ) ಪ್ರಕಾರ 10 ವಿದ್ಯಾರ್ಥಿಗಳಿಗೆ ಒಂದು ಮೃತದೇಹ ಲಭ್ಯವಿರಬೇಕು. ಆದರೆ, ಬಹುತೇಕ ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳ ಸಂಖ್ಯೆಗೆ ಅನುಗುಣವಾಗಿ ಮೃತದೇಹಗಳು ಲಭ್ಯವಿಲ್ಲ.</p>.<p>ಈ ಹಿನ್ನೆಲೆಯಲ್ಲಿ, ‘ಸಿಮ್ಯುಲೇಟೆಡ್ ವರ್ಚುವಲ್ ಲ್ಯಾಬ್’ ತೆರೆಯುವಂತೆ ಎನ್.ಎಂ.ಸಿ. ಈಚೆಗೆ ಸೂಚಿಸಿದ ಪ್ರಕಾರ ಮಂಡ್ಯದ ‘ಮಿಮ್ಸ್’ ಕಾಲೇಜಿನ ಅಂಗರಚನಾಶಾಸ್ತ್ರ ವಿಭಾಗದಲ್ಲಿ ₹2.80 ಕೋಟಿ ವೆಚ್ಚದ ‘ವರ್ಚುವಲ್ ಡಿಸೆಕ್ಷನ್ ಟೇಬಲ್’ ಅನ್ನು ಅಳವಡಿಸಿಕೊಳ್ಳಲಾಗಿದೆ. </p>.<p><strong>ಏನಿದು ವಿ.ಡಿ.ಟಿ?</strong></p>.<p>‘ಸುಧಾರಿತ ತಂತ್ರಜ್ಞಾನದ ಟೇಬಲ್ ಆಕಾರದ ಡಿಜಿಟಲ್ ಪರದೆಯಲ್ಲಿ ‘ಲೈಫ್ ಸೈಜ್’ನಲ್ಲಿ ಮಾನವ ದೇಹದ ಅಂಗರಚನೆಗಳು ನೈಜ ರೀತಿಯಲ್ಲಿ ಪ್ರದರ್ಶನಗೊಳ್ಳುತ್ತವೆ. ಈ ‘ಸ್ಪರ್ಶ ಪರದೆ’ಯಲ್ಲಿ ಮೂಡುವ ವರ್ಚುವಲ್ ಮಾದರಿಗಳನ್ನು 360 ಡಿಗ್ರಿಯಲ್ಲಿ ತಿರುಗಿಸಿಕೊಂಡು ಅಂಗರಚನಾಶಾಸ್ತ್ರವನ್ನು ಅನ್ವೇಷಿಸಲು ಮತ್ತು ಅಧ್ಯಯನ ಮಾಡಲು ಸಾಧ್ಯ. ಈ ತಂತ್ರಜ್ಞಾನವು ಡಿಜಿಟಲ್ ಸ್ವರೂಪದಲ್ಲಿ ಸಾಂಪ್ರದಾಯಿಕ ಶವ ಛೇದನದ ಅನುಭವವನ್ನು ಕಲ್ಪಿಸುತ್ತದೆ’ ಎನ್ನುತ್ತಾರೆ ‘ಮಿಮ್ಸ್’ ಕಾಲೇಜಿನ ಸಹ ಪ್ರಾಧ್ಯಾಪಕಿ ಡಾ.ಗೀತಾಂಜಲಿ. </p>.<p>‘ವಿಭಾಗದಲ್ಲಿ ಮೊದಲ ಬಾರಿ ಶವದ ಅಂಗಾಂಗಗಳನ್ನು ಛೇದನ ಮಾಡಿ ಅಧ್ಯಯನ ಮಾಡುವಾಗ ಭಯವಾಗಿತ್ತು. ಈಗ ‘ವಿಡಿಟಿ’ ಒದಗಿಸಿರುವ ‘ಡಿಜಿಟಲ್ ಶವ’ದ ಅಂಗಾಂಗಗಳನ್ನು ಸುಲಭವಾಗಿ ಛೇದನ ಮಾಡಿ, ಆಳವಾದ ಅಧ್ಯಯನ ಮಾಡುತ್ತಿದ್ದೇವೆ’ ಎಂದು ವಿದ್ಯಾರ್ಥಿನಿಯರಾದ ಪುಣ್ಯಾ, ಪೂರ್ಣಿಮಾ, ಸೃಷ್ಟಿ ಅಭಿಪ್ರಾಯಪಟ್ಟರು. </p>.<p>‘ಏಕಕಾಲದಲ್ಲಿ ಮೂರು ಪರದೆಗಳಲ್ಲಿ ಮೂಡುವ ಚಿತ್ರ ಮತ್ತು ವಿಡಿಯೊಗಳು ಸ್ಪಷ್ಟವಾಗಿ ಕಾಣುತ್ತವೆ. ದೇಹದ ವಿವಿಧ ಪದರಗಳನ್ನು ಜೂಮ್ ಮಾಡಿ, ವಿವಿಧ ದಿಕ್ಕುಗಳಲ್ಲಿ ತಿರುಗಿಸಿ ಅಧ್ಯಯನ ಮಾಡಬಹುದು’ ಎಂದು ಹೇಳಿದರು.</p>.<p><strong>ಕೋವಿಡ್ ವೇಳೆ ಶವಗಳ ಕೊರತೆ:</strong></p>.<p>‘ಕೋವಿಡ್ ಸಂದರ್ಭ ಸೋಂಕು ಹರಡಬಾರದೆಂಬ ಕಾರಣಕ್ಕೆ ಮೃತದೇಹಗಳನ್ನು ಸುಡಲಾಗಿತ್ತು. ಆಗ ಅಧ್ಯಯನಕ್ಕೆ ಮೃತದೇಹಗಳ ಕೊರತೆ ತೀವ್ರವಾಗಿ ಕಾಡಿತು. ಪೋಷಕರು ದೇಹದಾನಕ್ಕೆ ನೋಂದಣಿ ಮಾಡಿಕೊಂಡಿದ್ದರೂ, ಸತ್ತ ಸಂದರ್ಭದಲ್ಲಿ ಅವರ ಮಕ್ಕಳು ದೇಹ ಕೊಡಲು ಒಪ್ಪುವುದಿಲ್ಲ. ದೇಹದಾನದ ಜಾಗೃತಿ ಕೊರತೆ ಸೇರಿದಂತೆ ಹಲವು ಕಾರಣಗಳಿಂದ ಮೃತದೇಹಗಳ ಕೊರತೆ ಕಾಡುತ್ತಿದೆ’ ಎನ್ನುತ್ತಾರೆ ಹುಬ್ಬಳ್ಳಿಯ ‘ಕಿಮ್ಸ್’ ಕಾಲೇಜಿನ ಪ್ರಾಧ್ಯಾಪಕರು.</p>.<div><blockquote>ಮಿಮ್ಸ್ನಲ್ಲಿ 28 ಮೃತದೇಹಗಳನ್ನು ಸಂರಕ್ಷಿಸಿಡಲಾಗಿದ್ದು 195 ಮಂದಿ ದೇಹದಾನಕ್ಕೆ ನೋಂದಣಿ ಮಾಡಿಕೊಂಡಿದ್ದಾರೆ. ಮೃತದೇಹಗಳ ಕೊರತೆ ಕಾಡಬಹುದೆಂಬ ಹಿನ್ನೆಲೆಯಲ್ಲಿ ‘ವಿಡಿಟಿ’ ಅಳವಡಿಸಿದ್ದೇವೆ</blockquote><span class="attribution">– ಡಾ.ನರಸಿಂಹಸ್ವಾಮಿ ನಿರ್ದೇಶಕ ಮಿಮ್ಸ್ ಮಂಡ್ಯ</span></div>.<p><strong>‘ಶವದ ಭಯವಿಲ್ಲ ರಾಸಾಯನಿಕಗಳ ವಾಸನೆಯಿಲ್ಲ’</strong> </p><p>‘ವರ್ಚುವಲ್ ಡಿಸೆಕ್ಷನ್ ಟೇಬಲ್ ವಿದ್ಯಾರ್ಥಿಗಳಿಗೆ ಅಗತ್ಯವಿರುವಷ್ಟು ಬಾರಿ ಕಾರ್ಯವಿಧಾನಗಳನ್ನು ಪುನರಾವರ್ತಿಸಲು ಅನುವು ಮಾಡುತ್ತದೆ. ಇದು ಶವಗಳ ನಿರಂತರ ಸಂಗ್ರಹಣೆಯ ಅಗತ್ಯವನ್ನು ಕಡಿಮೆ ಮಾಡುತ್ತದೆ’ ಎಂದು ‘ಮಿಮ್ಸ್’ ಕಾಲೇಜಿನ ಅಂಗರಚನಾಶಾಸ್ತ್ರ ವಿಭಾಗದ ಮುಖ್ಯಸ್ಥ ಡಾ.ತ್ರಿನೇಶ್ಗೌಡ ತಿಳಿಸಿದರು. ‘ಮೃತದೇಹವನ್ನು ಮುಂದಿಟ್ಟುಕೊಂಡು ಅಧ್ಯಯನ ಮಾಡುವಾಗ ಸೋಂಕಿನ ಅಪಾಯವಿರುತ್ತದೆ. ಈ ಡಿಜಿಟಲ್ ಸಾಧನದಲ್ಲಿ ವ್ಯವಹರಿಸುವಾಗ ರಾಸಾಯನಿಕಗಳ ಅಹಿತಕರ ವಾಸನೆ ಇರುವುದಿಲ್ಲ. ಮೊದಲ ವರ್ಷದ ವಿದ್ಯಾರ್ಥಿಗಳು ಭಯವಿಲ್ಲದೆ ಮಾನವ ಶರೀರವನ್ನು ಅಧ್ಯಯನ ಮಾಡಬಹುದು’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>