<p><strong>ಹುಣಸೂರು</strong>: ‘ಬರ ಪರಿಸ್ಥಿತಿ ಎದುರಿಸುತ್ತಿರುವ ರೈತರಿಗೆ ಈ ಬಾರಿ ತಂಬಾಕು ಜೀವ ಉಳಿಸಿಕೊಳ್ಳಲು ಆಧಾರವಾಗಿದ್ದು, ಮಾರುಕಟ್ಟೆಯಲ್ಲಿ ಸೂಕ್ತ ದರ ನೀಡುವಂತೆ ಕಂಪನಿಗಳಿಗೆ ಸೂಚನೆ ನೀಡಲಾಗಿದೆ’ ಎಂದು ಸಂಸದ ಪ್ರತಾಪ ಸಿಂಹ ಹೇಳಿದರು.</p>.<p>ತಾಲ್ಲೂಕಿನ ಕಟ್ಟೆಮಳಲವಾಡಿ ಗ್ರಾಮದಲ್ಲಿ 2023–24ನೇ ಸಾಲಿನ ತಂಬಾಕು ಹರಾಜು ಮಾರುಕಟ್ಟೆಗೆ ಚಾಲನೆ ನೀಡಿ ಮಾತನಾಡಿದ ಅವರು, ‘ಕಳೆದ ಸಾಲಿನಲ್ಲಿ ಅಧಿಕ ಮಳೆಯಿಂದಾಗಿ ತಂಬಾಕು ನಷ್ಟ ಎದುರಿಸಿದ್ದ ರೈತರು, ಈ ಸಾಲಿನಲ್ಲಿ ಬರದಿಂದ ಬೆಳೆ ಕಳೆದುಕೊಂಡಿದ್ದಾನೆ. ಕಾವೇರಿ ಅಚ್ಚುಕಟ್ಟು ಪ್ರದೇಶದಲ್ಲಿ ಮಳೆ ತೀವ್ರವಾಗಿ ಕೊರತೆ ಎದುರಾಗಿ ಭತ್ತ, ರಾಗಿ, ಅವರೆಕಾಯಿ ಬೆಳೆ ಕೈ ಕೊಟ್ಟಿದೆ. ಈಗ ಬದುಕು ನಡೆಸಲು ತಂಬಾಕು ಒಂದೇ ಆಶ್ರಯವಾಗಿದೆ’ ಎಂದರು.</p>.<p>‘ಕಳೆದ ಸಾಲಿನಲ್ಲಿ ತಂಬಾಕಿಗೆ ಸರಾಸರಿ ಪ್ರತಿ ಕೆಜಿಗೆ ₹228 ಸಿಕ್ಕಿದ್ದು, ಈ ಸಾಲಿನಲ್ಲಿ ಆರಂಭದಲ್ಲೇ ₹ 230 ನೀಡಲಾಗಿದೆ. ಈ ದರಕ್ಕಿಂತ ಕೆಳಕ್ಕೆ ಕುಸಿಯದಂತೆ ಕಂಪನಿಗಳು ಎಚ್ಚರಿಕೆಯಿಂದ ವ್ಯವಹರಿಸಬೇಕು’ ಎಂದು ಮನವಿ ಮಾಡಿದರು.</p>.<p>‘ಈ ಬಾರಿ ಆರಂಭದಿಂದಲೇ 21 ಕಂಪನಿಗಳು ಮಾರುಕಟ್ಟೆಯಲ್ಲಿ ಭಾಗವಹಿಸಿದ್ದು, 5 ರಿಂದ6 ಕಂಪನಿಗಳು ಅಂತರರಾಷ್ಟ್ರೀಯ ಮಟ್ಟದಲ್ಲಿ ತನ್ನ ವಾಣಿಜ್ಯ ವಹಿವಾಟು ವಿಸ್ತರಿಸಿಕೊಂಡಿದ್ದು, ದರ ಸ್ಥಿರತೆ ಕಾಯ್ದುಕೊಳ್ಳುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಬೇಕು’ ಎಂದರು.</p>.<p>ಶೂನ್ಯ ದಂಡ: ‘ಅನಧಿಕೃತ ತಂಬಾಕು ಬೆಳೆಗಾರರಿಗೆ ಈ ಹಿಂದೆ ಮಂಡಳಿ ಶೇ 15ರಷ್ಟು ದಂಡ ವಿಧಿಸಿತ್ತು. ಈ ಸಂಬಂಧ ಕೇಂದ್ರ ವಾಣಿಜ್ಯ ಸಚಿವಾಲಯದ ಗಮನ ಸೆಳೆದು ಶೂನ್ಯ ದಂಡದಲ್ಲಿ ವಹಿವಾಟು ನಡೆಸಲು ಸಮ್ಮತಿಸಿದೆ. ಪರವಾನಿಗೆ ಹೊಂದಿರುವ ರೈತ ನಿಗದಿಗಿಂತ ಹೆಚ್ಚು ಬೆಳೆದಲ್ಲಿ ಶೇ 2ರಷ್ಟು ದಂಡ ಪಾವತಿಸಿ ಮಾರಾಟ ನಡೆಸುವ ವ್ಯವಸ್ಥೆ ಇತ್ತು, ಈ ಸಾಲಿನಿಂದ ರದ್ದುಗೊಳಿಸಲಾಗಿದೆ’ ಎಂದರು.</p>.<p>ಕೋಟಾ: ‘ಪರವಾನಿಗೆ ಹೊಂದಿರುವ 49 ಸಾವಿರ ಬೆಳೆಗಾರರಿಗೆ ನಿಗದಿಗೊಳಿಸಿರುವ ಉತ್ಪಾದನಾ (1750 ಕೆ.ಜಿ.) ಕೋಟಾ ಉತ್ಪಾದಿಸಲಾಗುತ್ತಿಲ್ಲ. ಇದರಿಂದಾಗಿ ರಾಜ್ಯಕ್ಕೆ 18 ಲಕ್ಷ ರಿಂದ 19 ಲಕ್ಷ ಕೆ.ಜಿ. ನಷ್ಟವಾಗುತ್ತಿದೆ. ಈ ವ್ಯತ್ಯಾಸವನ್ನು ಅನಧಿಕೃತ ಬೆಳೆಗಾರರಿಗೆ ಇಂತಿಷ್ಟು ಕೋಟಾ ನಿಗದಿಗೊಳಿಸುವಂತೆ ಕೇಂದ್ರ ವಾಣಿಜ್ಯ ಸಚಿವಾಲಯ ಮತ್ತು ತಂಬಾಕು ಮಂಡಳಿ ಸಭೆಯಲ್ಲಿ ಪ್ರಸ್ತಾಪಿಸಲಾಗಿದೆ’ ಎಂದು ತಿಳಿಸಿದರು.</p>.<p>ರಾಜ್ಯದ ತಂಬಾಕು ಮಂಡಳಿ ಹರಾಜು ನಿರ್ದೇಶಕಿ ಅಶ್ವಿನಿ ನಾಯ್ಡು ವಿರುದ್ಧ ವಾಗ್ದಾಳಿ ನಡೆಸಿದ ಸಂಸದರು, ‘ತಂಬಾಕು ಬೆಳೆಗಾರರಿಗೆ ಪೂರಕವಾದ ಆಡಳಿತ ನಡೆಸುವ ಮನಸ್ಥಿತಿ ಇಲ್ಲ. ಅವರನ್ನು ರಾಜ್ಯದ ಸೇವೆಯಿಂದ ಹಿಂಪಡೆಯಬೇಕು ಎಂದು ಕೇಂದ್ರ ವಾಣಿಜ್ಯ ಸಚಿವಾಲಯಕ್ಕೆ ಮನವಿ ಮಾಡಿದ್ದೇನೆ’ ಎಂದು ತಿಳಿಸಿದರು.</p>.<p>ಹರಾಜು ಮಾರುಕಟ್ಟೆ ಆರಂಭದಲ್ಲಿ ಬಿಜೆಪಿ ತಾಲ್ಲೂಕು ಘಟಕದ ಅಧ್ಯಕ್ಷ ನಾಗಣ್ಣ, ನಾಗರಾಜ್ ಮಲ್ಲಾಡಿ, ನಾಗರಾಜಪ್ಪ, ರೈತ ಮುಖಂಡರಾದ ಚಂದ್ರೇಗೌಡ, ರಾಮೇಗೌಡ, ಗೋವಿಂದಯ್ಯ, ಐಟಿಸಿ ಕಂಪನಿ ಅಧಿಕಾರಿ ಶ್ರೀನಿವಾಸ್ ರೆಡ್ಡಿ, ತಂಬಾಕು ಹರಾಜು ಮಾರುಕಟ್ಟೆ ಅಧಿಕಾರಿ ಧನರಾಜ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಣಸೂರು</strong>: ‘ಬರ ಪರಿಸ್ಥಿತಿ ಎದುರಿಸುತ್ತಿರುವ ರೈತರಿಗೆ ಈ ಬಾರಿ ತಂಬಾಕು ಜೀವ ಉಳಿಸಿಕೊಳ್ಳಲು ಆಧಾರವಾಗಿದ್ದು, ಮಾರುಕಟ್ಟೆಯಲ್ಲಿ ಸೂಕ್ತ ದರ ನೀಡುವಂತೆ ಕಂಪನಿಗಳಿಗೆ ಸೂಚನೆ ನೀಡಲಾಗಿದೆ’ ಎಂದು ಸಂಸದ ಪ್ರತಾಪ ಸಿಂಹ ಹೇಳಿದರು.</p>.<p>ತಾಲ್ಲೂಕಿನ ಕಟ್ಟೆಮಳಲವಾಡಿ ಗ್ರಾಮದಲ್ಲಿ 2023–24ನೇ ಸಾಲಿನ ತಂಬಾಕು ಹರಾಜು ಮಾರುಕಟ್ಟೆಗೆ ಚಾಲನೆ ನೀಡಿ ಮಾತನಾಡಿದ ಅವರು, ‘ಕಳೆದ ಸಾಲಿನಲ್ಲಿ ಅಧಿಕ ಮಳೆಯಿಂದಾಗಿ ತಂಬಾಕು ನಷ್ಟ ಎದುರಿಸಿದ್ದ ರೈತರು, ಈ ಸಾಲಿನಲ್ಲಿ ಬರದಿಂದ ಬೆಳೆ ಕಳೆದುಕೊಂಡಿದ್ದಾನೆ. ಕಾವೇರಿ ಅಚ್ಚುಕಟ್ಟು ಪ್ರದೇಶದಲ್ಲಿ ಮಳೆ ತೀವ್ರವಾಗಿ ಕೊರತೆ ಎದುರಾಗಿ ಭತ್ತ, ರಾಗಿ, ಅವರೆಕಾಯಿ ಬೆಳೆ ಕೈ ಕೊಟ್ಟಿದೆ. ಈಗ ಬದುಕು ನಡೆಸಲು ತಂಬಾಕು ಒಂದೇ ಆಶ್ರಯವಾಗಿದೆ’ ಎಂದರು.</p>.<p>‘ಕಳೆದ ಸಾಲಿನಲ್ಲಿ ತಂಬಾಕಿಗೆ ಸರಾಸರಿ ಪ್ರತಿ ಕೆಜಿಗೆ ₹228 ಸಿಕ್ಕಿದ್ದು, ಈ ಸಾಲಿನಲ್ಲಿ ಆರಂಭದಲ್ಲೇ ₹ 230 ನೀಡಲಾಗಿದೆ. ಈ ದರಕ್ಕಿಂತ ಕೆಳಕ್ಕೆ ಕುಸಿಯದಂತೆ ಕಂಪನಿಗಳು ಎಚ್ಚರಿಕೆಯಿಂದ ವ್ಯವಹರಿಸಬೇಕು’ ಎಂದು ಮನವಿ ಮಾಡಿದರು.</p>.<p>‘ಈ ಬಾರಿ ಆರಂಭದಿಂದಲೇ 21 ಕಂಪನಿಗಳು ಮಾರುಕಟ್ಟೆಯಲ್ಲಿ ಭಾಗವಹಿಸಿದ್ದು, 5 ರಿಂದ6 ಕಂಪನಿಗಳು ಅಂತರರಾಷ್ಟ್ರೀಯ ಮಟ್ಟದಲ್ಲಿ ತನ್ನ ವಾಣಿಜ್ಯ ವಹಿವಾಟು ವಿಸ್ತರಿಸಿಕೊಂಡಿದ್ದು, ದರ ಸ್ಥಿರತೆ ಕಾಯ್ದುಕೊಳ್ಳುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಬೇಕು’ ಎಂದರು.</p>.<p>ಶೂನ್ಯ ದಂಡ: ‘ಅನಧಿಕೃತ ತಂಬಾಕು ಬೆಳೆಗಾರರಿಗೆ ಈ ಹಿಂದೆ ಮಂಡಳಿ ಶೇ 15ರಷ್ಟು ದಂಡ ವಿಧಿಸಿತ್ತು. ಈ ಸಂಬಂಧ ಕೇಂದ್ರ ವಾಣಿಜ್ಯ ಸಚಿವಾಲಯದ ಗಮನ ಸೆಳೆದು ಶೂನ್ಯ ದಂಡದಲ್ಲಿ ವಹಿವಾಟು ನಡೆಸಲು ಸಮ್ಮತಿಸಿದೆ. ಪರವಾನಿಗೆ ಹೊಂದಿರುವ ರೈತ ನಿಗದಿಗಿಂತ ಹೆಚ್ಚು ಬೆಳೆದಲ್ಲಿ ಶೇ 2ರಷ್ಟು ದಂಡ ಪಾವತಿಸಿ ಮಾರಾಟ ನಡೆಸುವ ವ್ಯವಸ್ಥೆ ಇತ್ತು, ಈ ಸಾಲಿನಿಂದ ರದ್ದುಗೊಳಿಸಲಾಗಿದೆ’ ಎಂದರು.</p>.<p>ಕೋಟಾ: ‘ಪರವಾನಿಗೆ ಹೊಂದಿರುವ 49 ಸಾವಿರ ಬೆಳೆಗಾರರಿಗೆ ನಿಗದಿಗೊಳಿಸಿರುವ ಉತ್ಪಾದನಾ (1750 ಕೆ.ಜಿ.) ಕೋಟಾ ಉತ್ಪಾದಿಸಲಾಗುತ್ತಿಲ್ಲ. ಇದರಿಂದಾಗಿ ರಾಜ್ಯಕ್ಕೆ 18 ಲಕ್ಷ ರಿಂದ 19 ಲಕ್ಷ ಕೆ.ಜಿ. ನಷ್ಟವಾಗುತ್ತಿದೆ. ಈ ವ್ಯತ್ಯಾಸವನ್ನು ಅನಧಿಕೃತ ಬೆಳೆಗಾರರಿಗೆ ಇಂತಿಷ್ಟು ಕೋಟಾ ನಿಗದಿಗೊಳಿಸುವಂತೆ ಕೇಂದ್ರ ವಾಣಿಜ್ಯ ಸಚಿವಾಲಯ ಮತ್ತು ತಂಬಾಕು ಮಂಡಳಿ ಸಭೆಯಲ್ಲಿ ಪ್ರಸ್ತಾಪಿಸಲಾಗಿದೆ’ ಎಂದು ತಿಳಿಸಿದರು.</p>.<p>ರಾಜ್ಯದ ತಂಬಾಕು ಮಂಡಳಿ ಹರಾಜು ನಿರ್ದೇಶಕಿ ಅಶ್ವಿನಿ ನಾಯ್ಡು ವಿರುದ್ಧ ವಾಗ್ದಾಳಿ ನಡೆಸಿದ ಸಂಸದರು, ‘ತಂಬಾಕು ಬೆಳೆಗಾರರಿಗೆ ಪೂರಕವಾದ ಆಡಳಿತ ನಡೆಸುವ ಮನಸ್ಥಿತಿ ಇಲ್ಲ. ಅವರನ್ನು ರಾಜ್ಯದ ಸೇವೆಯಿಂದ ಹಿಂಪಡೆಯಬೇಕು ಎಂದು ಕೇಂದ್ರ ವಾಣಿಜ್ಯ ಸಚಿವಾಲಯಕ್ಕೆ ಮನವಿ ಮಾಡಿದ್ದೇನೆ’ ಎಂದು ತಿಳಿಸಿದರು.</p>.<p>ಹರಾಜು ಮಾರುಕಟ್ಟೆ ಆರಂಭದಲ್ಲಿ ಬಿಜೆಪಿ ತಾಲ್ಲೂಕು ಘಟಕದ ಅಧ್ಯಕ್ಷ ನಾಗಣ್ಣ, ನಾಗರಾಜ್ ಮಲ್ಲಾಡಿ, ನಾಗರಾಜಪ್ಪ, ರೈತ ಮುಖಂಡರಾದ ಚಂದ್ರೇಗೌಡ, ರಾಮೇಗೌಡ, ಗೋವಿಂದಯ್ಯ, ಐಟಿಸಿ ಕಂಪನಿ ಅಧಿಕಾರಿ ಶ್ರೀನಿವಾಸ್ ರೆಡ್ಡಿ, ತಂಬಾಕು ಹರಾಜು ಮಾರುಕಟ್ಟೆ ಅಧಿಕಾರಿ ಧನರಾಜ್ ಇದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
