ಮೈಸೂರು: ಕಿಕ್ಕಿರಿದ ಜನಸಾಗರದ ನಡುವೆ ಕಂಗೊಳಿಸಿದ ‘ಯುವರತ್ನ’

ಮೈಸೂರು: ಬೆಳಿಗ್ಗೆಯಿಂದಲೇ ಕಾದು ಕುಳಿತ ಯುವಪಡೆ, ಬೃಹತ್ ಸೇಬಿನ ಹಾರವಿಡಿದು ನಿಂತಲ್ಲೇ ನಿಂತ ಕ್ರೇನ್, ಸುಡು ಬಿಸಿಲೇರಿ ನೆತ್ತಿ ಸುಡುತ್ತಿದ್ದರೂ ಕದಲದ ಅಭಿಮಾನಿಗಳು, ಕಣ್ಣಾಯಿಸುವಷ್ಟು ದೂರ ಜನವೋ ಜನ...

. ಈ ಎಲ್ಲ ದೃಶ್ಯಗಳು ಮಾನಸಗಂಗೋತ್ರಿಯ ಬಯಲು ರಂಗಮಂದಿರದ ರಸ್ತೆಯಲ್ಲಿ ಮಂಗಳವಾರ ಕಂಡು ಬಂತು. ಮಧ್ಯಾಹ್ನದ ಹೊತ್ತಿಗೆ ಕಾರಿನಿಂದ ನಟ ಪುನೀತ್ ರಾಜ್ಕುಮಾರ್ ಇಳಿಯುತ್ತಿದ್ದಂತೆ, ಅಭಿಮಾನಿಗಳ ಹರ್ಷೋದ್ಗಾರ ಮುಗಿಲು ಮುಟ್ಟಿತು.

. 6 ಜೆಸಿಬಿ ಯಂತ್ರಗಳ ಮೇಲೆ ನಿಂತ ಅಭಿಮಾನಿಗಳು ಹೂವಿನ ಮಳೆಗರೆದರು. ಕ್ರೇನ್ ಮೂಲಕ ಬೃಹತ್ ಸೇಬಿನಹಾರವನ್ನು ಹಾಕಿ ಸಂಭ್ರಮಿಸಿದರು. ಕಿವಿಗಡಚಿಕ್ಕುವ ಪಟಾಕಿಗಳ ಆರ್ಭಟದೊಂದಿಗೆ ‘ಯುವರತ್ನ’ ಸಿನಿಮಾದ ಪ್ರಚಾರಾಂದೋಲನ ಆರಂಭವಾಯಿತು. ಪುನೀತ್ ಅವರಿಗೆ ಭವ್ಯ ಸ್ವಾಗತ ಕೋರಲಾಯಿತು.

. ಪುನೀತ್ ರಾಜ್ಕುಮಾರ್ ಬಯಲುರಂಗಮಂದಿರದ ವೇದಿಕೆಯನ್ನೇರುತ್ತಿದ್ದಂತೆ ಸಾವಿರಾರು ಅಭಿಮಾನಿಗಳು ಸುಡು ಬಿಸಿಲಿನಲ್ಲಿ ಜಮಾಯಿಸಿದರು. ಎಲ್ಲಿ ನೋಡಿದರಲ್ಲಿ ಜನರ ಕರತಾಡನ, ಕೂಗಾಟಗಳೇ ಕೇಳಿ ಬರುತ್ತಿದ್ದವು.

. ‘ಹೀರೊ ನಾನಲ್ಲ’: ‘ಯುವರತ್ನ’ ಸಿನಿಮಾದ ನಿಜವಾದ ಹೀರೊ ನಾನಲ್ಲ ಎನ್ನುತ್ತಲೇ ಮಾತಿಗಿಳಿದ ಪುನೀತ್ ರಾಜ್ಕುಮಾರ್, ‘ಈ ಸಿನಿಮಾ ತಂಡ ಹಾಗೂ ಇದನ್ನು ನೋಡುವ ಪ್ರೇಕ್ಷಕರೇ ನಿಜವಾದ ಹೀರೊಗಳು’ ಎಂದು ಹೇಳುವ ಮೂಲಕ ಸಭಿಕರ ಭರಪೂರ ಚಪ್ಪಾಳೆ ಪಡೆದರು.

. ‘ಮೈಸೂರು ಎಂದಾಕ್ಷಣ ಇಲ್ಲಿನ ಮಹಾರಾಜರು, ವಿಶ್ವೇಶ್ವರಯ್ಯ, ದಸರಾ ಹಬ್ಬ ನೆನಪಾಗುತ್ತದೆ. ಗಾಜನೂರಿನಲ್ಲಿ ಇಂದಿಗೂ ಮಹಾರಾಜರ ಚಿತ್ರ ಇದೆ. ಅಪ್ಪ, ಅಮ್ಮ ಮೈಸೂರಿನ ಕುರಿತು ಸಾಕಷ್ಟು ಬಾರಿ ನೆನಪುಗಳನ್ನು ಹಂಚಿಕೊಳ್ಳುತ್ತಿದ್ದರು’ ಎಂದು ಮೆಲುಕು ಹಾಕಿದರು.

. ‘ಯುವರತ್ನ’ ಸಿನಿಮಾದ ‘ದೇಶಕ್ಕೆ ಯೋಧ, ನಾಡಿಗೆ ರೈತ, ಬಾಳಿಗೆ ಗುರುವೊಬ್ಬ ತಾನೆ’ ಎಂಬ ಹಾಡಿನ ಕೆಲವು ಸಾಲುಗಳನ್ನು ತಾವು ಹಾಡುವ ಮೂಲಕ ಸಭಿಕರೂ ಹಾಡುವಂತೆ ಮಾಡಿದರು.

. ‘ಊರಿಗೊಬ್ಬ ರಾಜ’ ಹಾಡಿಗೆ ಕೆಲ ಸೆಕೆಂಡುಗಳ ಕಾಲ ‘ಸ್ಟೆಪ್’ ಹಾಕುವ ಮೂಲಕ ಅಭಿಮಾನಿಗಳ ಬೇಡಿಕೆಯನ್ನು ತಣಿಸಿದರು.

. ಧನಂಜಯ್ ಅವರ ಮಾತಿಗೆ ಮರುಳಾದ ಅಭಿಮಾನಿಗಳು: ನಟ ಧನಂಜಯ್ ಅವರ ‘ಡೈಲಾಗ್’ಗಳಿಗೆ ಅಭಿಮಾನಿ ವೃಂದ ಮರುಳಾಯಿತು. ‘ಧಮ್ ಹೊಡಿತೀರಾ’ ಎಂಬ ಅವರ ಒಂದು ಮಾತಿಗೆ ಯುವ ಸಮುದಾಯ ‘ಫಿದಾ’ ಆಯಿತು. ಅಭಿಮಾನಿಗಳ ಆರ್ಭಟ ಹೀಗೆಯೇ ಇರಬೇಕು ಎನ್ನುವ ಅವರ ಮಾತುಗಳು ಸಭಿಕರ ಭಾರಿ ಮೆಚ್ಚುಗೆಗೆ ಪಾತ್ರವಾಯಿತು.

. ಇದನ್ನೂ ಓದಿ... ಕೋವಿಡ್–19 ಹೆಚ್ಚಳ: ಏ.30 ರವರೆಗೆ ಅಂತರರಾಷ್ಟ್ರೀಯ ವಿಮಾನಯಾನ ರದ್ದು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೈಸೂರು: ಕಿಕ್ಕಿರಿದ ಜನಸಾಗರದ ನಡುವೆ ಕಂಗೊಳಿಸಿದ ‘ಯುವರತ್ನ’

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಬೆಂಗಳೂರು: ಜಯನಗರದ ಕೆಫೆಯಲ್ಲಿ ಬ್ರಿಟನ್‌ ಮಾಜಿ ಪ್ರಧಾನಿ ರಿಷಿ ಸುನಕ್ ದಂಪತಿ

ಚಾಂಪಿಯನ್ಸ್ ಟ್ರೋಫಿ: ಹೈಬ್ರಿಡ್‌ ಮಾದರಿಗೆ ಪಾಕ್ ಸಿದ್ಧ?

ಪ್ರೊ ಕಬಡ್ಡಿ ಲೀಗ್‌: ದಬಾಂಗ್‌ಗೆ ಮಣಿದ ವಾರಿಯರ್ಸ್‌

ರಣಜಿ ಟ್ರೋಫಿ ಕ್ರಿಕೆಟ್: ಆತಂಕದಲ್ಲಿರುವ ಆತಿಥೇಯರಿಗೆ ಅಭಿನವ್ ಆಸರೆ

ಇಂಡಿಯನ್‌ ಸೂಪರ್‌ ಲೀಗ್‌: ಬಿಎಫ್‌ಸಿಗೆ ನಾರ್ತ್ ಈಸ್ಟ್‌ ಸವಾಲು ಇಂದು

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಬೆಂಗಳೂರು: ಜಯನಗರದ ಕೆಫೆಯಲ್ಲಿ ಬ್ರಿಟನ್‌ ಮಾಜಿ ಪ್ರಧಾನಿ ರಿಷಿ ಸುನಕ್ ದಂಪತಿ