<p><strong>ಮೈಸೂರು</strong>: ‘ಕೃಷ್ಣರಾಜ ವಿಧಾನಸಭಾ ಕ್ಷೇತ್ರದ ಶಾಸಕನಾಗಿ ಆಯ್ಕೆಯಾಗಿ ವರ್ಷವಾಗಿದ್ದು, ₹700 ಕೋಟಿ ಅನುದಾನದಲ್ಲಿ ಅಭಿವೃದ್ಧಿ ಕಾರ್ಯ ಮಾಡಲಾಗಿದೆ. ಸೀವೇಜ್ ಫಾರಂನ ದಶಕದ ಸಮಸ್ಯೆಯನ್ನು ಇದೇ ವರ್ಷ ಪರಿಹರಿಸುವ ಗುರಿ ಹಾಕಿಕೊಳ್ಳಲಾಗಿದೆ’ ಎಂದು ಶಾಸಕ ಟಿ.ಎಸ್.ಶ್ರೀವತ್ಸ ಹೇಳಿದರು.</p>.<p>ನಗರದಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ‘ಕ್ಷೇತ್ರದ ವಾರ್ಡ್ಗಳಿಗೆ ಪಾದಯಾತ್ರೆ ಮಾಡಿ ಜನರ ಅಹವಾಲು ಸ್ವೀಕರಿಸಿರುವೆ. ಇನ್ನೂ 4 ವಾರ್ಡ್ಗಳ ಭೇಟಿ ಬಾಕಿ ಇದೆ. ಸರ್ಕಾರದ ಅನುದಾನದ ಜೊತೆ ಖಾಸಗಿ ಸಹಭಾಗಿತ್ವದಲ್ಲೂ ಯೋಜನೆಗಳ ಅನುಷ್ಠಾನ ನಡೆದಿದೆ’ ಎಂದರು. </p>.<p>‘ಸೀವೇಜ್ ಫಾರಂನ 7 ಲಕ್ಷ ಟನ್ ತ್ಯಾಜ್ಯ ವಿಲೇವಾರಿ ಮಾಡಲು ₹60 ಕೋಟಿ ಟೆಂಡರ್ ಅಂತಿಮಗೊಂಡಿದೆ. ಚುನಾವಣಾ ನೀತಿ ಸಂಹಿತೆ ಮುಗಿದ ನಂತರ ಕಾಮಗಾರಿ ಚುರುಕುಗೊಳ್ಳಲಿದೆ’ ಎಂದು ಮಾಹಿತಿ ನೀಡಿದರು.</p>.<p>‘₹50 ಕೋಟಿ ವೆಚ್ಚದಲ್ಲಿ ರಸ್ತೆಗಳ ದುರಸ್ತಿ, ₹4.2 ಕೋಟಿ ವೆಚ್ಚದಲ್ಲಿ ಶಾಲೆಗಳ ನವೀಕರಣ, ಶುದ್ಧ ಕುಡಿಯುವ ನೀರಿನ ಘಟಕಗಳ ಸ್ಥಾಪನೆ, ₹3 ಕೋಟಿ ವೆಚ್ಚದಲ್ಲಿ ಅಲ್ಪಸಂಖ್ಯಾತರ ಕಾಲೊನಿಗಳ ಅಭಿವೃದ್ಧಿ, ಬೀದಿ ದೀಪದ ವ್ಯವಸ್ಥೆ, ಬಸ್ ನಿಲ್ದಾಣ ಸೇರಿದಂತೆ ವಿವಿಧ ಅಭಿವೃದ್ಧಿ ಕಾರ್ಯ ನಡೆದಿದೆ’ ಎಂದರು.</p>.<p>‘ಚರಂಡಿ ಸಮಸ್ಯೆ ಬಗೆಹರಿಸುವ ಉದ್ದೇಶದಿಂದ ಸುಮಾರು ₹6.8 ಕೋಟಿ ವೆಚ್ಚದಲ್ಲಿ ರಾಮಾನುಜ ರಸ್ತೆ, ಕುವೆಂಪುನಗರದ ಸಂಪಿಗೆ, ಉದಯರವಿ, ಆದಿಚುಂಚನಗಿರಿ, ಅನಿಕೇತನ ರಸ್ತೆ, ಅಶೋಕಪುರಂ, ಜೆ.ಪಿ.ನಗರ, ಅರವಿಂದ ನಗರ, ಅಂಚೆ ಕಾಲೊನಿ, ಕಾರಂಜಿಕೆರೆ ಬಂಡ್ ರಸ್ತೆ, ಸಾಯಿ ಬಡಾವಣೆ ಸೇರಿದಂತೆ ರಸ್ತೆಗಳ ಒಳಚರಂಡಿಯನ್ನು ಅಭಿವೃದ್ಧಿ ಪಡಿಸಲಾಗಿದೆ’ ಎಂದು ಹೇಳಿದರು.</p>.<p>‘ಒಳಚರಂಡಿ ಕಾಮಗಾರಿಗಳಿಂದ ಮುಂಗಾರು ಪೂರ್ವ ಮಳೆಯಲ್ಲಿ ಯಾವುದೇ ತಗ್ಗು ಪ್ರದೇಶದಲ್ಲಿ ನೀರು ನಿಂತಿಲ್ಲ. ಪಾದಯಾತ್ರೆಯಿಂದ ಈ ಮಾದರಿಯ ಅನುಕೂಲವಾಗಿದೆ’ ಎಂದು ತಿಳಿಸಿದರು.</p>.<p>‘ಲಲಿತಾದ್ರಿಪುರದಲ್ಲಿ ₹200 ಕೋಟಿ ವೆಚ್ಚದಲ್ಲಿ 1,460 ಗುಂಪು ಮನೆಗಳು ನಿರ್ಮಾಣವಾಗುತ್ತಿದ್ದು, ಕೃಷ್ಣರಾಜ ಕ್ಷೇತ್ರದ 940 ಫಲಾನುಭವಿಗಳಿಗೆ ಮನೆಗಳು ನಿಗದಿಯಾಗಿವೆ’ ಎಂದರು.</p>.<p>ಮಾಜಿ ಮೇಯರ್ಗಳಾದ ಸುನಂದಾ ಫಾಲನೇತ್ರ, ಶಿವಕುಮಾರ್, ಮುಖಂಡರಾದ ಗೋಪಾಲರಾಜ್, ಕೇಬಲ್ ಮಹೇಶ್, ಗಿರಿಧರ್, ಜೋಗಿ ಮಂಜು ಹಾಜರಿದ್ದರು.</p>.<p> ₹200 ಕೋಟಿ ವೆಚ್ಚದಲ್ಲಿ ಗುಂಪು ಮನೆ ಕ್ಷೇತ್ರದ 940 ಫಲಾನುಭವಿಗಳಿಗೆ ಮನೆ ಒಳಚರಂಡಿ ನಿರ್ಮಾಣ: ತಪ್ಪಿದ ಹಾನಿ</p><p>‘ಬೇರೆ ಕ್ಷೇತ್ರಗಳಿಗೆ ಅನುದಾನ: ಆಕ್ಷೇಪ’ ‘ಕೃಷ್ಣರಾಜ ಕ್ಷೇತ್ರಕ್ಕೆ ಮಂಜೂರಾಗಿದ್ದ ₹45 ಕೋಟಿ ಅನುದಾನವನ್ನು ಚಾಮರಾಜ ಹಾಗೂ ನರಸಿಂಹ ರಾಜ ಕ್ಷೇತ್ರಕ್ಕೆ ಈ ಹಿಂದಿನ ಪಾಲಿಕೆ ಆಯುಕ್ತರು ಬಳಕೆ ಮಾಡಿದ್ದು ಅದಕ್ಕೆ ವಿಧಾನಸಭೆಯಲ್ಲೂ ಆಕ್ಷೇಪ ವ್ಯಕ್ತಪಡಿಸಿದ್ದೆ’ ಎಂದು ಶ್ರೀವತ್ಸ ಹೇಳಿದರು. ‘ಗ್ಯಾರಂಟಿ ಯೋಜನೆಗಳಿಂದ ವಿಧಾನಸಭಾ ಕ್ಷೇತ್ರದ ಅಭಿವೃದ್ಧಿಗೆ ಶಾಸಕರ ಅನುದಾನ ಬಿಡುಗಡೆಯಾಗಿಲ್ಲ. ಈ ಹಿಂದಿನ ಸರ್ಕಾರ ಬಿಡುಗಡೆ ಮಾಡಿದ್ದ ಅನುದಾನದಲ್ಲೇ ಅಭಿವೃದ್ಧಿ ಕಾರ್ಯ ನಡೆದಿದೆ’ ಎಂದು ಬೇಸರ ವ್ಯಕ್ತಪಡಿಸಿದರು. ‘ಅಶೋಕಪುರಂನ ವೀಳ್ಯೆದೆಲೆ ಬೆಳೆಗಾರರಿಗೆ ಪರ್ಯಾಯವಾಗಿ 5 ಗುಂಟೆ ಜಮೀನು ನೀಡುವ ಬಗ್ಗೆ ವಿಧಾನಸಭೆಯಲ್ಲಿ ಧ್ವನಿ ಎತ್ತಿದ್ದೆ. ಶೀಘ್ರದಲ್ಲೇ ಫಲಾನುಭವಿಗಳಿಗೆ ಹಕ್ಕುಪತ್ರ ನೀಡಲಾಗುವುದು’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು</strong>: ‘ಕೃಷ್ಣರಾಜ ವಿಧಾನಸಭಾ ಕ್ಷೇತ್ರದ ಶಾಸಕನಾಗಿ ಆಯ್ಕೆಯಾಗಿ ವರ್ಷವಾಗಿದ್ದು, ₹700 ಕೋಟಿ ಅನುದಾನದಲ್ಲಿ ಅಭಿವೃದ್ಧಿ ಕಾರ್ಯ ಮಾಡಲಾಗಿದೆ. ಸೀವೇಜ್ ಫಾರಂನ ದಶಕದ ಸಮಸ್ಯೆಯನ್ನು ಇದೇ ವರ್ಷ ಪರಿಹರಿಸುವ ಗುರಿ ಹಾಕಿಕೊಳ್ಳಲಾಗಿದೆ’ ಎಂದು ಶಾಸಕ ಟಿ.ಎಸ್.ಶ್ರೀವತ್ಸ ಹೇಳಿದರು.</p>.<p>ನಗರದಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ‘ಕ್ಷೇತ್ರದ ವಾರ್ಡ್ಗಳಿಗೆ ಪಾದಯಾತ್ರೆ ಮಾಡಿ ಜನರ ಅಹವಾಲು ಸ್ವೀಕರಿಸಿರುವೆ. ಇನ್ನೂ 4 ವಾರ್ಡ್ಗಳ ಭೇಟಿ ಬಾಕಿ ಇದೆ. ಸರ್ಕಾರದ ಅನುದಾನದ ಜೊತೆ ಖಾಸಗಿ ಸಹಭಾಗಿತ್ವದಲ್ಲೂ ಯೋಜನೆಗಳ ಅನುಷ್ಠಾನ ನಡೆದಿದೆ’ ಎಂದರು. </p>.<p>‘ಸೀವೇಜ್ ಫಾರಂನ 7 ಲಕ್ಷ ಟನ್ ತ್ಯಾಜ್ಯ ವಿಲೇವಾರಿ ಮಾಡಲು ₹60 ಕೋಟಿ ಟೆಂಡರ್ ಅಂತಿಮಗೊಂಡಿದೆ. ಚುನಾವಣಾ ನೀತಿ ಸಂಹಿತೆ ಮುಗಿದ ನಂತರ ಕಾಮಗಾರಿ ಚುರುಕುಗೊಳ್ಳಲಿದೆ’ ಎಂದು ಮಾಹಿತಿ ನೀಡಿದರು.</p>.<p>‘₹50 ಕೋಟಿ ವೆಚ್ಚದಲ್ಲಿ ರಸ್ತೆಗಳ ದುರಸ್ತಿ, ₹4.2 ಕೋಟಿ ವೆಚ್ಚದಲ್ಲಿ ಶಾಲೆಗಳ ನವೀಕರಣ, ಶುದ್ಧ ಕುಡಿಯುವ ನೀರಿನ ಘಟಕಗಳ ಸ್ಥಾಪನೆ, ₹3 ಕೋಟಿ ವೆಚ್ಚದಲ್ಲಿ ಅಲ್ಪಸಂಖ್ಯಾತರ ಕಾಲೊನಿಗಳ ಅಭಿವೃದ್ಧಿ, ಬೀದಿ ದೀಪದ ವ್ಯವಸ್ಥೆ, ಬಸ್ ನಿಲ್ದಾಣ ಸೇರಿದಂತೆ ವಿವಿಧ ಅಭಿವೃದ್ಧಿ ಕಾರ್ಯ ನಡೆದಿದೆ’ ಎಂದರು.</p>.<p>‘ಚರಂಡಿ ಸಮಸ್ಯೆ ಬಗೆಹರಿಸುವ ಉದ್ದೇಶದಿಂದ ಸುಮಾರು ₹6.8 ಕೋಟಿ ವೆಚ್ಚದಲ್ಲಿ ರಾಮಾನುಜ ರಸ್ತೆ, ಕುವೆಂಪುನಗರದ ಸಂಪಿಗೆ, ಉದಯರವಿ, ಆದಿಚುಂಚನಗಿರಿ, ಅನಿಕೇತನ ರಸ್ತೆ, ಅಶೋಕಪುರಂ, ಜೆ.ಪಿ.ನಗರ, ಅರವಿಂದ ನಗರ, ಅಂಚೆ ಕಾಲೊನಿ, ಕಾರಂಜಿಕೆರೆ ಬಂಡ್ ರಸ್ತೆ, ಸಾಯಿ ಬಡಾವಣೆ ಸೇರಿದಂತೆ ರಸ್ತೆಗಳ ಒಳಚರಂಡಿಯನ್ನು ಅಭಿವೃದ್ಧಿ ಪಡಿಸಲಾಗಿದೆ’ ಎಂದು ಹೇಳಿದರು.</p>.<p>‘ಒಳಚರಂಡಿ ಕಾಮಗಾರಿಗಳಿಂದ ಮುಂಗಾರು ಪೂರ್ವ ಮಳೆಯಲ್ಲಿ ಯಾವುದೇ ತಗ್ಗು ಪ್ರದೇಶದಲ್ಲಿ ನೀರು ನಿಂತಿಲ್ಲ. ಪಾದಯಾತ್ರೆಯಿಂದ ಈ ಮಾದರಿಯ ಅನುಕೂಲವಾಗಿದೆ’ ಎಂದು ತಿಳಿಸಿದರು.</p>.<p>‘ಲಲಿತಾದ್ರಿಪುರದಲ್ಲಿ ₹200 ಕೋಟಿ ವೆಚ್ಚದಲ್ಲಿ 1,460 ಗುಂಪು ಮನೆಗಳು ನಿರ್ಮಾಣವಾಗುತ್ತಿದ್ದು, ಕೃಷ್ಣರಾಜ ಕ್ಷೇತ್ರದ 940 ಫಲಾನುಭವಿಗಳಿಗೆ ಮನೆಗಳು ನಿಗದಿಯಾಗಿವೆ’ ಎಂದರು.</p>.<p>ಮಾಜಿ ಮೇಯರ್ಗಳಾದ ಸುನಂದಾ ಫಾಲನೇತ್ರ, ಶಿವಕುಮಾರ್, ಮುಖಂಡರಾದ ಗೋಪಾಲರಾಜ್, ಕೇಬಲ್ ಮಹೇಶ್, ಗಿರಿಧರ್, ಜೋಗಿ ಮಂಜು ಹಾಜರಿದ್ದರು.</p>.<p> ₹200 ಕೋಟಿ ವೆಚ್ಚದಲ್ಲಿ ಗುಂಪು ಮನೆ ಕ್ಷೇತ್ರದ 940 ಫಲಾನುಭವಿಗಳಿಗೆ ಮನೆ ಒಳಚರಂಡಿ ನಿರ್ಮಾಣ: ತಪ್ಪಿದ ಹಾನಿ</p><p>‘ಬೇರೆ ಕ್ಷೇತ್ರಗಳಿಗೆ ಅನುದಾನ: ಆಕ್ಷೇಪ’ ‘ಕೃಷ್ಣರಾಜ ಕ್ಷೇತ್ರಕ್ಕೆ ಮಂಜೂರಾಗಿದ್ದ ₹45 ಕೋಟಿ ಅನುದಾನವನ್ನು ಚಾಮರಾಜ ಹಾಗೂ ನರಸಿಂಹ ರಾಜ ಕ್ಷೇತ್ರಕ್ಕೆ ಈ ಹಿಂದಿನ ಪಾಲಿಕೆ ಆಯುಕ್ತರು ಬಳಕೆ ಮಾಡಿದ್ದು ಅದಕ್ಕೆ ವಿಧಾನಸಭೆಯಲ್ಲೂ ಆಕ್ಷೇಪ ವ್ಯಕ್ತಪಡಿಸಿದ್ದೆ’ ಎಂದು ಶ್ರೀವತ್ಸ ಹೇಳಿದರು. ‘ಗ್ಯಾರಂಟಿ ಯೋಜನೆಗಳಿಂದ ವಿಧಾನಸಭಾ ಕ್ಷೇತ್ರದ ಅಭಿವೃದ್ಧಿಗೆ ಶಾಸಕರ ಅನುದಾನ ಬಿಡುಗಡೆಯಾಗಿಲ್ಲ. ಈ ಹಿಂದಿನ ಸರ್ಕಾರ ಬಿಡುಗಡೆ ಮಾಡಿದ್ದ ಅನುದಾನದಲ್ಲೇ ಅಭಿವೃದ್ಧಿ ಕಾರ್ಯ ನಡೆದಿದೆ’ ಎಂದು ಬೇಸರ ವ್ಯಕ್ತಪಡಿಸಿದರು. ‘ಅಶೋಕಪುರಂನ ವೀಳ್ಯೆದೆಲೆ ಬೆಳೆಗಾರರಿಗೆ ಪರ್ಯಾಯವಾಗಿ 5 ಗುಂಟೆ ಜಮೀನು ನೀಡುವ ಬಗ್ಗೆ ವಿಧಾನಸಭೆಯಲ್ಲಿ ಧ್ವನಿ ಎತ್ತಿದ್ದೆ. ಶೀಘ್ರದಲ್ಲೇ ಫಲಾನುಭವಿಗಳಿಗೆ ಹಕ್ಕುಪತ್ರ ನೀಡಲಾಗುವುದು’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>