<p><strong>ನಂಜನಗೂಡು</strong>: ಮಹಾತ್ಮ ಗಾಂಧಿ ನರೇಗಾ ಯೋಜನೆಯಲ್ಲಿ ಗ್ರಾಮೀಣ ಕಾರ್ಮಿಕರ ಮಕ್ಕಳ ಲಾಲನೆ ಪಾಲನೆಗಾಗಿ ಇಲ್ಲಿನ 18 ಗ್ರಾಮ ಪಂಚಾಯ್ತಿಗಳ ವ್ಯಾಪ್ತಿಯಲ್ಲಿ ‘ಕೂಸಿನ ಮನೆ’ ಶೀಘ್ರ ಬಾಗಿಲು ತೆರೆಯಲಿದೆ.</p>.<p>ತಾಲ್ಲೂಕಿನ ದೇಬೂರು, ದೇವನೂರು, ದೇವರಾಯಶೆಟ್ಟಿಪುರ, ದೇವಿರಮ್ಮನಹಳ್ಳಿ, ಹದಿನಾರು, ಹಾಡ್ಯ, ಹರದನಹಳ್ಳಿ, ಹುಲ್ಲಹಳ್ಳಿ, ಹುರಾ, ಕೋಣನೂರು, ನಗರ್ಲೆ, ನಲ್ಲಿತಾಳಪುರ, ನವಿಲೂರು, ನೇರಳೆ, ರಾಂಪುರ, ಸುತ್ತೂರು, ತಗಡೂರು, ತಾಂಡವಪುರ ಪಂಚಾಯಿತಿಗಳು ಯೋಜನೆಗೆ ಆಯ್ಕೆಯಾಗಿವೆ.</p>.<p>ಪಂಚಾಯಿತಿಯ ಕಟ್ಟಡಗಳಲ್ಲಿ ಭರದ ಸಿದ್ಧತೆ ನಡೆದಿದ್ದು, ನರೇಗಾ ಕಾಮಗಾರಿಗಳಲ್ಲಿ ಮಹಿಳೆಯರ ಭಾಗವಹಿಸುವಿಕೆಯನ್ನು ಪ್ರೋತ್ಸಾಹಿಸುವುದರ ಜೊತೆಗೆ ಕಾರ್ಮಿಕರ ಮಕ್ಕಳನ್ನು ಪೋಷಿಸುವುದು ಕೇಂದ್ರದ ಉದ್ದೇಶ.</p>.<p>ಆರು ತಿಂಗಳಿನಿಂದ 3 ವರ್ಷದೊಳಗಿನ ಮಕ್ಕಳ ವ್ಯವಸ್ಥಿತ ಪಾಲನೆ, ಪೋಷಣೆ ಮಾಡಲಾಗುತ್ತದೆ. ಮಕ್ಕಳ ಪೋಷಣೆಗೆ ಹೆಚ್ಚು ಸಮಯ ನೀಡಲು ಸಾಧ್ಯವಾಗದವರು, ಕೂಸಿನ ಮನೆಯಲ್ಲಿ ಬಿಟ್ಟು ತಮ್ಮ ಕೆಲಸಕ್ಕೆ ತೆರಳಲು ಇದು ಅನುಕೂಲ ಕಲ್ಪಿಸುತ್ತದೆ.</p>.<p>ತಾಯಂದಿರು ಎದೆ ಹಾಲುಣಿಸಲು ಪ್ರತ್ಯೇಕ ಸ್ಥಳ, ಮಕ್ಕಳ ಚಟುವಟಿಕೆ ಪ್ರದರ್ಶನ ಫಲಕ, ಶುದ್ಧ ಕುಡಿಯುವ ನೀರು, ಸುಸಜ್ಜಿತ ಅಡುಗೆ ಕೋಣೆ, ಶೌಚಾಲಯ ಸೌಕರ್ಯವಿರಲಿದೆ. ಮಧ್ಯಾಹ್ನದ ಊಟ, ಸಂಜೆ ಉಪಾಹಾರ, ಪೌಷ್ಟಿಕ ಆಹಾರ, ಹಾಲು ನೀಡಲಾಗುತ್ತದೆ.</p>.<p>ತರಬೇತಿ: ಪ್ರತಿ ಗ್ರಾಮ ಪಂಚಾಯಿತಿಗೆ 8 ಮಂದಿಯಂತೆ, 25 ರಿಂದ 45 ವಯೋಮಾನದ, ಜಾಬ್ ಕಾರ್ಡ್ ಹೊಂದಿರುವ ಸ್ಥಳೀಯ ಮಹಿಳೆಯರನ್ನು ಆಯ್ಕೆ ಮಾಡಿ, ತರಬೇತಿ ನೀಡಲಾಗಿದೆ. ಮೊದಲ ಹಂತದಲ್ಲಿ, 60ಕ್ಕೂ ಹೆಚ್ಚು ಮಹಿಳೆಯರಿಗೆ ತರಬೇತಿ ನೀಡಲಾಗಿದೆ. ಈ ಆರೈಕೆದಾರರು ಜಾಬ್ ಕಾರ್ಡ್ ಆಧಾರದಲ್ಲಿ ಒಂದು ಬಾರಿ ಇಬ್ಬರಂತೆ 100 ದಿನಗಳ ಕೆಲಸ ಮಾಡಲು ಅವಕಾಶವಿದ್ದು, ಅವರಿಗೆ ದಿನಕ್ಕೆ ₹ 316 ಸಂಭಾವನೆ ನೀಡಲಾಗುವುದು. ಮಕ್ಕಳ ಆಹಾರ, ಆರೋಗ್ಯ, ಸುರಕ್ಷತೆ, ಸ್ವಚ್ಛತೆ ಬಗೆಗೆ ತಿಳಿಸಿಕೊಡಲಾಗಿದೆ. ಪ್ರಾತ್ಯಕ್ಷಿಕೆ, ಹಾಡು-ನೃತ್ಯ, ಆಟದ ಮೂಲಕ ಪಾಠ ನಡೆಯಲಿದೆ.</p>.<p>3 ವರ್ಷದೊಳಗಿನ ಶಿಶುಗಳ ಪಾಲನೆ ಆರೈಕೆದಾರರಿಗೆ ತರಬೇತಿ ಪೂರ್ಣ ನೀರು, ಶೌಚಾಲಯ, ಅಡುಗೆ ಕೋಣೆ</p>.<div><blockquote>ಮಕ್ಕಳ ಸಮಗ್ರ ಬೆಳವಣಿಗೆಗೆ ತಕ್ಕಂತೆ ಕೇಂದ್ರದಲ್ಲಿ ಆಕರ್ಷಕ ಕಾರ್ಟೂನ್ ಪೇಂಟಿಂಗ್ ಮಾಡಿಸಲಾಗಿದೆ. ಶೀಘ್ರ ಕೂಸಿನ ಮನೆಗಳು ಆರಂಭವಾಗಲಿವೆ. </blockquote><span class="attribution">ಜೆರಾಲ್ಡ್ ರಾಜೇಶ್ ತಾ.ಪಂ ಇಒ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನಂಜನಗೂಡು</strong>: ಮಹಾತ್ಮ ಗಾಂಧಿ ನರೇಗಾ ಯೋಜನೆಯಲ್ಲಿ ಗ್ರಾಮೀಣ ಕಾರ್ಮಿಕರ ಮಕ್ಕಳ ಲಾಲನೆ ಪಾಲನೆಗಾಗಿ ಇಲ್ಲಿನ 18 ಗ್ರಾಮ ಪಂಚಾಯ್ತಿಗಳ ವ್ಯಾಪ್ತಿಯಲ್ಲಿ ‘ಕೂಸಿನ ಮನೆ’ ಶೀಘ್ರ ಬಾಗಿಲು ತೆರೆಯಲಿದೆ.</p>.<p>ತಾಲ್ಲೂಕಿನ ದೇಬೂರು, ದೇವನೂರು, ದೇವರಾಯಶೆಟ್ಟಿಪುರ, ದೇವಿರಮ್ಮನಹಳ್ಳಿ, ಹದಿನಾರು, ಹಾಡ್ಯ, ಹರದನಹಳ್ಳಿ, ಹುಲ್ಲಹಳ್ಳಿ, ಹುರಾ, ಕೋಣನೂರು, ನಗರ್ಲೆ, ನಲ್ಲಿತಾಳಪುರ, ನವಿಲೂರು, ನೇರಳೆ, ರಾಂಪುರ, ಸುತ್ತೂರು, ತಗಡೂರು, ತಾಂಡವಪುರ ಪಂಚಾಯಿತಿಗಳು ಯೋಜನೆಗೆ ಆಯ್ಕೆಯಾಗಿವೆ.</p>.<p>ಪಂಚಾಯಿತಿಯ ಕಟ್ಟಡಗಳಲ್ಲಿ ಭರದ ಸಿದ್ಧತೆ ನಡೆದಿದ್ದು, ನರೇಗಾ ಕಾಮಗಾರಿಗಳಲ್ಲಿ ಮಹಿಳೆಯರ ಭಾಗವಹಿಸುವಿಕೆಯನ್ನು ಪ್ರೋತ್ಸಾಹಿಸುವುದರ ಜೊತೆಗೆ ಕಾರ್ಮಿಕರ ಮಕ್ಕಳನ್ನು ಪೋಷಿಸುವುದು ಕೇಂದ್ರದ ಉದ್ದೇಶ.</p>.<p>ಆರು ತಿಂಗಳಿನಿಂದ 3 ವರ್ಷದೊಳಗಿನ ಮಕ್ಕಳ ವ್ಯವಸ್ಥಿತ ಪಾಲನೆ, ಪೋಷಣೆ ಮಾಡಲಾಗುತ್ತದೆ. ಮಕ್ಕಳ ಪೋಷಣೆಗೆ ಹೆಚ್ಚು ಸಮಯ ನೀಡಲು ಸಾಧ್ಯವಾಗದವರು, ಕೂಸಿನ ಮನೆಯಲ್ಲಿ ಬಿಟ್ಟು ತಮ್ಮ ಕೆಲಸಕ್ಕೆ ತೆರಳಲು ಇದು ಅನುಕೂಲ ಕಲ್ಪಿಸುತ್ತದೆ.</p>.<p>ತಾಯಂದಿರು ಎದೆ ಹಾಲುಣಿಸಲು ಪ್ರತ್ಯೇಕ ಸ್ಥಳ, ಮಕ್ಕಳ ಚಟುವಟಿಕೆ ಪ್ರದರ್ಶನ ಫಲಕ, ಶುದ್ಧ ಕುಡಿಯುವ ನೀರು, ಸುಸಜ್ಜಿತ ಅಡುಗೆ ಕೋಣೆ, ಶೌಚಾಲಯ ಸೌಕರ್ಯವಿರಲಿದೆ. ಮಧ್ಯಾಹ್ನದ ಊಟ, ಸಂಜೆ ಉಪಾಹಾರ, ಪೌಷ್ಟಿಕ ಆಹಾರ, ಹಾಲು ನೀಡಲಾಗುತ್ತದೆ.</p>.<p>ತರಬೇತಿ: ಪ್ರತಿ ಗ್ರಾಮ ಪಂಚಾಯಿತಿಗೆ 8 ಮಂದಿಯಂತೆ, 25 ರಿಂದ 45 ವಯೋಮಾನದ, ಜಾಬ್ ಕಾರ್ಡ್ ಹೊಂದಿರುವ ಸ್ಥಳೀಯ ಮಹಿಳೆಯರನ್ನು ಆಯ್ಕೆ ಮಾಡಿ, ತರಬೇತಿ ನೀಡಲಾಗಿದೆ. ಮೊದಲ ಹಂತದಲ್ಲಿ, 60ಕ್ಕೂ ಹೆಚ್ಚು ಮಹಿಳೆಯರಿಗೆ ತರಬೇತಿ ನೀಡಲಾಗಿದೆ. ಈ ಆರೈಕೆದಾರರು ಜಾಬ್ ಕಾರ್ಡ್ ಆಧಾರದಲ್ಲಿ ಒಂದು ಬಾರಿ ಇಬ್ಬರಂತೆ 100 ದಿನಗಳ ಕೆಲಸ ಮಾಡಲು ಅವಕಾಶವಿದ್ದು, ಅವರಿಗೆ ದಿನಕ್ಕೆ ₹ 316 ಸಂಭಾವನೆ ನೀಡಲಾಗುವುದು. ಮಕ್ಕಳ ಆಹಾರ, ಆರೋಗ್ಯ, ಸುರಕ್ಷತೆ, ಸ್ವಚ್ಛತೆ ಬಗೆಗೆ ತಿಳಿಸಿಕೊಡಲಾಗಿದೆ. ಪ್ರಾತ್ಯಕ್ಷಿಕೆ, ಹಾಡು-ನೃತ್ಯ, ಆಟದ ಮೂಲಕ ಪಾಠ ನಡೆಯಲಿದೆ.</p>.<p>3 ವರ್ಷದೊಳಗಿನ ಶಿಶುಗಳ ಪಾಲನೆ ಆರೈಕೆದಾರರಿಗೆ ತರಬೇತಿ ಪೂರ್ಣ ನೀರು, ಶೌಚಾಲಯ, ಅಡುಗೆ ಕೋಣೆ</p>.<div><blockquote>ಮಕ್ಕಳ ಸಮಗ್ರ ಬೆಳವಣಿಗೆಗೆ ತಕ್ಕಂತೆ ಕೇಂದ್ರದಲ್ಲಿ ಆಕರ್ಷಕ ಕಾರ್ಟೂನ್ ಪೇಂಟಿಂಗ್ ಮಾಡಿಸಲಾಗಿದೆ. ಶೀಘ್ರ ಕೂಸಿನ ಮನೆಗಳು ಆರಂಭವಾಗಲಿವೆ. </blockquote><span class="attribution">ಜೆರಾಲ್ಡ್ ರಾಜೇಶ್ ತಾ.ಪಂ ಇಒ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>