ಪಶು ವೀಕ್ಷಕನ ಅವೈಜ್ಞಾನಿಕ ಚಿಕಿತ್ಸೆಯಿಂದ ಎಮ್ಮೆ ಸಾವು

ಹೊಸನಗರ: ಕರು ಹಾಕಿದ್ದ ಎಮ್ಮೆಯ ಗರ್ಭಕೋಶಕ್ಕೆ, ವೇಲ್ ಹರಿದು ದಾರ ವನ್ನಾಗಿ ಮಾಡಿಕೊಂಡ ಪಶು ವೀಕ್ಷಕ ದಬ್ಬಳದಿಂದ ಹೊಲಿಗೆ ಹಾಕಿದರು. ಇದರಿಂದ ಎಮ್ಮೆ ಮೃತಪಟ್ಟಿದೆ ಎಂದು ಮಾಲೀಕರು ಆರೋಪಿಸಿದ್ದಾರೆ.

. ತಾಲ್ಲೂಕಿನ ಮಾರುತಿಪುರ ಬಳಿಯ ಅರಗೋಡಿ ಗ್ರಾಮದ ರೈತ ಶಿವಾನಂದ ಅವರ ಎಮ್ಮೆಯು ಭಾನುವಾರ ಮೃತಪಟ್ಟಿದ್ದು, ಪಶು ವೀಕ್ಷಕ ಅವೈಜ್ಞಾನಿಕ ಚಿಕಿತ್ಸೆ ನೀಡಿದ್ದರಿಂದ ಸಾವನ್ನಪ್ಪಿದೆ. ಪ್ರಸವದ ಸಮಯದಲ್ಲಿ ವೈದ್ಯರು ಸಿಗದೇ ಆನಂತರ ನಂತರ ಬಂದ ಪಶು ವೀಕ್ಷಕರ ಚಿಕಿತ್ಸಾ ವಿಧಾನದಿಂದ ಬಾಣಂತಿ ಎಮ್ಮೆ ಅಸುನೀಗಿದೆ ಎಂದಿದ್ದಾರೆ.

. ‘4 ದಿನಗಳ ಹಿಂದೆ ನಮ್ಮ ಮನೆಯ ಎಮ್ಮೆ, ಕರು ಹಾಕುವ ಸಮಯದಲ್ಲಿ ತೀರಾ ಒದ್ದಾಡುತ್ತಿತ್ತು. ತಾಲ್ಲೂಕಿನ ಪಶು ವೈದ್ಯ ಇಲಾಖೆಯನ್ನು ಸಂಪರ್ಕಿಸಿದಾಗ ಇಲಾಖೆಯ ಯಾವ ಸಿಬ್ಬಂದಿಯೂ ಸ್ಪಂದಿಸಲಿಲ್ಲ’ ಎಂದು ಮಾಲೀಕ ಶಿವಾನಂದ ದೂರಿದರು.

. ‘ಎಮ್ಮೆಯು ಕರು ಹಾಕುವ ಸಮಯದಲ್ಲಿ ಹೊಸನಗರದ ಪಶು ಆಸ್ಪತ್ರೆಗೆ ಹೋದೆ. ಕೂಡಲೇ ಬನ್ನಿ ಎಂದು ಮನವಿ ಮಾಡಿದೆ. ತಮ್ಮ ವ್ಯಾಪ್ತಿಗೆ ಬರುವುದಿಲ್ಲ’ ಎಂದು ಸಬೂಬು ಹೇಳಿದರು ಎಂದರು.

. ‘ಸ್ಥಳೀಯ ಪಶು ಇನ್ಸ್ಪೆಕ್ಟರ್ ಸರಿಯಾದ ಸಮಯಕ್ಕೆ ಬಾರದೇ ಎರಡು ದಿನಗಳ ನಂತರ ಬಂದರು. ಇಲಾಖೆಯ ಔಷಧ, ಮಾತ್ರೆ, ಇಂಜೆಕ್ಷನ್ ಕೊಟ್ಟರೂ ಖಾಸಗಿ ಆಸ್ಪತ್ರೆಯಿಂದ ತಂದಿದ್ದು ಎಂದು ಕಾರಣ ಹೇಳಿ ಸಾವಿರಾರು ರೂಪಾಯಿ ತೆಗೆದುಕೊಂಡರು’ ಎಂದು ಆರೋಪಿಸಿದರು.

. ಆರೈಕೆ ಮಾಡಿ ಒಂದು ದಿನ ಕಳೆದರೂ ಅಧಿಕ ರಕ್ತ ಸ್ರಾವವಾಗುತ್ತಿದ್ದುದರಿಂದ ಪಶು ವೀಕ್ಷಕ ನಾಗೇಂದ್ರ ಅವರು ಬಂದು, 'ಮನೆಯಲ್ಲಿದ್ದ ಚೂಡಿದಾರದ ವೇಲ್ ಅನ್ನು ಹರಿದು ಅದನ್ನು ದಾರವಾಗಿ ಮಾಡಿಕೊಂಡು ಗೋಣಿ ಚೀಲ ಹೊಲಿಯುವ ದಬ್ಬಳದಿಂದ ಎಮ್ಮೆಯ ಗರ್ಭಕೋಶದ ಹೊರಭಾಗಕ್ಕೆ ಹೊಲಿಗೆ ಹಾಕಿ ಎಲ್ಲಾ ಸರಿ ಹೋಗುತ್ತೆ ಎಂದು ಹೊರಟರು. ಇದರಿಂದಾಗಿ ಎಮ್ಮೆ ಅಸುನೀಗಿದೆ’ ಶಿವಾನಂದ ದೂರಿದರು.

. ಗಣತಿ ಮಾಡದ ಇಲಾಖೆ: ‘ ಪಶು ವೈದ್ಯ ಇಲಾಖೆಯಿಂದ ಜಾನುವಾರು ಗಣತಿ ಸಹ ಮಾಡಿಲ್ಲ. ಗಣತಿ ಮಾಡಿ, ಬ್ಯಾಡ್ಜ್ ಹಾಕಿದ್ದರೆ ಕನಿಷ್ಠ ಸರ್ಕಾರದಿಂದ ವಿಮೆಯ ಹಣವಾದರೂ ಬರುತ್ತಿತ್ತು. ₹ 30 ಸಾವಿರ ಬೆಲೆಯ ಎಮ್ಮೆ ಕಳೆದುಕೊಂಡೆ. ನಯಾಪೈಸೆ ಪರಿಹಾರ ಬಂದಿಲ್ಲ’ ಎಂದು ರೈತ ಶಿವಾನಂದ ನೊಂದು ನುಡಿದರು.

. ‘ಇಷ್ಟು ಮುಂದುವರಿದ ಕಾಲದಲ್ಲಿಯೂ ವೇಲ್, ದಬ್ಬಳ ಬಳಸಿ ಎಮ್ಮೆಗೆ ಅಮಾನುಷವಾಗಿ ಚಿಕಿತ್ಸೆ ಮಾಡಿದ್ದಾರೆ. ಪಶು ವೀಕ್ಷಕನ ಅಸಮರ್ಥತೆಯಿಂದ ಎಮ್ಮೆ ಪ್ರಾಣ ಬಿಟ್ಟಿದೆ. ಇಂತಹ ಸಿಬ್ಬಂದಿ ಮೇಲೆ ಶಿಸ್ತು ಕ್ರಮ ಜರುಗಿಸಬೇಕು. ರೈತನಿಗೆ ಪರಿಹಾರ ನೀಡಬೇಕು’ ಎಂದು ಪಿಕಾರ್ಡ್ ಬ್ಯಾಂಕ್ ಅಧ್ಯಕ್ಷ ಎಂ.ವಿ. ಜಯರಾಮ್ ಒತ್ತಾಯಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಶು ವೀಕ್ಷಕನ ಅವೈಜ್ಞಾನಿಕ ಚಿಕಿತ್ಸೆಯಿಂದ ಎಮ್ಮೆ ಸಾವು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು