ಚತುಷ್ಪತ ರಸ್ತೆ | ಅವೈಜ್ಞಾನಿಕ ಕಾಮಗಾರಿ: 50ಕ್ಕೂ ಹೆಚ್ಚು ಗುಡ್ಡ ನೆಲಸಮ

ಕಳೆದ ಐದು ವರ್ಷಗಳಿಂದ ತೀರ್ಥಹಳ್ಳಿ ತಾಲ್ಲೂಕಿನಲ್ಲಿ 25ಕ್ಕೂ ಹೆಚ್ಚು ಕಡೆ ಗುಡ್ಡಗಳು ಕುಸಿದಿವೆ. 2019ರಲ್ಲಿ ಮಂಡಗದ್ದೆ ಸಮೀಪದ ಹೆಗಲತ್ತಿ 2021ರಲ್ಲಿ ಹೆಗ್ಗಾರು 2023ರಲ್ಲಿ ಆಗುಂಬೆ ಘಾಟಿಯ 17ನೇ ತಿರುವು ಸೇರಿದಂತೆ ಬೊಬ್ಬಿ ಬೋಳಾರು ನೆಲ್ಲಿಗುಡ್ಡ ಹುಲಿಗುಡ್ಡ ಆರಗ ಸಮೀಪದ ಬೋಳುಗುಡ್ಡ ಕವಲೇದುರ್ಗಾ ಅಲಸೆ ಹೆಬ್ಬಳ್ಳಿ ಶಂಕರ ಯಡೇಹಳ್ಳಿ ಸಮೀಪದ ಕೆರೆಗುಡ್ಡ ಎರಡು ವರ್ಷಗಳಿಂದೀಚೆ ಭಾರತೀಪುರ ತಿರುವಿನಲ್ಲಿ 17 ಕಡೆಗಳಲ್ಲಿ ಗುಡ್ಡ ಜರುಗಿದೆ. ರಸ್ತೆ ವಿಸ್ತರಣೆಗಾಗಿ ಜೆಸಿಬಿ ಯಂತ್ರದ ಬಳಕೆ ಹೆಚ್ಚುತ್ತಿದೆ. ಮರ ಧರೆ ಗುಡ್ಡವನ್ನು ಸಲೀಸಾಗಿ ನೆಲಸಮ ಮಾಡಲಾಗುತ್ತಿದೆ. ರಸ್ತೆ ಮಾಡುವಾಗ ಭಾರೀ ಪ್ರಮಾಣದಲ್ಲಿ ವೈಬ್ರೇಟರ್‌ ಬುಲ್ಡೋಜರ್‌ ಬಳಕೆ ಇಳಿಜಾರು ಮಾದರಿಯಲ್ಲಿ ಗುಡ್ಡದ ಮಣ್ಣು ತೆಗೆಯದ ಕಾರಣದಿಂದ ಸುತ್ತಮುತ್ತಲ ಸೂಕ್ಷ್ಮ ಪ್ರದೇಶ ನಡುಗುತ್ತಿವೆ. ಇದು ಅನಾಹುತಕ್ಕೆ ಪ್ರಮುಖ ಕಾರಣವಾಗಿದೆ.

ಭೂ ಬಳಕೆ ನಕ್ಷೆ ಇಲ್ಲದೆ ಹೆದ್ದಾರಿ ರೈಲುಮಾರ್ಗ ಬೃಹತ್‌ ನೀರಾವರಿ ಕಾಲುವೆಯಿಂದ ಭೂ ಕುಸಿತವಾಗುತ್ತಿದೆ. ಶಿವಮೊಗ್ಗ ಕೊಡಗು ದಕ್ಷಿಣ ಕನ್ನಡ ಬೆಳಗಾವಿ ಚಿಕ್ಕಮಗಳೂರು ಹಾಸನ ಉಡುಪಿ ಕಾರವಾರ ಜಿಲ್ಲೆಗಳು ಭೂಕುಸಿತ ಪ್ರದೇಶವೆಂದು 2021ರಲ್ಲಿ ಭೂಕುಸಿತ ಅಧ್ಯಯನ ಸಮಿತಿ ವರದಿ ಸಲ್ಲಿಸಿದೆ. ಆದರೆ ವರದಿ ಗಂಭೀರತೆಯನ್ನು ಸರ್ಕಾರ ಕಡೆಗಣಿಸಿದೆ.