ಇಂದು ಕಾರ್ಮಿಕ ದಿನಾಚರಣೆ: ಹಕ್ಕುಗಳಿಗೆ ಕಾರ್ಮಿಕರ ಕಾನೂನು ಹೋರಾಟ

ಭದ್ರಾವತಿ: ‘ಸರ್, ನಿಮ್ಮ ಹಕ್ಕಿನ ಕಾನೂನು ಹೋರಾಟ ಎಲ್ಲಿಗೆ ಬಂತು’ಎಂದು ಪ್ರಶ್ನಿಸಿದರೆ, ಸದ್ಯ ಕೋರ್ಟ್ ರಜೆ ಇದೆ ಸಾರ್. ಜೂನ್ ನಂತರದಲ್ಲಿ ಪುನಃ ಆರಂಭ ಆಗುತ್ತೆ’ ಎಂದು ಎಂಪಿಎಂ ಕಾರ್ಮಿಕ ಸಂಘದ ಅಧ್ಯಕ್ಷ ಎಸ್. ಚಂದ್ರಶೇಖರ್ ಹೇಳಿದರು.

. 2015 ನವೆಂಬರ್ ತಿಂಗಳಲ್ಲಿ ಎಂಪಿಎಂ ಕಾರ್ಖಾನೆ 1200 ಮಂದಿಗೆ ಸ್ವಯಂ ನಿವೃತ್ತಿ ಘೋಷಿಸುವ ಮೂಲಕ ಸಹಸ್ರಾರು ಗುತ್ತಿಗೆ ಕಾರ್ಮಿಕರಿಗೂ ಬಾಕಿ ವೇತನ ಸೇರಿ ಕೊಡುವುದನ್ನು ಕೊಟ್ಟು ಕಾರ್ಖಾನೆ ಉತ್ಪಾದನೆ ಸ್ಥಗಿತ ಮಾಡಿದ್ದು ಈಗ ಇತಿಹಾಸ.

. ಕೆಲವು ನೌಕರರು ಎಂಪಿಎಂ ಕಡೆಯಿಂದ ಬೇರೊಂದಿಷ್ಟು ರಾಜ್ಯ ಸರ್ಕಾರದ ನಿಗಮ, ಮಂಡಳಿಗಳಿಗೆ ಎರವಲು ಸೇವೆ ಮೇಲೆ ತೆರಳಿದರೆ ಇನ್ನು ನೂರಕ್ಕೂ ಅಧಿಕ ಮಂದಿ ಸ್ವಯಂ ನಿವೃತ್ತಿಗೆ ಅರ್ಜಿ ಹಾಕದೆ ಕಾನೂನು ಸಮರ ಮೂಲಕ ಎಂಪಿಎಂ ನೌಕರರಾಗಿ ಬದುಕು ಸವೆಸಲು ಮುಂದಾಗಿದ್ದಾರೆ.

. ಇದಕ್ಕೂ ಸಂಚಕಾರ ಎಂಬಂತೆ ಕಳೆದ ವರ್ಷದ ಸೆಪ್ಟೆಂಬರ್ 7 ರಂದು ರಾಜ್ಯ ಸರ್ಕಾರ ಹೊರಡಿಸಿದ ಕ್ಲೋಸರ್ ಆದೇಶದಂತೆ ಎಂಪಿಎಂ ಬಂದ್ ಆಯಿತು. ಆದರೆ ಈ ನೌಕರರು ಮಾತ್ರ ಜಗ್ಗದೆ ಈಗಲೂ ತಮ್ಮ ಕಾನೂನು ಸಮರದ ಹೋರಾಟ ಮುನ್ನಡೆಸುತ್ತಿದ್ದಾರೆ.

. ನ್ಯಾಯಾಲಯದತ್ತ ಮುಖ: ‘ಕಾರ್ಖಾನೆ ಕಡೆಯಿಂದ ತಮಗೆ ಬರಬೇಕಾದ ನೆರವು ಹಾಗೂ ಇನ್ನಿತರೆ ಬಾಕಿ ವೇತನ, ತುಟ್ಟಿಭತ್ಯೆ ಹಾಗೂ ನೌಕರರಾಗಿ ತಮ್ಮನ್ನು ಮುಂದುವರಿಸುವ ಸಂಬಂಧ ಕಾನೂನು ಸಮರ ನಡೆಸಿದ್ದೇವೆ’ ಎನ್ನುತ್ತಾರೆತಮ್ಮ ಹಕ್ಕಿನ ರಕ್ಷಣೆಗಾಗಿ ಕಾನೂನು ಸಮರ ನಡೆಸಿರುವ ಸದ್ಯದ ನೌಕರರ ಸಂಘದ ಅಧ್ಯಕ್ಷ ಎಸ್. ಚಂದ್ರಶೇಖರ್.

. ಎಂಪಿಎಂ ಅರಣ್ಯವನ್ನು ಕಾರ್ಖಾನೆ ಪಾಲಿಗೆ ಮುಂದಿನ ಮೂವತ್ತು ವರ್ಷಗಳ ತನಕ ಮುಂದುವರಿಸುವ ನಿರ್ಧಾರ ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರ್ಕಾರದ ಸಚಿವ ಸಂಪುಟದ ಕೈಗೊಂಡಿದ್ದ ನಿರ್ಧಾರ ಹೊಸ ಭರವಸೆ ಮೂಡಿಸಿತ್ತು. ಆದರೆ ಮಂದಗತಿಯ ಹೆಜ್ಜೆಗಳು ವಿಳಂಬಕ್ಕೆಕಾರಣ ಎನ್ನುತ್ತಾರೆ ಅಧಿಕಾರಿಗಳು.

. 72 ಜನರ ಸಂಕಷ್ಟ: ‘131 ಮಂದಿಗೆ ಎರವಲು ಸೇವೆ ಮೇಲೆ ಸರ್ಕಾರದ ವಿವಿಧ ಇಲಾಖೆ, ನಿಗಮಗಳಲ್ಲಿ ಕೆಲಸ ನಿರ್ವಹಿಸಲು ಅವಕಾಶ ಸಿಕ್ಕಿದ್ದು ಅವರಿಗೂ ವೇತನ ಸಿಗುತ್ತಿದೆ. ಆದರೆ 72 ಮಂದಿ ನೌಕರರು ಅತಂತ್ರ ಪರಿಸ್ಥಿತಿಯಲ್ಲಿದ್ದು, ವೇತನವೂ ಇಲ್ಲದೆ ಬದುಕು ನಡೆಸುವ ಪರಿಸ್ಥಿತಿ’ ಇದೆ ಎನ್ನುತ್ತಾರೆ ಚಂದ್ರಶೇಖರ್.

. ಮಾಜಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ, ಸಂಸದ ರಾಘವೇಂದ್ರ ಅವರ ಪ್ರಯತ್ನ ಫಲವಾಗಿ ಎರವಲು ಸೇವೆಯ ಭಾಗ್ಯ ಕೆಲವರಿಗೆ ಸಿಕ್ಕಿದ್ದು ಇದರ ಸದುಪಯೋಗವಾಗಿದೆ. ಆದರೆ ಭವಿಷ್ಯದ ದಿನದಲ್ಲಿ ಯಾವ ರೀತಿಯ ಸಂಕಷ್ಟ ಎದುರಾಗುತ್ತದೋ ಎಂಬ ಭಯದ ವಾತಾವರಣ ಮನೆ ಮಾಡಿದೆ ಎನ್ನುತ್ತಾರೆ ಅವರು.

. ಮೇ ದಿನದ ಕೆಂಬಣ್ಣ ಈಗಿಲ್ಲ: ಮೇ ದಿನಾಚರಣೆಯ ಕೆಂಬಣ್ಣದ ರಂಗಿನ ಬಂಟಿಂಗ್ಸ್, ಧ್ವಜಗಳ ಹಾರಾಟ, ಕಾರ್ಮಿಕರ ಸಭೆಗಳು ಘೋಷಣೆಯ ಸದ್ದಿನ ಕಳೆಯನ್ನು ಏಳು ವರ್ಷಗಳಿಂದ ಕಳೆದುಕೊಂಡಿರುವ ಎಂಪಿಎಂ ಕಾರ್ಖಾನೆ ಹಾಗೂ ಸುತ್ತಲಿನ ಕಾರ್ಮಿಕ ವಸತಿ ಗೃಹಗಳ ಸಮುಚ್ಛಯದಲ್ಲಿ ಇದೀಗ ಮೌನ ಆವರಿಸಿದೆ.

. ‘2015ರಲ್ಲಿ ಕಾರ್ಖಾನೆ ನಷ್ಟದ ನೆಪದಲ್ಲಿ ಸ್ವಯಂ ನಿವೃತ್ತಿ ಯೋಚನೆ ಮಾಡಿದ ಸರ್ಕಾರ ಇದರ ಪುನಶ್ಚೇತನ ಕುರಿತು ನಕ್ಷೆ ತಯಾರು ಮಾಡದ ಕಾರಣ ಬದುಕು ಸಂಕಷ್ಟದಲ್ಲಿದೆ’ ಎನ್ನುವ ಕಾರ್ಮಿಕರು, ಕಾರ್ಖಾನೆ ಗತವೈಭವ ನೆನೆಯುತ್ತಾ ಮೌನಕ್ಕೆ ಶರಣಾಗುತ್ತಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಇಂದು ಕಾರ್ಮಿಕ ದಿನಾಚರಣೆ: ಹಕ್ಕುಗಳಿಗೆ ಕಾರ್ಮಿಕರ ಕಾನೂನು ಹೋರಾಟ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಸಂಕಷ್ಟದಲ್ಲಿ ಆಸ್ಟ್ರೇಲಿಯಾ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು