ಭದ್ರಾವತಿ | ಹೆಚ್ಚಿದ ಬಿಸಿಲ ತಾಪ; ಜನ ತಲ್ಲಣ

‘ಭದ್ರಾವತಿಯಲ್ಲಿ ಕಳೆದೊಂದು ವರ್ಷದಲ್ಲಿ 204 ಮರಗಳನ್ನು ಕಟಾವು ಮಾಡಲಾಗಿದೆ. ಶಾಲೆ– ಕಾಲೇಜು ಕಚೇರಿಗಳ ಬಳಿ ಅಡ್ಡಲಾಗಿರುವ 114 ಮರಗಳನ್ನು ಹರಾಜು ಪ್ರಕ್ರಿಯೆಯ ಮೂಲಕ ಧರೆಗುರುಳಿಸಲಾಗಿದೆ. ಇನ್ನು ಉಳಿದ 90 ಮರಗಳನ್ನು ರಸ್ತೆ ವಿಸ್ತರಣೆ ವೇಳೆ ಕಟಾವು ಮಾಡಲಾಗಿದೆ. ಬಿಎಚ್ ರಸ್ತೆಯಲ್ಲಿನ ದೊಡ್ಡದಾದ ಆಲ ಅರಳಿ ಮರಗಳನ್ನು ಬೇರು ಸಮೇತ ಕಿತ್ತು ನಗರದ ಅಶ್ವತ್ಥ ನಗರದ ಪ್ರದೇಶಕ್ಕೆ ಸ್ಥಳಾಂತರಿಸಲಾಗಿದೆ. ಅವುಗಳು ಪುನಃ ಚಿಗುರಿಕೊಳ್ಳುತ್ತಿವೆ. ಮುಂದಿನ ದಿನಗಳಲ್ಲಿ ಆಯಾ ಪ್ರದೇಶಗಳಲ್ಲಿ ಸಸಿ ನೆಡುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗುವುದು’ ಎಂದು ಆರ್‌ಎಫ್‌ಒ ದಿನೇಶ್ ತಿಳಿಸಿದರು.