<p><strong>ತುಮಕೂರು:</strong> ತುಮಕೂರು ನಗರವನ್ನು ಸೈಕ್ಲಿಂಗ್ ನಗರವನ್ನಾಗಿಸಲು ಮುಂದಾಗಿರುವ ನಗರಪಾಲಿಕೆಯು ಸ್ಮಾರ್ಟ್ ಸಿಟಿ ಯೋಜನೆಯಲ್ಲಿ ‘ಬೈಸಿಕಲ್ ಮೇಯರ್’ ಎಂಬ ಗೌರವಾನ್ವಿತ ಸ್ಥಾನ ಸೃಜಿಸಿದೆ.</p>.<p>ನಗರವನ್ನು ನೆದರ್ಲೆಂಡ್ ರಾಜಧಾನಿ ಆಮ್ಸ್ಟ್ರಡಂ ಮಾದರಿಯಲ್ಲಿ ಸೈಕ್ಲಿಂಗ್ ನಗರವಾಗಿಸುವುದು ಇದರ ಉದ್ದೇಶ. ಆಮ್ಸ್ಟ್ರಡಂ ಸಾಮಾಜಿಕ ಉದ್ಯಮವಾದ ಬಿವೈಸಿಎಸ್ ಸಹಯೋಗದಲ್ಲಿ ಈ ಸ್ಥಾನ ಸೃಜಿಸಲಾಗಿದೆ. ನಗರದ ನಿವಾಸಿಗಳು ಈ ಸ್ಥಾನದ ಆಕಾಂಕ್ಷಿಯಾಗಲು ಸ್ಮಾರ್ಟ್ ಸಿಟಿ ಸಂಸ್ಥೆಯು ಅವಕಾಶ ಕಲ್ಪಿಸಿದೆ.</p>.<p>‘ಬೈಸಿಕಲ್ ಮೇಯರ್’ 4 ವರ್ಷಗಳ ಕಾಲಾವಧಿಯ ಗೌರವಸ್ಥಾನವಾಗಿದೆ. ಈ ಸ್ಥಾನಕ್ಕೆ ಆಯ್ಕೆಯಾದವರು ತುಮಕೂರನ್ನು ಸೈಕ್ಲಿಂಗ್ ನಗರವನ್ನಾಗಿಸುವ ನಿಟ್ಟಿನಲ್ಲಿ ನಾಗರಿಕರು, ಸಂಘ ಸಂಸ್ಥೆಗಳ ಜತೆ ನಿಕಟ ಸಂಬಂಧ ಹೊಂದಿರಬೇಕು. ಸೈಕ್ಲಿಂಗ್ ಮತ್ತು ಸುಸ್ಥಿರ ಚಲನಶೀಲತೆಯನ್ನು ಸಕಾರಾತ್ಮಕ ರೀತಿಯಲ್ಲಿ ಬೆಳೆಸುವಲ್ಲಿ ಪ್ರಮುಖ ಪಾತ್ರವಹಿಸಬೇಕು.</p>.<p>ನಗರವನ್ನು ‘ಬೈಸಿಕಲ್ ಸ್ನೇಹಿ ನಗರ’ವನ್ನಾಗಿಸುವ ಆಲೋಚನೆ, ಪ್ರಸ್ತಾಪಗಳನ್ನು ಒದಗಿಸುವ ಹಾಗೂ ಸೈಕ್ಲಿಂಗ್ನಲ್ಲಿ ತೊಡಗಿರುವ ವಿವಿಧ ಸಂಸ್ಥೆಗಳೊಂದಿಗೆ ಸಮನ್ವಯ ಸಾಧಿಸಬೇಕು. ಎಲ್ಲಾ ವಯೋಮಾನದ ನಾಗರಿಕರನ್ನು ಸೈಕಲ್ ಉಪಯೋಗಿಸಲು ಪ್ರೋತ್ಸಾಹಿಸಬೇಕು. ಈ ನಿಟ್ಟಿನಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಬೇಕು.</p>.<p>ಸೈಕ್ಲಿಂಗ್ ಕುರಿತ ಯಶೋಗಾಥೆಗಳನ್ನು ಹಂಚಿಕೊಳ್ಳಬೇಕು. ಸೈಕ್ಲಿಂಗ್ ಮತ್ತು ಚಲನಶೀಲತೆಯ ಕಾರ್ಯಕ್ರಮಗಳಲ್ಲಿ ಹಾಜರಾಗುವ ಮೂಲಕ ಸ್ವಂತ ಸೈಕ್ಲಿಂಗ್ ಕಥೆಯನ್ನು ಸಾಮಾಜಿಕ ಮಾಧ್ಯಮ ಹಾಗೂ ಸಂದರ್ಶನಗಳ ಮೂಲಕ ಹಂಚಿಕೊಂಡು ನಾಗರಿಕರನ್ನು ಸೈಕ್ಲಿಂಗ್ನತ್ತ ಸೆಳೆಯಬೇಕು.</p>.<p>ಆಸಕ್ತರು ಸೆ. 24ರೊಳಗೆ https://airtable.com/shrlZGMN7H549KAPo ಲಿಂಕ್ ಮೂಲಕ ಅರ್ಜಿ ಸಲ್ಲಿಸಬಹುದು. ಆಯ್ಕೆಯು ಸಂದರ್ಶನವನ್ನು ಒಳಗೊಂಡಿರುತ್ತದೆ.</p>.<p>ಈಗಾಗಲೇ ಸ್ವಯಂ ಸೇವಕರಾಗಿ ಕಾರ್ಯನಿರ್ವಹಿಸುತ್ತಿರುವವರು ಅರ್ಜಿ ಸಲ್ಲಿಸಬಹುದು. ‘ಬೈಸಿಕಲ್ ಮೇಯರ್’ ಒಬ್ಬ ವ್ಯಕ್ತಿಯ ಸ್ಥಾನವಾದ್ದರಿಂದ ಯಾವುದೇ ಸಂಸ್ಥೆ ಅಥವಾ ಉತ್ಪನ್ನದ ಮಾಲೀಕರು ಅಥವಾ ವಾಣಿಜ್ಯ ಉದ್ದೇಶವಿರುವವರು ಅರ್ಜಿ ಸಲ್ಲಿಸುವಂತಿಲ್ಲ. ಹೆಚ್ಚಿನ ಮಾಹಿತಿಗಾಗಿ ಜಾಲತಾಣ https://bycs.org/ ಸಂಪರ್ಕಿಸಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತುಮಕೂರು:</strong> ತುಮಕೂರು ನಗರವನ್ನು ಸೈಕ್ಲಿಂಗ್ ನಗರವನ್ನಾಗಿಸಲು ಮುಂದಾಗಿರುವ ನಗರಪಾಲಿಕೆಯು ಸ್ಮಾರ್ಟ್ ಸಿಟಿ ಯೋಜನೆಯಲ್ಲಿ ‘ಬೈಸಿಕಲ್ ಮೇಯರ್’ ಎಂಬ ಗೌರವಾನ್ವಿತ ಸ್ಥಾನ ಸೃಜಿಸಿದೆ.</p>.<p>ನಗರವನ್ನು ನೆದರ್ಲೆಂಡ್ ರಾಜಧಾನಿ ಆಮ್ಸ್ಟ್ರಡಂ ಮಾದರಿಯಲ್ಲಿ ಸೈಕ್ಲಿಂಗ್ ನಗರವಾಗಿಸುವುದು ಇದರ ಉದ್ದೇಶ. ಆಮ್ಸ್ಟ್ರಡಂ ಸಾಮಾಜಿಕ ಉದ್ಯಮವಾದ ಬಿವೈಸಿಎಸ್ ಸಹಯೋಗದಲ್ಲಿ ಈ ಸ್ಥಾನ ಸೃಜಿಸಲಾಗಿದೆ. ನಗರದ ನಿವಾಸಿಗಳು ಈ ಸ್ಥಾನದ ಆಕಾಂಕ್ಷಿಯಾಗಲು ಸ್ಮಾರ್ಟ್ ಸಿಟಿ ಸಂಸ್ಥೆಯು ಅವಕಾಶ ಕಲ್ಪಿಸಿದೆ.</p>.<p>‘ಬೈಸಿಕಲ್ ಮೇಯರ್’ 4 ವರ್ಷಗಳ ಕಾಲಾವಧಿಯ ಗೌರವಸ್ಥಾನವಾಗಿದೆ. ಈ ಸ್ಥಾನಕ್ಕೆ ಆಯ್ಕೆಯಾದವರು ತುಮಕೂರನ್ನು ಸೈಕ್ಲಿಂಗ್ ನಗರವನ್ನಾಗಿಸುವ ನಿಟ್ಟಿನಲ್ಲಿ ನಾಗರಿಕರು, ಸಂಘ ಸಂಸ್ಥೆಗಳ ಜತೆ ನಿಕಟ ಸಂಬಂಧ ಹೊಂದಿರಬೇಕು. ಸೈಕ್ಲಿಂಗ್ ಮತ್ತು ಸುಸ್ಥಿರ ಚಲನಶೀಲತೆಯನ್ನು ಸಕಾರಾತ್ಮಕ ರೀತಿಯಲ್ಲಿ ಬೆಳೆಸುವಲ್ಲಿ ಪ್ರಮುಖ ಪಾತ್ರವಹಿಸಬೇಕು.</p>.<p>ನಗರವನ್ನು ‘ಬೈಸಿಕಲ್ ಸ್ನೇಹಿ ನಗರ’ವನ್ನಾಗಿಸುವ ಆಲೋಚನೆ, ಪ್ರಸ್ತಾಪಗಳನ್ನು ಒದಗಿಸುವ ಹಾಗೂ ಸೈಕ್ಲಿಂಗ್ನಲ್ಲಿ ತೊಡಗಿರುವ ವಿವಿಧ ಸಂಸ್ಥೆಗಳೊಂದಿಗೆ ಸಮನ್ವಯ ಸಾಧಿಸಬೇಕು. ಎಲ್ಲಾ ವಯೋಮಾನದ ನಾಗರಿಕರನ್ನು ಸೈಕಲ್ ಉಪಯೋಗಿಸಲು ಪ್ರೋತ್ಸಾಹಿಸಬೇಕು. ಈ ನಿಟ್ಟಿನಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಬೇಕು.</p>.<p>ಸೈಕ್ಲಿಂಗ್ ಕುರಿತ ಯಶೋಗಾಥೆಗಳನ್ನು ಹಂಚಿಕೊಳ್ಳಬೇಕು. ಸೈಕ್ಲಿಂಗ್ ಮತ್ತು ಚಲನಶೀಲತೆಯ ಕಾರ್ಯಕ್ರಮಗಳಲ್ಲಿ ಹಾಜರಾಗುವ ಮೂಲಕ ಸ್ವಂತ ಸೈಕ್ಲಿಂಗ್ ಕಥೆಯನ್ನು ಸಾಮಾಜಿಕ ಮಾಧ್ಯಮ ಹಾಗೂ ಸಂದರ್ಶನಗಳ ಮೂಲಕ ಹಂಚಿಕೊಂಡು ನಾಗರಿಕರನ್ನು ಸೈಕ್ಲಿಂಗ್ನತ್ತ ಸೆಳೆಯಬೇಕು.</p>.<p>ಆಸಕ್ತರು ಸೆ. 24ರೊಳಗೆ https://airtable.com/shrlZGMN7H549KAPo ಲಿಂಕ್ ಮೂಲಕ ಅರ್ಜಿ ಸಲ್ಲಿಸಬಹುದು. ಆಯ್ಕೆಯು ಸಂದರ್ಶನವನ್ನು ಒಳಗೊಂಡಿರುತ್ತದೆ.</p>.<p>ಈಗಾಗಲೇ ಸ್ವಯಂ ಸೇವಕರಾಗಿ ಕಾರ್ಯನಿರ್ವಹಿಸುತ್ತಿರುವವರು ಅರ್ಜಿ ಸಲ್ಲಿಸಬಹುದು. ‘ಬೈಸಿಕಲ್ ಮೇಯರ್’ ಒಬ್ಬ ವ್ಯಕ್ತಿಯ ಸ್ಥಾನವಾದ್ದರಿಂದ ಯಾವುದೇ ಸಂಸ್ಥೆ ಅಥವಾ ಉತ್ಪನ್ನದ ಮಾಲೀಕರು ಅಥವಾ ವಾಣಿಜ್ಯ ಉದ್ದೇಶವಿರುವವರು ಅರ್ಜಿ ಸಲ್ಲಿಸುವಂತಿಲ್ಲ. ಹೆಚ್ಚಿನ ಮಾಹಿತಿಗಾಗಿ ಜಾಲತಾಣ https://bycs.org/ ಸಂಪರ್ಕಿಸಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
