ಹುಳಿಯಾರು | ಪೊಲೀಸರಿಗಿಲ್ಲ ವ್ಯವಸ್ಥಿತ ವಸತಿಗೃಹ: ಸುತ್ತ ಗಿಡ–ಗಂಟಿ, ಸೋರುವ ಚಾವಣಿ

ಜನರಿಗೆ ರಕ್ಷಣೆ ನೀಡುವ ಪೊಲೀಸರಿಗೆ ನಿರ್ಭಯವಾಗಿ ವಾಸಿಸಲು ವಸತಿಗೃಹ ನಿರ್ಮಿಸಬೇಕು. ಹಲವು ವರ್ಷ ಕಳೆದರೂ ಸರ್ಕಾರ ಗೃಹಗಳನ್ನು ನಿರ್ಮಿಸದ ಕಾರಣ ಇಲ್ಲಿಗೆ ವರ್ಗವಾಗಿ ಬರುವ ಪೊಲೀಸರು ಬಾಡಿಗೆ ಮನೆಗೆ ಹುಡುಕಾಡುತ್ತಾರೆ.

ಸದಾ ಒತ್ತಡದಲ್ಲಿ ಕರ್ತವ್ಯನಿರ್ವಹಿಸುವ ಪೊಲೀಸರಿಗೆ ಸೂರಿನ ವ್ಯವಸ್ಥೆ ಕಲ್ಪಿಸುವುದು ಸರ್ಕಾರದ ಕರ್ತವ್ಯ. ಇತ್ತೀಚೆಗೆ ಒತ್ತಡದಲ್ಲಿ ಕೆಲಸ ನಿರ್ವಹಿಸಲು ಆಗದೆ ಹೃದಯ ಕಾಯಿಲೆಗೆ ಬಲಿಯಾಗುತ್ತಿದ್ದಾರೆ. ಅವರನ್ನು ಮತ್ತಷ್ಟು ಒತ್ತಡಕ್ಕೆ ಸಿಲುಕಿಸುವುದು ಸರಿಯಲ್ಲ.

ಪತ್ರಿಕೆ ಹಾಕಲು ದಿನವೂ ಪೊಲೀಸರ ವಸತಿ ಗೃಹಗಳಿಗೆ ತೆರಳುತ್ತೇನೆ. ಅಲ್ಲಿಗೆ ಹೋಗುವ ದಾರಿಯೇ ಉತ್ತಮವಾಗಿಲ್ಲ. ಮನೆಗಳ ಮುಂದೆ ಗಿಡಗಳು ಬೆಳೆದು ಅಲ್ಲಿಗೆ ಹೋಗುವುದು ದುಸ್ತರವಾಗಿದೆ.

ತಳಮಟ್ಟದಲ್ಲಿ ಕೆಲಸ ನಿರ್ವಹಿಸುವ ಪೊಲೀಸರಿಗೆ ಮೂಲ ಸೌಕರ್ಯ ಕಲ್ಪಿಸುವುದು ಸರ್ಕಾರದ ಕರ್ತವ್ಯ. ಹುಳಿಯಾರಿನ ಪೊಲೀಸ್‌ ವಸತಿ ಗೃಹಗಳನ್ನು ನೋಡಿದರೆ ಸರ್ಕಾರದ ನೀತಿಗಳು ಕಡತದಲ್ಲಿ ಮಾತ್ರ ಎಂಬುದು ಅರ್ಥವಾಗುತ್ತದೆ.

ಈಗಾಗಲೇ ಎರಡು ಕಟ್ಟಡಗಳ ನೆಲಸಮಕ್ಕೆ ಆದೇಶ ನೀಡಲಾಗಿದೆ. ಉಳಿದ ಕಟ್ಟಡದ ದುರಸ್ತಿ ಸೇರಿದಂತೆ ಹೊಸದಾಗಿ ವಸತಿ ಗೃಹ ನಿರ್ಮಿಸಲು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಕಚೇರಿಗೆ ಮನವಿ ಸಲ್ಲಿಸಲಾಗಿದೆ.