ಮಲ್ಪೆ ಬಂದರಿನಲ್ಲಿ ಭರ್ಜರಿ ಬೊಂಡಾಸ್‌ ಮೀನು

ಉಡುಪಿ : ಮೀನುಗಾರಿಕಾ ಋತುವಿನ ಆರಂಭದಲ್ಲೇ ಮೀನುಗಾರರ ಬಲೆಗೆ ಭರ್ಜರಿಯಾಗಿ ಬೊಂಡಾಸ್ (ಸ್ಕ್ವಿಡ್) ಮೀನುಗಳು ಬಿದ್ದಿವೆ. ಗುರುವಾರ ಮಲ್ಪೆಯ ಬಂದರಿನ ತುಂಬೆಲ್ಲ ಬೊಂಡಾಸ್ ಮೀನು ರಾಶಿ ಹಾಕಲಾಗಿತ್ತು.

. ಕೆಲ ದಿನಗಳ ಹಿಂದಷ್ಟೆ ಆಳಸಮುದ್ರ ಮೀನುಗಾರಿಕೆಗೆ ಇಳಿದಿದ್ದ ಮೀನುಗಾರರು ಉತ್ತಮ ಫಸಲಿನ ನಿರೀಕ್ಷೆಯಲ್ಲಿದ್ದರು. ಅದರಂತೆ ಮೀನುಗಾರರಿಗೆ ಬಂಪರ್ ಇಳುವರಿ ಸಿಕ್ಕಿದೆ. ಪ್ರತಿ ಬೋಟ್ಗೂ ತಲಾ 5 ರಿಂದ 6 ಟನ್ನಷ್ಟು ಬೊಂಡಾಸ್ ಲಭ್ಯವಾಗಿದೆ.

. ಬೆಲೆ ಕುಸಿತ: ಯಥೇಚ್ಛವಾಗಿ ಬೊಂಡಾಸ್ ಸಿಕ್ಕರೂ ಲಾಭ ಮಾತ್ರ ಮೀನುಗಾರರಿಗೆ ದಕ್ಕಲಿಲ್ಲ. ಮಾರುಕಟ್ಟೆಗೆ ಬೇಡಿಕೆಗಿಂತ ಹಲವು ಪಟ್ಟು ಹೆಚ್ಚು ಬೊಂಡಾಸ್ ಪೂರೈಕೆಯಾಗಿದ್ದರಿಂದ ಬೆಲೆ ದಿಢೀರ್ ಕುಸಿತವಾಯಿತು.

. ಸಾಮಾನ್ಯವಾಗಿ ದೊಡ್ಡಗಾತ್ರದ (ಎ ಗ್ರೇಡ್) ಬೊಂಡಾಸ್ ಕೆ.ಜಿಗೆ ₹ 400 ರಿಂದ ₹ 500ಕ್ಕೆ ಮಾರಾಟವಾಗುತ್ತಿತ್ತು. ಗುರುವಾರ ಕೆ.ಜಿಗೆ ₹ 80 ರಿಂದ ₹ 100ಕ್ಕೆ ಇಳಿಕೆಯಾಗಿತ್ತು. ಖರೀದಿದಾರರು ಇಲ್ಲದೆ ಮೀನುಗಾರರು ಆತಂಕದಲ್ಲಿದ್ದ ದೃಶ್ಯಗಳು ಬಂದರಿನಲ್ಲಿ ಕಾಣುತ್ತಿತ್ತು.

. ‘ಹೆಚ್ಚಿನ ಪ್ರಮಾಣದಲ್ಲಿ ಬೊಂಡಾಸ್ ಸಿಕ್ಕರೂ ಲಾಭ ಸಿಗದಂತಾಗಿದೆ. ಇದನ್ನು ಖರೀದಿಸಲು ಖರೀದಿದಾರರು ಆಸಕ್ತಿ ತೋರುತ್ತಿಲ್ಲ. ಈ ಮೀನಿಗೆ ಗಾಳಿ ತಾಗಿದರೆ ಬೇಗ ಕೊಳೆತುಹೋಗುತ್ತದೆ. ಒಂದೆರಡು ದಿನದಲ್ಲಿ ಮಾರಾಟವಾಗದಿದ್ದರೆ ಫಿಶ್ಮಿಲ್ಗಳಿಗೆ ಕೆ.ಜಿಗೆ ಐದಾರು ರೂಪಾಯಿಗೆ ಮಾರಾಟ ಮಾಡಬೇಕಾದ ಅನಿವಾರ್ಯತೆ ಎದುರಾಗಲಿದೆ’ ಎಂದು ಬೋಟ್ ಮಾಲೀಕ ಲೋಕನಾಥ್ ಕುಂದರ್ ಆತಂಕ ವ್ಯಕ್ತಪಡಿಸಿದರು.

. ಕಳೆದ ವರ್ಷ ಕೆ.ಜಿ ಬೊಂಡಾಸ್ಗೆ ಗರಿಷ್ಠ 400 ದರ ಸಿಕ್ಕಿತ್ತು. ಈ ಬಾರಿ 90ಕ್ಕೆ ಕುಸಿದಿದೆ. ಸಿ ಗ್ರೇಡ್ ಕೆ.ಜಿಗೆ ₹ 15, ಬಿ ಗ್ರೇಡ್ 50 ಹಾಗೂ ಎ ಗ್ರೇಡ್ ಬೊಂಡಾಸ್ಗೆ 90ದರ ನಿಗದಿಪಡಿಸಲಾಗಿದೆ. ಒಮ್ಮೆ ಆಳಸಮುದ್ರ ಮೀನುಗಾರಿಕೆಗೆ ಇಳಿದರೆ ಒಂದು ಬೋಟ್ಗೆ ₹ 4 ಲಕ್ಷ ಮೌಲ್ಯದ ಡೀಸೆಲ್ ಖರ್ಚಾಗುತ್ತದೆ. ಈಗಿರುವ ದರದಲ್ಲಿ ಹಾಕಿದ ಬಂಡವಾಳವೂ ಕೈಸೇರದ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದರು.

. ಬೊಂಡಾಸ್ಗೆ ಸ್ಥಳೀಯವಾಗಿ ಬೇಡಿಕೆ ಇಲ್ಲ. ಗೋವಾ, ಗುಜರಾತ್ ಸೇರಿದಂತೆ ಹೊರ ರಾಜ್ಯಗಳಿಗೆ ಹೆಚ್ಚಿನ ಪ್ರಮಾಣದಲ್ಲಿ ಪೂರೈಕೆಯಾಗುತ್ತದೆ. ಇತರ ಜಾತಿಯ ಮೀನುಗಳಂತೆ ಬೊಂಡಾಸ್ ಅನ್ನು ಸ್ಥಳೀಯರು ಹೆಚ್ಚಾಗಿ ಖರೀದಿ ಮಾಡದ ಪರಿಣಾಮ ದರ ಭಾರಿ ಕುಸಿತವಾಗಿದೆ ಎಂದು ಹೇಳಿದರು.

. ಸಾಮಾನ್ಯವಾಗಿ ಅತಿ ಹೆಚ್ಚು ಬೇಡಿಕೆ ಇರುತ್ತಿದ್ದ ಬೊಂಡಾಸ್ ಮೀನನ್ನು ಮಾರುಕಟ್ಟೆಯಲ್ಲಿ ಕೇಳುವವರು ಇಲ್ಲದಂತಾಗಿದೆ. ಹಾಕಿದ ಬಂಡವಾಳವೂ ಮರಳಿ ಬರುವ ವಿಶ್ವಾಸ ಇಲ್ಲ ಎಂದು ಮೀನುಗಾರರಾದ ಪ್ರಭಾಕರ್ ಕೋಟ್ಯಾನ್ ಬೇಸರ ವ್ಯಕ್ತಪಡಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಲ್ಪೆ ಬಂದರಿನಲ್ಲಿ ಭರ್ಜರಿ ಬೊಂಡಾಸ್‌ ಮೀನು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು