<p><strong>ಉಡುಪಿ:</strong> ಶಿರೂರು ಸ್ವಾಮೀಜಿ ಅನುಮಾನಾಸ್ಪದ ಸಾವಿನ ನಿಗೂಢತೆ ಬಯಲಾಗಬೇಕು ಎಂಬುದು ಅವರ ಆಪ್ತರ, ಅಭಿಮಾನಿಗಳ ಉದ್ದೇಶ. ಇದರ ಹಿಂದೆ ಯಾರ ತೇಜೋವಧೆ ಮಾಡುವ ಉದ್ದೇಶವಿಲ್ಲ ಎಂದು ಕೇಮಾರು ಮಠದ ಈಶವಿಠಲ ದಾಸ ಸ್ವಾಮೀಜಿ ಹೇಳಿದರು.</p>.<p>ಶಿರೂರು ಶ್ರೀ ಅಭಿಮಾನಿ ಬಳಗದಿಂದ ಶನಿವಾರ ಮಥುರಾ ಛತ್ರದ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ಸಮಾಲೋಚನಾ ಸಭೆಯಲ್ಲಿ ಅವರು ಮಾತನಾಡಿದರು.</p>.<p>‘ಶಿರೂರು ಸ್ವಾಮೀಜಿ ಜತೆ 500ಕ್ಕೂ ಹೆಚ್ಚು ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದೇನೆ. ಎಲ್ಲಿಯೂ ಅವರ ಬಾಯಿಂದ ಮದ್ಯದ ವಾಸನೆ ಬಂದಿಲ್ಲ. ಆದರೆ, ಶ್ರೀಗಳ ಮರಣಾನಂತರ ಅವರ ತೇಜೋವಧೆ ಮಾಡುತ್ತಿರುವುದು ಎಷ್ಟು ಸರಿ’ ಎಂದು ಕೇಮಾರು ಸ್ವಾಮೀಜಿ ಪ್ರಶ್ನಿಸಿದರು.</p>.<p>‘ಮರಣದ ನಂತರ ಯಾರ ವಿರುದ್ಧವೂ ವೈರತ್ವ ಇಟ್ಟುಕೊಳ್ಳಬಾರದು. ಆರೋಪಗಳಿಗೆ ಉತ್ತರ ಕೊಡುವ ವ್ಯಕ್ತಿಯೇ ಇಲ್ಲವಾದಾಗ ವ್ಯಕ್ತಿತ್ವವನ್ನು ಪ್ರಶ್ನೆ ಮಾಡುವುದು ಎಷ್ಟು ಸರಿ. ಶ್ರೀಗಳು ಬದುಕಿದ್ದಾಗ ಕಷ್ಟದಲ್ಲಿದ್ದವರಿಗೆ ನೆರವಾಗಿದ್ದರು. ಹಾಗಾಗಿ, ಅವರ ಅನುಮಾನಾಸ್ಪದ ಸಾವಿನಲ್ಲಿ ನಿಷ್ಪಕ್ಷಪಾತವಾದ ತನಿಖೆಯಾಗಬೇಕು’ ಎಂದು ಒತ್ತಾಯಿಸಿದರು.</p>.<p>‘ಶ್ರೀಗಳ ಸಾವಿನ ವಿಚಾರದಲ್ಲಿ ಯಾರನ್ನೂ ದೂರುವುದಿಲ್ಲ; ದೂಷಿಸುವುದಿಲ್ಲ. ಆದರೆ, ಮಣಿಪಾಲ ವೈದ್ಯರೇ ವಿಷಪ್ರಾಷನ ಸಂಶಯ ವ್ಯಕ್ತಪಡಿಸಿರುವ ಹಿನ್ನೆಲೆಯಲ್ಲಿ, ತನಿಖೆ ಸರಿಯಾದ ದಿಕ್ಕಿನಲ್ಲಿ ಸಾಗಬೇಕು ಎಂಬುದಷ್ಟೇ ನನ್ನ ಹಾಗೂ ಶ್ರೀಗಳ ಅಭಿಮಾನಿಗಳ ಕಳಕಳಿ’ ಎಂದರು.</p>.<p>‘ಸಾಮಾಜಿಕ ಜಾಲತಾಣಗಳಲ್ಲಿ ನನ್ನ ವಿರುದ್ಧ ಅವಹೇಳನಕಾರಿ ಪೋಸ್ಟ್ಗಳನ್ನು ಹಾಕಲಾಗುತ್ತಿದೆ. ಬ್ರಾಹ್ಮಣೇತರ ಸ್ವಾಮೀಜಿ ಎಂಬ ಒಂದೇ ಕಾರಣಕ್ಕೆ ಕೆಲವರು ಹೆದರಿಸುವ ಪ್ರಯತ್ನ ಮಾಡುತ್ತಿದ್ದಾರೆ. ಇಂತಹ ಬೆದರಿಕೆಗಳಿಗೆ ಜಗ್ಗುವುದಿಲ್ಲ. ಧೈರ್ಯವಿದ್ದರೆ ಪ್ರತ್ಯಕ್ಷವಾಗಿ ಬೆದರಿಕೆ ಹಾಕಲಿ’ ಎಂದು ಕೇಮಾರು ಸ್ವಾಮೀಜಿ ಸವಾಲು ಹಾಕಿದರು.</p>.<p>ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಕರುಣಾನಿಧಿ ಸತ್ತಾಗ ರಾಜ್ಯದ ಗಣ್ಯರೆಲ್ಲರೂ ಸಂತಾಪ ಸೂಚಿಸಿದರು. ಆದರೆ, ನಾಲ್ಕು ದಶಕಗಳ ಕಾಲ ಶ್ರೀಕೃಷ್ಣನ ಪೂಜೆ ಮಾಡಿರುವ ಹಾಗೂ ಮೂರು ಪರ್ಯಾಯಗಳನ್ನು ನೆರವೇರಿಸಿರುವ ಶಿರೂರು ಶ್ರೀಗಳು ಮೃತಪಟ್ಟಾಗ ಗಣ್ಯರೆನಿಸಿಕೊಂಡವರು ಸಂತಾಪ ಸೂಚಿಸದಿರುವುದು ನೋವು ತಂದಿದೆ ಎಂದರು.</p>.<p>ಶಿರೂರು ಶ್ರೀಗಳು ಬದುಕಿದ್ದಾಗ ಸಮಾಜಮುಖಿ ಕಾರ್ಯಗಳನ್ನು ಮಾಡಿದ್ದಾರೆ. ಅವರಿಂದ ಉಪಕಾರ ಪಡೆದವರೂ ಮೌನ ವಹಿಸಿರುವುದು ಸರಿಯಲ್ಲ ಎಂದರು.</p>.<p>ವಕೀಲ ರವಿಕಿರಣ್ ಮುರ್ಡೇಶ್ವರ ಮಾತನಾಡಿ, ‘ಯಾವುದೇ ವಿಚಾರದಲ್ಲಿ ಸಂದೇಹಗಳು ಒಳ್ಳೆಯದಲ್ಲ. ಶಿರೂರು ಸ್ವಾಮೀಜಿ ಅವರ ಸಾವಿನಲ್ಲೂ ಅನುಮಾನಗಳಿವೆ. ಶಿರೂರು ಶ್ರೀಗಳಿಗೆ ಅನಾರೋಗ್ಯವಿತ್ತಾದರೂ, ದಿಢೀರ್ ಸಾವು ತರುವ ಕಾಯಿಲೆಗಳಾಗಿರಲಿಲ್ಲ. ಆದರೂ ಶ್ರೀಗಳು ಹಠಾತ್ ನಿಧನರಾಗಿದ್ದು ಹೇಗೆ’ ಎಂಬ ಸಂಶಯ ಎಲ್ಲರನ್ನೂ ಕಾಡುತ್ತಿದೆ ಎಂದರು.</p>.<p>‘ವೈಜ್ಞಾನಿಕ ವಿಧಿವಿಜ್ಞಾನದ ಪ್ರಕಾರ ಬಹು ಅಂಗಾಂಗ ವೈಫಲ್ಯವಾದರೂ ಹಠಾತ್ ಸಾವು ಸಂಭವಿಸುವುದಿಲ್ಲ. ಸಾವಿಗೆ ಸಮಯ ಹಿಡಿಯುತ್ತದೆ. ಭಾನುವಾರ ಆರೋಗ್ಯವಾಗಿದ್ದ ಶ್ರೀಗಳು ಮಂಗಳವಾರ ಅನಾರೋಗ್ಯಕ್ಕೀಡಾಗಿ ಗುರುವಾರ ಮೃತಪಡುತ್ತಾರೆ ಎಂದರೆ ನಂಬಲು ಸಾಧ್ಯವಾಗುತ್ತಿಲ್ಲ’ ಎಂದು ಮುರ್ಡೇಶ್ವರ್ ಹೇಳಿದರು.</p>.<p>ಆ. 18ಕ್ಕೆ ಶಿರೂರು ಶ್ರೀಗಳು ನಿಧನರಾಗಿ ಒಂದು ತಿಂಗಳಾಗಲಿದ್ದು, ಅವರಿಗೆ ಸಾರ್ವಜನಿಕ ಶ್ರದ್ಧಾಂಜಲಿ ಸಲ್ಲಿಸಲು ಸಭೆಯಲ್ಲಿ ನಿರ್ಧರಿಸಲಾಯಿತು. ಜತೆಗೆ, ಶ್ರೀಗಳ ಸ್ಮರಣಾರ್ಥ ಶ್ರೀಕೃಷ್ಭ ಜನ್ಮಾಷ್ಠಮಿ ಹಾಗೂ ವಿಟ್ಲಪಿಂಡಿ ಉತ್ಸವದಂದು ಹುಲಿವೇಷ ಸ್ಪರ್ಧೆ ನಡೆಸುವ ಬಗ್ಗೆಯೂ ಚರ್ಚೆ ನಡೆಸಲಾಯಿತು.</p>.<p>ಸಭೆಯಲ್ಲಿ ಶಿರೂರು ಶ್ರೀಗಳ ಅಭಿಮಾನಿ ಸಮಿತಿ ಅಧ್ಯಕ್ಷ ರಾಧಾಕೃಷ್ಣ, ಕಾರ್ಯದರ್ಶಿ ನವೀನ್ ರಾವ್, ಉಪಾಧ್ಯಕ್ಷ ಜಯರಾಮ್ ಅಂಬೆಕಲ್ಲು, ಶ್ರೀಗಳ ಪೂರ್ವಾಶ್ರಮದ ಸಹೋದರ ಲಾತವ್ಯ ಆಚಾರ್ಯ ಮಾತನಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಉಡುಪಿ:</strong> ಶಿರೂರು ಸ್ವಾಮೀಜಿ ಅನುಮಾನಾಸ್ಪದ ಸಾವಿನ ನಿಗೂಢತೆ ಬಯಲಾಗಬೇಕು ಎಂಬುದು ಅವರ ಆಪ್ತರ, ಅಭಿಮಾನಿಗಳ ಉದ್ದೇಶ. ಇದರ ಹಿಂದೆ ಯಾರ ತೇಜೋವಧೆ ಮಾಡುವ ಉದ್ದೇಶವಿಲ್ಲ ಎಂದು ಕೇಮಾರು ಮಠದ ಈಶವಿಠಲ ದಾಸ ಸ್ವಾಮೀಜಿ ಹೇಳಿದರು.</p>.<p>ಶಿರೂರು ಶ್ರೀ ಅಭಿಮಾನಿ ಬಳಗದಿಂದ ಶನಿವಾರ ಮಥುರಾ ಛತ್ರದ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ಸಮಾಲೋಚನಾ ಸಭೆಯಲ್ಲಿ ಅವರು ಮಾತನಾಡಿದರು.</p>.<p>‘ಶಿರೂರು ಸ್ವಾಮೀಜಿ ಜತೆ 500ಕ್ಕೂ ಹೆಚ್ಚು ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದೇನೆ. ಎಲ್ಲಿಯೂ ಅವರ ಬಾಯಿಂದ ಮದ್ಯದ ವಾಸನೆ ಬಂದಿಲ್ಲ. ಆದರೆ, ಶ್ರೀಗಳ ಮರಣಾನಂತರ ಅವರ ತೇಜೋವಧೆ ಮಾಡುತ್ತಿರುವುದು ಎಷ್ಟು ಸರಿ’ ಎಂದು ಕೇಮಾರು ಸ್ವಾಮೀಜಿ ಪ್ರಶ್ನಿಸಿದರು.</p>.<p>‘ಮರಣದ ನಂತರ ಯಾರ ವಿರುದ್ಧವೂ ವೈರತ್ವ ಇಟ್ಟುಕೊಳ್ಳಬಾರದು. ಆರೋಪಗಳಿಗೆ ಉತ್ತರ ಕೊಡುವ ವ್ಯಕ್ತಿಯೇ ಇಲ್ಲವಾದಾಗ ವ್ಯಕ್ತಿತ್ವವನ್ನು ಪ್ರಶ್ನೆ ಮಾಡುವುದು ಎಷ್ಟು ಸರಿ. ಶ್ರೀಗಳು ಬದುಕಿದ್ದಾಗ ಕಷ್ಟದಲ್ಲಿದ್ದವರಿಗೆ ನೆರವಾಗಿದ್ದರು. ಹಾಗಾಗಿ, ಅವರ ಅನುಮಾನಾಸ್ಪದ ಸಾವಿನಲ್ಲಿ ನಿಷ್ಪಕ್ಷಪಾತವಾದ ತನಿಖೆಯಾಗಬೇಕು’ ಎಂದು ಒತ್ತಾಯಿಸಿದರು.</p>.<p>‘ಶ್ರೀಗಳ ಸಾವಿನ ವಿಚಾರದಲ್ಲಿ ಯಾರನ್ನೂ ದೂರುವುದಿಲ್ಲ; ದೂಷಿಸುವುದಿಲ್ಲ. ಆದರೆ, ಮಣಿಪಾಲ ವೈದ್ಯರೇ ವಿಷಪ್ರಾಷನ ಸಂಶಯ ವ್ಯಕ್ತಪಡಿಸಿರುವ ಹಿನ್ನೆಲೆಯಲ್ಲಿ, ತನಿಖೆ ಸರಿಯಾದ ದಿಕ್ಕಿನಲ್ಲಿ ಸಾಗಬೇಕು ಎಂಬುದಷ್ಟೇ ನನ್ನ ಹಾಗೂ ಶ್ರೀಗಳ ಅಭಿಮಾನಿಗಳ ಕಳಕಳಿ’ ಎಂದರು.</p>.<p>‘ಸಾಮಾಜಿಕ ಜಾಲತಾಣಗಳಲ್ಲಿ ನನ್ನ ವಿರುದ್ಧ ಅವಹೇಳನಕಾರಿ ಪೋಸ್ಟ್ಗಳನ್ನು ಹಾಕಲಾಗುತ್ತಿದೆ. ಬ್ರಾಹ್ಮಣೇತರ ಸ್ವಾಮೀಜಿ ಎಂಬ ಒಂದೇ ಕಾರಣಕ್ಕೆ ಕೆಲವರು ಹೆದರಿಸುವ ಪ್ರಯತ್ನ ಮಾಡುತ್ತಿದ್ದಾರೆ. ಇಂತಹ ಬೆದರಿಕೆಗಳಿಗೆ ಜಗ್ಗುವುದಿಲ್ಲ. ಧೈರ್ಯವಿದ್ದರೆ ಪ್ರತ್ಯಕ್ಷವಾಗಿ ಬೆದರಿಕೆ ಹಾಕಲಿ’ ಎಂದು ಕೇಮಾರು ಸ್ವಾಮೀಜಿ ಸವಾಲು ಹಾಕಿದರು.</p>.<p>ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಕರುಣಾನಿಧಿ ಸತ್ತಾಗ ರಾಜ್ಯದ ಗಣ್ಯರೆಲ್ಲರೂ ಸಂತಾಪ ಸೂಚಿಸಿದರು. ಆದರೆ, ನಾಲ್ಕು ದಶಕಗಳ ಕಾಲ ಶ್ರೀಕೃಷ್ಣನ ಪೂಜೆ ಮಾಡಿರುವ ಹಾಗೂ ಮೂರು ಪರ್ಯಾಯಗಳನ್ನು ನೆರವೇರಿಸಿರುವ ಶಿರೂರು ಶ್ರೀಗಳು ಮೃತಪಟ್ಟಾಗ ಗಣ್ಯರೆನಿಸಿಕೊಂಡವರು ಸಂತಾಪ ಸೂಚಿಸದಿರುವುದು ನೋವು ತಂದಿದೆ ಎಂದರು.</p>.<p>ಶಿರೂರು ಶ್ರೀಗಳು ಬದುಕಿದ್ದಾಗ ಸಮಾಜಮುಖಿ ಕಾರ್ಯಗಳನ್ನು ಮಾಡಿದ್ದಾರೆ. ಅವರಿಂದ ಉಪಕಾರ ಪಡೆದವರೂ ಮೌನ ವಹಿಸಿರುವುದು ಸರಿಯಲ್ಲ ಎಂದರು.</p>.<p>ವಕೀಲ ರವಿಕಿರಣ್ ಮುರ್ಡೇಶ್ವರ ಮಾತನಾಡಿ, ‘ಯಾವುದೇ ವಿಚಾರದಲ್ಲಿ ಸಂದೇಹಗಳು ಒಳ್ಳೆಯದಲ್ಲ. ಶಿರೂರು ಸ್ವಾಮೀಜಿ ಅವರ ಸಾವಿನಲ್ಲೂ ಅನುಮಾನಗಳಿವೆ. ಶಿರೂರು ಶ್ರೀಗಳಿಗೆ ಅನಾರೋಗ್ಯವಿತ್ತಾದರೂ, ದಿಢೀರ್ ಸಾವು ತರುವ ಕಾಯಿಲೆಗಳಾಗಿರಲಿಲ್ಲ. ಆದರೂ ಶ್ರೀಗಳು ಹಠಾತ್ ನಿಧನರಾಗಿದ್ದು ಹೇಗೆ’ ಎಂಬ ಸಂಶಯ ಎಲ್ಲರನ್ನೂ ಕಾಡುತ್ತಿದೆ ಎಂದರು.</p>.<p>‘ವೈಜ್ಞಾನಿಕ ವಿಧಿವಿಜ್ಞಾನದ ಪ್ರಕಾರ ಬಹು ಅಂಗಾಂಗ ವೈಫಲ್ಯವಾದರೂ ಹಠಾತ್ ಸಾವು ಸಂಭವಿಸುವುದಿಲ್ಲ. ಸಾವಿಗೆ ಸಮಯ ಹಿಡಿಯುತ್ತದೆ. ಭಾನುವಾರ ಆರೋಗ್ಯವಾಗಿದ್ದ ಶ್ರೀಗಳು ಮಂಗಳವಾರ ಅನಾರೋಗ್ಯಕ್ಕೀಡಾಗಿ ಗುರುವಾರ ಮೃತಪಡುತ್ತಾರೆ ಎಂದರೆ ನಂಬಲು ಸಾಧ್ಯವಾಗುತ್ತಿಲ್ಲ’ ಎಂದು ಮುರ್ಡೇಶ್ವರ್ ಹೇಳಿದರು.</p>.<p>ಆ. 18ಕ್ಕೆ ಶಿರೂರು ಶ್ರೀಗಳು ನಿಧನರಾಗಿ ಒಂದು ತಿಂಗಳಾಗಲಿದ್ದು, ಅವರಿಗೆ ಸಾರ್ವಜನಿಕ ಶ್ರದ್ಧಾಂಜಲಿ ಸಲ್ಲಿಸಲು ಸಭೆಯಲ್ಲಿ ನಿರ್ಧರಿಸಲಾಯಿತು. ಜತೆಗೆ, ಶ್ರೀಗಳ ಸ್ಮರಣಾರ್ಥ ಶ್ರೀಕೃಷ್ಭ ಜನ್ಮಾಷ್ಠಮಿ ಹಾಗೂ ವಿಟ್ಲಪಿಂಡಿ ಉತ್ಸವದಂದು ಹುಲಿವೇಷ ಸ್ಪರ್ಧೆ ನಡೆಸುವ ಬಗ್ಗೆಯೂ ಚರ್ಚೆ ನಡೆಸಲಾಯಿತು.</p>.<p>ಸಭೆಯಲ್ಲಿ ಶಿರೂರು ಶ್ರೀಗಳ ಅಭಿಮಾನಿ ಸಮಿತಿ ಅಧ್ಯಕ್ಷ ರಾಧಾಕೃಷ್ಣ, ಕಾರ್ಯದರ್ಶಿ ನವೀನ್ ರಾವ್, ಉಪಾಧ್ಯಕ್ಷ ಜಯರಾಮ್ ಅಂಬೆಕಲ್ಲು, ಶ್ರೀಗಳ ಪೂರ್ವಾಶ್ರಮದ ಸಹೋದರ ಲಾತವ್ಯ ಆಚಾರ್ಯ ಮಾತನಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
