ಉತ್ತರ ಕನ್ನಡ | ಗ್ರಿಡ್ ಸ್ಥಾಪನೆಗೆ ‘ಸಾಮರ್ಥ್ಯ ನವೀಕರಣ’ ತೊಡಕು

ಶಿರಸಿ : ವಿದ್ಯುತ್ ಗ್ರಿಡ್ ಸ್ಥಾಪನೆಗೆ ಸಂಬಂಧಿಸಿ 110 ಕೆವಿಯಿಂದ 132 ಕೆವಿಗೆ ಹೆಚ್ಚಿಸುವ ‘ಸಾಮರ್ಥ್ಯ ನವೀಕರಣ’ ನಿಯಮವು ಈಗಾಗಲೇ ಅನುಮೋದನೆಗೊಂಡಿದ್ದ ಗ್ರಿಡ್ಗಳ ಅನುಷ್ಠಾನಕ್ಕೆ ತಡೆಯಾಗಿದೆ. ಇದು ನಿರಂತರ ಹಾಗೂ ಸಮರ್ಪಕ ವಿದ್ಯುತ್ ನಿರೀಕ್ಷೆಯಲ್ಲಿದ್ದ ಗ್ರಾಹಕರ ನಿರಾಸೆಗೆ ಕಾರಣವಾಗಿದೆ.

. ಉತ್ತರ ಕನ್ನಡ ಜಿಲ್ಲೆಯಲ್ಲಿ 5.5 ಲಕ್ಷ ವಿದ್ಯುತ್ ಗ್ರಾಹಕರಿದ್ದಾರೆ. ಹೆಸ್ಕಾಂ ವ್ಯಾಪ್ತಿಯಲ್ಲಿ ಸರಾಸರಿ 130.42 ಚ.ಕಿ.ಮೀ.ಗೆ ಒಂದು ವಿದ್ಯುತ್ ಗ್ರಿಡ್ ಇರಬೇಕೆಂದಿದ್ದರೂ ಉತ್ತರ ಕನ್ನಡದಲ್ಲಿ ಆ ಪ್ರಮಾಣ 302 ಚ.ಕಿ.ಮೀ.ಗೆ ಒಂದು ಗ್ರಿಡ್ ಇದೆ. ಇದಲ್ಲದೇ 300 ಚ.ಕಿ.ಮೀ. ಮೀರಿದ 2 ಮಾರ್ಗಗಳಿವೆ.

. ವಾರ್ಷಿಕವಾಗಿ ಈ ಮಾರ್ಗಗಳಲ್ಲಿ ಸರಾಸರಿ 2,862 ಬಾರಿ ವಿದ್ಯುತ್ ಅಡಚಣೆ ಆಗುತ್ತಿದೆ. ಈ ಎಲ್ಲ ಕಾರಣಕ್ಕೆ ಸಮರ್ಪಕ ವಿದ್ಯುತ್ ಪೂರೈಸಲು ಹೆಸ್ಕಾಂಗೆ ಸಮಸ್ಯೆ ಆಗುತ್ತಿದೆ. ಇದೇ ಕಾರಣಕ್ಕೆ ಎರಡು ವರ್ಷಗಳ ಹಿಂದೆ ಜಿಲ್ಲೆಯ ವಿವಿಧ ತಾಲ್ಲೂಕುಗಳಲ್ಲಿ 110 ಕೆವಿ ಸಾಮರ್ಥ್ಯದ ಹೊಸ ಗ್ರಿಡ್ ಸ್ಥಾಪನೆಗೆ ಮಂಜೂರಾತಿ ದೊರೆತಿತ್ತು.

. ಬನವಾಸಿ ಹಾಗೂ ಭಟ್ಕಳ ಗ್ರಿಡ್ ಹೊರತುಪಡಿಸಿ ಬಹುತೇಕ ಕಡೆ ತಾಂತ್ರಿಕ ಸಮಸ್ಯೆಯಿಂದ ಅನುಷ್ಠಾನ ವಿಳಂಬವಾಗಿತ್ತು. ಇದೀಗ ಈ ವಿಳಂಬಕ್ಕೆ ಬೆಲೆ ತೆರಬೇಕಾದ ಸ್ಥಿತಿ ಎದುರಾಗಿದ್ದು, ಹಾಲಿ ಮಂಜೂರಾದ ಗ್ರಿಡ್ಗಳ ಸಾಮರ್ಥ್ಯ ಕಡಿಮೆ ಎಂಬ ಕಾರಣಕ್ಕೆ ಇವುಗಳ ಸಾಮರ್ಥ್ಯ ಹೆಚ್ಚಿಸಿ ಕಾಮಗಾರಿ ನಡೆಸಲು ಮತ್ತೆ ಅನುಮೋದನೆ ಪಡೆಯಬೇಕಿದೆ.

. ಸಾಮರ್ಥ್ಯ ನವೀಕರಣ ಪ್ರಕ್ರಿಯೆ ತಕ್ಷಣ ಆದರೆ ತ್ವರಿತವಾಗಿ ಗ್ರಿಡ್ ಸ್ಥಾಪನೆ ಆಗಲಿದೆ. ಅದರ ಹೊರತಾಗಿ ಬೇರಾವುದೇ ತೊಂದರೆಯಿಲ್ಲ ಸುನೀಲ್ ಕುಮಾರ, ಕೆಪಿಟಿಸಿಎಲ್ ಎಂಜಿನಿಯರ್, ಶಿರಸಿ . ‘ಕೇಂದ್ರ ಸರ್ಕಾರವು 110 ಕೆವಿ ಸಾಮರ್ಥ್ಯದ ಬದಲು 132 ಕೆವಿ ಸಾಮರ್ಥ್ಯದ ಗ್ರಿಡ್ ಸ್ಥಾಪನೆ ಮಾಡಬೇಕು. ಅದಕ್ಕೆ ಈ ಹಿಂದೆ ಸಲ್ಲಿಸಿದ್ದ ಯೋಜನೆ ನೀಲನಕ್ಷೆ ಬದಲಿಗೆ ಹೊಸದಾಗಿ ಪ್ರಸ್ತಾವ ಸಲ್ಲಿಸಿ ಅನುಮತಿ ಪಡೆಯಬೇಕು ಎಂದು ಆದೇಶಿಸಿದೆ. ಹೀಗಾಗಿ ಜಿಲ್ಲೆಯಲ್ಲಿ ಮಂಜೂರಾಗಿದ್ದ ಐದಕ್ಕೂ ಹೆಚ್ಚು ಗ್ರಿಡ್ಗಳ ಅನುಷ್ಠಾನಕ್ಕೆ ತಾತ್ಕಾಲಿಕ ತಡೆ ಬಿದ್ದಂತಾಗಿದೆ’ ಎಂಬುದು ಕೆಪಿಟಿಸಿಎಲ್ ಅಧಿಕಾರಿಗಳ ಮಾಹಿತಿ.

. ‘ಹೆಸ್ಕಾಂ ಶಿರಸಿ ವೃತ್ತದ ಕಚೇರಿಯಿಂದ 2010 ರಿಂದ ಈವರೆಗೆ 33 ವಿದ್ಯುತ್ ಗ್ರಿಡ್ ಸ್ಥಾಪನೆಗೆ ಮಂಜೂರು ನೀಡುವಂತೆ ವಿದ್ಯುತ್ ಪ್ರಸರಣ ನಿಗಮಕ್ಕೆ ₹590 ಕೋಟಿ ಯೋಜನೆಯ ಪ್ರಸ್ತಾವ ಕಳುಹಿಸಲಾಗಿದೆ. ಅದರಲ್ಲಿ ಜಾಗದ ಕೊರತೆಯ ಕಾರಣಕ್ಕೆ ಹಲವು ಗ್ರಿಡ್ಗಳಿಗೆ ಮಂಜೂರಾತಿ ಸಿಕ್ಕಿರಲಿಲ್ಲ. ಆದರೆ ಜಾಗದ ಸಮಸ್ಯೆಯಿಲ್ಲದ ಹತ್ತರಗಿ, ಕಾನಸೂರು, ಸಾಮ್ರಾಣಿ, ತೇರಗಾಂವ, ಮಾದನಗೇರಿ ಗ್ರಿಡ್ಗಳಿಗೆ ಮಂಜೂರಾತಿ ದೊರೆತಿತ್ತು’ ಎಂದು ಹೆಸ್ಕಾಂ ಅಧಿಕಾರಿಗಳು ತಿಳಿಸಿದರು.

. ‘ವಿವಿಧ ಕಾರಣಕ್ಕೆ ಇವುಗಳ ಕಾಮಗಾರಿ ನಡೆದಿರಲಿಲ್ಲ. ಆದರೆ ಈಗ ಈ ಎಲ್ಲ ಗ್ರಿಡ್ಗಳ ನೀಲನಕ್ಷೆಯನ್ನು 132 ಕೆವಿ ಸಾಮರ್ಥ್ಯದ ಗ್ರಿಡ್ ಗೆ ನವೀಕರಿಸಿ ಅನುಮೋದನೆ ಪಡೆಯಬೇಕಾದ ಸ್ಥಿತಿ ಎದುರಾಗಿದೆ. ಹೀಗಾಗಿ ಇವುಗಳ ಅನುಷ್ಠಾನ ಮತ್ತಷ್ಟು ವಿಳಂಬವಾಗುವ ಸಾಧ್ಯತೆಯಿದೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಉತ್ತರ ಕನ್ನಡ | ಗ್ರಿಡ್ ಸ್ಥಾಪನೆಗೆ ‘ಸಾಮರ್ಥ್ಯ ನವೀಕರಣ’ ತೊಡಕು

ಚಿನಕುರುಳಿ | ಗುರುವಾರ, 17 ಅಕ್ಟೋಬರ್‌ 2024

ಭಾರತ 46ಕ್ಕೆ ಆಲೌಟ್: ಕ್ರಿಕೆಟ್ ಆಸ್ಟ್ರೇಲಿಯಾ, ಮೈಕಲ್ ವಾನ್ ವ್ಯಂಗ್ಯ

ಚುರುಮುರಿ: ರಾಜಕೀಯ ಅಂತ್ಯಾಕ್ಷರಿ!

ಸಲ್ಮಾನ್ ಕೊಲೆಗೆ ₹25 ಲಕ್ಷ ನಗದು, ಪಾಕಿಸ್ತಾನದಿಂದ AK 47 ಖರೀದಿ: ಚಾರ್ಜ್‌ಶೀಟ್

IND vs NZ 1st Test | ಹಿಟ್‌ಮ್ಯಾನ್ ಬಳಗ 46ಕ್ಕೆ ಆಲೌಟ್‌

ಪ್ರೊ ಕಬಡ್ಡಿ ಲೀಗ್‌ ಇಂದಿನಿಂದ: ಮುತ್ತಿನ ನಗರಿಯಲ್ಲಿ ಇಂದು ‘ದಕ್ಷಿಣ ಡರ್ಬಿ’

IND vs NZ Test | ಟಿಕೆಟ್ ಇದ್ದರೂ ಪ್ರವೇಶ ಸಿಗದೆ ಪರದಾಡಿದ ಪ್ರೇಕ್ಷಕರು

ರಣಜಿ ಟ್ರೋಫಿ: ಕರ್ನಾಟಕಕ್ಕೆ ಇಂದಿನಿಂದ ಕೇರಳ ಸವಾಲು

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಒಳನೋಟ: ‘ಅಡವಿ‘ಗೆ ಸೋಲಿಗರೇ ಮಾಲೀಕರು

ಚಿನಕುರುಳಿ | ಗುರುವಾರ, 17 ಅಕ್ಟೋಬರ್‌ 2024

ಭಾರತ 46ಕ್ಕೆ ಆಲೌಟ್: ಕ್ರಿಕೆಟ್ ಆಸ್ಟ್ರೇಲಿಯಾ, ಮೈಕಲ್ ವಾನ್ ವ್ಯಂಗ್ಯ

ಚುರುಮುರಿ: ರಾಜಕೀಯ ಅಂತ್ಯಾಕ್ಷರಿ!

ಸಲ್ಮಾನ್ ಕೊಲೆಗೆ ₹25 ಲಕ್ಷ ನಗದು, ಪಾಕಿಸ್ತಾನದಿಂದ AK 47 ಖರೀದಿ: ಚಾರ್ಜ್‌ಶೀಟ್