ಶಿರಸಿ: ಅತಿಥಿಗಳಿಲ್ಲದೇ ಸೊರಗಿದ ‘ಸಿದ್ದಿಗರು’

ಶಿರಸಿ: ಕೋವಿಡ್ 19 ಕಾರಣಕ್ಕೆ ಅತಿಥಿಗಳಿಲ್ಲದೇ ಹಾಲಕ್ಕಿಗರು, ಸಿದ್ದಿಗರು, ಗೌಳಿಗರು ಸೊರಗಿದ್ದಾರೆ. ಅವರ ಜೊತೆಗಾರರಾಗಿರುವ ಜಿಂಕೆ, ಹುಲಿ, ಆನೆ, ಡಾಲ್ಫಿನ್ಗಳು ಬಡವಾಗಿವೆ! ಪ್ರವಾಸಿಗರನ್ನು ಸೆಳೆಯುತ್ತಿದ್ದ ಇಲ್ಲಿನ ಶಾಲ್ಮಲಾ ಶಿಲ್ಪವನದ ಈ ಸದಸ್ಯರು ಮೂರು ತಿಂಗಳುಗಳಿಂದ ಲಾಕ್ಡೌನ್ ಆಗಿದ್ದಾರೆ.

. ಮುಗಿಲಿಗೆ ಮುಖ ಮಾಡಿರುವ ಮರಗಳು, ಕಣ್ಸೆಳೆವ ಶಿಲ್ಪಗಳಿಂದಾಗಿ ಶಾಲ್ಮಲಾ ಶಿಲ್ಪವನವು ಜನರನ್ನು ಸೆಳೆಯುತ್ತದೆ. ಪ್ರವಾಸೋದ್ಯಮ ಇಲಾಖೆ ಹಾಗೂ ಅರಣ್ಯ ಇಲಾಖೆ ಅನುದಾನದಲ್ಲಿ ₹ 1.20 ಕೋಟಿ ವೆಚ್ಚದಲ್ಲಿ ನಾಲ್ಕು ವರ್ಷಗಳ ಹಿಂದೆ ಈ ಶಿಲ್ಪವನ ನಿರ್ಮಾಣಗೊಂಡಿದೆ. ಶಿಗ್ಗಾವಿ ಸಮೀಪದ ಗೊಡಗೋಡಿ ರಾಕ್ ಗಾರ್ಡನ್ ಸಿದ್ಧಪಡಿಸಿರುವ ಸೊಲಬಕ್ಕನವರ್ ಈ ಇಲ್ಲಿನ ಶಿಲ್ಪ ಕಲಾಕೃತಿಗೆ ಜೀವಂತಿಕೆ ನೀಡಿದ್ದಾರೆ. ಸದಾ ಪ್ರವಾಸಿಗರು, ಸ್ಥಳೀಯರಿಂದ ತುಂಬಿರುತ್ತಿದ್ದ, ಈ ವನದಲ್ಲಿ ಈಗ ನಿರ್ಜೀವ ಪ್ರಾಣಿಗಳು ಮಾತ್ರ ಕಾಣುತ್ತಿವೆ.

. ಕೋವಿಡ್ 19 ಲಾಕ್ಡೌನ್ ಕಾರಣಕ್ಕೆ ಶಿಲ್ಪವನದ ಪ್ರವೇಶವನ್ನು ನಿಷೇಧಿಸಲಾಗಿತ್ತು. ಲಾಕ್ಡೌನ್ ಸಡಿಲಿಕೆಯ ನಂತರ ಶಿಲ್ಪವನ ಪ್ರವೇಶಕ್ಕೆ ಅವಕಾಶ ನೀಡಿದ್ದರೂ, ಜನರು ಮಾತ್ರ ಇತ್ತ ಸುಳಿಯುತ್ತಿಲ್ಲ. ಹೀಗಾಗಿ, ಇದರ ನಿರ್ವಹಣೆಯೇ ದೊಡ್ಡ ಸವಾಲಾಗಿದೆ.

. ‘ನವೆಂಬರ್, ಡಿಸೆಂಬರ್ ತಿಂಗಳುಗಳಲ್ಲಿ ದಿನಕ್ಕೆ 100ಕ್ಕೂ ಹೆಚ್ಚು ಪ್ರವಾಸಿಗರು ಭೇಟಿ ನೀಡುತ್ತಿದ್ದರೆ, ಬೇಸಿಗೆಯಲ್ಲಿ ಮಕ್ಕಳಿಗೆ ರಜೆ ಇರುವುದರಿಂದ ಈ ಸಂಖ್ಯೆ ಇನ್ನಷ್ಟು ಹೆಚ್ಚುತ್ತಿತ್ತು. ಹಿರಿಯರಿಗೆ ತಲಾ ₹ 30 ಹಾಗೂ ಮಕ್ಕಳು ತಲಾ ₹ 10 ಟಿಕೆಟ್ ದರವಿದೆ. ಇದೇ ಹಣ ಸಂಗ್ರಹದಿಂದ ಶಿಲ್ಪವನವನ್ನು ನಿರ್ವಹಣೆ ಮಾಡಲಾಗುತ್ತಿತ್ತು. ಮಳೆಗಾಲದ ಒಳಗಾಗಿ ಸಣ್ಣಪುಟ್ಟ ದುರಸ್ತಿ ಕಾರ್ಯಗಳು ಪೂರ್ಣಗೊಳ್ಳುತ್ತಿದ್ದವು. ಈ ಬಾರಿ ಅನುದಾನದ ಕೊರತೆಯಿಂದ ಈ ಕಾರ್ಯ ನಡೆದಿಲ್ಲ’ ಎನ್ನುತ್ತಾರೆ ಅಲ್ಲಿನ ಸಿಬ್ಬಂದಿ.

. ಆರು ಜನ ಸಿಬ್ಬಂದಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಜೂನ್ ತಿಂಗಳಲ್ಲಿ ₹ 10ಸಾವಿರಕ್ಕಿಂತ ಕಡಿಮೆ ಆದಾಯ ಸಂಗ್ರಹವಾಗಿದೆ. ಹೀಗಾಗಿ, ಸಿಬ್ಬಂದಿ ಸಂಬಳಕ್ಕೂ ತೊಂದರೆಯಾಗಿ ಪರಿಣಮಿಸಿದೆ ಎಂದು ಅವರು ಹೇಳಿದರು.

. ‘ಶಿಲ್ಪವನದಲ್ಲಿ ಕಲಾಕೃತಿಗಳು ಹಾಳಾಗಂತೆ ಅರಣ್ಯ ಇಲಾಖೆ ಎಚ್ಚರಿಕೆ ವಹಿಸಬೇಕು. ಸ್ವಚ್ಛತೆಗೆ ಆದ್ಯತೆ ನೀಡಬೇಕು. ಇಲ್ಲವಾದಲ್ಲಿ ಊರಿನ ಆಕರ್ಷಣೆಯಾಗಿರುವ ಶಿಲ್ಪವನ ಪಾಳುಬಿದ್ದ ಸ್ಥಳದಂತಾಗಬಹುದು’ ಎಂದು ಸ್ಥಳೀಯ ಜಿ.ಎನ್.ಸುರೇಶ ಒತ್ತಾಯಿಸಿದ್ದಾರೆ.

. ***

. ಶಿಲ್ಪವನಕ್ಕೆ ಅಂದಾಜು ₹ 5 ಲಕ್ಷ ಆದಾಯ ನಷ್ಟವಾಗಿದೆ. ಇದರಿಂದ ಶಿಲ್ಪವನದ ಸಮಗ್ರ ನಿರ್ವಹಣೆ ಕಷ್ಟವಾಗಿದೆ. ಆದರೂ, ಇಲಾಖೆ ಮುತುವರ್ಜಿವಹಿಸಿ ಅವುಗಳ ರಕ್ಷಣೆ ಮಾಡುತ್ತದೆ.

. – ಅಮಿತ್ ಚೌವ್ಹಾಣ್,ಆರ್ಎಫ್ಒ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಿರಸಿ: ಅತಿಥಿಗಳಿಲ್ಲದೇ ಸೊರಗಿದ ‘ಸಿದ್ದಿಗರು’

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ದಿನ ಭವಿಷ್ಯ: ಈ ರಾಶಿಯವರು ಆಧ್ಯಾತ್ಮಿಕ ವಿಚಾರಗಳತ್ತ ಗಮನ ಹರಿಸುವಿರಿ

ಉಳ್ಳಾಲ‌ | ಈಜುಕೊಳದಲ್ಲಿ ಯುವತಿಯರ ಸಾವು: ರೆಸಾರ್ಟ್‌ ಮಾಲೀಕ ಸೇರಿ ಇಬ್ಬರ ಬಂಧನ

ಚೀನಾ ಮಾಸ್ಟರ್ಸ್‌ ಟೂರ್ನಿ: ಸಾತ್ವಿಕ್‌, ಚಿರಾಗ್ ಮೇಲೆ ನಿರೀಕ್ಷೆ

ಹಿಂದಿನ ದಾಖಲೆಗಳಿಂದ ಕೊಹ್ಲಿ ವಿಶ್ವಾಸ ವೃದ್ಧಿ: ಸುನಿಲ್ ಗಾವಸ್ಕರ್

ಆರ್‌ಸಿಬಿ ಬೌಲಿಂಗ್ ಕೋಚ್ ಆಗಿ ಓಂಕಾರ್ ಸಾಳ್ವಿ

ಸ್ಟೊಯಿನಿಸ್‌ ಅಬ್ಬರಕ್ಕೆ ಪಾಕ್ ತತ್ತರ: ಟಿ20 ಸರಣಿ ಕ್ಲೀನ್‌ಸ್ವೀಪ್ ಮಾಡಿದ ಆಸೀಸ್

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ದಿನ ಭವಿಷ್ಯ: ಈ ರಾಶಿಯವರು ಆಧ್ಯಾತ್ಮಿಕ ವಿಚಾರಗಳತ್ತ ಗಮನ ಹರಿಸುವಿರಿ

ಉಳ್ಳಾಲ‌ | ಈಜುಕೊಳದಲ್ಲಿ ಯುವತಿಯರ ಸಾವು: ರೆಸಾರ್ಟ್‌ ಮಾಲೀಕ ಸೇರಿ ಇಬ್ಬರ ಬಂಧನ