ಹಂಪಿ‌ ಉತ್ಸವ: ಬಸವಣ್ಣ ವೇದಿಕೆಯಲ್ಲಿ ಜಾನಪದ ಕಲೆಗಳ ಅನಾವರಣ

ಹಂಪಿ ( ವಿಜಯನಗರ): ಮುದ ನೀಡಿದ ಭರತನಾಟ್ಯ, ಅರಿವಿಗೆ ಕರೆದೊಯ್ದ ಜಾನಪದ, ತತ್ವಪದಗಳು, ಇಂಪಾಗಿಸಿದ ಶಾಸ್ತ್ರೀಯ ಸಂಗೀತ, ರೋಮಾಂಚನ ಸೃಷ್ಟಿಸಿದ ಜಾನಪದ ಸಮೂಹ ನೃತ್ಯಗಳು...

. ಈಗೆ ಹಂಪಿ ಉತ್ಸವದ ಎದುರು ಬಸವಣ್ಣ ವೇದಿಕೆಯಲ್ಲಿ ಭಾನುವಾರ ವಿವಿಧ ಕಲಾ ಗುಚ್ಚಗಳು ಅನಾವರಣಗೊಂಡವು.

. ಸ್ವರಾಮಿ ಮಹಾಗಣಪತಿ ಭಕ್ತಿಗೀತೆಗೆ ಗಂಗಾವತಿಯ ದೀಪ ಶಾಂ ದರೋಜಿಯವರ ಭರತನಾಟ್ಯ ಮುದ ನೀಡಿತು.

. ಲಕ್ಕುಂಡಿ ಶಿವು ಭಜಂತ್ರಿ ತಂಡ ಶಿಶುನಾಳ ಶರೀಫರ ‘ಕೋಡಗನ ಕೋಳಿ ನುಂಗಿತ್ತ’ ತತ್ವಪದ, '‘ಗುರುವೇ ನಿನ್ನ ಅಟ ಬಲ್ಲವರು ಯಾರ್ಯಾರು’ ಜಾನಪದ ಗೀತೆಗೆ ವೀಕ್ಷಕರು ವಿರುಪಾಕ್ಷೇಶ್ವರ ಸ್ವಾಮಿಗೆ ಜೈಕಾರ ಕೂಗಿ ಪ್ರೋತ್ಸಾಹಿಸಿದರು.

. ನಂಜನಗೂಡಿನ ಶ್ರೀನಿವಾಸ ಮೂರ್ತಿ ಅವರ ಜಾನಪದ ಗೀತಾ ಗಾಯನಕ್ಕೆ ನೆರೆದವರು ತಲೆದೂಗಿದರು. ಬಾಗಲಕೋಟೆ ನಾಗಪ್ಪ ಗೋವಿಂದಪ್ಪ ಅವರ ಭಜನೆ , ಬೆಂಗಳೂರಿನ ಮುನೇಶ್ವರ ಅವರ ತತ್ವಪದಗಳು ಜಾಗೃತಿ ಮೂಡಿಸಿದವು.

. ಕುಷ್ಟಗಿಯ ದಾವಲ್ ಸಾಬ್ ರ ಗೀಗಿ ಪದಗಳು, ಹೊಸಪೇಟೆ ಅಪೂರ್ವ ತಂಡದ ಜಾನಪದ ನೃತ್ಯ, ಡಿ.ಕೆ.ಮಾದವಿ ಅವರ ನೃತ್ಯ, ಬೆಳಗಾವಿ ಬೆಳ್ಳಿ ಚುಕ್ಕೆ ಗಾಯಕರು ಜಾನಪದ ಗೀತೆಗಳ ರಸದೌತಣ ಉಣಬಡಿಸಿದರು.

. ಸಮೂಹ ನೃತ್ಯ, ಬಳ್ಳಾರಿ ಆರ್.ಹೇಮಾವತಿ ತಂಡದ 20ಕ್ಕೂಹೆಚ್ಚು ಕಲಾವಿದರ ಗುರು ಬ್ರಹ್ಮ, ಗುರು ವಿಷ್ಣುವಿನ ಗೀತೆಗೆ ಮಾಡಿದ ನೃತ್ಯ , ಮುದ್ಲಾಪುರದ ರಾಮಲಿತಂಡ, ಮರಿಯಮ್ಮನಹಳ್ಳಿ ವೀರೇಶ ಬಾಬು ತಂಡ, ಬೆಂಗಳೂರಿನ ಸುಷ್ಮ ತಂಡದ ಸಮೂಹ ನೃತ್ಯಗಳು, ಡಾ.ರಕ್ಷಿತ್ ಕಾರ್ತಿಕರ ನೃತ್ಯ, ಅಪೂರ್ವ ತಂಡದ ಜಾನಪದ ನೃತ್ಯಗಳು ಕುಳಿತವರ ಕಣ್ಣು ತಂಪಾಗಿಸಿದವು.

. ರಾಮನಗರದ ದ್ರಾಕ್ಷಾಯಣಿ ತಂಡದ ಪುಟಾಣಿಗಳ ಇಂಪಾದ ಕಂಠಸಿರಿಯಲ್ಲಿ ಹೊಮ್ಮಿದ ‘ಭುವನೆದೆಡೆಗೆ’ ಭಾವಗೀತೆಗೆ ನೋಡುಗರು ಕಿವಿಯಾದರು.

ಚಳ್ಳಕೆರೆ ಡಾ.ಬಿ.ಆರ್.ಅಂಬೇಡ್ಕರ್ ಜಾನಪದ ಸಾಂಸ್ಕೃತಿಕ ಕಲಾ ಸಂಘದ ಸುಗಮ ಸಂಗೀತ, ಹುಬ್ಬಳ್ಳಿಯ ಬಿ.ಎಚ್.ಆನಂದಪ್ಪ ಅವರ ಗೀಗಿ ಪದಗಳು, ನಂದಿಬೇವೂರು ಚಂದ್ರಪ್ಪರ ರಂಗಗೀತೆ ಉತ್ಸವದ ಮೆರುಗು ಹೆಚ್ಚಿಸಿದವು.

. ಉದ್ಘಾಟಿಸಿದ ಮಂಜಮ್ಮ ಜೋಗತಿ ಮಾತನಾಡಿ, ‘ಕಲಾವಿದರು ನಿಂದಿಸುವವರ ಬಗ್ಗೆ ತಲೆ ಕೆಡಿಸಿಕೊಳ್ಳಬೇಡಿ. ಕಲೆಯನ್ನು ಹವ್ಯಾಸವಾಗಿಸಿ, ವೃತ್ತಿಯನ್ನಾಗಿಸಬೇಡಿ’ ಎಂದು ಸಲಹೆ ನೀಡಿದರು.

. ಹರಪನಹಳ್ಳಿ ಶಾಸಕಿ ಎಂ.ಪಿ.ಲತಾ ಮಲ್ಲಿಕಾರ್ಜುನ್ ಮಾತನಾಡಿ, ತಂದೆ ದಿವಂಗತ ಎಂ.ಪಿ.ಪ್ರಕಾಶ್ ಅವರ ಕನಸಿನ ಉತ್ಸವ ಇಂದಿಗೂ ಯಶಸ್ವಿಯಾಗಿ ನಡೆಯುತ್ತಿದೆ. ಬಸವಣ್ಣ ಮುಖ್ಯ ವೇದಿಕೆಯಾಗಿದ್ದು, ಹಿಂದೆ ಮಂಟಪದ ಮೇಲೆ ಕುಳಿತು ಉತ್ಸವ ವೀಕ್ಷಿಸುತ್ತಿದ್ದೆವು’ ಎಂದು ಸ್ಮರಿಸಿದರು.

. ಶಾಸಕ ಎಚ್.ಆರ್.ಗವಿಯಪ್ಪ, ಜಿಲ್ಲಾಧಿಕಾರಿ ಎನ.ಎಸ್.ದಿವಾಕರ, ತಹಶೀಲ್ದಾರ್ ಚಂದ್ರಶೇಖರ ಶಂಬಣ್ಣ ಗಾಳಿ, ಮಂಜುನಾಥ್ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಂಪಿ‌ ಉತ್ಸವ: ಬಸವಣ್ಣ ವೇದಿಕೆಯಲ್ಲಿ ಜಾನಪದ ಕಲೆಗಳ ಅನಾವರಣ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಉಳ್ಳಾಲ: ರೆಸಾರ್ಟ್ ಈಜುಕೊಳದಲ್ಲಿ ಮುಳುಗಿ ಮೈಸೂರಿನ ಮೂವರು ಯುವತಿಯರ ಸಾವು

ಮಿನಿ ಒಲಿಂಪಿಕ್ಸ್‌ ಕ್ರೀಡಾಕೂಟ: ಇಯಾನ್‌ ಅಮನ್ನ, ಪೂಜಾ ವೇಗದ ಓಟಗಾರರು

ಹಾಕಿ ಮಹಿಳಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ: ನಾಲ್ಕರ ಘಟ್ಟಕ್ಕೆ ಅಜೇಯ ಭಾರತ

ಫುಟ್‌ಬಾಲ್‌: ಸೌಹಾರ್ದ ಪಂದ್ಯ; ಭಾರತಕ್ಕೆ ಮಲೇಷ್ಯಾ ಸವಾಲು ಇಂದು

ಮುಂಬೈ ತಂಡಕ್ಕೆ ಶ್ರೇಯಸ್ ನಾಯಕ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಉಳ್ಳಾಲ: ರೆಸಾರ್ಟ್ ಈಜುಕೊಳದಲ್ಲಿ ಮುಳುಗಿ ಮೈಸೂರಿನ ಮೂವರು ಯುವತಿಯರ ಸಾವು