ವಿಜಯಪುರ | ಮಹಾನಗರ ಪಾಲಿಕೆ ನಿರ್ಲಕ್ಷ್ಯ: ನಿರ್ವಹಣೆ ಇಲ್ಲದೆ ಸೊರಗಿದ ಉದ್ಯಾನಗಳು

ಉದ್ಯಾನ ಹಸಿರಿನಿಂದ ಕೂಡಿದ್ದರೆ ಮಾತ್ರ ಉದ್ಯಾನವನ ಎನ್ನುವ ಅರ್ಥವನ್ನು ಪಡೆದುಕೊಳ್ಳುತ್ತದೆ. ಆದರೆ ನಗರದ ಬಹುತೇಕ ಉದ್ಯಾನಗಳಲ್ಲಿ ಗಾರ್ಡ್‍ನ್ ಸೇರಿದಂತೆ ಹೂವಿನ ಗಿಡಗಳು ನೀರಿಲ್ಲದೇ ಒಣಗಿ ಹೋಗಿದೆ. ಉದ್ಯಾನವನ ನಿರ್ಮಿಸಿದ ಸಮಯದಲ್ಲಿ ನೀರಿನ ಸೌಲಭ್ಯ ನೀಡಲಾಗಿತ್ತು. ಆದರೆ ಸದ್ಯ ನಗರದ ಬಹುತೇಕ ಉದ್ಯಾನಗಳಲ್ಲಿ ನೀರಿಲ್ಲದೆ ಒಣಗುತ್ತಿದೆ. ಹೂವಿನ ಗಿಡಗಳು ಒಣಗಿ ಕಂಟಿಗಳಾಗಿ ಮಾರ್ಪಟ್ಟಿದೆ. ಸ್ಥಳೀಯ ನಿವಾಸಿಗಳು ಪಾರ್ಕ್ ಒಣಗುತ್ತಿರುವುದನ್ನು ಗಮನಿಸಿ ಪಾಲಿಕೆಗೆ ಮಾಹಿತಿ ನೀಡಿದರು ಯಾವುದೇ ಪ್ರಯೋಜನವಾಗಿಲ್ಲ. ಸದಾ ಹಸಿರಿನಿಂದ ಕಂಗೋಳಿಸಬೇಕಾಗಿದ್ದ ಉದ್ಯಾನಗಳಿಗೆ ನೀರಿನ ಕೊರತೆಯಿಂದ ಹಾಳು ಕೊಂಪೆಗಳಂತೆ ಉದ್ಯಾನವನಗಳು ಭಾಸವಾಗುತ್ತಿದೆ.

ನಗರದಲ್ಲಿನ ಬೆರಳೆಣಿಕೆಯ ಉದ್ಯಾನಗಳು ಮಾತ್ರ ಹಸಿರು ಹೊದಿಕೆ ಹೊದ್ದು ಆಕರ್ಷಣೀಯವಾಗಿ ಮಾದರಿಯಾಗಿವೆ. ಆಯಾ ವಾರ್ಡ್‌ನ ಸಾರ್ವಜನಿಕರ ಮುತುವರ್ಜಿಯಿಂದ ವ್ಯವಸ್ಥಿತವಾಗಿವೆ. ವಾಯು ವಿಹಾರಿಗಳಿಗೆ ಹಿತ ನೀಡುವ ವಾತಾರವಣವಿದೆ. ನಗರದ ಹೊರವಲಯದ ಭೂತನಾಳ ಕೆರೆ ಉದ್ಯಾನ ಕಾಂಗ್ರೆಸ್‌ ಕಚೇರಿಯ ಮುಂಭಾಗದಲ್ಲಿನ ಉದ್ಯಾನ ಜಲನಗರ ಉದ್ಯಾನ ಸೇರಿದಂತೆ ಬೆರಳೆಣಿಕೆಯ ಉದ್ಯಾನಗಳು ಮಾತ್ರ ವಾಯು ವಿಹಾರಿಗಳಿಗೆ ಹಿತ ನೀಡುತ್ತಿದೆ. ಇದೇ ಮಾದರಿಗಳಲ್ಲಿ ಇತರೆ ಉದ್ಯಾನಗಳು ಆಗಲಿ ಎನ್ನುವುದು ಜನಸಾಮಾನ್ಯರ ಆಗ್ರಹ.