ನಿಂಬೆಹಣ್ಣು, ಸೌತೆಕಾಯಿ ದರ ಹೆಚ್ಚಳ
ಜಿಲ್ಲೆಯಲ್ಲಿ ನಿಧಾನವಾಗಿ ಬೇಸಿಗೆ ಆರಂಭವಾಗುತ್ತಿದ್ದು ನಿಂಬೆಹಣ್ಣು ಸೌತೆಕಾಯಿ ದರ ಹೆಚ್ಚಳವಾಗಿದೆ. ಸಗಟು ದರದಲ್ಲಿ ನಿಂಬೆಹಣ್ಣು ₹10ಗೆ ಮೂರು ಚಿಲ್ಲರೆ ಮಾರಾಟದಲ್ಲಿ ₹10ಗೆ ಎರಡು ಮಾರಾಟ ಮಾಡಲಾಗುತ್ತಿದೆ. ಕಳೆದ ಎರಡು ವಾರಗಳಿಂದ ಪ್ರತಿ ಕೆಜಿ ಸೌತೆಕಾಯಿ ₹60ಗೆ ಮಾರಾಟವಾಗುತ್ತಿತ್ತು. ಈಗ ₹20 ಹೆಚ್ಚಳವಾಗಿದ್ದು ಬೇಡಿಕೆಯೂ ಬಂದಿದೆ. ಸದ್ಯ ಮಾರುಕಟ್ಟೆಯಲ್ಲಿ ₹80ಗೆ ಒಂದು ಕೆಜಿ ಸೌತೆಕಾಯಿ ಮಾರಾಟ ಮಾಡಲಾಗುತ್ತಿದೆ. ಬೇಸಿಗೆ ಸೀಸನ್ ಹಣ್ಣುಗಳು ಮಾರುಕಟ್ಟೆ ಪ್ರವೇಶಿಸಿದ್ದು ರಸ್ತೆ ಬದಿಯಲ್ಲಿ ಕಲ್ಲಂಗಡಿ ಹಣ್ಣುಗಳ ರಾಶಿ ಕಂಡು ಬರುತ್ತಿದೆ. ಇದರ ಜೊತೆಗೆ ಕರಬೂಜ ಹಣ್ಣುಗಳನ್ನು ತಳ್ಳುಗಾಡಿಯಲ್ಲಿಟ್ಟು ಮಾರಾಟ ಮಾಡುವುದು ಕಂಡು ಬರುತ್ತಿದೆ.