<p>ಮನೆಯಲ್ಲೇ ಕೂರಲು ಬೋರ್ ಹೊಡಿತಾ ಇದೆ... ನಾನು ಕೆಲಸಕ್ಕೆ ಹೋಗುವಾಗಲೇ ಜೀವನ ಚೆನ್ನಾಗಿತ್ತು, ಮಕ್ಕಳು–ಮನೆ ಅಂತ ಕೆಲಸ ಬಿಟ್ಟು ತಪ್ಪು ಮಾಡಿದೆ. ಈಗ ಕೆಲಸಕ್ಕೆ ಸೇರೋಣ ಎಂದರೆ ಕಲಿತಿದ್ದೆಲ್ಲ ಗುಡ್ಡ ಹತ್ತಿ ಹೋಗಿದೆ... ಎಂದು ಪರಿತಪಿಸುವ ಮಹಿಳೆಯರಿಗಾಗಿ ‘ವಿ-ಮಿನ್ಕ್ಲೂಷನ್ ತಾರ’ ಎನ್ನುವ ವಿಶೇಷ ತರಬೇತಿ ಕಾರ್ಯಕ್ರಮ ಇದೆ.</p>.<p>ಬೆಂಗಳೂರಿನ ಜಯನಗರದಲ್ಲಿರುವ ವಿಎಂವೇರ್ ಸಂಸ್ಥೆಯು 2019ರಲ್ಲಿ ಮಹಿಳೆಯರಿಗಾಗಿ ಉಚಿತ ಟೆಕ್ನಾಲಜಿ ತರಬೇತಿ ಕಾರ್ಯಕ್ರಮ ಆರಂಭಿಸಿದೆ. ಈಗಷ್ಟೇ ವಿದ್ಯಾಭ್ಯಾಸ ಮುಗಿಸಿದ ಹಾಗೂ ಈಗಾಗಲೇ ಉದ್ಯೋಗ ಪಡೆದು, ಕೆಲ ಕಾರಣದಿಂದ ಉದ್ಯೋಗ ತೊರೆದು, ಈಗ ಮತ್ತೆ ಉದ್ಯೋಗ ಪಡೆಯಬೇಕು ಎಂದು ಬಯಸುತ್ತಿರುವ ಮಹಿಳೆಯರಿಗಾಗಿ ಮಾತ್ರ ಈ ವೃತ್ತಿ ಕೌಶಲ ತರಬೇತಿ ಇದ್ದು, ಯಾವುದೇ ವಯೋಮಿತಿಯ ನಿರ್ಬಂಧ ಇಲ್ಲ. </p>.<p>ತರಬೇತಿಯನ್ನು ಆನ್ಲೈನ್ನಲ್ಲೇ ನೀಡಲಾಗುತ್ತಿದೆ. ವಿ–ಮಿನ್ಕ್ಲೂಷನ್ ತಾರ ಸರ್ಕಾರದಿಂದ ಮಾನ್ಯತೆ ಪಡೆದಿದ್ದು, ತರಬೇತಿ ಪಡೆದವರಿಗೆ ಸರ್ಕಾರದಿಂದ ಮಾನ್ಯತೆ ಪಡೆದ ಪ್ರಮಾಣಪತ್ರಗಳನ್ನೇ ನೀಡಲಾಗುವುದು. ಪ್ರತಿಯೊಬ್ಬರಿಗೂ ಪ್ರತ್ಯೇಕವಾಗಿ ತರಬೇತಿ ನೀಡಲಾಗುವುದರಿಂದ, ಯಾರು ಯಾವಾಗ ಬೇಕಾದರೂ ತರಬೇತಿ ಪಡೆದುಕೊಳ್ಳಬಹುದಾಗಿದ್ದು, ನೋಂದಣಿಗೆ ಕೊನೇದಿನ ಎನ್ನುವುದು ಇಲ್ಲಿಲ್ಲ. ಈ ತರಬೇತಿಯ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ <em>https://www.vmware.com/taara/</em> ವೆಬ್ಸೈಟ್ಗೆ ಭೇಟಿ ನೀಡಿ.</p>.<p><strong>ತರಬೇತಿಯ ವಿಶೇಷತೆ</strong></p>.<p>ಈ ತರಬೇತಿ ಅಡಿಯಲ್ಲಿ ಡೇಟಾಸೆಂಟರ್, ನೆಟ್ವರ್ಕಿಂಗ್, ಬ್ಯಾಂಕಿಂಗ್, ಅಡ್ಮಿನಿಸ್ಟ್ರೇಟಿವ್, ಕ್ಲೌಡ್ ಮತ್ತು ಕ್ಲೌಡ್ ಮ್ಯಾನೇಜ್ಮೆಂಟ್ ತಂತ್ರಜ್ಞಾನಗಳ ತರಬೇತಿಯನ್ನು ನೀಡಲಾಗುತ್ತದೆ. ಈ ತರಬೇತಿಯೂ ಸಂಪೂರ್ಣ ಉಚಿತವಾಗಿದ್ದು, ಕನಿಷ್ಠ 3 ರಿಂದ 6 ತಿಂಗಳ ಅವಧಿಯದ್ದಾಗಿದೆ. ಕೋರ್ಸ್ನನ್ನು ಮೂರು ಹಂತದಲ್ಲಿ ವಿಂಗಡಿಸಲಾಗಿದೆ. ಈಗಾಗಲೇ ಕೆಲಸದ ಅನುಭವ ಇರುವವರಿಗೆ ತಮ್ಮ ವೃತ್ತಿಯನ್ನು ಉನ್ನತೀಕರಿಸಿಕೊಳ್ಳುವವರಿಗೆ ಮಧ್ಯಮದ ಹಂತದ ತರಬೇತಿ, ಈಗಷ್ಟೇ ಉದ್ಯೋಗ ಪ್ರಾರಂಭಿಸುವವರಿಗೆ ನೂತನವಾಗಿ ತರಬೇತಿ ಹಾಗೂ ಈಗಾಗಲೇ ಉದ್ಯೋಗದಲ್ಲಿ ಉನ್ನತ ಸ್ಥಾನದಲ್ಲಿದ್ದವರಿಗೆ ಅತ್ಯುನ್ನತ ಮಟ್ಟದ ತರಬೇತಿ ನೀಡಲಾಗುವುದು. ಈ ತರಬೇತಿಗೆ ಸೇರಿಕೊಳ್ಳುವವರು ಕಡ್ಡಾಯವಾಗಿ ಕೆಲಸದಲ್ಲಿರಬಾರದು ಹಾಗೂ 18 ವರ್ಷ ಮೇಲ್ಪಟ್ಟಿರಬೇಕು. </p>.<p><em>ಈವರೆಗೂ ಸುಮಾರು 15 ಸಾವಿರ ಮಹಿಳೆಯರು ತರಬೇತಿ ಪಡೆದು, ಪ್ರತಿಷ್ಠಿತ ಸಂಸ್ಥೆಗಳಲ್ಲಿ ಉದ್ಯೋಗ ಪಡೆದುಕೊಂಡಿದ್ದಾರೆ. ಪ್ರಸ್ತುತ 22 ಸಾವಿರಕ್ಕೂ ಹೆಚ್ಚು ನೋಂದಣಿ ಆಗಿದೆ. ಕಾಶ್ಮೀರ, ಅಂಡಮಾನ್, ಕಾರ್ಗಿಲ್ನಿಂದಲೂ ಮಹಿಳೆಯರು ತರಬೇತಿ ಪಡೆಯುತ್ತಿದ್ದಾರೆ.</em></p>.<p><strong>– ಸೀತಾ ಲಕ್ಷ್ಮೀ, ಸೀನಿಯರ್ ಪ್ರೋಗ್ರಾಮ್ ಮ್ಯಾನೇಜರ್, ವಿಎಂವೇರ್</strong></p>.<p><em>ಮದುವೆಯಾದ ಬಳಿಕ ಕುಟುಂಬ ನಿರ್ವಹಣೆ ಹಾಗೂ ಜವಾಬ್ದಾರಿ ಕಾರಣದಿಂದ 10 ವರ್ಷ ಉದ್ಯೋಗ ತೊರೆದಿದ್ದೆ. ಮತ್ತೆ ಕೆಲಸಕ್ಕೆ ಸೇರಬೇಕು ಎಂದುಕೊಂಡಾಗ ಸಾಕಷ್ಟು ತಂತ್ರಜ್ಞಾನ ಮುಂದುವರಿದಿತ್ತು. ಅದರ ಕಲಿಕೆಗೆ ಹುಡುಕಾಡುತ್ತಿದ್ದಾಗ ವಿ–ಮಿನ್ಕ್ಲೂಷನ್ –ತಾರಾ’ ತರಬೇತಿಯ ಕುರಿತು ತಿಳಿಯಿತು. ಇಲ್ಲಿ 3 ತಿಂಗಳ ಆನ್ಲೈನ್ ತರಬೇತಿ ಪಡೆಯುತ್ತಿದ್ದಾಗಲೇ ಉದ್ಯೋಗ ದೊರೆಯಿತು.</em></p>.<p><strong>– ನಿತ್ಯಾ, ‘ತಾರಾ’ ಗ್ಯಾಜುಯೇಟ್</strong></p>.<p><em>ಮೂಲತಃ ನಾನು ಶಿಕ್ಷಕಿಯಾಗಿದ್ದೆ. ಕೋವಿಡ್ ಸಮಯದಲ್ಲಿ ಮನೆಯಿಂದಲೇ ಕೆಲಸ ಹಾಗೂ ಆನ್ಲೈನ್ ತರಗತಿಗಳು ಪ್ರಾರಂಭವಾಗಿದ್ದವು. ಹೆಚ್ಚಿನ ತಾಂತ್ರಿಕ ಜ್ಞಾನಕ್ಕಾಗಿ ಹುಡುಕುತ್ತಿದ್ದಾಗ ಈ ಸಂಸ್ಥೆಯ ಬಗ್ಗೆ ತಿಳಿಯಿತು. ಈಗ ಬಿಜಿನೆಸ್ ಡೆವಲಪ್ಮೆಂಟ್ನ ಎಚ್ಆರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದೇನೆ.</em></p>.<p><strong>– ಅಶ್ವಿನಿ, ತರಬೇತಿ ಪಡೆದವರು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮನೆಯಲ್ಲೇ ಕೂರಲು ಬೋರ್ ಹೊಡಿತಾ ಇದೆ... ನಾನು ಕೆಲಸಕ್ಕೆ ಹೋಗುವಾಗಲೇ ಜೀವನ ಚೆನ್ನಾಗಿತ್ತು, ಮಕ್ಕಳು–ಮನೆ ಅಂತ ಕೆಲಸ ಬಿಟ್ಟು ತಪ್ಪು ಮಾಡಿದೆ. ಈಗ ಕೆಲಸಕ್ಕೆ ಸೇರೋಣ ಎಂದರೆ ಕಲಿತಿದ್ದೆಲ್ಲ ಗುಡ್ಡ ಹತ್ತಿ ಹೋಗಿದೆ... ಎಂದು ಪರಿತಪಿಸುವ ಮಹಿಳೆಯರಿಗಾಗಿ ‘ವಿ-ಮಿನ್ಕ್ಲೂಷನ್ ತಾರ’ ಎನ್ನುವ ವಿಶೇಷ ತರಬೇತಿ ಕಾರ್ಯಕ್ರಮ ಇದೆ.</p>.<p>ಬೆಂಗಳೂರಿನ ಜಯನಗರದಲ್ಲಿರುವ ವಿಎಂವೇರ್ ಸಂಸ್ಥೆಯು 2019ರಲ್ಲಿ ಮಹಿಳೆಯರಿಗಾಗಿ ಉಚಿತ ಟೆಕ್ನಾಲಜಿ ತರಬೇತಿ ಕಾರ್ಯಕ್ರಮ ಆರಂಭಿಸಿದೆ. ಈಗಷ್ಟೇ ವಿದ್ಯಾಭ್ಯಾಸ ಮುಗಿಸಿದ ಹಾಗೂ ಈಗಾಗಲೇ ಉದ್ಯೋಗ ಪಡೆದು, ಕೆಲ ಕಾರಣದಿಂದ ಉದ್ಯೋಗ ತೊರೆದು, ಈಗ ಮತ್ತೆ ಉದ್ಯೋಗ ಪಡೆಯಬೇಕು ಎಂದು ಬಯಸುತ್ತಿರುವ ಮಹಿಳೆಯರಿಗಾಗಿ ಮಾತ್ರ ಈ ವೃತ್ತಿ ಕೌಶಲ ತರಬೇತಿ ಇದ್ದು, ಯಾವುದೇ ವಯೋಮಿತಿಯ ನಿರ್ಬಂಧ ಇಲ್ಲ. </p>.<p>ತರಬೇತಿಯನ್ನು ಆನ್ಲೈನ್ನಲ್ಲೇ ನೀಡಲಾಗುತ್ತಿದೆ. ವಿ–ಮಿನ್ಕ್ಲೂಷನ್ ತಾರ ಸರ್ಕಾರದಿಂದ ಮಾನ್ಯತೆ ಪಡೆದಿದ್ದು, ತರಬೇತಿ ಪಡೆದವರಿಗೆ ಸರ್ಕಾರದಿಂದ ಮಾನ್ಯತೆ ಪಡೆದ ಪ್ರಮಾಣಪತ್ರಗಳನ್ನೇ ನೀಡಲಾಗುವುದು. ಪ್ರತಿಯೊಬ್ಬರಿಗೂ ಪ್ರತ್ಯೇಕವಾಗಿ ತರಬೇತಿ ನೀಡಲಾಗುವುದರಿಂದ, ಯಾರು ಯಾವಾಗ ಬೇಕಾದರೂ ತರಬೇತಿ ಪಡೆದುಕೊಳ್ಳಬಹುದಾಗಿದ್ದು, ನೋಂದಣಿಗೆ ಕೊನೇದಿನ ಎನ್ನುವುದು ಇಲ್ಲಿಲ್ಲ. ಈ ತರಬೇತಿಯ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ <em>https://www.vmware.com/taara/</em> ವೆಬ್ಸೈಟ್ಗೆ ಭೇಟಿ ನೀಡಿ.</p>.<p><strong>ತರಬೇತಿಯ ವಿಶೇಷತೆ</strong></p>.<p>ಈ ತರಬೇತಿ ಅಡಿಯಲ್ಲಿ ಡೇಟಾಸೆಂಟರ್, ನೆಟ್ವರ್ಕಿಂಗ್, ಬ್ಯಾಂಕಿಂಗ್, ಅಡ್ಮಿನಿಸ್ಟ್ರೇಟಿವ್, ಕ್ಲೌಡ್ ಮತ್ತು ಕ್ಲೌಡ್ ಮ್ಯಾನೇಜ್ಮೆಂಟ್ ತಂತ್ರಜ್ಞಾನಗಳ ತರಬೇತಿಯನ್ನು ನೀಡಲಾಗುತ್ತದೆ. ಈ ತರಬೇತಿಯೂ ಸಂಪೂರ್ಣ ಉಚಿತವಾಗಿದ್ದು, ಕನಿಷ್ಠ 3 ರಿಂದ 6 ತಿಂಗಳ ಅವಧಿಯದ್ದಾಗಿದೆ. ಕೋರ್ಸ್ನನ್ನು ಮೂರು ಹಂತದಲ್ಲಿ ವಿಂಗಡಿಸಲಾಗಿದೆ. ಈಗಾಗಲೇ ಕೆಲಸದ ಅನುಭವ ಇರುವವರಿಗೆ ತಮ್ಮ ವೃತ್ತಿಯನ್ನು ಉನ್ನತೀಕರಿಸಿಕೊಳ್ಳುವವರಿಗೆ ಮಧ್ಯಮದ ಹಂತದ ತರಬೇತಿ, ಈಗಷ್ಟೇ ಉದ್ಯೋಗ ಪ್ರಾರಂಭಿಸುವವರಿಗೆ ನೂತನವಾಗಿ ತರಬೇತಿ ಹಾಗೂ ಈಗಾಗಲೇ ಉದ್ಯೋಗದಲ್ಲಿ ಉನ್ನತ ಸ್ಥಾನದಲ್ಲಿದ್ದವರಿಗೆ ಅತ್ಯುನ್ನತ ಮಟ್ಟದ ತರಬೇತಿ ನೀಡಲಾಗುವುದು. ಈ ತರಬೇತಿಗೆ ಸೇರಿಕೊಳ್ಳುವವರು ಕಡ್ಡಾಯವಾಗಿ ಕೆಲಸದಲ್ಲಿರಬಾರದು ಹಾಗೂ 18 ವರ್ಷ ಮೇಲ್ಪಟ್ಟಿರಬೇಕು. </p>.<p><em>ಈವರೆಗೂ ಸುಮಾರು 15 ಸಾವಿರ ಮಹಿಳೆಯರು ತರಬೇತಿ ಪಡೆದು, ಪ್ರತಿಷ್ಠಿತ ಸಂಸ್ಥೆಗಳಲ್ಲಿ ಉದ್ಯೋಗ ಪಡೆದುಕೊಂಡಿದ್ದಾರೆ. ಪ್ರಸ್ತುತ 22 ಸಾವಿರಕ್ಕೂ ಹೆಚ್ಚು ನೋಂದಣಿ ಆಗಿದೆ. ಕಾಶ್ಮೀರ, ಅಂಡಮಾನ್, ಕಾರ್ಗಿಲ್ನಿಂದಲೂ ಮಹಿಳೆಯರು ತರಬೇತಿ ಪಡೆಯುತ್ತಿದ್ದಾರೆ.</em></p>.<p><strong>– ಸೀತಾ ಲಕ್ಷ್ಮೀ, ಸೀನಿಯರ್ ಪ್ರೋಗ್ರಾಮ್ ಮ್ಯಾನೇಜರ್, ವಿಎಂವೇರ್</strong></p>.<p><em>ಮದುವೆಯಾದ ಬಳಿಕ ಕುಟುಂಬ ನಿರ್ವಹಣೆ ಹಾಗೂ ಜವಾಬ್ದಾರಿ ಕಾರಣದಿಂದ 10 ವರ್ಷ ಉದ್ಯೋಗ ತೊರೆದಿದ್ದೆ. ಮತ್ತೆ ಕೆಲಸಕ್ಕೆ ಸೇರಬೇಕು ಎಂದುಕೊಂಡಾಗ ಸಾಕಷ್ಟು ತಂತ್ರಜ್ಞಾನ ಮುಂದುವರಿದಿತ್ತು. ಅದರ ಕಲಿಕೆಗೆ ಹುಡುಕಾಡುತ್ತಿದ್ದಾಗ ವಿ–ಮಿನ್ಕ್ಲೂಷನ್ –ತಾರಾ’ ತರಬೇತಿಯ ಕುರಿತು ತಿಳಿಯಿತು. ಇಲ್ಲಿ 3 ತಿಂಗಳ ಆನ್ಲೈನ್ ತರಬೇತಿ ಪಡೆಯುತ್ತಿದ್ದಾಗಲೇ ಉದ್ಯೋಗ ದೊರೆಯಿತು.</em></p>.<p><strong>– ನಿತ್ಯಾ, ‘ತಾರಾ’ ಗ್ಯಾಜುಯೇಟ್</strong></p>.<p><em>ಮೂಲತಃ ನಾನು ಶಿಕ್ಷಕಿಯಾಗಿದ್ದೆ. ಕೋವಿಡ್ ಸಮಯದಲ್ಲಿ ಮನೆಯಿಂದಲೇ ಕೆಲಸ ಹಾಗೂ ಆನ್ಲೈನ್ ತರಗತಿಗಳು ಪ್ರಾರಂಭವಾಗಿದ್ದವು. ಹೆಚ್ಚಿನ ತಾಂತ್ರಿಕ ಜ್ಞಾನಕ್ಕಾಗಿ ಹುಡುಕುತ್ತಿದ್ದಾಗ ಈ ಸಂಸ್ಥೆಯ ಬಗ್ಗೆ ತಿಳಿಯಿತು. ಈಗ ಬಿಜಿನೆಸ್ ಡೆವಲಪ್ಮೆಂಟ್ನ ಎಚ್ಆರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದೇನೆ.</em></p>.<p><strong>– ಅಶ್ವಿನಿ, ತರಬೇತಿ ಪಡೆದವರು</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
