<p><strong>ಬೆಂಗಳೂರು</strong>:2009ರಲ್ಲಿ ಬಿಡುಗಡೆಯಾಗಿದ್ದ ಜೇಮ್ಸ್ ಕೆಮರೂನ್ ಅವರ 'ಅವತಾರ್', ಸಿನಿಮಾ ವೀಕ್ಷಣೆಯ ಅನುಭವಕ್ಕೆ ಹೊಸ ಭಾಷ್ಯ ಬರೆದಿತ್ತು.</p>.<p>ಇದೀಗ ಆ ಸರಣಿಯ ಮತ್ತೊಂದು ಸಿನಿಮಾ ಹೊಸ ಅವತಾರದಲ್ಲಿ ಬಿಡುಗಡೆಯಾಗುತ್ತಿದೆ.ಜೇಮ್ಸ್ ಕೆಮರೂನ್ ಅವರ ‘ಅವತಾರ್– ದಿ ವೇ ಆಫ್ ವಾಟರ್’ ಇದೇ ಡಿಸೆಂಬರ್ 16 ರಂದು ಜಗತ್ತಿನಾದ್ಯಂತ ತೆರೆಗೆ ಅಪ್ಪಳಿಸುತ್ತಿದೆ.</p>.<p>ಕಳೆದ ಬುಧವಾರ ಈ ಚಿತ್ರದ ಪ್ರೀಮಿಯರ್ ಶೋವನ್ನು, ಬಾಲಿವುಡ್ ನಟ ನಟಿಯರಿಗಾಗಿ, ತಂತ್ರಜ್ಞರಿಗಾಗಿ ಮುಂಬೈನಲ್ಲಿ ಆಯೋಜಿಸಲಾಗಿತ್ತು. ಶೋ ನೋಡಲು ಅಕ್ಷಯ್ ಕುಮಾರ್, ಕಾರ್ತಿಕ್ ಆರ್ಯನ್, ಬಾಬಿ ಡಿಯೋಲ್ ಸೇರಿದಂತೆ ಅನೇಕರು ಹೋಗಿದ್ದರು. ಬಾಲಿವುಡ್ ನಿರ್ದೇಶಕ ಓಂ ರಾವುತ್ ಕೂಡ ಹೋಗಿದ್ದರು.</p>.<p>ಅಂದ ಹಾಗೇ ಈ ಓಂ ರಾವುತ್ ಅವರು ಪ್ರಭಾಸ್ ಹಾಗೂ ಸೈಫ್ ಅಲಿಖಾನ್, ಕೃತಿ ಸನೋನ್ ತಾರಾಗಣದಲ್ಲಿ ರಾಮಾಯಣದ ಕಥೆ ಆಧರಿಸಿ ‘ಆದಿಪುರುಷ’ ಎಂಬ 3ಡಿ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಈ ಮಧ್ಯದಲ್ಲಿ ‘ಅವತಾರ್–ದಿ ವೇ ಆಫ್ ವಾಟರ್’ 3ಡಿ ಸಿನಿಮಾದ ಪ್ರೀಮಿಯರ್ ಶೋ ನೋಡಿ ಬಂದ ರಾವುತ್, ‘ಇದೊಂದು ಅದ್ಭುತ ಸಿನಿಮಾ’ ಎಂದು ಬಣ್ಣಿಸಿದ್ದರು.</p>.<p>ಈ ವಿಡಿಯೊ ಕೂಡ ವೈರಲ್ ಆಗಿತ್ತು. ವಿಡಿಯೊಕ್ಕೆ ಪ್ರತಿಕ್ರಿಯಿಸಿರುವ ನೆಟ್ಟಿಗರು, ‘ಇನ್ನಾದರೂ ಕಾರ್ಟೂನ್ಗಳಿಗೂ, ವಿಎಫ್ಎಕ್ಸ್ಗೂ ಇರುವ ವ್ಯತ್ಯಾಸ ತಿಳಿದುಕೊಳ್ಳಿ ರಾವುತ್ ಅವರೇ’ ಎಂದು ಕಿಚಾಯಿಸಿದ್ದಾರೆ.</p>.<p>ಏಕೆಂದರೆ, ರಾವುತ್ ನಿರ್ದೇಶಿಸುತ್ತಿರುವ ‘ಆದಿಪುರುಷ’ ಸಿನಿಮಾದ ಟೀಸರ್ ವ್ಯಾಪಕ ಟೀಕೆಗೆ ಒಳಗಾಗಿತ್ತು. ವಿಎಫ್ಎಕ್ಸ್ ಸಿನಿಮಾ ಎಂದು ಹೇಳಲಾದ ಆದಿಪುರುಷ ಟೀಸರ್ನಲ್ಲಿ ಪಾತ್ರಗಳನ್ನು ಕಾರ್ಟೂನ್ ರೀತಿ ಚಿತ್ರಿಸಲಾಗಿದೆ’ ಎಂದು ಟ್ರೋಲ್ ಮಾಡಲಾಗಿತ್ತು.</p>.<p>‘ಅಲ್ಲದೇ ರಾವಣನ ಪಾತ್ರವನ್ನು ಸ್ಪೈಕ್ ಕಟ್ ಮಾಡಿಸಿ ವಿಚಿತ್ರವಾಗಿ ತೋರಿಸಲಾಗಿದೆ. ರಾಮನ ಪಾತ್ರಕ್ಕೆ ಮೀಸೆ ಹಚ್ಚಲಾಗಿದೆ. ಜಾಂಬವಂತ, ಆಂಜನೇಯ ಸೇನೆಯನ್ನು ಕಾರ್ಟೂನ್ ಕೋತಿಗಳ ರೀತಿ ತೋರಿಸಲಾಗಿದೆ. ನೈಜತೆ ಎಲ್ಲಿದೆ?’ ಎಂದು ಟೀಕಿಸಲಾಗಿತ್ತು.</p>.<p>ದೀಪಾವಳಿ ಸಂದರ್ಭದಲ್ಲಿ ಅಯೋಧ್ಯೆಯಲ್ಲಿ ಬಿಡುಗಡೆಯಾಗಿದ್ದ ‘ಆದಿಪುರುಷ’ ಸಿನಿಮಾ ಟ್ರೇಲರ್ ಮೇಲೆ ಹೇಳಲಾದ ಕಾರಣಗಳಿಂದ ವ್ಯಾಪಕ ಟ್ರೋಲ್ಗೆ ತುತ್ತಾಗಿತ್ತು.</p>.<p>ಇದೀಗ ‘ಅವತಾರ್– ದಿ ವೇ ಆಫ್ ವಾಟರ್’ ಸಿನಿಮಾದಲ್ಲಿ ವಿಎಫ್ಎಕ್ಸ್ ತಂತ್ರಜ್ಞಾನವನ್ನು ಅತ್ಯಂತ ಉನ್ನತವಾಗಿ, ಶ್ರೇಷ್ಠವಾಗಿ ತೋರಿಸಲಾಗಿದೆ. ನೈಜತೆ ಎದ್ದು ಕಾಣುವಂತೆ ಅತ್ಯಂತ ಪರಿಶ್ರಮದಿಂದ ಸಿನಿಮಾವನ್ನು ನಿರ್ದೇಶಕ ಜೇಮ್ಸ್ ಕ್ಯಾಮರೂನ್ ಹೊರತಂದಿದ್ದಾರೆ’ ಎಂದು ಮೆಚ್ಚುಗೆಗಳು ಕೇಳಿ ಬರುತ್ತಿವೆ.</p>.<p>3 ಗಂಟೆ 11 ನಿಮಿಷ ಇರುವಈ ಚಿತ್ರ ಭಾರತದಲ್ಲಿ ಸುಮಾರು 3,000 ಸ್ಕ್ರೀನ್ಗಳಲ್ಲಿ ಬಿಡುಗಡೆಯಾಗುತ್ತಿದೆ. 4ಡಿಎಕ್ಸ್ಆರ್3ಡಿ ಶೋಗಳಒಂದು ಟಿಕೆಟ್ ದರ ಮಲ್ಟಿಪೆಕ್ಸ್ಗಳಲ್ಲಿ ₹2,500ರವರೆಗೆ ಇದೆ. 3ಡಿ ಶೋಗಳ ದರ ಕೂಡ ₹1500ರವರಗೆ ಇವೆ.‘20th ಸೆಂಚುರಿ ಸ್ಟುಡಿಯೋಸ್ ಇಂಡಿಯಾ’ ಕಂಪನಿ ಭಾರತದಲ್ಲಿ ಈ ಚಿತ್ರವನ್ನು ಹಂಚಿಕೆ ಮಾಡುತ್ತಿದೆ.</p>.<p>ಇಷ್ಟು ದೊಡ್ಡಮೊತ್ತದ ಬಂಡವಾಳ ಹಾಕಿರುವ ನಿರ್ಮಾಪಕರು ಚಿತ್ರಕ್ಕೆ ಹೇಗೆ ಪ್ರತಿಕ್ರಿಯೆ ಸಿಗುತ್ತದೆ ಎಂದು ಎದುರು ನೋಡುತ್ತಿದ್ದಾರೆ. ನಿರ್ದೇಶಕ ಕೆಮರೂನ್ ಕೂಡ ಈ ಚಿತ್ರಕ್ಕೆ ಸಹನಿರ್ಮಾಪಕರಾಗಿದ್ದಾರೆ.</p>.<p>ನಟರಾದ ವರ್ಥಿಂಗ್ಟನ್, ಜೋ ಸಲ್ಡಾನಾ, ಸ್ಟೀಪನ್ ಲಾಂಗ್, ಮಿಚಲ್ ರೋಡ್ರಿಗಜ್, ಸಿಗೋರನಿ ವೇವರ್, ಕೇಟ್ ವಿನ್ಸ್ಲೆಟ್ ಸೇರಿದಂತೆ ಹಲವರು ಮುಖ್ಯ ತಾರಾಗಣದಲ್ಲಿದ್ದಾರೆ.</p>.<p><a href="https://www.prajavani.net/entertainment/cinema/avatar-the-way-of-water-movie-budget-how-big-996950.html" itemprop="url">ಅಬ್ಬಾ ಅವತಾರ್2 ಸಿನಿಮಾ ಬಜೆಟ್ ಇಷ್ಟೊಂದಾ! ಇದುವರೆಗಿನ ಎಲ್ಲ ದಾಖಲೆಗಳು ಧೂಳಿಪಟ </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>:2009ರಲ್ಲಿ ಬಿಡುಗಡೆಯಾಗಿದ್ದ ಜೇಮ್ಸ್ ಕೆಮರೂನ್ ಅವರ 'ಅವತಾರ್', ಸಿನಿಮಾ ವೀಕ್ಷಣೆಯ ಅನುಭವಕ್ಕೆ ಹೊಸ ಭಾಷ್ಯ ಬರೆದಿತ್ತು.</p>.<p>ಇದೀಗ ಆ ಸರಣಿಯ ಮತ್ತೊಂದು ಸಿನಿಮಾ ಹೊಸ ಅವತಾರದಲ್ಲಿ ಬಿಡುಗಡೆಯಾಗುತ್ತಿದೆ.ಜೇಮ್ಸ್ ಕೆಮರೂನ್ ಅವರ ‘ಅವತಾರ್– ದಿ ವೇ ಆಫ್ ವಾಟರ್’ ಇದೇ ಡಿಸೆಂಬರ್ 16 ರಂದು ಜಗತ್ತಿನಾದ್ಯಂತ ತೆರೆಗೆ ಅಪ್ಪಳಿಸುತ್ತಿದೆ.</p>.<p>ಕಳೆದ ಬುಧವಾರ ಈ ಚಿತ್ರದ ಪ್ರೀಮಿಯರ್ ಶೋವನ್ನು, ಬಾಲಿವುಡ್ ನಟ ನಟಿಯರಿಗಾಗಿ, ತಂತ್ರಜ್ಞರಿಗಾಗಿ ಮುಂಬೈನಲ್ಲಿ ಆಯೋಜಿಸಲಾಗಿತ್ತು. ಶೋ ನೋಡಲು ಅಕ್ಷಯ್ ಕುಮಾರ್, ಕಾರ್ತಿಕ್ ಆರ್ಯನ್, ಬಾಬಿ ಡಿಯೋಲ್ ಸೇರಿದಂತೆ ಅನೇಕರು ಹೋಗಿದ್ದರು. ಬಾಲಿವುಡ್ ನಿರ್ದೇಶಕ ಓಂ ರಾವುತ್ ಕೂಡ ಹೋಗಿದ್ದರು.</p>.<p>ಅಂದ ಹಾಗೇ ಈ ಓಂ ರಾವುತ್ ಅವರು ಪ್ರಭಾಸ್ ಹಾಗೂ ಸೈಫ್ ಅಲಿಖಾನ್, ಕೃತಿ ಸನೋನ್ ತಾರಾಗಣದಲ್ಲಿ ರಾಮಾಯಣದ ಕಥೆ ಆಧರಿಸಿ ‘ಆದಿಪುರುಷ’ ಎಂಬ 3ಡಿ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಈ ಮಧ್ಯದಲ್ಲಿ ‘ಅವತಾರ್–ದಿ ವೇ ಆಫ್ ವಾಟರ್’ 3ಡಿ ಸಿನಿಮಾದ ಪ್ರೀಮಿಯರ್ ಶೋ ನೋಡಿ ಬಂದ ರಾವುತ್, ‘ಇದೊಂದು ಅದ್ಭುತ ಸಿನಿಮಾ’ ಎಂದು ಬಣ್ಣಿಸಿದ್ದರು.</p>.<p>ಈ ವಿಡಿಯೊ ಕೂಡ ವೈರಲ್ ಆಗಿತ್ತು. ವಿಡಿಯೊಕ್ಕೆ ಪ್ರತಿಕ್ರಿಯಿಸಿರುವ ನೆಟ್ಟಿಗರು, ‘ಇನ್ನಾದರೂ ಕಾರ್ಟೂನ್ಗಳಿಗೂ, ವಿಎಫ್ಎಕ್ಸ್ಗೂ ಇರುವ ವ್ಯತ್ಯಾಸ ತಿಳಿದುಕೊಳ್ಳಿ ರಾವುತ್ ಅವರೇ’ ಎಂದು ಕಿಚಾಯಿಸಿದ್ದಾರೆ.</p>.<p>ಏಕೆಂದರೆ, ರಾವುತ್ ನಿರ್ದೇಶಿಸುತ್ತಿರುವ ‘ಆದಿಪುರುಷ’ ಸಿನಿಮಾದ ಟೀಸರ್ ವ್ಯಾಪಕ ಟೀಕೆಗೆ ಒಳಗಾಗಿತ್ತು. ವಿಎಫ್ಎಕ್ಸ್ ಸಿನಿಮಾ ಎಂದು ಹೇಳಲಾದ ಆದಿಪುರುಷ ಟೀಸರ್ನಲ್ಲಿ ಪಾತ್ರಗಳನ್ನು ಕಾರ್ಟೂನ್ ರೀತಿ ಚಿತ್ರಿಸಲಾಗಿದೆ’ ಎಂದು ಟ್ರೋಲ್ ಮಾಡಲಾಗಿತ್ತು.</p>.<p>‘ಅಲ್ಲದೇ ರಾವಣನ ಪಾತ್ರವನ್ನು ಸ್ಪೈಕ್ ಕಟ್ ಮಾಡಿಸಿ ವಿಚಿತ್ರವಾಗಿ ತೋರಿಸಲಾಗಿದೆ. ರಾಮನ ಪಾತ್ರಕ್ಕೆ ಮೀಸೆ ಹಚ್ಚಲಾಗಿದೆ. ಜಾಂಬವಂತ, ಆಂಜನೇಯ ಸೇನೆಯನ್ನು ಕಾರ್ಟೂನ್ ಕೋತಿಗಳ ರೀತಿ ತೋರಿಸಲಾಗಿದೆ. ನೈಜತೆ ಎಲ್ಲಿದೆ?’ ಎಂದು ಟೀಕಿಸಲಾಗಿತ್ತು.</p>.<p>ದೀಪಾವಳಿ ಸಂದರ್ಭದಲ್ಲಿ ಅಯೋಧ್ಯೆಯಲ್ಲಿ ಬಿಡುಗಡೆಯಾಗಿದ್ದ ‘ಆದಿಪುರುಷ’ ಸಿನಿಮಾ ಟ್ರೇಲರ್ ಮೇಲೆ ಹೇಳಲಾದ ಕಾರಣಗಳಿಂದ ವ್ಯಾಪಕ ಟ್ರೋಲ್ಗೆ ತುತ್ತಾಗಿತ್ತು.</p>.<p>ಇದೀಗ ‘ಅವತಾರ್– ದಿ ವೇ ಆಫ್ ವಾಟರ್’ ಸಿನಿಮಾದಲ್ಲಿ ವಿಎಫ್ಎಕ್ಸ್ ತಂತ್ರಜ್ಞಾನವನ್ನು ಅತ್ಯಂತ ಉನ್ನತವಾಗಿ, ಶ್ರೇಷ್ಠವಾಗಿ ತೋರಿಸಲಾಗಿದೆ. ನೈಜತೆ ಎದ್ದು ಕಾಣುವಂತೆ ಅತ್ಯಂತ ಪರಿಶ್ರಮದಿಂದ ಸಿನಿಮಾವನ್ನು ನಿರ್ದೇಶಕ ಜೇಮ್ಸ್ ಕ್ಯಾಮರೂನ್ ಹೊರತಂದಿದ್ದಾರೆ’ ಎಂದು ಮೆಚ್ಚುಗೆಗಳು ಕೇಳಿ ಬರುತ್ತಿವೆ.</p>.<p>3 ಗಂಟೆ 11 ನಿಮಿಷ ಇರುವಈ ಚಿತ್ರ ಭಾರತದಲ್ಲಿ ಸುಮಾರು 3,000 ಸ್ಕ್ರೀನ್ಗಳಲ್ಲಿ ಬಿಡುಗಡೆಯಾಗುತ್ತಿದೆ. 4ಡಿಎಕ್ಸ್ಆರ್3ಡಿ ಶೋಗಳಒಂದು ಟಿಕೆಟ್ ದರ ಮಲ್ಟಿಪೆಕ್ಸ್ಗಳಲ್ಲಿ ₹2,500ರವರೆಗೆ ಇದೆ. 3ಡಿ ಶೋಗಳ ದರ ಕೂಡ ₹1500ರವರಗೆ ಇವೆ.‘20th ಸೆಂಚುರಿ ಸ್ಟುಡಿಯೋಸ್ ಇಂಡಿಯಾ’ ಕಂಪನಿ ಭಾರತದಲ್ಲಿ ಈ ಚಿತ್ರವನ್ನು ಹಂಚಿಕೆ ಮಾಡುತ್ತಿದೆ.</p>.<p>ಇಷ್ಟು ದೊಡ್ಡಮೊತ್ತದ ಬಂಡವಾಳ ಹಾಕಿರುವ ನಿರ್ಮಾಪಕರು ಚಿತ್ರಕ್ಕೆ ಹೇಗೆ ಪ್ರತಿಕ್ರಿಯೆ ಸಿಗುತ್ತದೆ ಎಂದು ಎದುರು ನೋಡುತ್ತಿದ್ದಾರೆ. ನಿರ್ದೇಶಕ ಕೆಮರೂನ್ ಕೂಡ ಈ ಚಿತ್ರಕ್ಕೆ ಸಹನಿರ್ಮಾಪಕರಾಗಿದ್ದಾರೆ.</p>.<p>ನಟರಾದ ವರ್ಥಿಂಗ್ಟನ್, ಜೋ ಸಲ್ಡಾನಾ, ಸ್ಟೀಪನ್ ಲಾಂಗ್, ಮಿಚಲ್ ರೋಡ್ರಿಗಜ್, ಸಿಗೋರನಿ ವೇವರ್, ಕೇಟ್ ವಿನ್ಸ್ಲೆಟ್ ಸೇರಿದಂತೆ ಹಲವರು ಮುಖ್ಯ ತಾರಾಗಣದಲ್ಲಿದ್ದಾರೆ.</p>.<p><a href="https://www.prajavani.net/entertainment/cinema/avatar-the-way-of-water-movie-budget-how-big-996950.html" itemprop="url">ಅಬ್ಬಾ ಅವತಾರ್2 ಸಿನಿಮಾ ಬಜೆಟ್ ಇಷ್ಟೊಂದಾ! ಇದುವರೆಗಿನ ಎಲ್ಲ ದಾಖಲೆಗಳು ಧೂಳಿಪಟ </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
