ಕಿರುತೆರೆಯಿಂದ ಹಿರಿತೆರೆಗೆ ಪ್ರಿಯಾಂಕಾ

‘ಅಗ್ನಿಸಾಕ್ಷಿಯ’ ಖಳನಾಯಕಿಯಾಗಿ, 'ಬಿಗ್ಬಾಸ್'ನಲ್ಲಿ ನೈಜತೆಯ ಮೂಲಕ ಜನರ ಪ್ರೀತಿ ಗಳಿಸಿದ್ದ ನಟಿ ಪ್ರಿಯಾಂಕಾ ಈಗ ಕಿರುತೆರೆಯಿಂದ ಹಿರಿತೆರೆಗೆ ಬಡ್ತಿ ಪಡೆದಿರುವ ಸಂಭ್ರಮದಲ್ಲಿದ್ದಾರೆ.

. ಬೆಂಗಳೂರಿನವರೇ ಆದ ಪ್ರಿಯಾಂಕಾ, ಪದವಿ ಓದುತ್ತಿದ್ದಾಗಲೇ ಬಣ್ಣದ ಲೋಕ ಪ್ರವೇಶಿಸಿದರು. ಈವರೆಗೂ ಎಂಟು ಧಾರಾವಾಹಿಗಳಲ್ಲಿ ನಟಿಸಿರುವ ಅವರಿಗೆ ಜನಪ್ರಿಯತೆ ತಂದುಕೊಟ್ಟಿದ್ದು ಅಗ್ನಿಸಾಕ್ಷಿ ಧಾರಾವಾಹಿಯ ಚಂದ್ರಿಕಾ ಪಾತ್ರ. ಅದಾಗಲೇ ಜನಪ್ರಿಯವಾಗಿದ್ದ ಈ ಪಾತ್ರವನ್ನು ಇವರು ಪ್ರವೇಶಿಸಿದ್ದು ತಡವಾಗಿಯಾದರೂ, ಅದನ್ನು ನಿಭಾಯಿಸಿದ್ದ ರೀತಿ ಹಳೆಯ ಪಾತ್ರಧಾರಿಯನ್ನು ಮರೆಸುವಷ್ಟು ಪ್ರಬಲವಾಗಿತ್ತು.

. ಈಗ ಅವರ ನಟನಾ ಕೌಶಲಕ್ಕೆ ಮತ್ತೊಂದು ಗರಿ ದೊರಕಿದೆ. ‘ಫ್ಯಾಂಟಸಿ’ ಸಿನಿಮಾದ ಮುಖ್ಯ ಪಾತ್ರದಲ್ಲಿ ಪ್ರಿಯಾಂಕಾ ನಟಿಸುತ್ತಿದ್ದಾರೆ. ಸಿನಿಮಾದ ಚಿತ್ರೀಕರಣ ಮುಕ್ತಾಯದ ಹಂತದಲ್ಲಿದೆ. ಒಂದೊಳ್ಳೆ ತಂಡ ಮತ್ತು ಪಾತ್ರ ಸಿಕ್ಕಿರುವ ಖುಷಿಯಲ್ಲಿದ್ದಾರೆ ಪ್ರಿಯಾಂಕಾ.

. ‘ಈ ಸಿನಿಮಾ ವಿಶಿಷ್ಟವಾದ ಅನುಭವವನ್ನು ನೀಡಿದೆ. ಪಾತ್ರ ನಿರ್ವಹಣೆಯೂ ಕಷ್ಟ ಎನಿಸಿಲ್ಲ. ಹಿಂದಿನಂತೆ ಇದರಲ್ಲಿಯೂ ನೆಗೆಟಿವ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ಆದರೆ, ಅಗ್ನಿಸಾಕ್ಷಿಯಲ್ಲಿನ ಪಾತ್ರಕ್ಕೂ ಈ ಪಾತ್ರಕ್ಕೂ ತುಂಬಾ ವ್ಯಾತ್ಯಾಸವಿದೆ. ಅಷ್ಟೊಂದು ಕೆಟ್ಟ ಬುದ್ಧಿ ಇಲ್ಲಿ ಪ್ರದರ್ಶಿಸಿಲ್ಲ. ಕೆಲಸದ ವಿಷಯ ಬಂದಾಗ ನಾನು ಕಿರುತೆರೆ, ಹಿರಿತೆರೆ ಎಂದು ಭೇದ ಮಾಡುವುದಿಲ್ಲ. ಹಾಗಾಗಿ ತುಂಬಾ ಕಡಿಮೆ ಸಮಯದಲ್ಲಿ ಈ ಸಿನಿಮಾ ಶೂಟಿಂಗ್ ಮುಗಿಸಿದೆ. ಈ ಚಿತ್ರದಲ್ಲಿ ನನ್ನದೊಂದು ವಿಶೇಷ ಪಾತ್ರ’ ಎಂದು ಒಂದೇ ಉಸಿರಿಗೆ ತಮ್ಮ ಪಾತ್ರದ ವರದಿ ಒಪ್ಪಿಸಿದರು.

. ಸವಾಲೊಡ್ಡುವ ಪಾತ್ರಗಳ ನಿರೀಕ್ಷೆಯಲ್ಲಿದ್ದ ಅವರಿಗೆ, ಮಾಮೂಲಿ ಜಾಡಿಗಿಂತ ವಿಭಿನ್ನವಾಗಿರುವ ಪಾತ್ರವಿದೆ ಎಂಬ ನಿರೀಕ್ಷೆಯನ್ನು ಫ್ಯಾಂಟಸಿ ಸಿನಿಮಾ ನನಸಾಗಿಸಿದೆಯಂತೆ. ಆದರೆ, ಮುಂದಿನ ದಿನಗಳಲ್ಲಿ ನೆಗೆಟಿವ್ ಪಾತ್ರದ ಹೊರತಾಗಿಯೂ ನಟನೆಯ ಚಾಕಚಕ್ಯತೆಯನ್ನು ಪ್ರದರ್ಶಿಸಬೇಕೆಂಬ ಹಂಬಲ ವ್ಯಕ್ತಪಡಿಸುತ್ತಾರೆ.

. ಬಿಗ್ಬಾಸ್ನಲ್ಲಿ ಅಂತಿಮ ಹಂತದವರೆಗೂ ಗೆಲುವಿಗಾಗಿ ಸೆಣಸಾಡಿದ ಪ್ರಿಯಾಂಕಾಗೆ ಗೆಲುವು ದೊರಕದಿದ್ದರೂ, ಜನಪ್ರೀತಿ ಗಳಿಸಿದ ತೃಪ್ತಿ ಇದೆ. ಆದರೆ ಅದನ್ನು ಸಂಪೂರ್ಣವಾಗಿ ಅನುಭವಿಸಲು ಸಾಧ್ಯವಾಗದ ದುಃಖವೂ ಇದೆ.

. ‘ಬಿಗ್ಬಾಸ್ನಿಂದ ಹೊರಬಂದ ಕೆಲವೇ ದಿನಗಳಲ್ಲಿ ಕೊರೊನಾ ಪರಿಸ್ಥಿತಿ ಎದುರಾಗಿದ್ದರಿಂದ ಆ ಖುಷಿಯನ್ನು ಸಂಪೂರ್ಣವಾಗಿ ಅನುಭವಿಸಲು ಸಾಧ್ಯವಾಗಲಿಲ್ಲ. ನಟನೆಯ ಅವಕಾಶವೂ ದೊರಕದೆ ಬಿಡುವು ಪಡೆಯುವ ಅನಿವಾರ್ಯತೆಯೂ ಎದುರಾಯಿತು. ‘ಫ್ಯಾಂಟಸಿ’ ಸಿನಿಮಾದ ಕಥೆ ಕೇಳಿದಾಗ ಮನಸ್ಸಿಗೆ ತುಂಬಾ ಆಪ್ತವೆನಿಸಿತು. ಕಥೆಯೇ ಪ್ರಧಾನವಾಗಿರುವ ಸಿನಿಮಾವಿದು. ಹಾಗಾಗಿ ತಕ್ಷಣವೇ ಒಪ್ಪಿಕೊಂಡೆ’ ಎಂದು ಕಣ್ಣರಳಿಸುತ್ತಾರೆ ಪ್ರಿಯಾಂಕಾ.

. ಕಿರುತೆರೆ ತವರು ಮನೆ ಇದ್ದಂತೆ, ಉತ್ತಮ ಅವಕಾಶ ದೊರಕಿದರೆ ಧಾರಾವಾಹಿಗಳಲ್ಲೂ ನಟಿಸುತ್ತೇನೆ ಎನ್ನುವ ಪ್ರಿಯಾಂಕಾ, ನಟನಾ ಕೌಶಲದ ಪ್ರದರ್ಶನಕ್ಕೆ ಬೇಲಿ ಹಾಕಿಕೊಂಡಿಲ್ಲ. ಎಂಬಿಎ ಪದವಿಧರೆಯಾಗಿರುವ ಅವರು, ಭಿನ್ನ ಪಾತ್ರಗಳಿಗೆ ಜೀವ ತುಂಬುವ ಹವಣಿಕೆಯಲ್ಲಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಿರುತೆರೆಯಿಂದ ಹಿರಿತೆರೆಗೆ ಪ್ರಿಯಾಂಕಾ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!

ಕೂಚ್‌ ಬಿಹಾರ್‌ ಟ್ರೋಫಿ: ದ್ವಿಶತಕ ಬಾರಿಸಿದ ಸೆಹ್ವಾಗ್‌ ಪುತ್ರ

ಪ್ರೊ ಕಬಡ್ಡಿ: 2ನೇ ಸ್ಥಾನಕ್ಕೇರಿದ ತೆಲುಗು ಟೈಟನ್ಸ್‌

ಸೇನ್‌ ಮುನ್ನಡೆ: ಸಿಂಧುಗೆ ನಿರಾಸೆ

ಕರಣ್‌ ಸಿಂಗ್‌ಗೆ ಚಾಪೆಲ್‌ ಸವಾಲು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!