<p><strong>ಬೆಂಗಳೂರು</strong>: ಪಿ. ಶೇಷಾದ್ರಿ ನಿರ್ದೇಶನದ ‘ಮೂಕಜ್ಜಿಯ ಕನಸುಗಳು’ ಚಿತ್ರ 11ನೇ ‘ಬೆಂಗಳೂರು ಅಂತರರಾಷ್ಟ್ರೀಯ ಸಿನಿಮೋತ್ಸವ’ದ ‘ಕನ್ನಡ ಸಿನಿಮಾ ಸ್ಪರ್ಧೆ’ ವಿಭಾಗದಲ್ಲಿ ಪ್ರಥಮ ಬಹುಮಾನಕ್ಕೆ ಆಯ್ಕೆಯಾಗಿದೆ.</p>.<p>‘ಕನ್ನಡ ಜನಪ್ರಿಯ ಸಿನಿಮಾ’ ವಿಭಾಗದಲ್ಲಿ ಪ್ರಶಾಂತ್ ನೀಲ್ ನಿರ್ದೇಶನದ, ಯಶ್ ಅಭಿನಯದ ‘ಕೆಜಿಎಫ್’ ಚಿತ್ರ ಮೊದಲ ಬಹುಮಾನಕ್ಕೆ ಆಯ್ಕೆಯಾಗಿದೆ. ಮಂಸೋರೆ ನಿರ್ದೇಶನದ, ಶ್ರುತಿ ಹರಿಹರನ್ ಅಭಿನಯದ ‘ನಾತಿಚರಾಮಿ’ ಚಿತ್ರವು ಕನ್ನಡ ಸಿನಿಮಾಕ್ಕೆ ನೀಡುವ ‘ನೆಟ್ಪ್ಯಾಕ್ ಅಂತರರಾಷ್ಟ್ರೀಯ ಜ್ಯೂರಿ ಪ್ರಶಸ್ತಿ’ಗೆ ಆಯ್ಕೆಯಾಯಿತು.</p>.<p>ವಿಧಾನಸೌಧದಲ್ಲಿ ಗುರುವಾರ ನಡೆದ ಸಿನಿಮೋತ್ಸವದ ಸಮಾರೋಪ ಸಮಾರಂಭದಲ್ಲಿ ಪ್ರಶಸ್ತಿ ಘೋಷಣೆ ಮತ್ತು ಪ್ರಶಸ್ತಿ ಪ್ರದಾನ ಮಾಡಲಾಯಿತು.</p>.<p>ಸಮಾರೋಪದಲ್ಲಿ ಮಾತನಾಡಿದ ಸಿನಿಮೋತ್ಸವದ ಕಲಾನಿರ್ದೇಶಕ ಎನ್. ವಿದ್ಯಾಶಂಕರ್, ‘ಸಿನಿಮಾ ಮಾಡಲು ಉತ್ಸಾಹ ಇರುವ ಯುವಕರಿಗೆ ಸಹಾಯ ಮಾಡುವ ನಿಟ್ಟಿನಲ್ಲಿ ಮುಂದಿನ ವರ್ಷಗಳಲ್ಲಿ ಸಿನಿಮೋತ್ಸವದಲ್ಲಿ ಬೌದ್ಧಿಕ ಹಾಗೂ ಅಕಾಡೆಮಿಕ್ ಚಟುವಟಿಕೆಗಳನ್ನು ಇನ್ನಷ್ಟು ಹೆಚ್ಚಿಸುವ ಉದ್ದೇಶವಿದೆ’ ಎಂದರು.</p>.<p>‘ಈಗ ನಾವು ಬೆಂಗಳೂರು ಸಿನಿಮೋತ್ಸವಕ್ಕೆ ಬರುವಂತೆ ಪ್ರತಿನಿಧಿಗಳಿಗೆ ಆಹ್ವಾನ ನೀಡಬೇಕಾಗಿಲ್ಲ. ಸಿನಿಮೋತ್ಸವದ ದಿನಾಂಕ ಘೋಷಣೆ ಆದ ತಕ್ಷಣ ಆಸಕ್ತರು ತಾವಾಗಿಯೇ ಹೆಸರು ನೋಂದಾಯಿಸಿಕೊಳ್ಳುತ್ತಾರೆ’ ಎಂದು ಬೆಂಗಳೂರು ಸಿನಿಮೋತ್ಸವ ಬೆಳೆದಿರುವ ಬಗ್ಗೆ ಹೇಳಿದರು.</p>.<p>‘ಸಿನಿಮಾ ವೀಕ್ಷಿಸಿದವರಿಗೆ ಆನಂದ ಸಿಗಬೇಕು. ಶಿಕ್ಷಣವೂ ಸಿಗಬೇಕು. ಅಂತಹ ಸಿನಿಮಾ ಮಾಡಬೇಕು’ ಎಂದು ರಾಜ್ಯಪಾಲ ವಜುಭಾಯಿ ವಾಲಾ ಸಲಹೆ ನೀಡಿದರು. ‘ಜನರನ್ನು ಚಾರಿತ್ರ್ಯವಂತರನ್ನಾಗಿ ಮಾಡಲು ಅಗತ್ಯವಿರುವಂತಹ ಸಿನಿಮಾಗಳನ್ನು ಮಾಡಬೇಕು’ ಎಂದೂ ಅವರು ಹೇಳಿದರು.</p>.<p><strong>ಪ್ರಶಸ್ತಿ: ಯಾವ ಸಿನಿಮಾಕ್ಕೆ?</strong></p>.<p><strong>ಕನ್ನಡ ಸಿನಿಮಾ ಸ್ಪರ್ಧೆ ವಿಭಾಗ:</strong> ಸಾವಿತ್ರಿಬಾಯಿ ಫುಲೆ (ದ್ವಿತೀಯ ಬಹುಮಾನ, ನಿರ್ದೇಶನ: ವಿಶಾಲ್ ರಾಜ್), ರಾಮನ ಸವಾರಿ (ತೃತೀಯ ಬಹುಮಾನ,<br />ನಿ: ಕೆ. ಶಿವರುದ್ರಯ್ಯ).</p>.<p><strong>ಕನ್ನಡ ಜನಪ್ರಿಯ ಸಿನಿಮಾ:</strong> ಸರ್ಕಾರಿ ಹಿ.ಪ್ರಾ. ಶಾಲೆ ಕಾಸರಗೋಡು (ದ್ವಿತೀಯ ಬಹುಮಾನ, ನಿ: ರಿಷಬ್ ಶೆಟ್ಟಿ), ಟಗರು (ತೃತೀಯ ಬಹುಮಾನ, ನಿ: ಸೂರಿ)</p>.<p><strong>ಭಾರತೀಯ ಸಿನಿಮಾ ವಿಭಾಗ:</strong> ಘೋಡೆಕೊ ಜಲೇಬಿ ಖಿಲಾನೆ ಲೇ ಜಾ ರಿಯಾ ಹ್ಞೂಂ (ಅತ್ಯುತ್ತಮ ಭಾರತೀಯ ಸಿನಿಮಾ ಬಹುಮಾನ, ನಿ: ಅನಾಮಿಕಾ ಹಸ್ಕರ್), ಆಮೃತ್ಯು (ತೀರ್ಪುಗಾರರ ವಿಶೇಷ ಪ್ರಶಸ್ತಿ, ನಿ: ಅರೂಪ್ ಮನ್ನಾ)</p>.<p><strong>ಏಷ್ಯಾ ಸಿನಿಮಾ ವಿಭಾಗ:</strong> ಶಿವರಂಜಿನಿಯುಂ ಇನ್ನುಂ ಸಿಲ ಪೆಂಗಳುಂ (ಏಷ್ಯಾದ ಅತ್ಯುತ್ತಮ ಸಿನಿಮಾ, ನಿ: ವಸಂತ್). ‘ಘೋಡೆಕೊ ಜಲೇಬಿ...’ ಚಿತ್ರ ಅಂತರರಾಷ್ಟ್ರೀಯ ಜ್ಯೂರಿ ಪ್ರಶಸ್ತಿಗೆ ಕೂಡ ಆಯ್ಕೆಯಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಪಿ. ಶೇಷಾದ್ರಿ ನಿರ್ದೇಶನದ ‘ಮೂಕಜ್ಜಿಯ ಕನಸುಗಳು’ ಚಿತ್ರ 11ನೇ ‘ಬೆಂಗಳೂರು ಅಂತರರಾಷ್ಟ್ರೀಯ ಸಿನಿಮೋತ್ಸವ’ದ ‘ಕನ್ನಡ ಸಿನಿಮಾ ಸ್ಪರ್ಧೆ’ ವಿಭಾಗದಲ್ಲಿ ಪ್ರಥಮ ಬಹುಮಾನಕ್ಕೆ ಆಯ್ಕೆಯಾಗಿದೆ.</p>.<p>‘ಕನ್ನಡ ಜನಪ್ರಿಯ ಸಿನಿಮಾ’ ವಿಭಾಗದಲ್ಲಿ ಪ್ರಶಾಂತ್ ನೀಲ್ ನಿರ್ದೇಶನದ, ಯಶ್ ಅಭಿನಯದ ‘ಕೆಜಿಎಫ್’ ಚಿತ್ರ ಮೊದಲ ಬಹುಮಾನಕ್ಕೆ ಆಯ್ಕೆಯಾಗಿದೆ. ಮಂಸೋರೆ ನಿರ್ದೇಶನದ, ಶ್ರುತಿ ಹರಿಹರನ್ ಅಭಿನಯದ ‘ನಾತಿಚರಾಮಿ’ ಚಿತ್ರವು ಕನ್ನಡ ಸಿನಿಮಾಕ್ಕೆ ನೀಡುವ ‘ನೆಟ್ಪ್ಯಾಕ್ ಅಂತರರಾಷ್ಟ್ರೀಯ ಜ್ಯೂರಿ ಪ್ರಶಸ್ತಿ’ಗೆ ಆಯ್ಕೆಯಾಯಿತು.</p>.<p>ವಿಧಾನಸೌಧದಲ್ಲಿ ಗುರುವಾರ ನಡೆದ ಸಿನಿಮೋತ್ಸವದ ಸಮಾರೋಪ ಸಮಾರಂಭದಲ್ಲಿ ಪ್ರಶಸ್ತಿ ಘೋಷಣೆ ಮತ್ತು ಪ್ರಶಸ್ತಿ ಪ್ರದಾನ ಮಾಡಲಾಯಿತು.</p>.<p>ಸಮಾರೋಪದಲ್ಲಿ ಮಾತನಾಡಿದ ಸಿನಿಮೋತ್ಸವದ ಕಲಾನಿರ್ದೇಶಕ ಎನ್. ವಿದ್ಯಾಶಂಕರ್, ‘ಸಿನಿಮಾ ಮಾಡಲು ಉತ್ಸಾಹ ಇರುವ ಯುವಕರಿಗೆ ಸಹಾಯ ಮಾಡುವ ನಿಟ್ಟಿನಲ್ಲಿ ಮುಂದಿನ ವರ್ಷಗಳಲ್ಲಿ ಸಿನಿಮೋತ್ಸವದಲ್ಲಿ ಬೌದ್ಧಿಕ ಹಾಗೂ ಅಕಾಡೆಮಿಕ್ ಚಟುವಟಿಕೆಗಳನ್ನು ಇನ್ನಷ್ಟು ಹೆಚ್ಚಿಸುವ ಉದ್ದೇಶವಿದೆ’ ಎಂದರು.</p>.<p>‘ಈಗ ನಾವು ಬೆಂಗಳೂರು ಸಿನಿಮೋತ್ಸವಕ್ಕೆ ಬರುವಂತೆ ಪ್ರತಿನಿಧಿಗಳಿಗೆ ಆಹ್ವಾನ ನೀಡಬೇಕಾಗಿಲ್ಲ. ಸಿನಿಮೋತ್ಸವದ ದಿನಾಂಕ ಘೋಷಣೆ ಆದ ತಕ್ಷಣ ಆಸಕ್ತರು ತಾವಾಗಿಯೇ ಹೆಸರು ನೋಂದಾಯಿಸಿಕೊಳ್ಳುತ್ತಾರೆ’ ಎಂದು ಬೆಂಗಳೂರು ಸಿನಿಮೋತ್ಸವ ಬೆಳೆದಿರುವ ಬಗ್ಗೆ ಹೇಳಿದರು.</p>.<p>‘ಸಿನಿಮಾ ವೀಕ್ಷಿಸಿದವರಿಗೆ ಆನಂದ ಸಿಗಬೇಕು. ಶಿಕ್ಷಣವೂ ಸಿಗಬೇಕು. ಅಂತಹ ಸಿನಿಮಾ ಮಾಡಬೇಕು’ ಎಂದು ರಾಜ್ಯಪಾಲ ವಜುಭಾಯಿ ವಾಲಾ ಸಲಹೆ ನೀಡಿದರು. ‘ಜನರನ್ನು ಚಾರಿತ್ರ್ಯವಂತರನ್ನಾಗಿ ಮಾಡಲು ಅಗತ್ಯವಿರುವಂತಹ ಸಿನಿಮಾಗಳನ್ನು ಮಾಡಬೇಕು’ ಎಂದೂ ಅವರು ಹೇಳಿದರು.</p>.<p><strong>ಪ್ರಶಸ್ತಿ: ಯಾವ ಸಿನಿಮಾಕ್ಕೆ?</strong></p>.<p><strong>ಕನ್ನಡ ಸಿನಿಮಾ ಸ್ಪರ್ಧೆ ವಿಭಾಗ:</strong> ಸಾವಿತ್ರಿಬಾಯಿ ಫುಲೆ (ದ್ವಿತೀಯ ಬಹುಮಾನ, ನಿರ್ದೇಶನ: ವಿಶಾಲ್ ರಾಜ್), ರಾಮನ ಸವಾರಿ (ತೃತೀಯ ಬಹುಮಾನ,<br />ನಿ: ಕೆ. ಶಿವರುದ್ರಯ್ಯ).</p>.<p><strong>ಕನ್ನಡ ಜನಪ್ರಿಯ ಸಿನಿಮಾ:</strong> ಸರ್ಕಾರಿ ಹಿ.ಪ್ರಾ. ಶಾಲೆ ಕಾಸರಗೋಡು (ದ್ವಿತೀಯ ಬಹುಮಾನ, ನಿ: ರಿಷಬ್ ಶೆಟ್ಟಿ), ಟಗರು (ತೃತೀಯ ಬಹುಮಾನ, ನಿ: ಸೂರಿ)</p>.<p><strong>ಭಾರತೀಯ ಸಿನಿಮಾ ವಿಭಾಗ:</strong> ಘೋಡೆಕೊ ಜಲೇಬಿ ಖಿಲಾನೆ ಲೇ ಜಾ ರಿಯಾ ಹ್ಞೂಂ (ಅತ್ಯುತ್ತಮ ಭಾರತೀಯ ಸಿನಿಮಾ ಬಹುಮಾನ, ನಿ: ಅನಾಮಿಕಾ ಹಸ್ಕರ್), ಆಮೃತ್ಯು (ತೀರ್ಪುಗಾರರ ವಿಶೇಷ ಪ್ರಶಸ್ತಿ, ನಿ: ಅರೂಪ್ ಮನ್ನಾ)</p>.<p><strong>ಏಷ್ಯಾ ಸಿನಿಮಾ ವಿಭಾಗ:</strong> ಶಿವರಂಜಿನಿಯುಂ ಇನ್ನುಂ ಸಿಲ ಪೆಂಗಳುಂ (ಏಷ್ಯಾದ ಅತ್ಯುತ್ತಮ ಸಿನಿಮಾ, ನಿ: ವಸಂತ್). ‘ಘೋಡೆಕೊ ಜಲೇಬಿ...’ ಚಿತ್ರ ಅಂತರರಾಷ್ಟ್ರೀಯ ಜ್ಯೂರಿ ಪ್ರಶಸ್ತಿಗೆ ಕೂಡ ಆಯ್ಕೆಯಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
